prathilipi

ഫോൺ എടുത്തു നോക്കുമ്പോൾ വീണ്ടും എലിസബത്ത് ആണ്.... ആ മമ്മി പറ.... മോളെ നീ എന്ത് ചെയ്യുവാ...?? മമ്മി പറഞ്ഞത് പോലെ ഞാൻ രാവിലെ കുളിച്ചു അടുക്കളയിലേക്ക് പോയി... അവിടെ ചെല്ലുമ്പോൾ അവിടെ അച്ഛനും അമ്മയും ഒന്നിച്ച കുക്കിഗ്.. എന്നോട് പോയി കിടന്നോളാൻ പറഞ്ഞു... ആര്?? അയാള്... അയാളോ?? രഘവേട്ടനെ ആണോ നീ അയാളെന്ന് വിളിച്ചത്... അല്ല... പിന്നെ?? ശ്രീ.... ശ്രീയോ?? നീ അവനെ ചേട്ടായി എന്ന വിളിക്കേണ്ടത്.. അല്ലെങ്കിൽ ഇച്ചായ എന്ന്... ഇതിപ്പോൾ പേര് വിളിക്കുന്നോ?? അമ്മ ഒന്നു പോകുന്നുണ്ടോ???ഞാൻ എന്തെങ്കിലും ചെയ്തോളാം... അതും പറഞ്ഞു അവൾ കോൾ കട്ട് ആക്കി.... അത് കഴിഞ്ഞഞ്ഞപ്പോൾ അമ്മയോട് ദേഷ്യപ്പെടേണ്ടിയി രുന്നില്ല എന്നു അവൾക്ക് തോന്നി.... അതും ഓർത്തു തന്റെ നഖം കടിക്കാൻ തുടങ്ങിയപ്പോഴാണ് ഇവ തന്റെ നഖം  രാത്രിക്ക് രാത്രി ഏതോ എലി കരണ്ട് കൊണ്ട് പോയ നഗ്ന സത്യം അറിയുന്നത്... എന്റെ നഖം അയ്യോ എന്റെ നഖം... അവൾ അത് നോക്കികൊണ്ടിരിക്കുന്ന അതെ സമയം തന്നെ ശ്രീ ആ റൂമിലേക്ക് കടന്നു വന്നു... എടാ ഡാഷേ നീ അല്ലെ എന്റെ നഖം വെട്ടി കളഞ്ഞത്?? ഞാൻ എന്തിനാ നിന്റെ നഖം വെട്ടി കളയുന്നത്?? എനിക്ക് അതിന്റെ കാര്യം എന്താ?? ഇന്നലെ നിന്നെ മാന്തിയതിന്റെ പ്രതികാരം... അപ്പോൾ നിനക്ക് മനസ്സിൽ ആയി... . അതേടി ഞാൻ താൻ തന്നെയാ മുറിച്ചത്.. നീ എന്താ ചെയ്യാൻ പറ്റുക എന്നു വെച്ചാൽ  ചെയ്യ്.... നിന്നെ ഞാൻ... ഇവ അതും പറഞ്ഞു അവനെ തല്ലാനായി ആഞ്ഞു... നിർഭാഗ്യ വെച്ചാൽ കട്ടിലിന്റെ കാലിൽ തട്ടി അവൾ നേരെ ചെന്നു ലാൻഡ് ചെയ്തത് ശ്രീ യുടെ നെഞ്ചത്തായിരുന്നു... അവനു നല്ല രീതിയിൽ ബാലൻസ് ഉണ്ടായിരുന്നത് കൊണ്ട് അവളെയും പിടിച്ചു കൊണ്ട് നേരെ കട്ടിലിലേക്ക് വീണു... എന്നെ വിടടോ... അതിന് ഞാൻ നിന്നെ പിടിച്ചു വെച്ചിട്ടൊന്നുമില്ല.... അങ്ങോട്ട് എഴുന്നേറ്റ് മാറടി.... അങ്ങനെ രണ്ട് പേരും കൂടെ കട്ടിലിൽ കിടന്നു നൃത്തം ചവുട്ടുമ്പോഴാണ് ശ്രീ കുട്ടി അതിലെ വന്നത്... ശബ്ദം കേട്ട് റൂമിന്റെ അകത്തേക്ക് എതി നോക്കിയ അവളുടെ തലയിലെ കിളികൾ നാലു പാടും പാഞ്ഞു നടന്നു... എന്താ ഇവിടെ?? ശ്രീ കുട്ടിയെ കണ്ടതും പതുക്കെ രണ്ട് പേരും കട്ടിലിൽ നിന്നും എഴുന്നേറ്റു... ഇതൊക്കെ കാണുമ്പോൾ എനിക്ക് ചില സംശയങ്ങൾ ഒക്കെ ഉണ്ട്... അത്രയും പറഞ്ഞിട്ട് ശ്രീ താഴേക്ക് നടന്നു... ചെ.. നീ ഒറ്റ ഒരുത്തി കാരണം അവളുടെ മുൻപിൽ ഞാൻ നാണം കെട്ടു... ശ്രീ അതും പറഞ്ഞു താഴേക്ക് തന്നെ പോയി... ഇവ ഇതൊന്നും അവളെ ബാധിക്കുന്ന കാര്യമേ അല്ല എന്ന് പറഞ്ഞു കട്ടിലിലേക്ക് കിടന്നു.... ❤️❤️❤️❤️❤️❤️❤️❤️❤️❤️❤️ നമ്മൾ ഇത്രയും നേരം ആയിട്ടും ഇവരെ ഒന്നു പരിചയപെട്ടില്ലലോ....??? ആദ്യം കണ്ടത് നമ്മുടെ കഥാ നായകൻ ആണ് ശ്രീറാം ശ്രീ എന്നാണ് വിളിക്കുന്നത്.... വൈശാഖത്തിൽ രാഘവന്റെയും സരസ്വതി അമ്മക്കും മൂന്നു മക്കൾ ആണ്... രണ്ട് ആൺ കുട്ടികളും ഒരു പെൺ കുട്ടിയും... വർഷങ്ങളായി പെൺകുട്ടികൾ ഇല്ലാതെ വിഷമിച്ചിരുന്ന സരസ്വതി നേർച്ചയും കാഴ്ചയും വെച്ചിട്ട് ഉണ്ടായ പെൺകുട്ടിയാണ് അവൾ... ശ്രീ ഗൾഫിൽ ജോലി ചെയ്യുന്നു..... ഇപ്പോൾ അവധിക്ക് വന്നതാണ്... നാട്ടിൽ ഉള്ളപ്പോൾ ശ്രീ ഒരു ട്യൂഷൻ സെന്ററിൽ സാർ ആയിരുന്നു.... അവിടെ വെച്ചിട്ടാണ് ആദ്യമായി ഇവയെ കാണുന്നത്... ആ കഥകൾ ഒക്കെ വഴിയേ പറയാം.... രണ്ടാമത്തെ ആൾ മാധവ്... മധു എന്ന് വിളിക്കും... അവൻ ബാംഗ്ളൂരിൽ എംബിഎ ചെയ്യുന്നു.... ഇളയ ആളാണ് ശ്രീ ലക്ഷമി... ശ്രീ കുട്ടി എന്നാണ് അവളെ വിളിക്കുന്നത്.... ശ്രീ കുട്ടി ഡിഗ്രീ ക്ക് പഠിക്കുന്നു... രാഘവൻ ഗവണ്മെന്റ് എംപ്ലോയീ ആയിരുന്നു... ഇപ്പോൾ റിട്ടയർമെന്റ് ലൈഫ് നയിക്കുന്നു... സരസ്വതി സ്കൂൾ ടീച്ചർ ആണ്... ഇനി നമുക്ക് കഥനായികയെ പരിചയപ്പെടാം... അതാണ് നമ്മുടെ സ്വന്തം കഥാ നായിക ഇവ.... ഇവാനിയ അന്ന ആന്റണി.... കളരിക്കൽ ആന്റണിയുടെയും എലിസബത്തിന്റെയും ഒരേ ഒരു മകൾ .. ആന്റണിക്ക് ദുബൈയിൽ ബിസ്സിനെസ്സ് ആണ്.... എലിസബത്തും ബിസ്സിനെസ്സിൽ സഹായിക്കുകയായിരുന്നു... ഇപ്പോൾ ബിസിനെസ്സ് കുറച്ചു നഷ്ടത്തിലാണ്... അത് കൊണ്ടു തന്നെ ആന്റണി ആകെ ടെൻഷനിൽ ആണ്... ബിസിനെസ്സിൽ ഇറക്കിയ പൈസ തിരിച്ചു പിടിക്കാൻ കഴിയാതെ വന്നപ്പോൾ സേവിച്ചന് കൊടുക്കാം എന്ന് പറഞ്ഞ പൈസ കൊടുക്കാൻ സേവിച്ചനുമായി ഉറപ്പിച്ച വിവാഹം മുടങ്ങിയത്... അല്ലെങ്കിലും വരാനുള്ളതൊന്നും വഴിയിൽ തങ്ങില്ല എന്നാണല്ലോ..... ഇനി നമുക്ക് കഥയിലേക്ക് വരാം .. 