"பெத்தச்ச தேவுடு ஒச்சுன்னாரு!" (மகாபெரியவாங்கற தெய்வம் வந்திருக்கார்) (பாமர மக்களுக்காக கோயில் மணியை அடிக்கச் சொன்ன பரமாசார்யா) (பெரியாவாளின் யுக்தி) நன்றி- குமுதம் லைஃப் தட்டச்சு-வரகூரான் நாராயணன் மகாபெரியவா க்ஷேத்ராடனம் பண்ணிண்டு இருந்த காலகட்டம் அது. யாத்திரை ஆந்திரா பக்கமா நடந்துண்டு இருந்தது. அந்த மாதிரியான யாத்திரைகள் பண்ற சமயத்துல பெரியவாளோட சிஷ்யர்கள் கொஞ்சம் பேர்தான் போவா. அதோட உள்ளடங்கிய பகுதிகள் வழியா போவார். சில தலங்களுக்குப் போறச்சே, பெரியவா வந்திருக்கறதை பக்கத்து ஊர்க்காரா கூட தெரிஞ்சுக்க முடியாது.வழியில் கோயிலோ, குளமோ, மரத்தடியோ,பாழ் மண்டபமோ! 'இன்னிக்கு இங்கே தங்கிக்கலாம்!'னு ஆசார்யா எங்கே சொல்றாரோ அங்கேதான் ஜாகை. அந்த சமயத்துல ஒருநாள், ஒரு சின்ன கிராமம் வழியா போயிண்டு இருக்கறச்சே, அங்கே புராதனமான சிவன் கோயில் ஒண்ணு இருந்ததைப் பார்த்தார், பரமாசார்யா. சுவாமி தரிசனம் பண்ணலாம்னுட்டார். உள்ளே போன சமயத்துல உச்சிகால பூஜை நடந்துண்டு இருந்தது. அன்னிக்கு அங்கே இருந்த அர்ச்சகருக்கு என்ன அவசரமோ மகாபெரியவாளை அவசர அவசரமா வரவேற்றுட்டு , உச்சிகாலபூஜையை ஏதோ ஒரு வேகத்தோட பண்ணி முடிச்சார்.சுவாமி தரிசனம் முடிஞ்சதும் பெரியவா ப்ராஹாரத்தை சுத்தி வரத் தொடங்கினார். அங்கே இருந்த மண்டபத்தைப் பார்த்ததும்,"இங்கே கொஞ்ச நாழி தங்கி சிரம பரிகாரம் செஞ்சுக்கலாம்னு தோணறது" அப்படின்னு சொன்ன பரமாசார்யா, அந்த மண்டபத்தோட மூலைலை போய் சட்டுன்னு படுத்துண்டுட்டார். பரமாசார்யா பள்ளி கொண்டுட்டார்னா அப்புறம் சீடர்கள் என்ன செய்வா? அவாளும் அங்கேயே இன்னொரு பக்கமா உட்கார்ந்து ஓய்வெடுக்க ஆரம்பிச்சுட்டா. இந்த நேரத்துல அங்கே சுவாமி சன்னதியில் உச்சிக்கால பூஜையை முடிச்சிருந்த அர்ச்சகர், வந்திருந்த பக்தர்களுக்கெல்லாம் விபூதி குங்குமம்னு பிரசாதம் குடுத்து முடிச்சார். ஏற்கெனவே ஏதோ அவசரத்துல இருந்த அவர், மகாபெரியவா வந்திருந்ததையே மறந்துட்டாரா இல்ல ஆசார்யா புறப்பட்டுப் போயிருப்பார்னு தானாவே நினைச்சுண்டாரோ என்னவோ சன்னதியை சாத்திட்டு, கோயிலைப் பூட்டிண்டு கிளம்பிப் போய்ட்டார். பெரியவா கோயிலுக்குள்ளே வந்து சுவாமி தரிசனம் பண்ணினார் இல்லையா? அப்போ அங்கே இருந்தவாள்ல சிலர் பரமாசார்யா வந்திருக்கிற விஷயத்தை, "பெத்தச்ச தேவுடு ஒச்சுன்னாரு (மகாபெரியவாங்கற தெய்வம் வந்திருக்கார்) அப்படின்னு வெளீல போய்ச் சொன்னதுல விஷ்யம் வேகமா