ഒരു മനുഷ്യായുസ്സ്..🖤 ഈ ഭൂമിയിലേക്ക് ഒരു കുഞ്ഞായി വന്നു വീഴുന്ന നിമിഷം മുതൽ തുടങ്ങുന്നതാണ് ഒരാളുടെ നെട്ടോട്ടം വളർന്നു വരുമ്പോൾ കണ്ട സ്വപ്‌നങ്ങൾ അതിനുവേണ്ടിയുള്ള കഠിനാധ്വാനം വിശ്രമമില്ലാത്ത ജോലികൾ ഇതിനിടയിലാണ് ജീവിതത്തിൽ സങ്കടങ്ങളും അവഗണനകളും അയാളെ തേടിയെത്തുന്നത് താൻ ഏറെ സ്നേഹിച്ചവരിൽ നിന്ന് കിട്ടിയ മുറിവുകളും ഒറ്റപ്പെടലുകളും ഒക്കെ ഉള്ളിലൊതുക്കി ആ തിരക്കുകൾക്കിടയിൽ അയാൾ വീണ്ടും ഓടിക്കൊണ്ടിരുന്നു പക്ഷേ കാലം കടന്നുപോകുമ്പോൾ ആ ശരീരവും മനസ്സും പതുക്കെ തളർന്നു തുടങ്ങുന്നു ജീവിതത്തിൽ അനുഭവിച്ച പ്രയാസങ്ങളും തിരക്കുകളും ഒടുവിൽ അയാളെ ഒരു കിടക്കയിലേക്ക് ഒതുക്കുന്നുഓരോ നിമിഷവും മരണത്തോടുള്ള മല്ലിടലായി മാറുന്നു ശ്വാസത്തിനായി ആ നെഞ്ച് പിടയുമ്പോഴും താൻ ഇത്രയും കാലം ഓടിത്തീർത്ത വഴികളൊന്നും കൂടെയുണ്ടാകില്ല ജീവിക്കാനുള്ള കൊതി കൊണ്ട് ആ മനുഷ്യൻ വെപ്രാളപ്പെടുമ്പോഴും പ്രകൃതി അതിന്റെ നിയമം നടപ്പിലാക്കുകയാണ് ഒടുവിൽ ആ ശ്വാസം എന്നെന്നേക്കുമായി നിലയ്ക്കുന്നു...താൻ കെട്ടിപ്പടുത്ത സാമ്രാജ്യങ്ങളും തന്നെ വേദനിപ്പിച്ച അവഗണനകളും ചെയ്‌ത ജോലികളും എല്ലാം അവിടെ അവസാനിക്കുകയാണ് ശരീരത്തിലെ ചൂട് പതുക്കെ മാറിത്തുടങ്ങുമ്പോൾ അയാൾ വെറുമൊരു മൃതദേഹമായി മാറുന്നു എല്ലാ ബഹളങ്ങളും തിരക്കുകളും അവിടെ നിശ്ചലമാകുന്നു വെള്ളത്തുണിക്ക് മുകളിൽ ആദ്യത്തെ പിടി മണ്ണ് വീഴുന്നതോടെ ആ മനുഷ്യൻ ഈ ലോകത്തുനിന്ന് എന്നെന്നേക്കുമായിബാക്കിയാകുന്നത് ഒരുകാലത്ത് അയാൾ നടന്ന വഴികളും അയാൾ പറഞ്ഞ വാക്കുകളും മാത്രമാണ് ജനിച്ചപ്പോൾ ഒരുപാട് സ്വപ്‌പ്നങ്ങളുമായി വന്ന ഒന്നുമില്ലാതെ ഒരുപിടി മണ്ണിലേക്ക് അലിഞ്ഞുചേർന്ന് പ്രകൃതിയുടെ ഭാഗമായി മാറുന്നു ആ മനുഷ്യൻ ഒടുവിൽ അതോടെ ആ വലിയ യാത്രയ്ക്ക് അവിടെ പൂർണ്ണവിരാമമാകുന്നു..🖤 🥀G̺o̺o̺d̺ M̺o̺r̺n̺i̺n̺g̺🥀 (💞ജന്നത്തുൽ മിന്ന💞(شالو)🥀) #📝 ഞാൻ എഴുതിയ വരികൾ

