#1️⃣महाराष्ट्र अपडेट्स "टीव्हीवरील आमदार आज प्रत्यक्ष भेटले..."; निरागस विद्यार्थ्यांच्या शब्दांनी जिंकली मनं आजचा दिवस एक वेगळीच आठवण देऊन गेला.नगरसेवक परशुराम मोरे,गोपाल पाथरूट,अतुल मोरे,चंदू कोळेकर,प्रणय वाघमारे,तेजस वनकुंद्री,सुदीप राजभजे,अण्णा मिटकरी,अनिल पाटील कार्यालयासमोर उभे होतो. त्याचवेळी आमदार गोपीचंद पडळकर साहेब तेथे आले. परिसरात उपस्थित असलेल्या शाळकरी विद्यार्थ्यांनी त्यांना पाहताच आनंदाने हाक मारली, "काका... काका...!" आमदार साहेबही थांबले, विद्यार्थ्यांकडे हसतमुखाने पाहिले आणि त्यांच्याशी आपुलकीने संवाद साधला. तेव्हा एका चिमुकल्याने अगदी निरागसपणे म्हटले, "काका, तुम्ही टीव्हीवर खूप दिसता... आज पहिल्यांदाच तुम्हाला प्रत्यक्षात पाहिलं!" त्या एका वाक्यात मुलांचा आनंद, कुतूहल आणि निरागस प्रेम दडलेलं होतं. मोठ्या पदावर असलेल्या व्यक्तीला टीव्हीवर पाहणारी ही मुले आज त्याच व्यक्तीसमोर उभी होती. त्यांच्या चेहऱ्यावरचा आनंद आणि आमदार साहेबांच्या चेहऱ्यावरचं स्मित या क्षणाला अधिक संस्मरणीय बनवत होतं. राजकारणापलीकडे जाऊन जनतेशी, विशेषतः लहान मुलांशी जुळणारा संवाद हीच लोकप्रतिनिधींची खरी ताकद असते. अशा छोट्या-छोट्या भेटी मुलांच्या मनात कायमस्वरूपी आठवणी निर्माण करतात. आजचा हा प्रसंग त्याचाच एक सुंदर अनुभव ठरला. पत्रकार :-गोपाल पाथरूट.. 🖊️🖋️