பரவிடுத்து. அக்கம் பக்கத்து கிராமங்கள்ல இருந்து நிறைய பேர்,பரமாசார்யாளை தரிசனம் பண்றதுக்காக கோயிலுக்கு வர ஆரம்பிச்சா. பதைபதைக்கற வெய்யில்ல நண்டு,சிண்டு குழந்தைகளை இடுப்புலயும்,தோள்லயும் தூக்கிண்டு அவா அவாளல முடிஞ்ச காணிக்கையையும் எடுத்துண்டு அவசர அவசரமா வந்தவா , கோயில் வாசலுக்கு வந்ததும் அப்படியே அதிர்ந்து போய் நின்னா, காரணம், கதவைச் சாத்திப் பூட்டி பெரிய பூட்டுதொங்கிண்டு இருந்தது. 'அடடா... பெத்தச்ச தேவுடை தரிசனம் பண்ண வந்தா, நாம வர்றதுக்குள்ளே அவர் புறப்பட்டுட்டாரே அதாவது பரவாயில்லை இந்தக் கொளுத்தற வெயில்ல அவர் எந்தப் பக்கம் போயிருப்பார்?' அப்படின்னு ஆளாளுக்கு வருத்தத்தோட சொல்லிண்டா.சிலர் ஏமாற்றத்தோட திரும்பி நடக்கவும் ஆரம்பிச்சுட்டா. அந்த சமயத்துலதான் நடந்தது ஒரு அதிசயம்! மோனத்தவத்துல இருக்கறாப்புல ஒருக்களிச்சுத் தூங்கிண்டு இருந்த ஆசார்யா சட்டுன்னு எழுந்தார். தனக்கே உரித்தான சிட்டிகைச் சொடுக்குல இன்னொரு மூலையில் தூங்கிண்டு இருந்த சிஷ்யர்களை எழுப்பினார். "ஏண்டா வெளீல ஜனங்கள் நிறையப்பேர் வந்திருக்கா போல இருக்கே.எல்லாரும் காத்துண்டிருக்காளா, என்ன?" எல்லாம் தெரிந்தவர்,எதுவுமே தெரியாதவர் மாதிரி சிஷ்யர்களிடம் கேட்டார். சிஷ்யர் அவசர அவசரமாக கதவு இடுக்கு வழியே பார்த்துட்டு "ஆமாம்,பெரியவா! ஆனா,கதவு வெளீல சாத்திப் பூட்டியிருக்கு " என்று சொன்னார். "அடடா அவாள்லாம் தரிசனம் பண்ண முடியாம ஏமாந்து திரும்பிடுவாளே..!" சொன்ன பரமாசார்யா,அந்த சீடனைப் பார்த்து அடுத்த கட்டளையைப் பிறப்பிச்சார். "சரி, நீ ஒண்ணு பண்ணு.சட்டுன்னு அந்தக் கல்லுமேல ஏறி அங்கே தொங்கற கண்டா மணியை பலமா அடி!" ஆசார்யா ஆணை பிறப்பிச்ச அடுத்த நிமிஷம் அந்த இடமே அதிர்ற மாதிரி மணி ஓசை எழும்பித்து!. திரும்பிப் போகத்தொடங்கியிருந்த அத்தனை பேரும் அப்படியே நின்னா. ஏதோ புரிஞ்சுண்டவாளா சந்தோஷமா கோயில் பக்கமா ஓடி வந்தா. இதுக்குள்ளே கோயிலுக்குப் பக்கத்துல இருந்த காவல்காரன் மணிச் சத்தம் கேட்டு ஓடி வந்தான். பூட்டின கோயிலுக்கு உள்ளேர்ந்து மணிச் சத்தம் வருதேன்னு திகைச்சு தன்கிட்டே இருந்த மாத்து சாவியால் கதவைத் திறந்தான் . அப்புறம் என்ன, பாமர ஜனங்கள் எல்லாரும் தங்களோட 'பெத்தச்ச தேவுடு'வான பரமாசார்யாளை ஆனந்தமா தரிசனம் பண்ணி ஆசிர்வாதம் வாங்கிண்டா. மணி அடிச்சு ஆராதனை பண்ண வேண்டிய தெய்வத்துக்கு சமமான மகாபெரியவா, கோயில் மணியை ஒலிக்கப் பண்ணி, தங்களை வரவழைச்சு தரிசனம் தந்ததை நெகிழ்ச்சியோட சொல்லிச் சொல்லி சந்தோஷப்பட்டா எல்லாரும். பரமாசார்யாளோட வந்தவா எல்லாரும் கோயிலுக்குள்ளே தான் இருந்தா.