ഓർമ്മകളിലെ മയിൽപ്പീലിത്തുണ്ടും, മഞ്ചാടിമണികളും ************************** ഓർമ്മകൾ ചിലപ്പോൾ പഴയൊരു പെട്ടിയിലടച്ച നിധിപോലെയാണ്. കാലമെത്ര കടന്നുപോയാലും അതിന്റെ നിറവും നനവും മാറിപ്പോകാറില്ല. ആ പെട്ടി തുറക്കുമ്പോൾ ആദ്യമെന്റെ കൈയിൽ തട്ടുന്നത് ഒരു മയിൽപ്പീലിത്തുണ്ടാണ്, നീലയും പച്ചയും കലർന്ന മൃദുവായൊരു സ്വപ്‌നം പോലെ. അതിന്റെ അരികിൽ ചുവന്ന ചിരിയോടെ കിടക്കുന്ന മഞ്ചാടിമണികളും ഉണ്ടാകും, കുട്ടിക്കാലത്തിന്റെ കളിചിരികളും സ്വപ്നങ്ങളും സൂക്ഷിച്ചവ. അവയെ കൈയിൽ എടുത്താൽ കാലം ഒന്നു പിന്നോട്ട് നടക്കും, വയസ്സുകൾ ഒലിച്ചിറങ്ങി ബാല്യത്തിന്റെ വഴിയിലേക്ക് തിരിയും.ഓർമ്മകളുടെ ആ പെട്ടിയിൽ മയിൽപ്പീലിത്തുണ്ടും മഞ്ചാടിമണികളും പോലെ ചില മനുഷ്യരും,ചില നിമിഷങ്ങളും ഉണ്ട്, മറവിക്കൊരിക്കലും വിട്ടുകൊടുക്കാതെ ഹൃദയത്തിന്റെ ഒരു കോണിൽ നിത്യമായി സൂക്ഷിച്ചവ ! 🌹Good Morning 🌹 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

ഒട്ടും പ്രതീക്ഷിക്കാതെ ജീവിതത്തിന്റെ ഉമ്മറത്തേക്ക് ഇടിച്ചു കയറി വരുന്ന ചിലരുണ്ട് വെറുമൊരു അപരിചിതത്വത്തിൽ തുടങ്ങി പിന്നീട് നമ്മുടെ ഓരോ ശ്വാസഗതിയെപ്പോലും സ്വാധീനിക്കുന്ന തരത്തിൽ അവർ നമ്മളിലേക്ക് പടർന്നു പന്തലിക്കും എപ്പോഴാണ് അവരോടുള്ള ഓരോ കുഞ്ഞു വർത്തമാനങ്ങളും ഒരു ദിവസത്തിന്റെ മുഴുവൻ താളമായി മാറിയതെന്ന് തിരിച്ചറിയാൻ പോലും കഴിയില്ല ആദ്യമൊക്കെ വെറുമൊരു പരിചയം മാത്രമായിരുന്നിടത്തുനിന്നും പിന്നീട് എപ്പോഴോ മനസ്സിൻ്റെ ഓരോ കോണിലും അവരുടെ സാന്നിധ്യം അനിവാര്യമായി മാറുന്നു മറ്റാരോടും പറയാത്ത ഉള്ളിലെ കുസൃതികളും ആരും കാണാത്ത പരിഭവങ്ങളും വറ്റാത്ത സന്തോഷങ്ങളുമെല്ലാംവറ്റാത്ത സന്തോഷങ്ങളുമെല്ലാം തുന്നിച്ചേർക്കാൻ പാകത്തിൽ ഹൃദയത്തിൽ അവർക്കായി മാത്രം ഒരിടം താനേ രൂപപ്പെടുകയാണ് ലോകം മുഴുവൻ കൂടെയുള്ളപ്പോഴും ആ ഒരു പ്രത്യേക സാമീപ്യം നൽകുന്ന സുരക്ഷിതബോധത്തിനായി മനസ്സ് വെറുതെ കൊതിച്ചു പോകും തിരക്കുകൾക്കിടയിലും മൗനത്തിന്റെ ഇടവേളകളിലും ആ മുഖം തെളിയുന്നുണ്ടെങ്കിൽ അത് ഈ ജീവിതം അവർക്കായി കരുതിവെച്ച ഏറ്റവും മനോഹരമായ തുന്നിച്ചേർക്കലാണ് മഴവില്ല് പോലെ വന്നു പോകുന്നവരല്ല അവർ മറിച്ച് വേനലിൽ പെയ്യുന്ന മഴ പോലെ മനസ്സിനെ കുളിർപ്പിച്ചു എന്നും കൂടെ നിൽക്കുന്നവരാണ് വാക്കുകൾ കൊണ്ട് വിവരിക്കാനോ സ്‌പർശിക്കാനോ ആവാത്ത വിധം അത്രമേൽ ആഴത്തിൽ ആ വേരുകൾ പടർന്നു