🥀🥀🥀🥀🥀🥀🥀🥀🥀🥀🥀🥀 ആറര കഴിഞ്ഞപ്പോൾ അവൾ പതുക്കെ താഴേക്ക് പോയി.   കിച്ചണിൽ ചെല്ലുമ്പോൾ അച്ഛനും അമ്മയും കൂടെ അത്യാവശ്യം പണികൾ എല്ലാം ഒതുക്കിയിരുന്നു... മോള് എഴുന്നേറ്റോ???എന്തിനാ കുറച്ചൂടെ കിടന്നോളാൻ മേലായിരുന്നോ?? അവളെ കണ്ടതും സരസ്വതി ചോദിച്ചു.. ഞാൻ രാവിലെ എഴുന്നേൽക്കും അതാ... ഇടക്ക് താഴേക്ക് വരാൻ പോയപ്പോൾ ശ്രീ ചേട്ടായി ആണ് പറഞ്ഞത് കുറച്ചു കഴിഞ്ഞു അടുക്കളയിൽ കയറിയാൽ മതിയെന്ന്... അതാ ഞാൻ ലേറ്റ് ആയത്... അതൊന്നും കുഴപ്പമില്ല മോളെ... അമ്മക്ക് അങ്ങനത്തെ പ്രശ്നങ്ങൾ ഒന്നും ഇല്ല.. മോളു നാളെ മുതൽ സമാധാനമായി എഴുന്നേറ്റാൽ മതി കേട്ടോ?? ആരും മോളെ ഒന്നും പറയില്ല.... എന്താ ബ്രേക്ക്‌ ഫാസ്റ്റിനു??? ഇന്ന് പുട്ടും കടലയും ആണ്.... മോൾക്ക് ഇതൊക്കെ ഓക്കെ അല്ലെ?? എനിക്കെന്താ കുഴപ്പം ഞാൻ എല്ലാം കഴിക്കും..... അങ്ങനെ അല്ല മോളുടെ വീട്ടിലെ ശീലങ്ങൾ എന്താ എന്ന് ഞങ്ങൾക്ക് അറിയില്ലല്ലോ അത് കൊണ്ട.... മോൾക്ക് എന്തെങ്കിലും സ്പെഷ്യൽ വേണമെങ്കിൽ പറഞ്ഞാൽ മതി അമ്മ ശരി ആക്കാം... നോൺ സെഗ് ആണെങ്കിൽ ഇപ്പോൾ ശ്രീയോട് പറഞ്ഞാൽ മതി എന്താണെങ്കിലും അവൻ വാങ്ങി കൊണ്ട് വരും.... അല്ലെങ്കിൽ മോള് അച്ഛനോട് പറഞ്ഞാൽ മതി... നോൺ വെജ് ഞാൻ കൂട്ടില്ല അത് കൊണ്ട് ഈ കിച്ചണിൽ ഞാൻ വെപ്പിക്കില്ല.... തേഞ്ഞു......പോർക്കും ബീഫും ഇല്ലാതെ ഞാനെങ്ങനെ ഫുഡ്‌ കഴിക്കും കർത്താവെ.... (ഇവ ആത്മ) കുഴപ്പമില്ല...എനിക്ക് അങ്ങനെ സ്പെഷ്യൽ ഒന്നും വേണ്ട കേട്ടോ.... ഉള്ളിൽ തികട്ടി വന്ന അമർഷം പുറത്തു കാണിക്കാതെ അവൾ പറഞ്ഞു... മോള് ഇത്രയും രാവിലെ കുളിക്കുമോ??? മ്മ് എന്നും കുളിക്കും.. അത് ചെറുപ്പം മുതൽ ഉള്ള ശീലമായി പോയി.... മമ്മി പറഞ്ഞിട്ടുണ്ട് രാവിലെ കുളിച്ചിട്ട്  മാത്രമേ പള്ളിയിൽ പോകാവുള്ളൂ എന്ന്.. അപ്പോൾ എന്നും രാവിലെ പള്ളിയിൽ പോകുമോ??? രാവിലെ എട്ടുമണിക്കാണ് കുർബാന അതെന്നും കൈകൊള്ളും  . ഇല്ലങ്കിൽ മമ്മി വഴക്ക് പറയും....മമ്മിക്ക് അതൊക്കെ വലിയ നിർബന്ധം ആണ്... പള്ളി പോകാത്തതിന് മമ്മി കഴിഞ്ഞ ആഴ്ചയും കൊടുത്ത അടിയുടെ വേദനയിൽ അവൾ ആരും കാണാതെ ഒന്നു ചിരിച്ചു... അതുപോലെ എന്നും പള്ളിയിൽ പോകണമെങ്കിൽ പോകാം... മോളെ ഇവിടെ ആരും തടയാൻ വരില്ല... മോളു അമ്പലത്തിലെ പോകാവൂ എന്നൊന്നും ഞാൻ പറയില്ല കേട്ടോ... ഞാനന്നല്ല ഞങ്ങൾ ആരും പറയില്ല... അല്ലേലും ജാതിയിലും മതത്തിലും ഒന്നും ഒന്നുമില്ല.... അത് കൊണ്ടല്ലേ ഏട്ടൻ വിളിച്ചു ചോദിച്ചപ്പോൾ തന്നെ ഒന്നും ആലോചിക്കാതെ തന്നെ സമ്മതിച്ചത്... മ്മ്... അവർ അത് പറഞ്ഞു കൊണ്ട് നിൽക്കുമ്പോൾ തന്നെ ശ്രീ കുട്ടി അവിടേക്ക് വന്നു... ആഹാ ഇവൾ അടുക്കളയിൽ കയറിയോ?? ഇത് എനിക്കുള്ള പണി ആണല്ലോ??? (ശ്രീ കുട്ടി ആത്മ ) ആഹാ തമ്പുരാട്ടി എഴുന്നേറ്റോ??? അവളെ കണ്ടതെ സരസ്വതി പറഞ്ഞു... ഹോ തൊടങ്ങി തഗിസ്റ്റ്... ഞാൻ കുറെ നേരമായി ആ ഹാളിൽ ഇരിപ്പുണ്ട്... നിങ്ങൾ കാണാത്തത് എന്റെ കുഴപ്പമല്ല... അത് പറഞ്ഞു ശ്രീ കുട്ടി എല്ലാവരെയും നന്നായിട്ടൊന്ന് ഒന്നു പുച്ഛിച്ചു.... എന്റെ പെണ്ണെ നിന്നോട് ഞാൻ എപ്പോഴും പറയുന്നതല്ലായിരുന്നോ നേരത്തെ എഴുന്നേൽക്കണം രാവിലെ കുളിക്കണം അമ്പലത്തിൽ പോകണം എന്നൊക്കെ ഒരിക്കലെങ്കിലും ചെയ്തിട്ടുണ്ടോ????? ഈ കുട്ടിയെ കണ്ടോ?വർഷങ്ങളായിട്ട് കുട്ടി ഇങ്ങനെയാണെന്ന്.... എന്നും അതി രാവിലെ കുളിച്ചു പള്ളിയിൽ പോകും എന്ന്.... നീ എത്ര നാളായി അമ്പലത്തിൽ ഒക്കെ പോയിട്ട്.????പറ പെണ്ണെ.... അത്.... നീ ആലോചിച്ചു ബുദ്ധിമുട്ട് ഒന്നും വേണ്ട   ... കഴിഞ്ഞവർഷത്തെ നിന്റെ പക്ക പിറന്നാളിനഅവസാനമായി ആ അമ്പല നട കണ്ടത്... അത് കഴിഞ്ഞിട്ട് ഇപ്പോൾ എത്ര നാളായി എന്ന് വല്ലോ ഓർമ്മയും ഉണ്ടോ?? അത്.... ഇല്ലാ അല്ലേ... എങ്കിൽ പറയാം... അടുത്താഴ്ച നിന്റെ അടുത്ത പക്ക പിറന്നാൾ ആണ്.. ഓ വലിയ കാര്യമായി പോയി... അല്ല എന്റെ പിറന്നാളോ??? എനിക്ക് അപ്പോൾ ഇരുപത്തി ഒന്നു വയസായോ?? ഇത്രയും പെട്ടെന്നൊ?? അല്ല...