ஆனா, ஆசார்யாளுக்கு மட்டும் அவ்வளவு ஜனங்கள் தன்னை தரிசனம் பண்ண வந்திருக்கிறது எப்படித் தெரிஞ்சுது? திரும்பிப் போக நினைச்சவாளை கோயில் மணியை அடிச்சுக் கூப்பிடணும்னு எப்படித் தோணித்து? எல்லாம் அந்த பரமேஸ்வரனுக்குத்தான் வெளிச்சம்! #📸பக்தி படம் #🙏🏼ஓம் நமசிவாய #🙏நமசிவாய ஓம்✨ #🥰அன்புடன் காலை வணக்கம்🌞 #🤔 ஆன்மீக சிந்தனைகள்

#🤔 ஆன்மீக சிந்தனைகள்

#🤔 ஆன்மீக சிந்தனைகள்

#✨கடவுள் #📸பக்தி படம் #🖌பக்தி ஓவியம்🎨🙏 #🤔 ஆன்மீக சிந்தனைகள் #🙏ஆன்மீகம்

#🙏🙏🙏ஆன்மிக சிந்தனைகள் 🙏🙏🙏 #ஆன்மிக சிந்தனைகள் ஓம் நமசிவாய🙏🙏🙏🙏 ஆறுமுகம் அருளிடும் அனுதினமும் ஏறுமுகம் 🌹

#🤔 ஆன்மீக சிந்தனைகள்

#✨பிரதோஷம்🕉️ #🤔 ஆன்மீக சிந்தனைகள் #🙏ஆன்மீகம்

#🤔 ஆன்மீக சிந்தனைகள்

#🙏#🤔 ஆன்மீக சிந்தனைகள் #திருமுறை #பன்னிரு திருமுறை #சிவன் *"திருமுறை ஓதாய் திருமுறையே தாய்"* தினம் ஒரு திருமுறை அறிவோம் 🙏 *பன்னிரெண்டாம் திருமுறை* *பெரியபுராணம் அல்லது திருத்தொண்டர் புராணம் என்பது சேக்கிழார் பெருமான் அவர்களால் பெருங்காப்பிய இலக்கணங்கள் பலவும் கொண்டதாக இயற்றப்பெற்ற சைவ காப்பியமாகும். சுந்தரமூர்த்தி சுவாமிகளின் திருத்தொண்டத் தொகை எனும் நூலை முதல் நூலாகக் கொண்டும். சுந்தரமூர்த்தி சுவாமிகளைக் காப்பிய தலைவராகக் கொண்டும், அவர் போற்றிய சைவ அடியார்களின் வாழ்க்கை வரலாற்றினையும் இந்நூலில் சேக்கிழார் பெருமான் விவரிக்கிறார்.* *சுந்தரமூர்த்தி நாயனார் அருளிச் செய்த 11 பாடல்களைக் கொண்ட திருத்தொண்டத் தொகை, நம்பியாண்டார் நம்பி எழுதிய 90 பாடல்களைக் கொண்ட திருத்தொண்டர் திருவந்தாதி ஆகியவற்றை மூலநூல்களாகக் கொண்டும், இரண்டாம் குலோத்துங்க சோழனிடம் அமைச்சராக இருந்த சேக்கிழார் பெருமான் பல ஊர்களுக்கும் சென்று திரட்டிய தகவல்களைக் கொண்டும் பெரியபுராணம் எழுதப் பெற்றுள்ளது. இரண்டாம் குலோத்துங்க சோழனின் ஆணையின்படி தில்லைக்குச் சென்றவர், அங்கிருக்கும் இறைவனான நடராஜர் பெருமான் உலகெலாம் என்று அடியெடுத்துக் கொடுக்க சேக்கிழார் உலகெலாம் உணர்ந்து ஓதற்கு அரியவன் எனப் பெரியபுராணத்தினைத் தொடங்கினார்.* *பெரியபுராணம் முதல் காண்டம், இரண்டாம் காண்டமென இரு காண்டமாகவும், முதல் காண்டத்தில் ஐந்து சருக்கங்களையும், இரண்டாம் காண்டத்தில் எட்டுச் சருக்கங்களையும் உடையதாக அமைக்கப்பெற்றுள்ளது. சுந்தரமூர்த்தி சுவாமிகளின் திருத்தொண்டத் தொகையில் இடம்பெற்றுள்ள பாடல்களின் முதல் வரியே சருக்கங்களின் பெயர்களாக உள்ளது.