തൂവലിന്റെ രഹസ്യം പാർട്ട്‌ -12 വൃദ്ധന്റെ വാക്കുകൾ കേട്ട് കാട്ടിലാകെ വീണ്ടും നിശ്ശബ്ദത പരന്നു. "മൂന്ന് പരീക്ഷണങ്ങൾ..." തേച്ചസ് പതുക്കെ ആവർത്തിച്ചു. അവന്റെ മുഖത്ത് വർഷങ്ങൾക്കുശേഷം വീണ്ടും ഭയം തെളിഞ്ഞു. ഇസബെല്ല അവന്റെ കൈയിൽ മുറുകെ പിടിച്ചു. "എന്ത് പരീക്ഷണമായാലും... നമുക്ക് ഒരുമിച്ച് നേരിടാം." തേച്ചസ് അവളെ നോക്കി. ആദ്യമായി അവന്റെ ഹൃദയത്തിൽ പ്രതീക്ഷ മാത്രം അല്ല, ധൈര്യവും നിറഞ്ഞു. വൃദ്ധൻ തന്റെ വടി നിലത്ത് മുട്ടിച്ചു. പെട്ടെന്ന് അവരുടെ മുന്നിൽ ഒരു പ്രകാശവഴി പ്രത്യക്ഷപ്പെട്ടു. "ഈ വഴി പിന്തുടരൂ." "നിങ്ങളുടെ ആദ്യ പരീക്ഷണം ഭയത്തിന്റെ താഴ് വരയിലാണ് "അവിടെ നിങ്ങളെ തടയുന്നത് ശത്രുക്കളല്ല..." "നിങ്ങളുടെ സ്വന്തം ഭയങ്ങളായിരിക്കും." ഇസബെല്ലയും തേച്ചസും ആ പ്രകാശവഴിയിലൂടെ നടന്നു. കുറച്ചുനേരം കഴിഞ്ഞപ്പോൾ അവർ ഒരു വലിയ താഴ്വരയുടെ അരികിലെത്തി. ചുറ്റും കനത്ത മൂടൽമഞ്ഞ്. ഒന്നും വ്യക്തമായി കാണാൻ കഴിയുന്നില്ല. പെട്ടെന്ന്... ഇസബെല്ല ആരോ കരയുന്ന ശബ്ദം കേട്ടു. "ഇസബെല്ല... എന്നെ രക്ഷിക്കൂ..." അത് അവളുടെ അമ്മയുടെ ശബ്ദമായിരുന്നു. "അമ്മേ!" അവൾ മുന്നോട്ട് ഓടാൻ ശ്രമിച്ചു. പക്ഷേ തേച്ചസ് അവളുടെ കൈ പിടിച്ചു. "ഇല്ല... അത് യാഥാർത്ഥ്യമല്ല." "പക്ഷേ... അത് അമ്മുവിന്റെ ശബ്ദമാണ്!" "ഈ താഴ് വരo നിന്റെ ഏറ്റവും വലിയ ഭയത്തെ നിനക്കു കാണിക്കും." ഇസബെല്ലയുടെ കണ്ണുകൾ നിറഞ്ഞു. അതേസമയം... തേച്ചസിന്റെ മുന്നിലും ഒരു ദൃശ്യം തെളിഞ്ഞു. ഒരു വലിയ ജനക്കൂട്ടം. എല്ലാവരും അവനെ നോക്കി വിളിച്ചുപറയുന്നു. "രാക്ഷസാ...!" "കൊലയാളി...!" "നീ ഞങ്ങളുടെ രാജാവല്ല!" തേച്ചസ് അറിയാതെ മുട്ടുകുത്തി. ആ പഴയ ഓർമ്മകൾ അവന്റെ ഹൃദയം വീണ്ടും കീറിമുറിച്ചു. ഇസബെല്ല അവനെ നോക്കി. "തേച്ചസ്... എന്നെ നോക്ക്." അവൻ പതുക്കെ തല ഉയർത്തി. "നീ ഒരു രാക്ഷസനല്ല." "ഞാൻ കണ്ടത് നിന്റെ ഹൃദയമാണ്." ആ വാക്കുകൾ കേട്ട നിമിഷം... ചുറ്റുമുണ്ടായിരുന്ന മൂടൽമഞ്ഞ് പതിയെ അപ്രത്യക്ഷമായി. താഴ് വാര മുഴുവൻ സ്വർണനിറത്തിൽ തിളങ്ങി. ആകാശത്ത് ഒരു ശബ്ദം മുഴങ്ങി. "ആദ്യ പരീക്ഷണം വിജയിച്ചു." അവരുടെ മുന്നിൽ ഒരു ചെറിയ സ്വർണത്താക്കോൽ പ്രത്യക്ഷപ്പെട്ടു. വൃദ്ധന്റെ ശബ്ദം വീണ്ടും കേട്ടു. "ഇത് ആദ്യ വിശ്വാസത്തിന്റെ താക്കോലാണ്." "ഇനി രണ്ട് പരീക്ഷണങ്ങൾ കൂടി ബാക്കിയുണ്ട്." തേച്ചസ് ആ താക്കോൽ കൈയിലെടുത്തു. ഇസബെല്ലയെ നോക്കി അവൻ മൃദുവായി പറഞ്ഞു. "ഇന്ന് നീ ഇല്ലായിരുന്നെങ്കിൽ... ഞാൻ തോറ്റുപോയേനെ." ഇസബെല്ല ചെറുതായി പുഞ്ചിരിച്ചു. "ഇനി ഒരിക്കലും നീ ഒറ്റയ്ക്കല്ല." അവർ രണ്ടുപേരും മുന്നോട്ട് നടക്കാൻ തുടങ്ങി. എന്നാൽ... ദൂരെയുള്ള മരക്കൊമ്പിൽ ഇരുന്നിരുന്ന ഒരു കറുത്ത കാക്കയുടെ കണ്ണുകൾ ചുവന്നുതിളങ്ങി. അത് മന്ത്രവാദിനിയുടെ ചാരനായിരുന്നു. "ആദ്യ പരീക്ഷണവും അവർ ജയിച്ചു..." അത് കർക്കശമായി കരഞ്ഞുകൊണ്ട് ഇരുണ്ട ആകാശത്തിലേക്ക് പറന്നുയർന്നു. തുടരും... 🪶✨ #❤ സ്നേഹം മാത്രം 🤗 #story #📙 നോവൽ #￰കല.... #💞 നിനക്കായ് Lachu✍️