അൽപ്പം നേരം വയസിനോട് അവിടെ നിന്നിട്ട് പോകാൻ പറയാം... മതി പോരാളി ബാക്കി ഒന്നും പറയണ്ട... ഇവ ഇതിനിടയിൽ ഒന്നും മിണ്ടാതെ എല്ലാം കേട്ടു കൊണ്ട് നിന്നതെ ഉള്ളു.... പല്ല് തേച്ചിട്ട് വാ പെണ്ണെ ചായ കുടിക്കാം... എനിക്കിപ്പോൾ വേണ്ട... അതും പറഞ്ഞു അവൾ അടുക്കള വാതിൽ കാഴി തൊടിയിലേക്ക് ഇറങ്ങി... മോള് ഇവിടെ നിൽക്ക് അമ്മ ഇപ്പോൾ വരാമേ... സരസ്വതി തന്റെ റൂമിലേക്ക് പോയി... തിരികെ വരുമ്പോ കയ്യിൽ ഒരു പൊതിയും ഉണ്ടായിരുന്നു... ഇന്നാ മോള് ഇത് പിടിക്ക്... ഇതെന്താ അമ്മ??? ഇത് അമ്മയുടെ വക മോൾക്കൊരു സമ്മാനമാ.... തുറന്നു നോക്ക്.... ഇവ അത് തുറക്കുമ്പോൾ ഒരു സെറ്റ് സാരിയും അതിന് ചേരുന്ന ആഭരങ്ങളുമായിരുന്നു  അതിൽ... ഇതെന്തിനാ??. ഇന്ന് രാവിലെ നല്ല ഒരു മുഹൂർത്തം ഉണ്ട്.... അതിൽ നമുക്ക് ആ താലി കെട്ട് നടത്തണം.....അതിനി താമസിപ്പിച്ചു കൂടാ... ഏതു താലി കെട്ട്??.. ഇവ അത്ഭുതത്തോടെ ചോദിച്ചു... അതോ ഇന്നലെ പള്ളിയിൽ വെച്ചൊരു താലി കെട്ടല്ലെ നടത്തിയുള്ളു... ഇന്ന് അമ്പലത്തിൽ വെച്ചു അമ്മാവന്മാരുടെയും ചെറിയച്ഛമ്മാരുടെയും സാനിദ്യത്തിൽ ചെറിയ ഒരു താലി കെട്ട്.... അപ്പോൾ മോള് ഈ സാരിയും ആഭരങ്ങളും ഇട്ട് വേണം അമ്പലത്തിൽ വരാൻ.... അമ്മ ഒന്നും വിചാരിക്കരുത്.... എന്താ മോളെ?? അമ്മ എനിക്ക് സെറ്റ് സാരി ഉടുക്കാൻ ഒന്നും അറിയില്ല... ഇവ പറഞ്ഞു... അയ്യേ അത്രയും ഉള്ളു... അമ്മ ഉടുപ്പിക്കാം കേട്ടോ.. മോളു വാ.... അവർ ഇവയെ തന്റെ റൂമിലേക്ക് കയറ്റി... ആ സെറ്റ് സാരി സ്റ്റൈലായി ഉടുപ്പിച്ചു... മുടി അഴിച്ചിട്ടു കുളിപ്പിന്നൽ കെട്ടി... മുടിയിൽ നിറച്ചു മുല്ലപ്പൂവ് വെച്ചു കൊടുത്തു... എന്നിട്ട് കഴുത്തിൽ ഒരു ചോക്കറും താലി മാലയും മാത്രമിട്ടു..... കയ്യിൽ ഈരണ്ട് വളകളും.... മോളെ ബാക്കി ഒന്നും അമ്മക്ക് അറിയില്ല...മോളു തന്നെ ചെയ്യില്ലേ???? മ്മ്.. ഞാൻ തന്നെ ചെയ്തോളാം... വാലിട്ട് കണ്ണെഴുതണം.... അതെനിക്ക് നിർബന്ധമാ.... ഇവിടെ ഒരു കുരിപ്പിനോട് അതൊക്കെ പറഞ്ഞാൽ തലയിൽ കയറില്ല... ഇവയുടെയും സരസ്വതിയുടെ യും സംസാരം കേട്ടിട്ടാണ് ശ്രീ അവിടെക്ക് എത്തി നോക്കിയത്.... അവരുടെ രണ്ട് പേരുടെയും സ്നേഹം കണ്ടപ്പോൾ തന്നെ അവന്റെ കണ്ണും മനസും നിറഞ്ഞു.... 🥀🥀തുടരും 🥀🥀 എല്ലാവരും റിവ്യൂസ് റേറ്റിംഗ് ഇട്ട് പോകണേ..... #പ്രതിലിപി കഥകൾ## #പ്രതിലിപി മലയാളം #പ്രതിലിപി

🥀🥀ഒരു കോൺട്രാക്ട് കല്യാണം🥀🥀7️⃣ ഐ ലൈനർ എഴുതുന്നത്  പെൺകുട്ടികൾക്ക് അഴകാണ്... അതും പറഞ്ഞു സരസ്വതി ഐ ലൈനെർ എടുത്തു ഇവ യുടെ കയ്യിൽ കൊടുത്തു... ഞാൻ എഴുതികൊള്ളാം... ഇവ തന്നെ കണ്ണുകൾ വാലിട്ടെഴുതി.... എന്റെ മോളിപ്പോൾ സുന്ദരി ആയല്ലോ....?? അതും പറഞ്ഞു സിന്ദൂര ചെപ്പിൽ നിന്നും ഒരു നുള്ള് സിന്ദൂരമെടുത്തു അവളുടെ സീമന്ത രേഖയെ ചുവപ്പിച്ചു... എന്നിട്ട് ഒരു നുള്ള് കണ്മഷി അവളുടെ കഴുത്തിൽ ആരും കാണാതെ പുരട്ടി... എന്റെ മോൾക്ക് കണ്ണ് തട്ടാതെ ഇരിക്കട്ടെ...പൊക്കൊളു... അവൾ പതുക്കെ തന്റെ റൂമിലേക്ക് പോയി... അവിടെ ചെന്ന് ചെറിയ രീതിയിൽ മുഖത്ത് ടച്ച്‌ അപ്പ്‌ ഒക്കെ ചെയ്തു... ഇവ മോളെ ഫുഡ്‌ എടുത്തു മോളിങ്ങു വാ... അപ്പോഴേക്കും താഴെ നിന്നും സരസ്വതി അവളെ ബ്രേക്ക്‌ ഫാസ്റ്റ് കഴിക്കാൻ വിളിച്ചത്... അവൾ വേഗം റൂമിൽ നിന്ന് ഇറങ്ങുകയും അതെ സമയം തന്നെ ശ്രീ റൂമിലേക്ക് കയറി വന്നു... പിന്നെ എന്താണ് സംഭവിച്ചതെന്ന് ഇവക്ക് യാതൊരു രൂപവും ഉണ്ടായിരുന്നില്ല.... താഴേക്ക് വീണു എന്നു തന്നെ വിചാരിച്ചു കൊണ്ട് പേടിച്ചു കണ്ണുകൾ തുറക്കുമ്പോൾ തന്നെ ഇമ വെട്ടാതെ അവളെ തന്നെ നോക്കി നിൽക്കുന്ന ശ്രീയെ ആണ് കണ്ടത്.... സാരിക്കിടയിലൂടെ അവന്റെ കൈകൾ അവൻ പോലുമറിയാതെ തന്നെ ഇവയുടെ ഇടുപ്പിൽ എന്തോ തിരയുന്നുണ്ടായിരുന്നു... ഇവയുടെ ചെന്നിയിലൂടെ വിയർപ്പ് കണങ്ങൾ ഒലിച്ചിറങ്ങി.... ശ്രീ യുടെ ചുണ്ടുകൾ അറിയാതെ അവൾക്കു നേരെ നീങ്ങുന്നുണ്ടായിരുന്നു.... ഇവിടത്തെ റൊമാന്റിക് എപ്പിസോഡ് കഴിഞ്ഞെങ്കിൽ രണ്ട് പേരും വന്നു ഫുഡ്‌ കഴിക്കു... ആന്റി കുറെ നേരമായി അവിടെ കിടന്നു വിളി തുടങ്ങിയിട്ട്... അനൂപിന്റെ ശബ്ദം കേട്ടതും രണ്ട് പേരും ഞെട്ടി പോയി.... ഇരുവരും പെട്ടെന്ന് പിടഞ്ഞുമാറി... ഓ തെണ്ടി...