* *காப்பிய தொகுப்பானது கயிலாயத்தில் தொடங்கப்பெற்றுச் சைவ அடியார்களின் வாழ்க்கையை விவரித்து, இறுதியாகக் கயிலாயத்தில் முடிகிறது.* *முதற் காண்டத்தில், திருமலைச் சருக்கம், தில்லை வாழ் அந்தணர் சருக்கம், இலை மலிந்த சருக்கம், மும்மையால் உலகாண்ட சருக்கம், திருநின்ற சருக்கம் என்ற ஐந்து சருக்கங்களும்,* *இரண்டாம் காண்டத்தில், வம்பறா வரிவண்டுச் சருக்கம், வார்கொண்ட வனமுலையாள் சருக்கம், பொய்யடிமையில்லாத புலவர் சருக்கம், கறைக்கண்டன் சருக்கம், கடல்சூழ்ந்த சருக்கம், பத்தராய்ப் பணிவார் சருக்கம், மன்னிய சீர்ச் சருக்கம், வெள்ளானைச் சருக்கம் என்னும் 8 சருக்கங்களும் அமைந்துள்ளன.* *இடைக்கால இலக்கியத்தில் மக்களின் வாழ்க்கை பற்றி வரலாற்றுப் போக்கில் அறிவதற்கு இந்நூல் உதவுகிறது. நான்காயிரத்து இருநூற்று எண்பத்து ஆறு (4286) செய்யுள்களைக் கொண்ட இப்புராணத்தில் ஆளுடையபிள்ளை எனப்படும் திருஞானசம்பந்தரின் வரலாறு மட்டும் 1256 செய்யுட்களால் விரிவாகக் கூறப்பட்டுள்ளதால் "பிள்ளை பாதி; புராணம் பாதி" என்கிற பழமொழி ஏற்பட்டது.* இறைவனின் திருநாமம் - சிற்சபை: ஆனந்தநடராஜ மூர்த்தி, மூலஸ்தானம்: ஸ்ரீ மூலநாதர் இறைவி - சிற்சபை: சிவகாமசுந்தரி, மூலஸ்தானம்: உமாபார்வதி அமைவிடம் : கோயில் (சிதம்பரம், தில்லை) சோழநாடு காவிரி வடகரைத் ஸ்தலம் பதிகம் பற்றிய சுருக்கமான விளக்கம் : *பன்னிரெண்டாம் திருமுறையில் இருந்து சேக்கிழார் பெருமான் அருளிய திருத்தொண்டர் புராணம் - முதற் காண்டம் - திருமலைச் சருக்கம் - திருக்கூட்டச் சிறப்பு* *சேக்கிழார் பெருமான் அருளிய பெரியபுராணத்தில், முதற்காண்டத்தில் அமைந்துள்ள திருமலைச் சருக்கத்தில் திருக்கூட்டச் சிறப்பு (பாடல் 136-146) இடம்பெற்றுள்ளது. இது சிவபெருமானின் அடியார்களாகிய திருத்தொண்டர்களின் பெருமையையும், அவர்களின் திருவடி சிறப்புகளையும் உலகிற்கு உணர்த்தும் மிகச் சிறந்த பகுதியாகும்.* பாடல் வரிகள் : *பன்னிரெண்டாம் திருமுறையில் இருந்து சேக்கிழார் பெருமான் அருளிய திருத்தொண்டர் புராணம் - முதற் காண்டம் - திருமலைச் சருக்கம் - திருக்கூட்டச் சிறப்பு* கலிவிருத்தம் பூதநாயகர் புற்று இடம் கொண்டவர் ஆதிதேவர் அமர்ந்த பூங் கோயிலிற் சோதிமாமணி நீள்சுடர் முன்றில் சூழ் மூதெயில் திரு வாயில் முன்னாயது. 