#🍲 ഭക്ഷണപ്രേമി

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *മാമ്പഴക്കറി* +-----+------+------+------+ ```മാമ്പഴക്കാലമെന്നാൽ പച്ചമാങ്ങയും പഴുത്ത മാങ്ങയും ചേർത്ത് വ്യത്യസ്ത രുചിഭേദങ്ങൾ സൃഷ്ടിക്കുന്ന കറികളുടെ മണമായിരിക്കും മിക്ക വീടുകളിലും. അതിൽ അധികം ആളുകളെയും കൊതിപ്പിക്കുന്നത് മാമ്പഴക്കറിയാണ്. സ്വൽപം എരിവും മധുരവും പുളിയും കൂടികലർന്ന ആ നാടൻ വിഭവം ചോറിനൊപ്പവും അല്ലെതെയും കഴിക്കാം. നന്നായി പഴുത്ത നാട്ടുമാങ്ങയാണ് ഇത് തയ്യാറാക്കാൻ ഉത്തമം. ചെറിയ പുളിയോടു കൂടിയ ഈ മാമ്പഴത്തിനൊപ്പം തേങ്ങയും ശർക്കരയുമാണ് ചേർക്കുന്നത്. മാമ്പഴക്കറി എങ്ങനെ തയ്യാറാക്കാം എന്ന് പരിചയപ്പെടാം.``` ______________________ *ചേരുവകൾ* ______________________ _മാങ്ങ- 10 എണ്ണം_ _ശർക്കര- 1 ടേബിൾ സ്പൂൺ_ _മഞ്ഞൾപ്പൊടി- 1/2 ടീസ്പൂൺ_ _തേങ്ങ ചിരകിയത്- 3 കപ്പ്_ _ഏലക്ക - ആവശ്യത്തിന്_ _നെയ്യ്- 3 ടീസ്പൂൺ_ _കറിവേപ്പില- ആവശ്യത്തിന്_ _വറ്റൽമുളക്- 3 എണ്ണം_ _കടുക്- 1 ടീസ്പൂൺ_ _വെളിച്ചെണ്ണ- ആവശ്യത്തിന്_ ____________________ *തയ്യാറാക്കുന്ന വിധം* _____________________ ```മാങ്ങ തൊലി കളഞ്ഞ് വൃത്തിയാക്കിയെടുക്കാം. കത്തികൊണ്ട് ചെറിയ വരകൾ അതിലിട്ട് മാറ്റി വക്കാം. മൂന്ന് കപ്പ് തേങ്ങയിലേക്ക് ശർക്കര പൊടിച്ചു ചേർക്കാം. ഒപ്പം ചെറിയ സ്പൂൺ ഏലക്ക് പൊടിച്ചതും ചേർക്കാം. ഇതിലേക്ക് കുറച്ച് വെള്ളം ഒഴിച്ച് അടുപ്പിൽ വക്കാം. ശർക്കര നന്നായി അലിഞ്ഞ് വെള്ളം വറ്റി തുടങ്ങുമ്പോൾ മാമ്പഴം അതിലേക്കു ചേർക്കാം. ഒപ്പം മൂന്ന് ടീസ്പൂൺ നെയ്യ് ഒഴിക്കാം. കറി കുറുകുമ്പോൾ അടുപ്പണക്കാം. ഒരു പാനിൽ വെളിച്ചെണ്ണ ഒഴിച്ചു ചൂടാക്കാം. അതിലേയ്ക്ക് കടുക് ചേർത്തു പൊട്ടിക്കാം. വറ്റൽമുളക് കറിവേപ്പില എന്നിവ ചേർത്തു വറുക്കാം. ഈ താളിപ്പ് കറിയിലേക്കു ചേർത്ത് ചൂടോടെ വിളമ്പി കഴിച്ചു നോക്കൂ.``` +-----+------+------+------+