കഴിഞ്ഞിരിക്കുന്നു ആ സാന്നിധ്യം എന്നും അങ്ങനെ തന്നെ ഉണ്ടാകും ഒന്നും പറയാതെ തന്നെ എല്ലാം അറിഞ്ഞുകൊണ്ട് ഒരുകാലത്തും മാഞ്ഞുപോകാത്ത സ്മൃതിയായി ഹൃദയത്തിന്റെ ഏറ്റവും പ്രിയപ്പെട്ട തുന്നിച്ചേർക്കലായി മറ്റാരും കാണാതെ കാത്തുവെക്കുന്ന ഈ നിശബ്ദ‌തയിലാണ് ലോകത്തിലെ ഏറ്റവും വലിയ അനുരാഗം ഒളിഞ്ഞിരിക്കുന്നത്.. 🌸Good Morning 🌸 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

വാക്കുകൾക്ക് അളക്കാൻ കഴിയുന്നതിലും അപ്പുറം ഒരാളോടുള്ള ഇഷ്‌ടം ഹൃദയത്തിൽ സൂക്ഷിക്കുക എന്നത് ഒരു മനോഹരമായ ഭാരമാണ് ചിലപ്പോൾ നമ്മൾ അവരോട് സംസാരിക്കാറില്ലായിരിക്കാം അല്ലെങ്കിൽ നമ്മുടെ സ്നേഹം അവർ അറിയുന്നുണ്ടാകില്ല എങ്കിലും നമ്മുടെ ഓരോ ശ്വാസത്തിലും അവരുടെ സാന്നിധ്യം നാം അറിയാറുണ്ട് നമ്മുടെ ഉള്ളിലെ കടലിനേക്കാൾ ആഴമുള്ളതും ആകാശത്തേക്കാൾ വിശാലവുമായ ആ ഇഷ്ടം ഒരൊറ്റ വാചകത്തിലോ വരിയിലോ ഒതുക്കാൻ കഴിയില്ല ലോകം മുഴുവൻ എതിർത്താലും അല്ലെങ്കിൽ കാലം എത്ര മാഞ്ഞാലും മാറ്റമില്ലാതെ തുടരുന്ന ചില ബന്ധങ്ങളുണ്ട് അത് രക്തബന്ധമാകണമെന്നില്ല സൗഹൃദമാകണമെന്നില്ല അത് കേവലം ഇഷ്ടം എന്ന രണ്ടക്ഷരത്തിൽ പൊതിഞ്ഞ പ്രപഞ്ചമാണ്മറ്റാരും കാണാതെ ആരും കേൾക്കാതെ ഹൃദയത്തിന്റെ ഏറ്റവും സുരക്ഷിതമായ കോണിൽ നാം ഒരാളെ പ്രതിഷ്ഠിച്ചിട്ടുണ്ടാകും അവരോടുള്ള ഇഷ്ടം പ്രകടിപ്പിക്കാൻ ഭാഷയിലെ വാക്കുകൾ മതിയാകാതെ വരുമ്പോഴാണ് മൗനം ഏറ്റവും വലിയ സ്നേഹമായി മാറുന്നത്... 🥀G̊o̊o̊d̊ M̊o̊r̊n̊i̊n̊g̊🥀 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

സുപ്രഭാതം കൂട്ടുകാരെ ... മെയ് 15 - അന്താരാഷ്ട്ര കുടുംബ ദിനം വീടുകൾ ഇന്ന് വലുതായി... പക്ഷേ, പല കുടുംബങ്ങളുടെയും മനസ്സുകൾ ചെറുതായി പോയി... ഒരേ വീട്ടിൽ കഴിയുന്നവർക്കിടയിൽ പോലും “സുഖമാണോ...?" എന്ന് ആത്മാർത്ഥമായി ചോദിക്കാൻ സമയം ഇല്ലാത്ത കാലം... അച്ഛൻ പണം സമ്പാദിക്കാൻ ഓടുന്നു... അമ്മ എല്ലാം ഒറ്റയ്ക്ക് താങ്ങി നിൽക്കുന്നു... മക്കൾ മൊബൈലുകളിൽ ജീവിതം അന്വേഷിക്കുന്നു... പക്ഷേ, ഒരുമിച്ച് ഇരുന്ന് ചിരിക്കാൻ പോലും പല വീടുകളിലും സമയം മരിച്ചുകിടക്കുന്നു... ഒരിക്കൽ കുടുംബം എന്നത് കൈ പിടിച്ച് നടത്തിയത് ആയിരുന്നു... ഇന്ന് അത് ഓൺലൈനിൽ "Seen" ആയി മാറിയിരിക്കുന്നു...