നിനക്ക് രാവിലെ തന്നെ ഇവിടെ എന്താ പരുപാടി??? ശ്രീ അറിയാതെ പറഞ്ഞു പോയി... ആ സമയം കൊണ്ട് ഇവ താഴേക്ക് പോയി... അവളുടെ ശരീരം മുഴുവൻ വിറക്കുന്നുണ്ടായിരുന്നു... ഇത് വരെ അനുഭവിച്ചറിഞ്ഞിട്ടില്ലാത്ത എന്തോ ഒരു അനുഭൂതി അവളിൽ വന്നു മൂടി... എന്താടാ ഇത്??? രാവിലെ ശ്രീ കുട്ടി പറഞ്ഞപ്പോൾ ഞാൻ ഇത്രയും പ്രതീക്ഷിച്ചില്ല... അതിനിടക്ക് അവൾ അതും അവിടെ എത്തിച്ചു അല്ലെ...??. അതൊക്കെ എത്തിച്ചു.... എടാ  വാ വല്ലതും കഴിക്കാം.... അതിന് ഇത് നിന്റെ വീട് അല്ലല്ലോ.... ഇന്നലെ വരെ അങ്ങനെ ഒന്നും അല്ലായിരുന്നല്ലോ??? ഇമ്മള് ഇപ്പോൾ ഇങ്ങനെയാ... അളിയാ ശ്രീ നിന്റെ കല്യാണം കല്യാണം കഴിഞ്ഞു എന്നു വിചാരിച്ചു എനിക്ക് ഇങ്ങോട്ട് വരാതിരിക്കാൻ പറ്റുമോ??? വന്നേ കഴിക്കാം... അനൂപ് അതും പറഞ്ഞു ശ്രീയുടെ കയ്യും പിടിച്ചു താഴേക്ക് നടന്നു... ബ്രേക്ക്‌ ഫാസ്റ്റ് കഴിക്കുബോഴും അവൾ മറ്റേതോ ലോകത്തിൽ ആയിരുന്നു.... ശ്രീ വന്നിരുന്നത് പോലും അവൾ അറിഞ്ഞതെ ഇല്ല... ശ്രീയുടെ അവസ്ഥയും അത് തന്നെയായിരുന്നു... അവരെല്ലാം ഇരുന്നു എന്തൊക്കെയോ കഥകൾ പറയുന്നുണ്ടെങ്കിലും ഇവയും ശ്രീയും ഒന്നും കേൾക്കുന്നതെ ഉണ്ടായിരുന്നില്ല... അപ്പോഴാണ്  ആരോ കാളിംഗ് ബെൽ അടിക്കുന്ന ശബ്ദം കേട്ടത്... ഇതാരപ്പാ ഈ സമയം??? അതും പറഞ്ഞിട്ടാണ് സരസ്വതി ചെന്ന് ഡോർ തുറന്നത്... മാധവിനെ കണ്ടതും എല്ലാവരും ഞെട്ടി പോയി... മധു നീ വരില്ല എന്ന് പറഞ്ഞിട്ട്... എനിക്ക് ആകെ കൂടെയുള്ള ഒരു ചേട്ടന്റെ കല്യാണത്തിന് ഞാൻ വന്നില്ലേ പിന്നെ ആരാ വരേണ്ടത്??? പിന്നെ എനിക്കെന്റെ ഏട്ടത്തിയമ്മയെ കാണണ്ടേ അമ്മ എന്താ ഈ പറയുന്നത്??? നീ വരണ്ട എന്നല്ല ഞങ്ങൾ പറഞ്ഞത്... ഇന്നലെ വിളിച്ചപ്പോൾ നിനക്ക് തീരെ സമയമില്ലായിരുന്നല്ലോ വരാൻ... അത് അമ്മ കാത്തിരുന്നു വരുന്നതും സർപ്രൈസ് ആയിട്ട് വരുന്നതും തമ്മിൽ ഒരുപാട് വ്യത്യാസമുണ്ട്... എന്തായാലും നീ വന്നല്ലോ ഞങ്ങൾക്ക് സന്തോഷമായി.. എവിടെ എന്റെ ഏട്ടത്തിയമ്മ??? ഞാൻ ഒന്ന് കാണട്ടെ... മാധവ് അതും പറഞ്ഞു ഓടി അകത്തേക്ക് കയറി... ഇവയെ കണ്ടതും അവന്‍റെ മുഖത്തെ ഭാവങ്ങൾ മാറാൻ തുടങ്ങി....   ശ്രീ തന്റെ കണ്ണ് കൊണ്ട് അവനെ വേണ്ട എന്നു.കാണിച്ചു.... അത് കൊണ്ട് തികട്ടി വന്ന ദേഷ്യത്തെ മാധവ് തന്റെ ഉള്ളിൽ തന്നെ ഒതുക്കി.... എല്ലാവരും ബ്രേക്ഫാസ്റ്റ് കഴിഞ്ഞ ഉടനെ തന്നെ അമ്പലത്തിലേക്ക് ഇറങ്ങി... ഇവ ആദ്യമായിട്ടായിരുന്നു അമ്പലത്തിൽ പോകുന്നത്... അത് കൊണ്ട് തന്നെ അവിടെ കണ്ടതെല്ലാം അവൾക്ക്  പുതിയത് ആയിരുന്നു... അതു കൊണ്ടു തന്നെ തിരുമേനി പൂജ ചെയ്യുന്നത് അവൾ ഒരു കൗതുകത്തോടെ നോക്കി നിന്നു... തിരുമേനി കൊടുത്ത താലിയിൽ കോർത്ത മഞ്ഞ ചരട് ശ്രീ അവളുടെ കഴുത്തിൽ ചാർത്തി.... അതിനു ശേഷം അങ്ങോട്ടും ഇങ്ങോട്ടും ഓരോ തുളസി മാലയും ഇട്ടു... ചുറ്റമ്പലത്തിൽ വലം വെക്കുമ്പോൾ ശ്രീയുടെ വലതു കൈ ഇവയുടെ ഇടതു കയ്യിൽ ഭദ്രമായിരുന്നു...... ഇവ നിനക്കിനി എന്നിൽ ഇന്നൊരു മോചനം ഇല്ല പെണ്ണെ... ശ്രീ അവളോട്‌ പറയാതെ പറഞ്ഞു കൊണ്ടേ ഇരുന്നു... ഹോ സമാധാനം... ചടങ്ങുകൾ എല്ലാം കഴിഞ്ഞിറങ്ങുമ്പോൾ സരസ്വതി അവരോടായി പറഞ്ഞു... എന്താ അമ്മ ഇങ്ങനെ ഒക്കെ??. എന്ത്??? എവിടെ കല്യാണം കഴിച്ചാലും അത് കല്യാണം അല്ലെ?? ഇന്നലെ പള്ളിയിൽ നിന്ന കല്യാണം കഴിച്ചത് എന്ന് പറഞ്ഞെന്താ??? വെളിയിലേക്ക് ഇറങ്ങിയതും ശ്രീ പറഞ്ഞു.... ശരിയാ... പക്ഷെ നിന്റെ കല്യാണം ഇവിടെ ഈ കൃഷ്ണന്റെ അമ്പല നടയിൽ നടത്തിക്കൊള്ളാം എന്നൊരു നേർച്ച എനിക്കുണ്ടായിരുന്നു... അത് വീട്ടാനാ ഞാൻ വന്നത്.... ഓ അങ്ങനെ ഒരു നേർച്ചയോ???.കൊള്ളാം ഇവിടെ ആയത് നന്നായി വല്ലോ കാശിയിലോ രമേശ്വരത്തോ ആയിരുന്നെങ്കിലോ? ശ്രീക്കുട്ടി അമ്മയെ നല്ല രീതിയിൽ ട്രോളി.... ഓ.... അവർ അതിനെ പുച്ഛിച്ചു.... അമ്മ ഇനി ഞങ്ങളുടെ ഒക്കെ കല്യാണത്തിന് വല്ല നേർച്ചയും ഉണ്ടോ ആവോ??? മാധവ് ചോദിച്ചു... അതിന് നിനക്കൊക്കെ എവിടെ നിന്ന് പെണ്ണിനെ കിട്ടാനാ... അപ്പോഴാ നേർച്ച... വേണ്ടായിരുന്നു..... എനിക്കെന്തിന്റെ കേടായിരുന്നു...