1 பூவார் திசைமுகன் இந்திரன் பூமிசை மாவாழ் அகலத்து மால்முதல் வானவர் ஓவாது எவரும் நிறைந்துறைந் துள்ளது தேவா சிரியன் எனுந் திருக்காவணம். 2 அரந்தை தீர்க்கும் அடியவர் மேனிமேல் நிரந்த நீற்று ஒளியால்நிறை தூய்மையால் புரந்த அஞ்சு எழுத்துஓசை பொலிதலால் பரந்த ஆயிரம் பாற்கடல் போல்வது. 3 அகில காரணர்தாள் பணிவார்கள் தாம் அகில லோகமும் ஆளற்கு உரியர்என்று அகில லோகத்து உளார்கள் அடைதலின் அகில லோகமும் போல்வத தனிடை. 4 அத்தர் வேண்டிமுன் ஆண்டவர் அன்பினால் மெய்த் தழைந்து விதிர்ப்புறு சிந்தையார் கைத் திருத்தொண்டு செய்கடப் பாட்டினார் இத்தி றத்தவர் அன்றியும் எண்ணிலார். 5 மாசிலாத மணி திகழ் மேனிமேல் பூசுநீறு போல் உள்ளும் புனிதர்கள் தேசினால் எத்தி சையும் விளக்கினார் பேசஒண் ணாப் பெருமை பிறங்கினார். 6 பூதம் ஐந்தும் நிலையிற் கலங்கினும் மாதோர் பாகர் மலர்த்தாள் மறப்பிலார் ஓதுகாதல் உறைப்பின் நெறி நின்றார் கோதிலாத குணப் பெருங் குன்றனார். 7 கேடும் ஆக்கமும் கெட்ட திருவினார் ஓடும் செம்பொனும் ஒக்கவே நோக்குவார் கூடும் அன்பினில் கும்பிடலே அன்றி வீடும் வேண்டா விறலின் விளங்கினார். 8 ஆரம் கண்டிகை ஆடையும் கந்தையே பாரம் ஈசன்பணி அலதுஒன்று இலார் ஈர அன்பினர் யாதுங்குறைவு இலார் வீரம் என்னால் விளம்பும் தகையதோ. 9 வேண்டு மாறு விருப்புறும் வேடத்தர் தாண்டவப் பெருமான் தனித் தொண்டர்கள் நீண்ட தொல்புகழார் தம் நிலைமையை ஈண்டு வாழ்த்துகேன் என்னறிந்து ஏத்துகேன். 10 இந்த மாதவர் கூட்டத்தை எம்பிரான் அந்தம் இல்புகழ் ஆலால சுந்தரன் சுந்தரத் திருத்தொண்டத் தொகைத் தமிழ் வந்து பாடிய வண்ணம் உரைசெய்வாம். 11 திருச்சிற்றம்பலம் 🕉️🙏 ஓம் நமசிவாயம் 🕉️🙏 சிவாய நம ஓம் 🕉️🙏 நற்றுணையாவது நாதன் நாமம் நமச்சிவாயவே🕉️ 🙏🙏🙏🙏🙏🙏🙏🙏🙏🙏

ஆசிகள் அருளும் ஆஷாட நவராத்திரி.. [July 15 --july 23.] ஆஷாட நவராத்திரியை வாராஹி நவராத்திரி என்று கொண்டாடுவது வழக்கம். ஆனி மாத அமாவாசையை அடுத்த பிரதமை தினத்தில் தொடங்கி நவமி வரையிலான நாள்களே ஆஷாட நவராத்திரி. இதில் தேவியை வாராஹியாகக் கொண்டாடுவது வழக்கம் மகா வாராஹி இந்த ஆண்டு வாராஹி நவராத்திரி, ஜூலை 15 - ம் தேதி தொடங்கி ஜூலை 23 வரை கடைப்பிடிக்கப்படுகிறது. இந்த 10 நாள்களுமே அன்னை வாராஹியை வழிபடுவது சிறப்பு. 