#🙆‍♂️क्रिकेट स्टेडीयममध्ये भिषण स्फोट😱 पाकिस्तानमध्ये क्रिकेट मॅच सुरू असताना भीषण स्फोट झाल्याची धक्कादायक घटना समोर आली आहे. पाकिस्तानच्या वायव्य खैबर पख्तूनख्वा प्रांतात शनिवारी ही घटना घडली. क्रिकेट मॅच सुरू असताना मोठा स्फोट झाला. या घटनेत एकाचा मृत्यू झाला. तर लहान मुलांसह अनेक जण जखमी झाले. या स्फोटामुळे संपूर्ण स्टेडिअम हादरले. स्फोटानंतर एकच गोंधळ उडाला आणि सर्वजण सैरावैरा पळू लागले.

#🔴मुंबईत बॉम्बस्फोटाची धमकी😱 l अनंत चतुर्दशीच्या पूर्वसंध्येला मुंबई पोलिसांना बॉम्बस्फोटाची धमकी मिळाली असून मुंबईत सुरक्षा व्यवस्था चोख करण्यात आली आहे. मुंबई वाहतूक पोलिसांच्या अधिकृत व्हॉट्सअॅप क्रमांकावर, "मुंबई शहरात १४ पाकिस्तानी दहशतवादी घुसले आहेत. शहरात ३४ वाहनांमध्ये मानवी बॉम्ब बसवले असून या बॉम्बस्फोटांनंतर संपूर्ण मुंबई हादरेल", असा संदेश पाठवण्यात आला आहे. उद्याच्या (दि.६) अनंत चतुर्दशीच्या पार्श्वभूमीवर बॉम्बस्फोटाची धमकी मिळाल्याने पोलीस प्रशासन सतर्क झाले आहे.

#😱शिल्पा शेट्टी-राज कुंद्राच्या अडचणीत वाढ🔴 बॉलिवूड अभिनेत्री शिल्पा शेट्टी आणि उद्योगपती नवरा राज कुंद्रा विरोधात फसवणुकीचा गुन्हा दाखल झाला होता. प्रसिद्ध उद्योगपती दिपक कोठारी यांनी मुंबई पोलिसांकडे ही तक्रार दाखल केली होती. तक्रारीमध्ये शिल्पा शेट्टी आणि तिच्या पतीवर 60 कोटी रुपयांच्या फसवणुकीचा आरोप करण्यात आला होता. या प्रकरणी शिल्पाच्या अडचणीत वाढ झाली आहे. राज कुंद्रा आणि शिल्पा विरोधात मुंबई पोलिसांच्या आर्थिक गुन्हे शाखेने मोठी कारवाई केली आहे.

#😭पंजाबमध्ये पुरामुळे हाहाकार⛈️ पंजाब सध्या मुसळधार पाऊस आणि पूर यांच्या विळख्यात सापडला आहे. राज्य सरकारने संपूर्ण राज्य आपत्तीग्रस्त घोषित केले आहे. मुसळधार पावसामुळे २३ जिल्ह्यांमधील १ सहस्र ४०० गावे पुराचा सामना करत आहेत. आतापर्यंत ३० जणांचा मृत्यू झाल्याची पुष्टी झाली आहे, तर ३ जण बेपत्ता आहेत. पठाणकोटमध्ये सर्वाधिक ६ जणांचा, तर लुधियानामध्ये ४ जणांचा मृत्यू झाला आहे. अमृतसर, बर्नाला, मानसा, रूपनगर आणि होशियारपूर येथे प्रत्येकी ३ जणांचा मृत्यू झाला आहे. बठिंडा, गुरुदासपूर, पटियाला, मोहाली आणि संगरूर जिल्ह्यांत प्रत्येकी एका व्यक्तीचा मृत्यू झाला आहे.

#😱भीषण अपघात: मृतदेह पत्रा कापून बाहेर काढले मध्यरात्री एकच्या सुमारास तब्बल 100 च्या स्पीडने चाललेली आलिशान कार ट्रकमध्ये मागील बाजून घुसल्याने कारमधील 5 व्यावसायिकांचा जागीच मृत्यू झाला. अपघात इतका भीषण होता की, गॅस कटरने कार कापून मृतदेह बाहेर काढण्यात आले. या अपघातात कार तब्बल 25 मीटर ट्रकमागून फरफटत गेली. हा अपघात पाटणामधील परसा बाजार पोलिस ठाण्याच्या महोली उड्डाणपुलाखाली झाला. हा अपघात इतका भीषण होता की कार ट्रकमध्ये घुसली. ट्रक चालकाला त्याची माहितीही नव्हती. त्याने कार 25 मीटरपर्यंत फरफटत नेली.

