ఎందరో మహానుభావులు... అందరికీ వందనాలు. నేను గుడ్లదొన సాయి చంద్రశేఖర్, హైదరాబాద్ శ్రీ చైతన్య విద్యాసంస్థలలో, గత 16 ఏళ్లుగా జంతుశాస్త్ర అధ్యాపకునిగా పనిచేస్తున్నాను. మా స్వస్థలం నెల్లూరు పట్టణం. అక్కడే నా విద్యాభ్యాసం, కొన్ని కాలేజీలలో అధ్యాపకునిగా పనిచేయడం జరిగింది. నేను కవితా వ్యాసంగం నా పదవ తరగతిలో ప్రారంభించినా, తరువాత ఇంటర్ కాలేజ్ మేగజైన్ లలో నా కవితలు అచ్చయినాయి. ఆ రోజులలో దాదాపు అన్ని వార పత్రికలలో కవితలు అచ్చుకావడం జరిగింది. వృత్తి రీత్యా బాధ్యతల వలన కవితలను పుస్తక రూపంలోకి తీసుకురావడం ఇప్పటికయ్యింది. నేను రాసిన ఈ నిశ్శబ్ద మాధుర్యం కవితా సంపుటి వెనుక ఎన్నో సంవత్సరాల నా పరిశీలనలు ఉన్నాయి. వాటిని కవితాత్మకంగా చెప్పడానికి నా శాయశక్తులా ప్రయత్నించాను. ఈ కవితలలో ముఖ్యంగా మనుషుల మనోభావాలు, వారి భావ ప్రకటనలు, ఎలా ప్రవర్తిస్తే బాగుంటుంది అన్న అంశాలు మీకు కనిపిస్తాయి. ప్రతి భావాన్ని నా ఆలోచనని రంగరించి చెప్పే ప్రయత్నం చేశాను. నా కవితా ప్రయాణంలో ఒక మంచి మలుపు శ్రీ గణపతి గారితో వాగ్దేవి సాహితీ వేదిక గ్రూప్ తో జరిగిన గొప్ప పరిచయం. వారు వివిధ కవిత్వ ప్రక్రియలపై ఎంతో మంది నిష్ణాతులతో వర్క్ షాప్ నిర్వహించి చక్కని సలహాలు అందజేయడమే కాక, పోటీలు నిర్వహించి కొన్ని మంచి పుస్తకాలను అందజేసే గురుతర బాధ్యతను నిర్వహించడం చాలా ఆనందం కలిగించింది. నేను కొన్ని ప్రక్రియలలో పాల్గొని విజేతల జాబితాలో నిలిచి కొన్ని మంచి పుస్తకాలు అందుకుని నా పుస్తక సామ్రాజ్యంలో దాచుకున్నాను. వారికి నేను సదా కృతజ్ఞుడిని. ఈ నిశ్శబ్ద మాధుర్యం వారికి పంపడంతోనే చదివి, తన సమీక్షను, ఫేస్ బుక్ లో తన వాల్ పై కూడా ప్రకటించి నాకు ఎంతో ఉత్సాహాన్ని కలిగించారు. నాకు పోటీలో ఒక పుస్తకమో, లేక కొంత విత్తమో ఇచ్చినప్పుడు చాలా ఉత్సాహంతో ఎంతో ఆవేశంతో నా కలం కదిలి మంచికవితలు జాలువార్చేది. ఆ క్రమంలో నా ఈ నిశ్శబ్ద మాధుర్యం కవితా సంపుటిని కూడా మన వాగ్దేవి సాహితీ వేదిక సంస్థ పోటీలలో మంచి కవిత్వం రాసినవారికి పంచే అవకాశం శ్రీ గణపతి గారు నాకు ఇచ్చినందుకు వారికీ మనఃపూర్వక ధన్యవాదాలు. మంచి కవిత్వం రాసి పోటీలో