10 நாள்கள் வழிபட முடியாதவர்கள், முக்கியமான விசேஷ தினங்களான பஞ்சமி, அஷ்டமி, நவமி ஆகிய தினங்களில் வழிபடுவது நல்லது. பலன் தரும் பஞ்சமி[18.07.2026] சனிக்கிழமை குறிப்பாக பஞ்சமி வாராஹியை வழிபட மிகவும் உகந்த நாள். அன்னைக்கு பஞ்சமி என்கிற நாமமும் உண்டு. அதனால்தான் ஒவ்வொரு பஞ்சமிக்கும் விசேஷ வழிபாடுகள் செய்வது வழக்கம். அதிலும் ஆஷாட நவராத்திரி நாள்களில் வரும் பஞ்சமி மிகவும் சிறப்பானது. இந்த நாளில் அன்னை வாராஹியை வணங்கினாலே வாழ்க்கையில் மாற்றங்கள் நிகழும் என்பது நம்பிக்கை. அன்னை வாராஹி குறிப்பாக ஆஷாட நவராத்திரியை வாராஹி நவராத்திரி என்று கொண்டாடுவது வழக்கம். ஆனி மாத அமாவாசையை அடுத்த பிரதமை தினத்தில் தொடங்கி நவமி வரையிலான நாள்களே ஆஷாட நவராத்திரி. இதில் தேவியை வாராஹியாகக் கொண்டாடுவது வழக்கம். வாராஹி அம்மன் சப்த மாதர்களுள் ஒருவர். அன்னை லலிதா பரமேஸ்வரியின் சேனைகளின் தளபதியாகத் திகழ்பவள். இவளுக்கு தண்டினி என்கிற திருநாமமும் உண்டு. அவளைச் சரணடைந்தால் நம் துன்பங்களை எல்லாம் தண்டித்து விரட்டி சகல சௌகர்யங்களையும் அருள்பவள். தமிழகத்தின் நெற்களஞ்சியமான தஞ்சையின் பிரதானக் கோயிலான பிரகதீஸ்வரர் திருக்கோயில் எனப்படும் பெரிய கோயிலில் அன்னைக்குத் தனிசந்நிதி கண்டு வழிபட்டான் ராஜராஜன். எனவே தஞ்சைப் பெரிய கோயிலில் ஆஷாட நவராத்திரி மிகவும் சிறப்பாகக் கொண்டாடப்படுகிறது. தினமும் அன்னைக்கு நவதானியம், தேங்காய்ப்பூ, சந்தனம், குங்குமம், இனிப்புகள், காய்கறிகள் எனப் பல்வேறு பொருள்களால் அலங்காரம் செய்து வழிபடுவார்கள். 12 நாமங்கள் ஓம் ஐம் க்ளெளம் பஞ்சமியை நமஹ . ஓம் ஐம் க்ளெளம் தண்டநாதாயை நமஹ. ஓம் ஐம் க்ளெளம் சங்கேதாயை நமஹ. ஓம் ஐம் க்ளெளம் சமயேஸ்வரியை நமஹ. ஓம் ஐம் க்ளெளம் சமயசங்கேதாயை நமஹ. ஓம் ஐம் க்ளெளம் வாராஹியை நமஹ. ஓம் ஐம் க்ளெளம் போத்ரிணியை நமஹ. ஓம் ஐம் க்ளெளம் சிவாயை நமஹ. ஓம் ஐம் க்ளெளம் வார்த்தாளியை நமஹ. ஓம் ஐம் க்ளெளம் மஹாசேனாயை நமஹ. ஓம் ஐம் க்ளெளம் ஆக்ஞாசக்ரேஸ்வரியை நமஹ. ஓம் ஐம் க்ளெளம் அரிக்னியை நமஹ. வராஹி அம்மனின் சக்திவாய்ந்த காயத்ரி மந்திரம் இதோ: ஓம் ச்யாமளாயை வித்மஹே ஹல ஹஸ்தாயை தீமஹி தன்னோ வாராஹி ப்ரசோதயாத் நன்மைகள்: இந்த மந்திரத்தை தினமும் 108 முறை அல்லது செவ்வாய், வெள்ளி மற்றும் தேய்பிறை பஞ்சமி திதிகளில் உச்சரித்து வந்தால், மனதில் தைரியம் பிறக்கும், எடுத்த காரியங்களில் வெற்றி கிடைக்கும் மற்றும் வீடு, மனை யோகம் அமையும் என்பது ஐதீகம் #🥰அன்புடன் காலை வணக்கம்🌞 #🤔 ஆன்மீக சிந்தனைகள் #🙏அம்மன் துணை🔱 #✨கடவுள் #👉🏼இன்றைய ராசிபலன்✡️