Satya Vadapalli
773 views • 1 days ago
ఆడికృత్తిక (సుబ్రహ్మణ్య పూజ) :
కృత్తికా నక్షత్రాన జన్మించిన వాడు సుబ్రహ్మణ్యుడు. అందుకే సుబ్రహ్మణ్యుని ఆరాధనలో కృత్తికా నక్షత్రం ప్రత్యేకమైంది. సూర్యుడు కర్కాటక రాశిలో ఉండగా వచ్చే కృత్తికా నక్షత్రం రోజున తమిళనాట ఆడికృత్తికను నిర్వహిస్తారు. సుబ్రహ్మణ్యుని ప్రధాన క్షేత్రాలైన ఆరుపడైవీడు క్షేత్రాలు శరవణభవ నామస్మరణతో మారుమోగుతాయి. సుబ్రహ్మణ్యస్వామికి సంబంధించి శరవణ భవ అనేది షడక్షరీ మంత్రం. స్వామి వాహనం నెమలి. అదృష్టానికి, శుభానికి, సంపదలకు ప్రతీక నెమలి. సుబ్రహ్మణ్యుని ధ్వజం కుక్కుటం అంటే కోడిపుంజు. పౌరుషానికి సూచన.శత్రుభయం తొలగిస్తుంది. ఇక స్వామి ఆయుధం శూలం. మనలోని ఆసురీ శక్తులను సంహరించే ఆయుధం. దుర్గుణాలను నాశనం చేసి సన్మార్గం వైపు నడిపిస్తుంది. వల్లీ, దేవసేనలు స్వామి దేవేరులు. వీరు ఇచ్ఛాశక్తి అంటే ఆలోచనాశక్తికి, జ్ఞానశక్తి అంటే పూర్ణత్వానికి సంకేతాలు.స్వామి ఆరుముఖాలు ప్రకృతి శక్తులైన పంచభూతాలకు, ఆత్మతత్వానికి ప్రతీకలు. దేవసేనాధ్యక్షుడైన సుబ్రహ్మణ్యుడు రాక్షస శక్తులను సంహరించిన రోజు స్కందషష్టి. మార్గశిర శుద్ధషష్టినాడు తెలుగువారు సుబ్రహ్మణ్య షష్టిగా నిర్వహించుకుంటారు. అదే ఆయన జన్మదినం. ప్రతిమాసంలో శుక్లపక్ష షష్టినాడు సుబ్రహ్మణ్యుని ప్రత్యేకంగా ఆరాధిస్తారు. స్వామిని పూజిస్తే సంతానం కలుగుతుందని, వివాహం అవుతుందని విశ్వసిస్తారు. ముఖ్యంగా స్వామి కృపతో జ్ఞానవృద్ధి కలుగుతుంది. దక్షిణాయనంలో తమిళులు కర్కాటక మాసంలో వచ్చే ఆడికృత్తిక నాడు కుమారస్వామిని ప్రత్యేకంగా ఆరాధిస్తారు.
#🌅శుభోదయం #దేవుళ్ళ స్టేటస్ #🙏🏻భక్తి సమాచారం😲 #🙏సుబ్రహ్మణ్య స్వామి #🕉️ ఓం శ్రీ సుబ్రహ్మణ్య స్వామి 🔯
45 likes
15 shares