(മാധവ് ആത്മ ) ഇനി എന്താ പരുപാടി ?? വൈകിട്ട് എല്ലാവരെയും വിളിച്ചിട്ടുണ്ട് ചെറിയ ഒരു റിസപ്ഷൻ... ആഹാ.... രാഘവേട്ട പോകുന്ന വഴിക്ക് പോത്തീസിൽ കയറണം.. എന്തിന്??? അത് റിസപ്ഷന് എല്ലാവർക്കും ഡ്രസ്സ്‌ എടുക്കണം... പിന്നെ മോൾക്ക് അത്യാവശ്യം ഡ്രെസ്സുകൾ എടുക്കണം... ഡ്രസ്സ്‌ എടുക്കാൻ പോകുന്നതൊക്കെ കൊള്ളാം... വൈകിട്ട് ആളുകളെ വിളിച്ചു വരുത്തിയിട്ടാണ് ഈ പരിപാടി... അതോർക്കണം.... നേരത്തും കാലത്തും വീട്ടിൽ പോകാൻ ഉള്ളതാ... അതൊക്കെ ഞങ്ങൾ നോക്കിക്കോളാം... സ്ത്രീ ജനങ്ങളെല്ലാം അകത്തേക്ക് പോയതും രാഘവൻ വാതിലിൽ കണ്ട സെറ്റിലേക്ക് ഇരുന്നു... മോൾക്ക് ഏതു കളർ ആണ് ഇഷ്ടം.. സരസ്വതി ഇവയോട് ചോദിച്ചു... എനിക്ക് അങ്ങനെ ഒന്നും ഇല്ല അമ്മ ഏതായാലും മതി.... അങ്ങനെ പറഞ്ഞാൽ എങ്ങനെയാ എന്തെങ്കിലും സജഷൻസ് ഉണ്ടെങ്കിൽ മോൾ പറയൂ... എനിക്ക് അങ്ങനെ ഒന്നും ഇല്ല അമ്മ എന്തെങ്കിലും അമ്മക്ക് ഇഷ്ടമുള്ള കളർ മതി... ശ്രീ നിനക്കിനി എന്തെങ്കിലും സജഷൻസ് ഉണ്ടോ??? എനിക്കൊരു സജഷൻസുമില്ല അമ്മ തന്നെ എടുത്താൽ മതി.... പിന്നെ ഈ ഫുൾ കിടക്കുന്ന ഡ്രസ്സ്‌ ആണെങ്കിൽ നന്നായിരിക്കും... സാരി ഒന്നും വേണ്ട... എങ്കിൽ ഞാൻ അത് തന്നെ നോക്കി എടുത്തോളാം... സരസ്വതി പറഞ്ഞു... അവളുടെ അമിത വിനയം കണ്ടിട്ട് മാധവിന് ആകെ ചൊറിഞ്ഞു കയറുന്നുണ്ടായിരുന്നു... ശ്രീ കുട്ടിയെ ഒന്നു ഒറ്റക്ക് കിട്ടാൻ വന്നപ്പോൾ തൊട്ട് അവൻ തക്കം പാത്തു നടക്കുകയായിരുന്നു.... അവസാനം അവളെ ഒറ്റക്ക് കിട്ടി... ഒറ്റക്ക് കിട്ടിയതും മാധവ് അവളുടെ കയ്യും പിടിച്ചു ആളൊഴിഞ്ഞ ഒരു കോണിലേക്ക് ഓടി... ശ്രീ കുട്ടി ഞാൻ ഒരു കാര്യം ചോദിച്ചോട്ടെ???നീ സത്യം പറയണം.... എന്താണ് കൊച്ചേട്ടാ?? എടി ഇത് ആ പെണ്ണല്ലേ...?? ഏത് പെണ്ണ്? കൊച്ചേട്ടൻ ആരുടെ കാര്യമാ ഈ പറയുന്നത്??? അത് ശ്രീ ഏട്ടന്റെ ഭാര്യയായി നമ്മുടെ ഏട്ടത്തി അമ്മയായി നമ്മുടെ വീട്ടിൽ കടന്നുവന്ന താടകയുടെ കാര്യം തന്നെ.... ഇവള് കാരണം  അല്ലെ ഏട്ടൻ അന്ന്... അതെല്ലൊ.... ഇത്രയൊക്കെ സംഭവിച്ചിട്ട് നീ എന്താ ഞെട്ടാത്തത്??? ഞാൻ ഒന്നു ഞെട്ടിയതാ കൊച്ചേട്ടാ..എപ്പഴും എപ്പഴും ഞെട്ടാൻ എനിക്ക് വട്ടൊന്നുമില്ല.... പക്ഷെ ഇവൾ ഇതെങ്ങനെ??? അത് എനിക്കും അറിയില്ല... ഇവിടെ വന്നു വല്യേട്ടന്റെ പെണ്ണ് അവളാണെന്ന് കണ്ട് ഞാനാകെ ഞെട്ടി പോയി..... ഞാനും.... ശ്രീക്കുട്ടി പറഞ്ഞു... എടി പോത്തേ നിനക്ക് അപ്പോൾ തന്നെ പറയാമായിരുന്നില്ലേ?? എന്ത്?? അവൾ ആള് ശരിയല്ല എന്നുള്ള കാര്യം ... അവൾ കാരണമാ ഏട്ടൻ അന്ന്... അത് പറയണമായിരുന്നു... ആ ബെസ്റ്റ്... ഞാൻ പറയാൻ പോയതാ... എന്നിട്ടെന്ന പറ്റിയത്??? പറയാൻ പോയപ്പോൾ അനൂപേട്ടൻ സമ്മതിച്ചില്ല.... അതെന്താ??? അതൊന്നും എനിക്കറിയില്ല... അനൂപേട്ടൻ പറഞ്ഞു ആ പെണ്ണിന്റെ ലൈഫ് നശിപ്പിക്കരുതെന്ന്... എല്ലാം കഴിഞ്ഞു ഇനി പറഞ്ഞിട്ട് ഒരു പ്രയോജനവും ഉണ്ടാവാൻ പോകുന്നില്ല എന്ന്... ആലോചിച്ചപ്പോൾ എനിക്കും തോന്നി അനൂപേട്ടൻ പറഞ്ഞതിൽ കാര്യമുണ്ടന്ന്.. അതാ ഞാൻ പിന്നെ ഒന്നും മിണ്ടാഞ്ഞത്... ഹോ.. നിന്നെ പോലെ ഒരുത്തി.. അതപ്പോഴേ പറയേണ്ടതായിരുന്നു.. എന്നാ കൊച്ചേട്ടന് കണ്ടപ്പോൾ തന്നെ പറയാമായിരുന്നില്ലേ??? നമ്മുടെ വീട്ടിൽ നീ പറയുന്നതും ഞങ്ങൾ പറയുന്നതുമായി പല കാര്യങ്ങളും വ്യത്യാസമുണ്ട് അത് കൊണ്ടാണ്... ചുരുക്കി പറഞ്ഞാൽ ഞാൻ രക്തസാക്ഷി ആകണം അല്ലേ??? നടപ്പില്ല മോനെ അത് .... എങ്കിൽ നോക്കാം അവളുടെ മെലോ ഡ്രാമ എവിടെ വരെ പോകും എന്ന്... എന്താ ഒരു വിനയം.... വഴിഞ്ഞൊഴുകുവല്ലേ??? ഒറ്റ ചവിട്ട് കൊടുക്കാൻ തോന്നുന്നു എനിക്ക്.... പക്ഷെ ഏട്ടൻ അവളെ അംഗീകരിച്ചല്ലോ... അതാണ് എനിക്കും മനസ്സിൽ അകത്തത്....... മധു പറഞ്ഞു..... എന്റെ കൊച്ചേട്ടാ.....കൊച്ചേട്ടൻ ഇതെന്ത് അറിഞ്ഞിട്ടാ... ഏട്ടന് ഇപ്പോഴും അവളെ വലിയ ഇഷ്ടം ആയിരുന്നു...ഏട്ടന്റെ മനസ്സിൽ അവൾ മാത്രം ആയിരുന്നു.... അത് നിനക്കെങ്ങനെ അറിയാം??? കല്യാണം കഴിഞ്ഞു വന്നപ്പോൾ മുഖം ഒന്നു കാണണമായിരുന്നു..... ഏട്ടൻ എന്ത് സന്തോഷത്തിൽ ആയിരുന്നു എന്നോ?? ഏട്ടൻ അവളെ മറന്നു എന്നു വിചാരിച്ച നമ്മളാണ് വിഡ്ഢികൾ... അപ്പോൾ ഏട്ടനോട് നേരിട്ട് ഒന്നും പറഞ്ഞിട്ട് കാര്യങ്ങൾ ഒന്നുമില്ല... നമുക്ക് അവളുടെ കള്ളക്കളികൾ എല്ലാം വെളിയിൽ കൊണ്ട് വരണം.... എങ്ങനെ??? നിനക്കെന്റെ കൂടെ നിൽക്കാൻ കഴിയുമോ??? അതൊക്കെ നിൽക്കാം... പക്ഷേ പിടിക്കപ്പെട്ടാൽ അങ്ങോട്ടുമിങ്ങോട്ടും പാര വെക്കരുത്...അതെ എന്റെ പോന്നു ശ്രീ കുട്ടി നിന്നോട് എനിക്ക് പറയാൻ ഉള്ളു.... അതെന്താ കൊച്ചേട്ടാ അങ്ങനെ ഒരു സംസാരം...??? അത് പോന്നു മോളെ നിന്നെ അത്രക്ക് വിശ്വാസം കൊണ്ട് പറഞ്ഞതാ.... ആണല്ലേ??