ഓർമ്മയുണ്ടോ...? വൈകുന്നേരങ്ങളിൽ ഒരുമിച്ച് ചായ കുടിച്ചിരുന്ന ദിവസങ്ങൾ... കരഞ്ഞാൽ ചേർത്ത് പിടിച്ചിരുന്ന കൈകൾ... വൈദ്യുതി പോയ രാത്രികളിൽ കഥ പറഞ്ഞിരുന്ന അച്ഛൻ... അമ്മയുടെ അടുക്കള മണത്തിൽ നിറഞ്ഞിരുന്ന സ്നേഹം... ഇന്ന് എല്ലാം ഉണ്ടെങ്കിലും, ആ “ഒരുമ” പല വീടുകളിലും കാണാനില്ല. കുടുംബം എന്നത് രക്തബന്ധം മാത്രം അല്ല... നമ്മൾ തകർന്നപ്പോൾ “ഞാൻ ഉണ്ടല്ലോ..." എന്ന് പറയുന്ന മനുഷ്യരാണ് കുടുംബം... ഈ ലോകത്ത് ഏറ്റവും വലിയ സമ്പത്ത് ബാങ്കിലെ പണമല്ല... മറിച്ച് നമ്മളെ സ്നേഹിച്ച് കാത്തിരിക്കുന്ന ആളുകളാണ്... അതുകൊണ്ട്... ഇന്ന് ഒരു ദിവസമെങ്കിലും ഫോൺ ഒന്ന് മാറ്റിവെക്കൂ... വീട്ടുകാരുടെ കണ്ണിലോട്ട് നോക്കി സംസാരിക്കൂ... അമ്മയെ ചേർത്ത് പിടിക്കൂ...അച്ഛനോട് നന്ദി പറയൂ... മക്കളെ കേൾക്കൂ... കാരണം, ഒരു ദിവസം... നമ്മൾ ഏറ്റവും കൂടുതൽ മിസ് ചെയ്യുന്നത് ഈ കുടുംബ നിമിഷങ്ങളായിരിക്കും...! നിങ്ങളുടെ വീട്ടിൽ അവസാനമായി എല്ലാവരും ഒന്നിച്ച് മനസ്സ് നിറഞ്ഞ് ചിരിച്ചത് എപ്പോഴാണ്...? പുഞ്ചിരി വിടരട്ടെ സന്തോഷം പരക്കട്ടെ!!!! 🥀good moŗŋįŋg🥀 ❤️ജന്നത്തുൽമിന്ന.. جَنَّةُ المِئَة(🥀ஷாலு 💞) 🕋Jumu'ah Mubarak🕋 #📝 ഞാൻ എഴുതിയ വരികൾ

ഹൃദയത്തിലേക്കുള്ള ദൂരം ... ജീവിതം അതിന്റെ പതിവ് താളത്തിൽ ഒഴുകിക്കൊണ്ടിരിക്കുമ്പോഴായിരിക്കും യാതൊരു മുൻകൂർ നോട്ടീസുമില്ലാതെ ചിലർ കടന്നുവരുന്നത്. വെറുമൊരു അപരിചിതയായി വന്ന്, പെയ്യാൻ നിൽക്കുന്ന കാർമേഘം പോലെ അവർ നമ്മുടെ ആകാശത്ത് തങ്ങിനിൽക്കും. പിന്നെ എപ്പോഴോ പെയ്തു തുടങ്ങുന്ന മഴ പോലെ, അവർ നമ്മുടെ ഉള്ളിലെ വരണ്ട ഇടങ്ങളെയെല്ലാം നനച്ചു കുളിർപ്പിക്കുന്നു. ചില മനുഷ്യർ അങ്ങനെയാണ്; വർഷങ്ങളായി കൂടെയുള്ളവർക്ക് പോലും മനസ്സിലാക്കാൻ കഴിയാത്ത നമ്മുടെ മൗനങ്ങളെ, അവർ വെറും നിമിഷങ്ങൾ കൊണ്ട് തിരിച്ചറിയുന്നു. വാക്കുകൾ കൊണ്ട് പാലം പണിയുന്നതിനേക്കാൾ മുൻപേ അവർ നമ്മുടെ ഹൃദയത്തിൻ്റെ വാതിലിൽ മുട്ടിയിട്ടുണ്ടാകും. കാലങ്ങളായി പരിചയമുള്ള ആത്മബന്ധം പോലെ തോന്നിപ്പിക്കുന്ന ആ അടുപ്പം ഒരു അത്ഭുതമാണ്.