శీర్షిక : గండము చేతికే కట్టావు నమ్మకం తాడు ఒకటి, గుండెలో కట్టావు గుబులతో గూడు ఒకటి. వద్దంటే వచ్చింది కష్టమంటి చుట్టం ఒకటి, పొమ్మంటే పోనంది కర్మ బంధం తెగేవరకు. పూజలెన్నో చేశావు ఫలితం ఇవ్వకుండా మరుజన్మకు పోయింది ఈ జన్మలో కుదరదంటూ. పాపం వెంటపడి తరుముతుంటే కరుణించే కామాక్షి కంటపడలేదు. ఎదురు దెబ్బ తగిలింది ఎదురు చూసిన చూపులకు, కనికరం లేని కాలమని తెలిసి వచ్చేటప్పటికి. తలరాతలో నిర్ధాక్షిణ్యం తెలియకుండా దాగిందని దైవాన్ని నమ్మినోడికి తెలిసేది ఎప్పటికో. ____________ మల్లిన గణపతి #✍️కవితలు

శీర్షిక : కావ్యుడు అదో గుబాలింపు అస్వష్టమైన ఆలోచన స్పష్టమైన రూపం దాల్చింది దానిని కలం లిఖించింది కవిత్వమై కలకాలం కనులు ముందు నిలిచిపోయింది. వర్తమానంలో భూత కాలాన్ని దర్శించి మాట పలకని మనసును అక్షరముతో కనుల ముందుకు తీసుకుని వచ్చింది, అదొక పురాణ కావ్యం ప్రజల ఆదరణతో అనంతమై వర్ధిల్లుతుంది పురాణంగా. రేపటి ఆశ నేటి బతుకుకు ఊపిరి ఇస్తుంది ఒక స్వరం దాని తలరాతను నిర్దిష్టముగా చెప్పేసింది అదే మహిమాన్వితమైన కాలజ్ఞానం ప్రజలకు ప్రామాణిక గ్రంథముగా నిలిచిపోయింది. రాలిన ఆకులు చప్పుడును గుండె పగిలిన క్షణాలను శోకం పాడిన విషాద రాగంలో భావాన్ని అంతర్గతం చేసి కవిత్వం భద్రపరిచింది. ఆనందం ఉరిమింది దొరకనేదేదో దొరకగానే మనసు ఉప్పొంగింది మాటలు వర్ణించలేకపోయాయి క్షయం కానీ అక్షరాలు పేజీలను నింపేసి ఆ క్షణాలను తనలో దాచుకున్నాయి అదొక జ్ఞాపకాల వైభోగం. అతడు ఒక మహర్షి విజ్ఞానంతో నిండిన జ్ఞాని సమాజానికి మార్గదర్శకుడు రాగద్వేష అతీతుడు స్వార్థం తెలియని నిస్వార్ధ జీవి ప్రశాంతమైన తన మదిలో ఎన్నో కళలు ఉద్భవించాయి మానవ నాగరికతను ఉన్నత స్థితికి తీసుకుని వెళ్లాయి. ____________ మల్లిన గణపతి #✍️కవితలు

వాగ్దేవి సాహితీ వేదిక సభ్యురాలు శ్రీమతి రాజశేఖరుని శ్రీ శివలక్ష్మి గారు రచించిన గజల్ పుస్తకాలు ఆవిష్కరణ సభ ఈనెల 17 వ తేదీన సాయంత్రం ఐదు గంటలకు సెంచరీ ఐ ప్రొఫైల్ స్కూలులో ఖమ్మం నందు జరుగును, ఇదే ఆత్మీయ ఆహ్వానంగా భావించి వాగ్దేవి సాహితీ వేదిక సభ్యులందరు తప్పనిసరిగా వచ్చి తన సాహిత్యాన్ని ఆశీర్వదిస్తారని శ్రీమతి రాజశేఖరుని శ్రీ శివలక్ష్మి గారు కోరుకుంటున్నారు. వాగ్దేవి సాహితీ వేదిక తోర్రేడు, రాజమహేంద్రవరం. #😇My Status

పిల్లలతో మమేకమై పాఠాలు నేర్పిన అనుభవం పాఠాలు చెప్పింది, శ్రద్ధగా విన్న ఆ పాఠం నేడు నవలగా సాక్షి దినపత్రికలో ప్రతిరోజు ముద్రితమై మీ ముందుకు వస్తుంది బన్నీ బస్సు ఎక్కాడు అనే శీర్షికతో... కోట లక్ష్మణ్ గారు అద్భుతమైన రచన మన వాగ్దేవి సాహితీ వేదిక సభ్యులందరి దీవెనలతో పిల్లల మనసును రంజింప చేస్తుందని ఆశిస్తున్నాను. వాగ్దేవి సాహితీ వేదిక అధ్యక్షుడు మల్లిన వీర వెంకట గణపతి తోర్రేడు, రాజమహేంద్రవరం. #😇My Status