അപ്പോൾ ഡീൽ... നിങ്ങൾ എന്താ ഇവിടെ നിൽക്കുന്നത്??? നിങ്ങളെ അവിടെ എല്ലാവരും അന്വേഷിക്കുന്നുണ്ട്... അനൂപ് അവരെ കണ്ടപ്പോൾ വന്നു പറഞ്ഞു... ഞങ്ങൾ അങ്ങോട്ട് വരുവാ അനൂപേട്ടാ.... ശ്രീ കുട്ടി പറഞ്ഞു... മധു നിനക്കെന്ന ഏട്ടത്തി അമ്മയെ അത്രക്കങ്ങു പിടിക്കാത്ത പോലെ??? എല്ലാം അറിഞ്ഞിട്ട് നിങ്ങളെന്താ പൊട്ടൻ കളിക്കുവാണോ??? എന്റെ ഈ കയ്യിലോട്ട എന്റെ ശ്രീ ഏട്ടൻ.... അന്നേ ഞാൻ അവളെ തീർക്കണ്ടതാ... നിങ്ങളൊക്കെ അന്ന് പറഞ്ഞത് കൊണ്ട് മാത്രമ അവളെ ഞാൻ വെറുതെ വിട്ടത്... ഇപ്പോൾ ദൈവമായിട്ട അവളെ ഇവിടെ എന്റെ മുൻപിൽ കൊണ്ട് തന്നത്.... ഞാൻ വെറുതെ വിടില്ല അവളെ... മധുവിന്റെ കണ്ണിൽ പക ആളിക്കത്തി 🥀🥀തുടരും 🥀🥀 പ്ലീസ് റിവ്യൂസ് ഇട്ട് പോകണേ...🙏🙏🙏 # #പ്രതിലിപി മലയാളം #💞 നിനക്കായ് #പ്രതിലിപി കഥകൾ## #❤ സ്നേഹം മാത്രം 🤗 #💖 മഴയും പ്രണയവും

ശ്രീ സമ്മതം അറിയിച്ചതും രാഘവന് ഭയങ്കര സന്തോഷം ആയി.... മോനെ ഞാൻ ഇപ്പോൾ വരാം.... അയാൾ അതും പറഞ്ഞു ആന്റണിയുടെ അടുത്തേക്ക് സന്തോഷത്തോടെ അകത്തേക്ക് ഓടി... ആന്റണി സമ്മതിച്ചു..... ശ്രീ കല്യാണത്തിന് സമ്മതിച്ചു... ശരിക്കും.... ശരിക്കും.....ആന്റണി വിശ്വാസം വരാത്തത് പോലെ ചോദിച്ചു... അതേടോ.. അവൻ എന്റെ മകൻ അല്ലെ പിന്നെ തനിക്കെന്താ ഇത്രയും വിശ്വാസം ഇല്ലാത്തത്?? എടാ അവന് പിന്നീട് ബുദ്ധിമുട്ടൊന്നും തോന്നരുത് മനസ്സിൽ ആയോ?? ഒരു ബുദ്ധിമുട്ടും ഇല്ല... അവൻ എന്റെ മകനാണ്...അവർ തമ്മിൽ യാതൊരു ബുദ്ധിമുട്ടുകളും ഉണ്ടാകാതെ ഞാൻ നോക്കിക്കോളാം...... ഞാൻ ഇവ മോളോട് പറയട്ടെ... നീ ധൈര്യമായി പറഞ്ഞോളൂ... പക്ഷെ അവർ തമ്മിൽ ഒന്നു കാണണ്ടേ??? കാണാതെ എങ്ങനെയാ??? അതൊന്നും അവനു കാണണ്ട എന്നാണ് പറയുന്നത്??? എന്നാലും... ആന്റണിക്ക് പിന്നെയും ടെൻഷൻ ആയി... താൻ ഈ ടെൻഷൻ ഒക്കെ ഒന്നു മറ്റി വെച്ചേ എന്നിട്ട് സന്തോഷമായി മോളെ പോയി വിളിക്കു... ക്ഷെണം കിട്ടി വന്നവർക്ക് ഉച്ചക്ക് ഫുഡ്‌ കൊടുക്കണ്ടേ??? രാഘവൻ പറഞ്ഞു... അത് ശരിയാ..... ആന്റണി വേഗം ഇവയുടെ അടുത്തേക്കോടി... എന്താ പപ്പാ...???എന്താ പറ്റിയത്?? ആന്റണിയുടെ വരവ് കണ്ടതും ഇവ ചോദിച്ചു... മോളെ ഇന്നുതന്നെ കല്യാണം നടക്കും.. എങ്ങനെ?? രാഘവന്റെ മകന് മോളെ കഴിക്കാൻ കല്യാണം കഴിക്കാൻ സമ്മതമാണെന്ന് അറിയിച്ചു..... സമ്മതമാണെന്നോ??? പപ്പാ അയാളെ കണ്ടിരുന്നോ?? ഞാൻ കണ്ടു നല്ല പയ്യനാ... ദുബൈയിൽ എഞ്ചിനീയർ.... ഒന്നാലോചിച്ചാൽ മതത്തിനു മാത്രമേ വ്യത്യാസം ഉള്ളു... നന്നായിട്ടു നോക്കാൻ മനസുണ്ടെങ്കിൽ അത് കുഴപ്പമില്ല മോളെ.... അയാൾ അതിന് എന്നെ കണ്ടിട്ടുണ്ടോ??? അവനു കാണണ്ട... രാഘവൻ പറയുന്നതാ അവസാന വാക്ക്... അയാൾ??? വെളിയിൽ നിൽപ്പുണ്ട്.. അയാളോട് എനിക്കൊന്നു സംസാരിക്കണം... എന്തിനാ മോളെ അതിന്റ ആവിശ്യം ഉണ്ടോ??? പപ്പാ ഒന്നു എല്ലാവരുടെയും മുൻപിൽ വെച്ചു നമ്മൾ നാണം കെട്ടില്ലേ?? ഇനി ഒരു പരീക്ഷണത്തിനും കൂടി ഞാൻ തയ്യാർ ആവണോ??? അങ്ങനെയല്ല മോളെ അവൻ നല്ലവനാ.. രാഘവനെ എനിക്ക് വർഷങ്ങളായി അറിയാം....രാഘവന്റെ മകനാണ് അവൻ .. എന്തായാലും ചതിക്കില്ല... പപ്പയുടെ സമാധാനത്തിനുവേണ്ടി ഞാൻ ഈ കല്യാണത്തിന് സമ്മതിക്കാം... പക്ഷെ കാര്യങ്ങൾ എല്ലാം പപ്പാ തന്നെ അയാളെ പറഞ്ഞു മനസ്സിൽ, ആക്കണം... മ്മ്...അതൊക്കെ ഞാൻ ചെയ്യാം എന്റെ മകൾ പൂർണ്ണ സമ്മതത്തോടെ ഇതിനൊന്നു നിന്നു തന്നാൽ മതി.... മ്മ്... ഇവ അതിനൊന്നു മൂളുക മാത്രം ചെയ്തു... അപ്പോഴേക്കും അവനിടാനുള്ള ഡ്രെസ്സെല്ലാം എത്തി... ബ്ലൂ പാന്റും അതിനു ചേരുന്ന കോട്ടും അകത്തു വൈറ്റ് ഷർട്ടും ഇട്ടു... ടൈയും ... ഇതായിരുന്നു ആയിരുന്നു വേഷം.... ആ സമയം കൊണ്ട് രാഘവൻ തന്റെ ഭാര്യയെ വിളിച്ചു വിവരങ്ങൾ എല്ലാം പറഞ്ഞു... കേട്ടപ്പോൾ അവർക്കും സന്തോഷമായി... അവരും മകളും തറവാട്ടിൽ പോയത് കൊണ്ട് തിരികെ എത്താൻ പറ്റില്ലായിരുന്നു.... കല്യാണം കഴിഞ്ഞു എല്ലാവരും വീട്ടിൽ എത്തുമ്പോൾ അവിടെ നേരിട്ടെത്താം എന്നും പറഞ്ഞു അവർ കാൾ കട്ട്‌ ആക്കി... അപ്പോഴും കല്യാണം നേരിട്ട് കാണാൻ പറ്റിയില്ലല്ലോ എന്നൊരു സങ്കടം മാത്രമേ അവർക്ക് ഉണ്ടായിരുന്നുള്ളു.  