ഒരു പൂവ് വിരിയുന്നത്ര ലാഘവത്തോടെയാണ് അവർ നമ്മുടെ പ്രിയപ്പെട്ടവരായി മാറുന്നത്. കടൽ കാണാത്ത ഒരാൾക്ക് കടൽ നൽകുന്ന അതേ വിസ്മ‌മയത്തോടെ നാം അവരെ നോക്കി നിൽക്കും. പറയുന്ന തമാശകളിലും, പങ്കുവെക്കുന്ന സങ്കടങ്ങളിലും, അർത്ഥമില്ലാത്ത കൊച്ചു വർത്തമാനങ്ങളിലും അവർ കരുതിവെക്കുന്ന ആ ഒരു കരുതൽ ഉണ്ടല്ലോ. അത് ഏതൊരു കാവ്യത്തേക്കാളും മനോഹരമാണ്. നമ്മുടെ ചിരിക്ക് നിറം കൂട്ടാനും, വാടാൻ തുടങ്ങുന്ന സ്വപ്നങ്ങൾക്ക് വെള്ളമൊഴിക്കാനും അവർക്ക് പ്രത്യേക കഴിവുണ്ട്. 'അപരിചിത' എന്ന വാക്കിൽ നിന്നും 'പ്രിയപ്പെട്ടവൾ' പ്രിയപ്പെട്ടവൻ 'എന്ന വാക്കിലേക്കുള്ള ആ ദൂരം അവർ എത്ര വേഗമാണ് പിന്നിട്ടത്! ആത്മാവിന്റെ ഏതോ ഒരു കോണിൽ അവർക്കായി കരുതിവെച്ച ഇടം അവർ തന്നെ കണ്ടെത്തിയത് പോലെ... ചില ബന്ധങ്ങൾ അങ്ങനെയാണ്, അവയ്ക്ക് കാലത്തിന്റെ അളവുകോലുകളില്ല. ആഴം കൊണ്ട് മാത്രം അടയാളപ്പെടുത്തുന്ന മനോഹരമായ ദൈവനിശ്ചയങ്ങൾ! 🥀G̲o̲o̲d̲ M̲o̲r̲n̲i̲n̲g̲🌹 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

നാടും വീടും വീട്ടുകാരെയും വിട്ട് അനേകം കാതങ്ങള് അകലെ ഈ മണലാരണ്യത്തില് സൗഭാഗ്യത്തിൻ്റെ ഉറവ തേടി വരുന്ന ഓരോ പ്രവാസിയും തൻ്റെ വിരസമായ ദിവസങ്ങള് എണ്ണിഎണ്ണി കഴിയുന്നത് തിരികെ എത്തുമ്പോള് സന്തോഷത്തോടെ തന്നെ കാത്തിരിക്കുന്നൊരു കൊച്ചു കുടുംബം എന്ന ഒറ്റ വിശ്വാസത്തില് ആണ്... ആ ഒരു ചിന്തയാണ് ഓരോ നിമിഷവും തള്ളി നീക്കുവാന് അവനു ബലം ആകുന്നതും.... ചുട്ടു നീറുന്ന ചൂടും... ശ്വാസം മുട്ടിക്കുന്ന പൊടിക്കാറ്റും സഹിക്കുവാന് അവനെ പ്രാപ്തനാക്കുന്നതും എൻ്റെ വീട് എന്നാ ആ ചിന്തയാണ്...വിശപ്പും ദാഹവും സഹിച്ചു താന് സമ്പാദിക്കുന്ന ഓരോ രൂപയും തന്റെ കുടുംബത്തെത്തിക്കണം എന്നാ ചിന്ത എല്ലാ കഷ്ടപ്പാടുകളും താണ്ടി മുന്നോട്ട് പോകാന് അവനെ സഹായിക്കുന്നു. പക്ഷേ പലപ്പോഴും നീണ്ട വര്ഷത്തെ കഷ്‌ടപ്പാടുകള്ക്കും ദുരിതങ്ങള്ക്കും ശേഷം ശിഷ്‌ടകാലം കുടുംബത്തോടൊപ്പം എന്നാ ആഗ്രഹവുമായി നാട്ടില് എത്തുന്ന നമ്മുടെ പ്രവാസിക്ക് മുന്നില് വീട്ടുകാരുടെ വര്ദ്ധിച്ചു വരുന്ന ആവശ്യങ്ങളും ഉയര്ന്ന ജീവിത സാഹചര്യങ്ങളും ഒരു വിലങ്ങു തടി ആകുന്നു...