#🍲 ഭക്ഷണപ്രേമി _*🌶️ ഇന്നത്തെ പാചകം 🍳*_ _*ഉരുളക്കിഴങ്ങ് 65*_ +------+------+------+------+ ```അടുക്കളയിലെ ചെറിയ താരമാണ് ഉരുളക്കിഴങ്ങ്. പാചകത്തിൽ സംഭവിക്കുന്ന അപാകതകൾക്കുള്ള ഒറ്റമൂലി പരിഹാരമാണ് ഉരുളക്കിഴങ്ങ്. കൂടി പോയ ഉപ്പ് കുറക്കാൻ, കറി കുറുകി വരുവാൻ, എരിവു കുറക്കാൻ​ അങ്ങനെ പാചക കാര്യത്തിൽ കേമൻ തന്നെയാണ്. ഒരു ഉരുളക്കിഴങ്ങുണ്ടെങ്കിൽ കറി തയ്യാറാക്കാനും എളുപ്പമാണ്. ഇത് വറുക്കുകയോ, വഴറ്റിയെടുക്കുകയോ ചെയ്താൽ ചോറിനും, മറ്റ് പലഹാരങ്ങൾക്കും മറ്റൊരു കറി വേണ്ട. ഉരുക്കിഴങ്ങ് കൊണ്ടുള്ള 65 കഴിച്ചിട്ടുണ്ടോ?. ചിക്കനും, കോളിഫ്ലവറും ഉപയോഗിച്ചുള്ള 65 ട്രൈ ചെയ്യാത്തവർ ചുരുക്കമേ കാണൂ. ഇതൽപ്പം വ്യത്യസ്തവും രുചികരവുമായ ഉരുളക്കിഴങ്ങ് റെസിപ്പിയാണ്. സ്ഥിരം 65 ചേരുവകളിൽ അൽപ്പം വ്യത്യാസം വരുത്തി മിനിറ്റുകൾക്കുള്ളിൽ കറി തയ്യാറാക്കാം.``` _____________________ *ചേരുവകൾ* ______________________ _ഉരുളക്കിഴങ്ങ് - 2 എണ്ണം_ _മുളകുപൊടി - 2 ടേബിൾ സ്പൂൺ_ _ഉപ്പ് - ആവശ്യത്തിന്_ _കുരുമുളകുപൊടി - അര ടീസ്പൂൺ_ _വറ്റൽമുളക് - 2 എണ്ണം_ _പച്ച മുളക് - 3 എണ്ണം_ _ഇഞ്ചി - രണ്ട് ടേബിൾസ്പൂൺ_ _വെളുത്തുള്ളി - രണ്ട് ടേബിൾസ്പൂൺ_ _കോൺഫ്ലോർ - രണ്ട് ടേബിൾസ്പൂൺ_ _മൈദ - രണ്ട് ടേബിൾസ്പൂൺ_ _തൈര് - 2 ടേബിൾസ്പൂൺ_ _കറിവേപ്പില - ആവശ്യത്തിന്_ _സവാള - 2 എണ്ണം_ _മല്ലിയില - കുറച്ച്_ _എണ്ണ - വറുക്കാൻ ആവശ്യമായത്_ ____________________ *തയ്യാറാക്കുന്ന വിധം* _______________________ ```രണ്ട് ഇടത്തരം വലിപ്പമുള്ള ഉരുളക്കിഴങ്ങ് ചെറുതായി അരിയുക, അല്ലെങ്കിൽ ഗ്രേറ്റ് ചെയ്തെടുക്കുക. അരിഞ്ഞു വെച്ചിരിക്കുന്ന ഉരുളക്കിഴങ്ങ് അൽപ്പ സമയം വെള്ളത്തിൽ കുതിർത്തു വെക്കുക. ശേഷം വെള്ളം കളഞ്ഞെടുക്കുക. ഇതിലേക്ക് എരിവനനുസരിച്ച് മുളകുപൊടി, ആവശ്യത്തിന് ഉപ്പ്, കുരുമുളകുപൊടി, വറ്റൽമുളക് ചതച്ചത്, രണ്ട് ടേബിൾസ്പൺ ഇഞ്ചിയും വെളുത്തുള്ളിയും