എല്ലാവരും കല്യാണത്തിന് സമ്മതിച്ചതും അവളുടെ കസിൻസ് എല്ലാവരും കൂടി അവളുടെ കയ്യിൽ പിടിച്ചു ആൾത്താരയ്ക്ക് മുൻപിലേക്ക് നടന്നു... നടന്നുവരുന്ന വഴികളിൽ പല തവണ അവളുടെ മുഖം കാണാൻ അവൻ ശ്രമിച്ചു എങ്കിലും നെറ്റ് കിടക്കുന്നത് കൊണ്ട് മുഖം വ്യക്തമായി കാണാൻ കഴിഞ്ഞില്ല.... അവൾ അൾത്താരയുടെ മുൻപിൽ വന്നു നിന്നതും പ്രാർത്ഥനകൾ തുടങ്ങി.... ശ്രീക്കു ഇതൊക്കെ ആദ്യത്തെ അനുഭവങ്ങൾ ആയത് കൊണ്ട് അവൻ എല്ലാം കേട്ടു നിന്നു.... അവസാനം അച്ഛൻ രണ്ട് പേരോടും സമ്മതം ചോദിച്ചു... ഇരുവരും മുഖത്തേക്ക് പോലും നോക്കാതെ സമ്മതം അറിയിച്ചു... പ്രാർത്ഥന കഴിഞ്ഞപ്പോൾ താലികെട്ടാനായി പെണ്ണിന്റെ മുഖത്തെ നെറ്റ് അവർ മാറ്റി... അവൻ ആ മുഖത്തേക്ക് ഒന്നേ നോക്കിയുള്ളു.... മനസ്സിൽ ഉണ്ടാകുന്ന വികാരം എന്താണെന്ന് പറഞ്ഞറിയിക്കാൻ പറ്റാത്ത അവസ്ഥ.... ഉള്ളിന്റെ ഉള്ളിൽ അണ പൊട്ടി ഒഴുകിയ സന്തോഷത്തെ നിയന്ത്രിക്കാൻ പോലും അവന് കഴിയുന്നുണ്ടായിരുന്നില്ല... കൈകൾ വിറക്കാൻ തുടങ്ങി.... അവന്റെ മനസ് എന്തൊക്കെയോ പറയാൻ വെമ്പൽ കൊണ്ടു... ഈ സമയത്തിനുള്ളിൽ ഒരിക്കൽപോലും  ഇവ അവന്റെ മുഖത്തേക്ക് നോക്കിയതേയില്ല... ആരെയും നോക്കാതെ കിട്ടിയ ഗ്യാപ്പിൽ അവൻ ആ താലി അവളുടെ കഴുത്തിൽ ചാർത്തി... താലി കെട്ടുമ്പോൾ ഒരു ലോകം മുഴുവൻ പിടിച്ചടക്കിയ സന്തോഷം ഉണ്ടായിരുന്നു അവനു .. അനൂപിന് മാത്രം അവന്റെ ചെയ്തികളിൽ എന്തോ സ്പെല്ലിങ് മിസ്റ്റേക്ക് തോന്നി... അനൂപ് സൈഡിൽ നിൽക്കുന്നത് കൊണ്ട് പെണ്ണിന്റെ മുഖം വ്യക്തമായി കാണാൻ കഴിയുന്നുണ്ടായിരുന്നില്ല.... അത് കൊണ്ട് തന്നെ അവൻ ഒരു സൈഡിലേക്ക് നീങ്ങി നിന്ന് പെണ്ണിന്റെ മുഖത്തേക്ക് ഒന്നു നോക്കി..... ഒന്നേ നോക്കിയുള്ളൂ പിന്നെ നോക്കാൻ തോന്നിയില്ല... ഈശ്വര അല്ല കർത്താവെ ഇവളൊ... ഇവൾ എങ്ങനെ??? അനൂപ് ദയനീയമായി ശ്രീയുടെ മുഖത്തേക്ക് നോക്കി.... അതെ എന്ന് അവൻ തല കൊണ്ട് ആംഗ്യം കാണിച്ചു... പെട്ടെന്നാണ് ഇവ തല ഉയർത്തി അവന്റെ മുഖത്തേക്ക് നോക്കിയത്..... അവളുടെ മുഖത്തെ ഭാവങ്ങൾ മാറാൻ തുടങ്ങി. ഒന്നും മിണ്ടരുതെന്ന് അവൻ കണ്ണുകൊണ്ട് കാണിച്ചു.... ഇത്രയും പേരുടെ മുമ്പിൽവെച്ച് അവൾ വല്ലതും പറഞ്ഞു വിളിച്ചു പറയും എന്ന പേടി കൊണ്ടാവാം അവന് ആകെ ടെൻഷൻ ആയി പോയി പക്ഷെ ഇവ ഒന്നും മിണ്ടാതെ തല താഴ്ത്തി തന്നെ നിന്നു... അവൻ പതുക്കെ അനൂപിനെ അടുത്തേക്ക് വിളിച്ചു... എടാ ഇവൾ എങ്ങനെ ഇവിടെ?? അളിയാ എനിക്ക് അറിയില്ല... അത് പോട്ടെ ഇതിപ്പോൾ വീട്ടിൽ ചെന്നു പറയുമ്പോൾ ശ്രീ കുട്ടി ഈശ്വര... അവൾ എല്ലാം വിളിച്ചു പറയും... എനിക്ക് തല കറങ്ങുന്നു... എന്തായാലും നനഞ്ഞു ഇനി കുളിച്ചു കയറാം അതാ നല്ലത്... നിന്റെ അച്ഛൻ എല്ലാത്തിനും കൂടെ നിൽക്കും പിന്നെ നിനക്കെന്താ??? ഡാ അച്ഛനറിയില്ലല്ലോ ആ പെണ്ണും ഈ പെണ്ണും ഒന്നാണെന്നു... ശരിയാ... എടാ പൊട്ടാ നീയൊന്ന് സ്ട്രോങ്ങ് ആയിട്ട് നിൽക്ക്.... നമുക്ക് റെഡിയാക്കാം.... എടാ വേറെ ഏതു പെണ്ണ് ആണെങ്കിലും എനിക്ക് കുഴപ്പമില്ലായിരുന്നു.... ഇതിപ്പോൾ ഇവൾ പെട്ടെന്ന്.... ആ വരുന്നത് വരുന്നടത്ത് വെച്ചു കാണാം... അതാണ് ഞാനും ഓർക്കുന്നത്... അല്ലാതെ ഇപ്പോൾ എന്ത് ചെയ്യാനാ... ഫോട്ടോ എടുക്കാൻ തുടങ്ങിയപ്പോഴാണ് ഇരുവർക്കും പണി കിട്ടിയത്... ഫോട്ടോ എടുക്കുന്ന ഓരോ പോസ്സ് വരുമ്പോഴും അവൾ രൂക്ഷമായി അവനെ നോക്കും... അവസാനം തൊട്ടു തൊട്ടില്ല എന്ന രീതിയിൽ എങ്ങനെയെങ്കിലും പോസ്സ് ചെയ്തു ഫോട്ടോഗ്രാഫർസ്നെ അവൻ ഒഴിവാക്കി... അതെ ശ്രീ തനിക്ക് ഇവയെ ഒന്നു തോളത്തു എടുക്കുമോ?? അതിൽ ഒരു ഫോട്ടോഗ്രാഫർ ചോദിച്ചു... അതൊന്നും വേണ്ട... ഇവ അതിനെ എതിർത്തു.. ഡോ ഇവ ഇതൊക്കെയല്ലേ ഇപ്പോൾ ഫോട്ടോ ഷൂട്ടിന്റെ ട്രെൻഡ്.  . ആ കുട്ടി അങ്ങനെ പലതും പറയും താൻ എടുക്ക്... വേണ്ട ചേട്ടാ.. കണ്ണൂര് കാരിയാ..ചിലപ്പോൾ വെട്ടുകത്തി എടുക്കും... മ്മ്... എങ്കിൽ നല്ല രണ്ട് മൂന്ന് ഫോട്ടോ വേണ്ടേ... ആ എടുക്ക് എന്നും പറഞ്ഞു എങ്ങനെയൊക്കെയോ കുറച്ചു നല്ല ഫോട്ടോസ് ഒപ്പിച്ചു... എങ്കിൽ ഇനി ചെക്കനും പെണ്ണും കൂടെ ഓഡിറ്റോറിയത്തിലേക്ക് പൊയ്ക്കോളൂ.. ഫുഡ് കഴിക്കേണ്ടതല്ലേ?? ഇവയുടെ ഒരു അമ്മാവൻ വന്നു പറഞ്ഞതും ക്യാമറമാൻ മാർ അവരെ പരോളിൽ വിട്ടു... എടോ താൻ എന്താടോ ഇവിടെ?? അവളുടെ ശബ്ദത്തിൽ നല്ല രോക്ഷം നിറഞ്ഞു നിൽപ്പുണ്ടായിരുന്നു... ശ്രീയെ ഒറ്റയ്ക്ക് കിട്ടിയപ്പോൾ ഇവ ചോദിച്ചു... അവളുടെ ശബ്ദത്തിൽ നല്ല രോക്ഷം നിറഞ്ഞു നിൽപ്പുണ്ടായിരുന്നു... നിന്റെ കല്യാണം