ഈ ആവശ്യങ്ങള് നിറവേറ്റണം എന്നുണ്ടെങ്കില് അവന് തിരികെ ഈ മരുഭൂമിയിലേക്ക് തന്നെ എത്തേണ്ടിയിരിക്കുന്നു... ഒടുക്കം.ഈ സൗഭാഗ്യത്തിന്റെ ഉറവ അവനൊരുതടവറയായി മാറുന്നൂ..രക്ഷപ്പെടണം എന്നാ ആഗ്രഹംഉണ്ടെങ്കിലും ഒരിക്കലും രക്ഷപ്പെടാന് ആകാത്തൊരു തടവറ... സ്വപ്നങ്ങളുടെ തടവറ... ഖബറിലടങ്ങും വരെ രക്ഷപ്പെടാന് ആകത്തൊരു അദൃശ്യമായ ബന്ധനം..." 🥀,,,,,, G̤o̤o̤d̤ M̤o̤r̤n̤i̤n̤g̤,,,,,,, 🌹 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

പുരുഷൻ... പലപ്പോഴും തന്റെ വേദനകൾ ശബ്ദമമില്ലാതെ ചുമന്നുകൊണ്ടിരിക്കുന്ന ഒരു നിശ്ശബ്ദമായ സമുദ്രം. കണ്ണുനീർ വരുമ്പോഴും “ഞാൻ ഒക്കെയാണ് എന്ന് പറയാൻ പഠിച്ച ഹൃദയം. ഒരു കുടുംബത്തിൻ്റെ ഉറച്ച മതിൽപോലെ നിൽക്കുന്നവൻ... സ്വന്തം സ്വപ്നങ്ങൾ മാറ്റിവെച്ച് മറ്റുള്ളവരുടെ സന്തോഷത്തിനായി ഓടുന്നവൻ... തളർന്നാലും തകരാൻ പാടില്ലെന്ന് സമൂഹം നിർബന്ധിച്ച മനുഷ്യൻ. അവൻ കരയുമ്പോൾ അത് ബലഹീനതയല്ല... വളരെ അധികം സഹിച്ച ഒരു മനസ്സിന്റെ നിശ്ശബ്ദമായ പൊട്ടിത്തെറിയാണ്. ഒരു പുരുഷൻറെ മൗനത്തിനുള്ളിൽ പരാജയങ്ങളുടെ മുറിവുകൾ ഉണ്ടാകും... ഉത്തരവാദിത്തങ്ങളുടെ ഭാരം ഉണ്ടാകും... ആരോടും പറയാതെ ഒളിപ്പിച്ച ചില ഭയങ്ങൾ ഉണ്ടാകും... എന്നാലും അവൻ മുന്നോട്ട് നടക്കും... കാരണം പിന്നിൽ അവനെ ആശ്രയിച്ച് ജീവിക്കുന്ന ചില മുഖങ്ങൾ ഉണ്ടാകും.പുരുഷൻ ശക്തനാണ്... പക്ഷേ അവനും സ്നേഹം വേണം, പരിഗണന വേണം, “നീ തളർന്നോ?" എന്ന് ചോദിക്കുന്ന ഒരാൾ വേണം. ... കാരണം, ഉറച്ച പാറകളിലും ചിലപ്പോൾ വിള്ളലുകൾ ഉണ്ടാകും... പക്ഷേ അത് പുറത്തേക്ക് കാണിക്കാതിരിക്കാൻ പഠിച്ചവനാണ് പുരുഷൻ..... 🌹 🅖︎🅞︎🅞︎🅓︎ 🅜︎🅞︎🅡︎🅝︎🅘︎🅝︎🅖︎🌹 ❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

ജീവിത്തിന്റെ ഓട്ടപ്പന്തയത്തിൽ ജയിച്ചുകയറാനുള്ള തിരക്കുകൾക്കിടയിൽ പലരേയും കാണാനും പലരോടും സംസാരിക്കാനും ഇത്തിരി സമയം മുമ്പിലുണ്ടായാലും പിന്നെയാകട്ടെയെന്നു കരുതി മാറ്റിവയ്ക്കും .. ഒടുവിൽ തിരക്കെല്ലാമൊഴിയുമ്പോൾ തിരക്കിവരാൻപോലും ആരുമില്ലാതെ ഒറ്റയ്ക്കായിപ്പോകും ... തിരക്കൊഴിഞ്ഞ് നമ്മളെത്തുന്നത് കാത്തിരിക്കുന്ന ചിലരുണ്ടാവും .. .. സങ്കടങ്ങളോ സന്തോഷങ്ങളോ മറ്റൊന്നിനുമല്ലാതെ ഇത്തിരി നേരം സൗഹൃദം പങ്കുവയ്ക്കാൻ .. സങ്കടങ്ങളോ സന്തോഷങ്ങളോ പരാതികളോ പരിഭവങ്ങളോ പരസ്പരം പറയാൻ .. ഒന്നിച്ചൊന്നു ചിരിക്കാൻ.. തോളിലൊന്നു ചാഞ്ഞിരിക്കാൻ അങ്ങനെയങ്ങനെ നിഷ്കളങ്കമായ സ്നേഹത്തിന്റെ നിമിഷങ്ങൾക്കായി മാത്രം കാത്തിരിക്കുന്ന ചിലർ .. തിരക്കൊഴിഞ്ഞ് നമ്മളെത്തുമ്പോഴേക്ക് കാത്തിരുന്ന കണ്ണുകൾ ചിലപ്പോൾ ഒരിക്കലും തുറക്കാനാവാത്ത വിധം അടഞ്ഞുപോയിട്ടുണ്ടാവും .. പ്രിയപ്പെട്ടവരുടെ സാമീപ്യം മനോഹരമായൊരു സായംസന്ധ്യപോലെയാണ് .. അത് ആ നിമിഷത്തിൽ ആസ്വദിക്കാനുള്ളതാണ് .. വൈകിപ്പോയാൽപ്പിന്നെ ഇരുട്ടുമാത്രമേ കാണൂ.. അടുത്ത സന്ധ്യ നമുക്കുള്ളതാവണമെന്നില്ല ! തിരക്കെന്ന ഒറ്റവാക്കിന്റെ വലിയ മതിലിനപ്പുറം തിരക്കിനിൽക്കുന്നവരിലേക്ക് ഇടയ്ക്കൊരു പുഞ്ചിരിയെങ്കിലുമെറിയാൻ മറന്നുപോകരുത് .. തിരികെ വരുമ്പോൾ വെള്ളമൊഴിക്കാമെന്നു കരുതി വീട്ടുമുറ്റത്തെ പ്രിയപ്പെട്ട ചെടിയെ അവഗണിച്ചുപോകുമ്പോൾ ഒന്നോർക്കുക, തിരികെ വരുമ്പോഴേക്ക് എത്ര നനച്ചിട്ടും പ്രയോജനമില്ലാത്തവിധം അത് ഉണങ്ങിയിട്ടുണ്ടാവും ! നമ്മുടെ പ്രിയപ്പെട്ട മനുഷ്യരും ആ ചെടികളെപ്പോലെയാണ്,,,,,, 🥀🄶🄾🄾🄳 🄼🄾🅁🄽🄸🄽🄶🥀 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

വിശ്വാസം: സ്നേഹത്തേക്കാൾ വലിയ അടിത്തറ ************************************** നമ്മുടെ ബന്ധങ്ങളിൽ നാം ഏറ്റവും കൂടുതൽ ഉപയോഗിക്കുന്ന വാക്കാണ് 'സ്നേഹം'. എന്നാൽ ഒരു ബന്ധം എത്ര കാലം മുന്നോട്ട് പോകും എന്നത് തീരുമാനിക്കുന്നത് സ്നേഹമല്ല, മറിച്ച് ആ ബന്ധത്തിലെ വിശ്വാസമാണ്'. വിശ്വാസം എന്നത് ഒരു ദിവസം കൊണ്ട് ഉണ്ടാകുന്ന ഒന്നല്ല; അത് കാലക്രമേണ നമ്മുടെ പ്രവർത്തികളിലൂടെ നേടിയെടുക്കേണ്ട ഒന്നാണ്. ഏതൊരു ബന്ധത്തിലും വിശ്വാസം വളർത്താൻ സഹായിക്കുന്ന 5 പ്രധാന കാര്യങ്ങൾ താഴെ പറയുന്നവയാണ്: തുറന്ന ആശയവിനിമയം (Open Communication) മനസ്സിലുള്ളത് തുറന്നു പറയാൻ കഴിയുന്നിടത്താണ് വിശ്വാസം ജനിക്കുന്നത്. ഉദാഹരണം: പങ്കാളിയോടോ സുഹൃത്തിനോടോ എന്തെങ്കിലും കാര്യത്തിൽ വിയോജിപ്പുണ്ടെങ്കിൽ അത് ഉള്ളിൽ വെച്ച് നീറിപ്പുകയാതെ, കൃത്യമായി