#🔴भयंकर! 6 वर्षाच्या मुलीवर अत्याचार😡 बीडमधील परळी रेल्वे स्टेशनवर धक्कादायक प्रकार समोर आला आहे. एका सहा वर्षांच्या चिमुकलीवर लैंगिक अत्याचार करण्यात आला. याप्रकरणात बीडच्या स्थानिक गुन्हे शाखेच्या पथकाने आणि परळीच्या संभाजीनगर पोलिसांनी नराधमाला काही तासांमध्येत अटक केली आहे. पण या घटनेच्या निषेधार्थ आज सर्वपक्षीय संघटना आणि नागरिकांकडूनच परळी बंदची हाक देण्यात आलीय. 31 ऑगस्ट रोजी आई-वडिलांसोबत आलेल्या सहा वर्षाच्या मुलीवर नराधमाकडून अत्याचार करण्यात आला होता. यानंतर पोलिसांनी तपासाचे चक्र फिरवत त्याला आठ तासातच अटक केली. (B

#🥳अखेर जरांगे पाटलांचा विजय!💐 मागणी क्रमांक 1. हैदराबाद गॅझेटियरची तात्काळ अंमलबजावणी करावी सरकारचा प्रस्ताव- हैदराबाद गॅझेटियरच्या अनुषंगाने प्रस्तावित शासन निर्णयास मंत्रिमंडळ उपसमिती मान्यता देत आहे. या शासननिर्णयानुसार मराठा जातीतील व्यक्तींना गावातील, कुळातील, नातेवाईकांतील व्यक्तींना कुणबी जातीचे प्रमाणपत्र मिळाले असल्यास त्याआधारे स्थानिक चौकशी करून कुणबी जातीचे प्रमाणपत्र देण्याबाबत कार्यवाही प्रस्तावित आहे.

#😭भीषण भूकंपात 800 जणांचा मृत्यू🔴 अफगाणिस्तानातील भूकंपात 800 हून अधिक लोकांचा मृत्यू झाला आहे, तर हजारो लोक जखमी झाले आहेत. मृतांचा आकडा आणखी वाढण्याची भीती व्यक्त केली जातेय. या कठीण काळात भारतानं अफगाणिस्तासाठी मदतीचा पुढे केला आहे. अफगाणिस्तानला पाठवल्या जाणाऱ्या मदतीबाबत, भारतीय परराष्ट्र मंत्रालयाचे प्रवक्ते रणधीर जयस्वाल म्हणाले की, भारतानं अफगाणिस्तानसाठी मानवतावादी मदत वाढवली आहे. 1 सप्टेंबरला, परराष्ट्र मंत्री एस जयशंकर यांनी सांगितलं होतं की, त्यांनी अफगाणिस्तानच्या परराष्ट्र मंत्र्यांशी चर्चा केली आहे. जयशंकर यांनी एक्स वर लिहिलंय की, "आज अफगाणिस्तानचे परराष्ट्र मंत्री मौलवी अमीर खान मुत्ताकी यांच्याशी चर्चा केली. भूकंपात झालेल्या जीवितहानीबद्दल दु:ख व्यक्त केला."

#😥CSMT कडे जाणारे सर्व रस्ते बंद🔴 तसेच मराठा आरक्षणाच्या मागणीसाठी मनोज जरांगे पाटील यांचे आमरण उपोषण आता सरकारसाठी डोकेदुखी बनले आहे. आझाद मैदानावर सुरू असलेल्या या आंदोलनामुळे मुंबई आणि एमएमआर प्रदेशातील वाहतूक ठप्प झाली आहे. गणेशोत्सवाच्या मध्यातच लाखो आंदोलक मुंबईत पोहोचले आहे, ज्यामुळे सीएसएमटी स्टेशन आणि आजूबाजूचा परिसर ठप्प झाला आहे. रविवारीच जाम आणि गर्दीची झलक दिसून आली आणि सोमवारी कामकाज सुरू होताच परिस्थिती आणखी बिकट झाली.

#😭भीषण भूकंपात 250 जणांचा मृत्यू🔴 भारताचा देशात रविवारी रात्री एका मोठ्या भूकंपाने अफगाणिस्तानच्या पूर्वेकडील प्रांतांमध्ये हाहाकार माजवला आहे. मिळालेल्या माहितीनुसार, या नैसर्गिक आपत्तीत किमान 250 लोकांचा मृत्यू झाला असून 500 हून अधिक लोक जखमी झाले आहेत. भूकंपाचे केंद्र कुनार प्रांतातील हिंदूकुश प्रदेशात होते. ज्यामुळे नुरगल, सुकी, वाटपूर, मानोगी आणि चापे-दारे सारख्या दुर्गम भागांना मोठा फटका बसल्याचे पाहिला मिळत आहे. स्थानिक अधिकाऱ्यांनी इशारा दिला आहे की, मृतांची संख्या वाढू शकते. कारण मदत आणि बचाव कार्य अद्याप अनेक गावांपर्यंत पोहोचलेले नाही. दरम्यान भारतातील दिल्ली-एनसीआरपर्यंत भूकंपाचे धक्के जाणवले आहेत.