അരച്ചത്, എന്നിവ ചേർത്തിളക്കുക. രണ്ട് ടേബിൾസ്പൂൺ കോൺഫ്ലോറും, രണ്ട് ടേബിൾസ്പൂൺ മൈദയം ചേർത്തിളക്കുക. അടി കട്ടിയുള്ള ഒരു പാത്രം അടുപ്പിൽ വെച്ച് ആവശ്യത്തിന് എണ്ണയൊഴിച്ചു ചൂടാക്കി മസാല പുരട്ടി വെച്ചിരിക്കുന്ന ഉരുളക്കിഴങ്ങ് അരിഞ്ഞത് അൽപ്പം വീതം ഉരുട്ടി എണ്ണയിൽ ചേർത്തു വറുത്തെടുക്കുക. മറ്റൊരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി വെളുത്തുള്ളി, ഇഞ്ചി, എന്നിവ ചെറുതായി അരിഞ്ഞതും, രണ്ട് വറ്റൽമുളകും, മൂന്ന് പച്ചമുളക് നീളത്തതിൽ അരിഞ്ഞതും, സവാള ചെറുതായി അരിഞ്ഞതും, അൽപ്പം കറിവേപ്പിലയും ചേർത്തു വഴറ്റുക. ഒരു ബൗളിൽ അൽപ്പം തൈരെടുത്ത് മുളകുപൊടി, മഞ്ഞൾപ്പൊടി, കുരുമുളകുപൊടി, ഉപ്പ്, അൽപ്പംകോൺഫ്ലോർ എന്നിവ ഇളക്കി പാനിൽ ചേർക്കുക. ചെറുതായി വറ്റി വരുമ്പോൾ വറുത്തു വെച്ചിരിക്കുന്ന ഉരുളക്കിഴങ്ങു കൂടി ചേർത്തിളക്കുക. അൽപ്പം മല്ലിയില ചേർത്ത് അടുപ്പിൽ നിന്നും മാറ്റാം.``` +-------+-----+------+------+

#😋 തനി നാടൻ രുചികൾ #😋 Homely Food Videos #cake #🍲 ഭക്ഷണപ്രേമി #👩‍🍳 പാചകലോകം

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *ചെറുപഴം അപ്പം* +------+------+------+------+ ``` കുട്ടികൾക്കു മാത്രമല്ല മുതിർന്നവർക്കും ഒരുപോലെ ഇഷ്ടപ്പെടുന്ന പലഹാരങ്ങൾ എപ്പോഴും കടയിൽ നിന്നു തന്നെ വാങ്ങേണ്ട. ചെറുപഴം കയ്യിലുണ്ടെങ്കിൽ അത്തരത്തിലുള്ളവ നമുക്ക് വീട്ടിൽ തന്നെ തയ്യാറാക്കാം. നന്നായി പഴുത്ത ചെറുപഴവും ശർക്കരപ്പാനിയും പോലെയുള്ള നാടൻ രുചിക്കൂട്ടുകൾ മതിയാകും ഇത് തയ്യാറാക്കാൻ.. വീട്ടിലുള്ള സാധാരണ അപ്പച്ചെമ്പിലോ ഇഡ്ഡലിപ്പാത്രത്തിലോ വെച്ച് ആവിയിലാണ് ഇത് വേവിച്ചെടുക്കുന്നത്. അതുകൊണ്ടുതന്നെ ഇത് ആരോഗ്യത്തിന് ഒട്ടും ദോഷം വരുത്തുകയുമില്ല. ``` _______________________ *ചേരുവകൾ* _______________________ _ചെറുപഴം- 5 എണ്ണം_ _തേങ്ങാപ്പാൽ- 1 കപ്പ്_ _അരിപ്പൊടി- 1 കപ്പ്_ _ശർക്കര- 1/2 