പറഞ്ഞു മനസ്സിലാക്കുക. "എനിക്ക് ഇത് ഇഷ്ടപ്പെട്ടില്ല" എന്ന് തുറന്നു പറയാനുള്ള സ്വാതന്ത്ര്യം ബന്ധങ്ങളെ കൂടുതൽ ദൃഢമാക്കും. സുതാര്യതയും സത്യസന്ധതയും (Transparency & Honesty) ഒളിച്ചുവെക്കലുകൾ ഇല്ലാത്ത ബന്ധങ്ങൾക്കേ ആയുസ്സുണ്ടാകൂ. ഉദാഹരണം:ജീവിതത്തിലെ ചെറിയ പരാജയങ്ങളോ തെറ്റുകളോ പ്രിയപ്പെട്ടവരോട് സത്യസന്ധമായി തുറന്നു പറയുക. തെറ്റ് സമ്മതിക്കുന്നത് ഒരാളെ ചെറുതാക്കില്ല, മറിച്ച് മറ്റൊരാൾക്ക് നിങ്ങളിലുള്ള വിശ്വാസം വർദ്ധിപ്പിക്കുകയാണ് ചെയ്യുന്നത്. ตัว (Keeping Promises) ചെറിയ വാഗ്ദാനങ്ങൾ പോലും പാലിക്കപ്പെടണം. ഉദാഹരണം: "ഞാൻ 5 മണിക്ക് വരാം" എന്ന് ഒരാൾക്ക് വാക്ക് നൽകിയാൽ അത് പാലിക്കാൻ പരമാവധി ശ്രമിക്കുക. ഇത്തരം ചെറിയ കാര്യങ്ങളിലെ വിശ്വസ്തയാണ് പിന്നീട് വലിയ കാര്യങ്ങളിൽ നിങ്ങളെ വിശ്വസിക്കാൻ മറ്റൊരാളെ പ്രേരിപ്പിക്കുന്നത്. പരസ്പ‌ര ബഹുമാനം (Mutual Respect) മറ്റൊരാളുടെ വ്യക്തിത്വത്തെയും തീരുമാനങ്ങളെയും ബഹുമാനിക്കുക. ഉദാഹരണം:നിങ്ങളുടെ സുഹൃത്തിന്റെയോ പങ്കാളിയുടെയോ ഇഷ്‌ടങ്ങൾ നിങ്ങളുടേതിൽ നിന്ന് വ്യത്യസ്തമായിരിക്കാം. അത് മനസ്സിലാക്കി അവരെ അംഗീകരിക്കുക. അവഹേളനമില്ലാത്ത ഇടങ്ങളിൽ മാത്രമേ വിശ്വാസത്തിൻ്റെ വേരുകൾ ഇറങ്ങുകയുള്ളൂ. വിട്ടുവീഴ്ചാ മനോഭാവം (Adjustments & Sacrifices)** ഞാൻ എന്ന ഭാവം വിട്ട് നമ്മൾ എന്ന ചിന്തയിലേക്ക് മാറണം. ഉദാഹരണം: തർക്കങ്ങൾ ഉണ്ടാകുമ്പോൾ ആരാണ് ജയിക്കുന്നത് എന്നതിനേക്കാൾ ബന്ധത്തിനാണ് പ്രാധാന്യം എന്ന് കരുതി വിട്ടുവീഴ്ച ചെയ്യുന്നത് വിശ്വാസത്തിന്റെ മറ്റൊരു തലമാണ്. സ്നേഹത്തേക്കാൾ വലിയ അടിത്തറ വിശ്വാസമാണെന്ന് തിരിച്ചറിയുന്നിടത്താണ് ഏതൊരു ബന്ധവും വിജയിക്കുന്നത്. ഒരൊറ്റ ദിവസം കൊണ്ട് ആർക്കും ആരെയും വിശ്വസിക്കാൻ കഴിയില്ല. പക്ഷേ, ഓരോ ദിവസവും നിങ്ങൾ ചെയ്യുന്ന നല്ല പ്രവർത്തികൾ മറ്റൊരാളുടെ ഹൃദയത്തിൽ നിങ്ങൾക്കായി ഒരു വിശ്വാസത്തിന്റെ ഇരിപ്പിടം ഒരുക്കും. നിങ്ങളുടെ പ്രവർത്തികൾ മറ്റൊരാൾക്ക് നൽകുന്ന സമാധാനമാണ് നിങ്ങളുടെ വിശ്വാസ്യത...... 🥀*****🅶︎🅾︎🅾︎🅳︎ 🅼︎🅾︎🆁︎🅽︎🅸︎🅽︎🅶︎******🥀 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