పాల్గొనే మీరు ఎన్నో పుస్తకాలను రచించి, ఎంతోమందిని చైతన్యవంతులను చేస్తారని ఆశిస్తూ... నమస్సులు 🙏🏻 *గుడ్లదొన సాయి చంద్రశేఖర్* *హైదరాబాద్* కవితలు పోటీలో ఆసక్తి గలవారు క్రింది ఇచ్చిన లింకు ద్వారా గ్రూపులో జాయిన్ కావచ్చు. వాగ్దేవి సాహితీ వేదిక గ్రూప్ లింక్స్ :- వాగ్దేవి సాహితీ వేదిక గ్రూప్ 2 :- https://chat.whatsapp.com/Dl399UdLCCsEenLuzTwzFP?mode=gi_t #😇My Status వాగ్దేవి సాహితీ వేదిక గ్రూప్ 3 :- https://chat.whatsapp.com/CvOCYwlF2Y27Cwigd7ARXM?mode=gi_t

శీర్షిక : బుజ్జమ్మ ఆటలే ఆడుతుందా పాటలే పాడుతుందా బోసి నవ్వుల బుజ్జి పాపాయి, నీ ఇంటి సంబరాలు అంబరాన్ని తాకేలా. ప్రాక్కుతూ పరిగెడుతుందా అమ్మా చెంగు పట్టుకుని చెంగు చెంగున దూకుతుందా, ముచ్చట్లు వైభోగం నీ వెంట తిరుగుతూ. అమ్మతనం తీయదనం సంక ఎక్కి లోకాన్ని చూస్తూ గుండె నిండా పోసిందా, నీలోని సంతోషం ఆనంద తీరాలను తాకుతూ ఉంటుంటే ప్రతిరోజు పండుగే నీ ఇంట్లో అ సందడితో. ముంగిట్లో వైభోగాన్ని కనులారా చూసాక కంట్లోని కలను కూడా నాకొద్దు పొమ్మంది, ఏనాటి పుణ్య ఫలమో ఈనాడు నీ ఇంటికి వచ్చింది. స్వర్గాన్ని తెచ్చింది ఒడిలోకి వచ్చేసి కష్టాన్ని కను మాయ చేసి, పట్టరాని ఆనందాన్ని ముంగిట్లో గుమ్మరిస్తే గుండె ఏమో దాచేస్తుంది, ఇది ఏమి చిత్రమో మునిపెన్నాడు చూడలేదు. మువ్వల సవ్వడి నవ్వుల కేరింతలు నట్టింట్లో నాట్యమాడుతుంటే నరలోక వైభోగం నా సొంతమయ్యిందని పొంగిపోతుంది, తనలోని దాగిన ఆనందం తనముందు తిరుగుతుంటే అమ్మా మనసు అమృతమై. ___________ మల్లిన గణపతి #✍️కవితలు

మౌనం దాల్చిన ముని మదిలో పురివిప్పిన భావాలను తెరుచుకున్న పుస్తకంలో పేజీలు నిండా జల్లేసాడు. కొలబద్ద కొలవలేదు అంతం లేని అ అభిమానాన్ని, ఆశ్చర్యం చెప్పలేదు తనలో దాగిన సాహిత్య తృష్ణను. తన కలం రచించిన నగీషీలు అవసరం లేని అద్భుతమైన కవిత కళాఖండాలను వాగ్దేవి సాహితీ వేదికకు అందివ్వాలని శ్రీ చంద్రశేఖర్ గారు నిర్ణయించడం చాల ఆనందదాయకం. శ్రీ గుడ్లదొన సాయి చంద్రశేఖర్ గారి సాహిత్య సేవకు వాగ్దేవి సాహితీ వేదిక హృదయ పూర్వక ధన్యవాదములు తెలియజేస్తుంది...🙏🙏🙏🙏🙏 - టీమ్ వాగ్దేవి సాహితీ వేదిక #😇My Status