മുടങ്ങിയപ്പോൾ എന്റെ അപ്പൻ വിളിച്ചു വരുത്തിയതാ... ഇപ്പോൾ ഇത്രയും പേരുടെ മുൻപിൽ വച്ച് ഒരു സീൻ ഉണ്ടാക്കാതെ നീ എന്റെ കൂടെ ഒന്ന് വാ... നമ്മുടെ ഇടയിലുള്ള പ്രശ്നങ്ങളൊക്കെ നമുക്ക് സമാധാനമായി പരിഹരിക്കാം ഇപ്പോൾ അതിനുള്ള സമയം അല്ല... മ്മ്... എന്റെ പപ്പയെ ഓർത്ത് മാത്രമാണ് ഞാൻ ഇങ്ങനെ നിൽക്കുന്നത്.. അല്ലെങ്കിൽ കാണാമായിരുന്നു.... എല്ലാം ഞാൻ സമ്മതിക്കുന്നുണ്ട്... നീ ഇപ്പോൾ എന്റെ കൂടെ ഫുഡ്‌ കഴിക്കാൻ വാ... നിന്റെ ആളുകൾ ഇപ്പോൾ ശ്രദ്ധിക്കും.. പ്രത്യേകിച്ച് ഇങ്ങനെ ഒരു സാഹചര്യത്തിൽ... നമ്മൾ നേരത്തെ പരിചയക്കാർ ആണെന്ന് അറിഞ്ഞാൽ ആളുകൾ ഓരോന്ന് പറഞ്ഞ് ഉണ്ടാക്കും അതിനുള്ള അവസരം നമ്മളായി ഉണ്ടാക്കണോ?? ഇപ്പോൾ നീ എന്റെ കൂടെ ഒന്ന് നിന്നു താ.... ബാക്കിയുള്ളതെല്ലാം നമുക്ക് അപ്പോൾ നോക്കാം  ... നമുക്ക് ഈ ബന്ധം പിരിയാൻ ആണെങ്കിൽ അങ്ങനെ ഞാൻ എന്തിനും തയ്യാറാണ്... ആ കോൺട്രാക്ടിൽ മാത്രം നീ ഈ കല്യാണം കണ്ടാൽ മതി... അല്ലെങ്കിലും കെട്ടി തന്റെ കൂടെ പൊറുക്കണം എന്ന് എനിക്ക് യാതൊരു ആഗ്രഹവും ഇല്ല... ആദ്യം ഈ ഓഡിറ്റോറിയം എന്ന കടമ്പ ഒന്ന് കടന്നു കിട്ടട്ടെ... അ വാ... അവൾ മുമ്പിൽ നടന്നു.. ഇങ്ങനെ ഒരു സാധനം ഇതിനെ എങ്ങനെ ജീവിതകാലം മുഴുവൻ മെയിക്കും (ശ്രീ ആത്മ ).. അവസാനം എങ്ങനെയോ അവളുടെ അടുത്ത് എത്തിപ്പെട്ടു... ക്യാമറ മാൻമാർ കൺകെ അവളുടെ കയ്യും പിടിച്ചു ഫുഡ്‌ കഴിക്കാൻ ഇരുന്നു... ഇടയ്ക്ക് ഫോട്ടോഷൂട്ടിന്റെ ഭാഗമായി അങ്ങോട്ടും ഇങ്ങോട്ടും വാരി കൊടുക്കാൻ ഒക്കെ അവർ പറഞ്ഞു... ഇഷ്ടമല്ലാതിരുന്നിട്ടും അങ്ങോട്ടുമിങ്ങോട്ടും വാരി കൊടുത്തു.. ഫുഡ് കഴിച്ചു കഴിഞ്ഞതും പെണ്ണിനും ചെക്കനും വീട്ടിലേക്ക് പോകാൻ സമയമായി... എല്ലാവരോടും യാത്ര പറഞ്ഞു ആന്റണി യുടെ അടുത്തിയപ്പോൾ ആന്റണി പതുക്കെ അവളെ മാറ്റി നിർത്തി.. മോളെ.. എന്നോടും അമ്മയോടും പെരുമാറുന്നത് പോലെ അവിടെ പോയി പെരുമാറരുത്... ഞാൻ അങ്ങനെ ചെയ്യുമോ പപ്പാ???പപ്പയ്ക്ക് അറിയാമല്ലോ എന്നെ...?? അതുകൊണ്ടാ മോളെ വീണ്ടും വീണ്ടും ഞാൻ പറഞ്ഞത്.. വന്ന് വന്ന് പപ്പയും എന്നെ ട്രോളാൻ തുടങ്ങി അല്ലേ... ട്രോളിയതല്ല മോളെ നീ ഒരു വീട്ടിൽ പോയി താമസിക്കുന്ന കാര്യം പറയുമ്പോൾ പപ്പയുടെ ഉള്ളിൽ തീയാണ് അതുകൊണ്ട് പറയുന്നതാ.. അതെന്താ എനിക്ക് കുഴപ്പം??? കുഴപ്പങ്ങളൊന്നും ഉണ്ടായിട്ടല്ല... നിന്റെ അല്കുലുത്ത ആ സ്വഭാവം ഒന്നു മാറ്റണം...പപ്പ പറഞ്ഞെന്നേയുള്ളൂ.... പപ്പാ ഞാൻ മാറ്റിക്കോളാം.. മാറ്റിയാൽ നിനക്ക് കൊള്ളാം... അല്ലാതെ അവൻ അതിന്റെ പേരിൽ തല്ലി,പിടിച്ചു എന്നൊക്കെ പറഞ്ഞ് എന്റെ അടുത്തോട്ട് വന്നേക്കരുത്... ആ പടിക്കകത്ത് ഞാൻ കയറ്റില്ല...നോക്കിക്കോ.... പപ്പാ... എങ്കിൽ പപ്പയുടെ മോള് ഈ വണ്ടിയിലേക്ക് കയറിക്കോളൂ.... അപ്പോഴേക്കും അവളുടെ അമ്മയും എത്തി... പപ്പയെല്ലാം പറഞ്ഞു കാണുമല്ലോ അല്ലേ... പറഞ്ഞു.. എന്റെ മോളെ അവിടെ ചെന്ന് കുസൃതികൾ ഒന്നും കാണിക്കരുത്..... ഇത്രയും നാൾ ഞങ്ങളുടെ കൂടെ ജീവിച്ച ഒരു അന്തരീക്ഷം ആയിരിക്കില്ല അവിടെ... മതിയമ്മ ഉപദേശം... വയറു നിറഞ്ഞു....ഞാൻ പോട്ടെ... പോയി വരാം എന്ന് പറയു മോളെ ... അയ്യോ വേണ്ടായേ.. ഇത്രയും നാൾ നിന്നത് തന്നെ അധികം.. അവൾ ആരും കേൾക്കാതെ രാഘവന്റെ ചെവിയിൽ പറഞ്ഞു... കാറിന്റെ ഡോർ തുറന്നു അവളെ പിൻസീറ്റിലേക്ക് ഇരുത്തി... എന്നിട്ട് പുറത്തു നിന്നിരുന്ന ശ്രീയുടെ അടുത്തേക്ക് ചെന്നു.... മോനെ അവൾക്ക് കുറച്ചു വാശി കൂടുതൽ ആണ്... പക്ഷെ ആളു പാവമാ...മോൻ വേണം അതൊക്കെ നിയന്ത്രിക്കാൻ... മോനു ഞാൻ പറയുന്നത് ഒക്കെ മനസ്സിൽ ആകുന്നുണ്ടല്ലൊ അല്ലെ... അതൊക്കെ ഞാൻ നോക്കിക്കോളാം അങ്കിൾ... അങ്കിൾ അല്ല.. പപ്പാ.... മോനും ഇനി അങ്ങനെ വിളിച്ചാൽ മതി കേട്ടോ... .മ്മ്... അനൂപ് ആയിരുന്നു കാർ ഓടിച്ചത്.. അതിൽ അനൂപും ശ്രീയും ഇവയും മാത്രമേ കയറിയുള്ളു... ചെക്കനെയും പെണ്ണിനേയും അവരുടെ പ്രൈവസിക്ക് വിട്ടിട്ട്  രാഘവൻ ശ്രീയും അനൂപും വന്ന വണ്ടിയിൽ വന്നേക്കാം എന്ന് പറഞ്ഞു... കാറ് കണ്ണിൽ നിന്നും മായുന്നതുവരെ എല്ലാവരും പള്ളിമുറ്റത്ത് നിന്ന് അവൾക്ക് കൈ വീശി കാണിച്ചു... 🥀🥀തുടരും 🥀🥀 വായിക്കുന്നവർ രണ്ട് വരിയിൽ നിങ്ങളുടെ റിവ്യൂസ് ഇടണേ.... #പ്രതിലിപി #പ്രതിലിപി മലയാളം #പ്രതിലിപി കഥകൾ##