കപ്പ്_ _വെള്ളം- 1/2 കപ്പ്_ _ഏലക്കപ്പൊടി- 1/2 ടീസ്പൂൺ_ _ഉപ്പ്- 1 നുള്ള്_ _______________________ *തയ്യാറാക്കുന്ന വിധം* _______________________ ```നന്നായി പഴുത്ത 5 ചെറുപഴം തൊലി കളഞ്ഞ് നന്നായി അരച്ചെടുക്കാം. ഒരു ബൗളിലേക്ക് ഒരു കപ്പ് അരിപ്പൊടിയെടുക്കാം. അര കപ്പ് ശർക്കരയിൽ അര കപ്പ് വെള്ളം ഒഴിച്ച് വറ്റിച്ച് തയ്യാറാക്കിയ ശർക്കര പാനി അതിലേക്ക് ഒഴിച്ച് നന്നായി ഇളക്കി യോജിപ്പിക്കാം. ഇതിലേക്ക് അര ടീസ്പൂൺ​ ഏലക്കപ്പൊടിയും ഒരു നുള്ള് ഉപ്പും ചേർത്തിളക്കി യോജിപ്പിക്കാം. ഒരു പരന്ന പ്ലേറ്റിലേക്ക് വാഴയില വച്ച് അൽപം നെയ്യ് പുരട്ടാം. തയ്യാറാക്കിയ മാവ് അതിലേക്ക് ഒഴിക്കാം. ശേഷം ആവിയിൽ വേവിച്ചെടുക്കാം. ഇത് ചൂടോടെ മുറിച്ച് കഴിച്ചു നോക്കൂ. ``` +------+------+------+------+

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *പാൽ പൊറോട്ട* +------+------+------+-------+ ```പൊറോട്ടയും ബീഫും മലയാളികളുടെ ദേശീയ ഭക്ഷണമാണെന്ന് പറയപ്പെടുന്നു. എന്നാൽ സ്ഥിരമായി അതു കഴിക്കുന്നത് ആരോഗ്യത്തിന് ഗുണം ചെയ്തേക്കില്ല. പക്ഷേ പൊറോട്ടയോടുള്ള പ്രിയം കുറയുന്നില്ല എന്നാണെങ്കിൽ ഹെൽത്തി ആയിട്ട് വീട്ടിൽ തന്നെ അത് തയ്യാറാക്കി നോക്കാം. സാധാരണ മൈദയും മുട്ടയും ചേർത്താണ് പൊറോട്ട മാവ് കുഴച്ചെടുക്കാറുള്ളത്. എന്നാൽ നമുക്കിന്നു ഗോതമ്പും പാലും ചേർത്ത് പൊറോട്ട തയ്യാറാക്കാം. ഇത് മൈദ പൊറോട്ട പോലെ ആരോഗ്യത്തിന് അത്ര ദോഷകരമല്ല. കടയിൽ നിന്നും വാങ്ങുന്നതിനേക്കാൽ സോഫ്റ്റായിട്ടുള്ള ഗോതമ്പ് പാൽ പൊറോട്ട ഇൻസ്റ്റൻ്റ് ആയിട്ട് വളരെ എളുപ്പത്തിൽ വീട്ടിൽ തന്നെ എങ്ങനെ ചുട്ടെടുക്കാം എന്ന് നോക്കാം... ``` ______________________ *ചേരുവകൾ* ______________________ _ഗോതമ്പ്- 2 കപ്പ്_ _പാൽ- 3/4 കപ്പ്_ _വെള്ളം- ആവശ്യത്തിന്_ _നെയ്യ്- ആവശ്യത്തിന്_ _____________________ *തയ്യാറാക്കുന്ന വിധം* ________________________ ```രണ്ട് കപ്പ് ഗോതമ്പ് പൊടിയിലേക്ക് മുക്കാൽ കപ്പ് ചൂട് പാൽ ഒഴിക്കാം. അൽപം വെള്ളം കൂടി ഒഴിച്ച് ഇളക്കി മാവ് കുഴക്കാം. കുഴച്ചെടുത്ത മാവ് ചെറിയ ഉരുളകളാക്കുക. അവ പരത്താം. ആദ്യം കുറച്ച് കട്ടിയിൽ പരത്തി ഉള്ളിൽ കുറച്ച നെയ്യ് ചേർത്ത് ത്രികോണാകൃതിയിൽ മടക്കി പരത്താം. ഒരു പാൻ അടുപ്പിൽ വച്ചു ചൂടാക്കി പൊറോട്ട ചുട്ടെടുക്കാം.``` +------+------+------+-------+

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *റാഗി ചപ്പാത്തി* +------+------+------+-----+ ```രാവിലത്തെ ഭക്ഷണമാണ് നിങ്ങളുടെ ഒരു ദിവസത്തെ ഊർജ്ജവും ഉന്മേഷവും തീരുമാനിക്കുന്നത്. പോഷകങ്ങൾ നിറഞ്ഞ ഭക്ഷണം ഈ സമയത്ത് കഴിക്കാൻ ശ്രദ്ധിക്കണം. മലയാളികൾക്ക് പൊതുവേ ഇഡ്ഡലി, ദോശ, അതും അല്ലെങ്കിൽ ചപ്പാത്തിയുമാണ് സ്ഥിരം പ്രഭാത ഭക്ഷണ പട്ടികയിൽ ഉള്ളത്. ഇവ തന്നെ വ്യത്യസ്ത രീതിയിൽ പാകം ചെയ്താൽ രുചിയും ഗുണവും ഏറും. ചപ്പാത്തിയിൽ തന്നെ പല പരീക്ഷണങ്ങൾ ആവാം. കുറച്ച് റാഗിപ്പൊടി ഉണ്ടെങ്കിൽ ഇനി ഹെൽത്തിയും സോഫ്റ്റുമായ ചപ്പാത്തി ചുട്ടെടുക്കാം. ``` _______________________ *ചേരുവകൾ* ____________________ _റാഗിപ്പൊടി - രണ്ട് കപ്പ്_ _ഗോതമ്പ്പൊടി - രണ്ട് കപ്പ്_ _ഉപ്പ് - ഒരു ടേബിൾസ്പൂൺ_ _നെയ്യ് - ചുടാൻ ആവശ്യം ആയത്_ _വെള്ളം - 2 കപ്പ്_ ______________________ *തയ്യാറാക്കുന്ന വിധം* ______________________ ```രണ്ട് കപ്പ് റാഗിപ്പൊടിയും, ഗോതമ്പ് പൊടിയും ഒരു ടേബിൾസ്പൂൺ ഉപ്പും ചേർത്ത് യോജിപ്പിക്കാം. ആവശ്യമെങ്കിൽ മാവ് തയ്യാറാക്കാൻ രണ്ട് കപ്പ് വെള്ളം ചേർക്കാവുന്നതാണ്. ഇതിൽ നിന്ന് ചെറിയ ഉരുളകളുണ്ടാക്കി ചപ്പാത്തി പരത്താം. ഒരു പാൻ അടുപ്പിൽ വച്ച് അൽപ്പം നെയ്യ് പുരട്ടി റാഗി ചപ്പാത്തി ചുട്ടെടുക്കാം.``` +----+------+------+-----+

#കാഞ്ചീപുരം ഇഡലി #😍 100+ കേരള രുചികൾ #😋 ഹോം ഫുഡ് റെസീപ്പികൾ #🍲 ഭക്ഷണപ്രേമി #😋 തനി നാടൻ രുചികൾ

#🍲 ഭക്ഷണപ്രേമി