#టెక్నాలజీ 📡 *“చచ్చావా… బతికావా?”…. చైనాలో సెన్సేషన్ సృష్టిస్తున్న కొత్త యాప్…❗* January 16, 2026🎯 ఏదైనా కొత్త వస్తువు మార్కెట్‌లోకి వస్తే “శుభం” అనే ఫీల్ వచ్చే పేరు పెట్టుకుంటాం… కానీ చైనాలో మాత్రం “నువ్వు చచ్చిపోయావా?” (are you dead) అనే పేరుతో ఒక యాప్ దుమ్మురేపుతోంది…. పేరు వినడానికి కాస్త ఒళ్లు గగుర్పొడిచినా, దీని వెనుక ఉన్న ఐడియా మాత్రం అదిరిపోయింది… ముఖ్యంగా ఒంటరిగా బతుకుతున్న వారికి ఇదొక “డిజిటల్ ప్రాణదాత”గా మారింది… అసలు ఏంటా యాప్? ఎలా పనిచేస్తుంది? …. ప్రపంచం స్పీడుగా పరిగెడుతోంది… పిల్లలు అమెరికాలో, తల్లిదండ్రులు ఇండియాలో… లేదా భార్యాపిల్లలు ఊర్లో, భర్త సిటీలో… ఇలా ఒంటరి బతుకులు ఎక్కువైపోయాయి… ఒకవేళ ఇంట్లో ఎవరూ లేనప్పుడు మనకేదైనా అయితే, కనీసం పక్కవాడికి కూడా తెలియని పరిస్థితి… సరిగ్గా ఇక్కడే ఈ యాప్ ఎంట్రీ ఇచ్చింది… సింపుల్ లాజిక్…: మీరు యాప్ ఇన్‌స్టాల్ చేసుకున్నాక, ప్రతి రెండు రోజులకు ఒకసారి అందులో ఒక బటన్ నొక్కాలి… అంటే.. “నేను బతికే ఉన్నాను బాబోయ్” అని సిగ్నల్ ఇవ్వాలన్నమాట… ఒకవేళ నొక్కకపోతే?…: మీరు 48 గంటల పాటు ఆ బటన్ నొక్కలేదు అనుకోండి… అంతే! యాప్ వెంటనే అలర్ట్ అయిపోతుంది… మీరు ముందే సేవ్ చేసిన మీ ఫ్యామిలీ మెంబర్స్ నంబర్లకు, ఫ్రెండ్స్‌కు “వెళ్లి చూడండి… అక్కడ ఏదో తేడాగా ఉంది!” అని మెసేజ్‌లు పంపేస్తుంది… 13 వేల పెట్టుబడి.. 13 కోట్ల విలువ! ఈ యాప్‌ను చైనాలోని జెంఝువాకు చెందిన ముగ్గురు కుర్రాళ్లు కేవలం రూ. 13 వేల (1000 యువాన్లు) ఖర్చుతో సరదాగా మొదలుపెట్టారు… కానీ 2025లో ‘మూన్ స్పేస్ టెక్నాలజీస్’ పేరుతో లాంచ్ అయిన కొద్ది రోజుల్లోనే ఇది చైనాలో టాప్ పెయిడ్ యాప్ అయిపోయింది… ఇప్పుడు దీని మార్కెట్ విలువ అక్షరాలా 13 కోట్లు! ప్రపంచమంతా ఇదే గోల… చైనాలో ఇప్పటికే వృద్ధుల సంఖ్య విపరీతంగా పెరిగిపోయింది… ఫర్టిలిటీ రేటు బాగా పడిపోతోంది… అదే కాదు, రష్యా, జపాన్ అన్నిచోట్లా ఇదే సమస్య… 2030 నాటికి చైనాలో 20 కోట్ల మంది ఒంటరిగా జీవించే అవకాశం ఉందట… ఒక్క చైనానే కాదు… అమెరికా, స్పెయిన్, ఆస్ట్రేలియాలోని చైనీయులు కూడా ఈ యాప్‌ను ఎగబడి డౌన్లోడ్ చేసుకుంటున్నారు… ఒక చిన్న ముచ్చట…: చైనాలో ‘ఆర్ యూ హంగ్రీ?’ (నీకు ఆకలిగా ఉందా?) అనే ఫుడ్ యాప్ ఫేమస్… ఆ పేరును పేరడీ చేస్తూ దీనికి ‘ఆర్ యూ డెడ్?’ అని పేరు పెట్టారు… అయితే పేరు మరీ భయంకరంగా ఉందని తిడుతుండటంతో, త్వరలో పేరు మార్చే ఆలోచనలో ఉన్నారట… మనకేంటి పాఠం? ఈ యాప్ సక్సెస్ వెనుక ఒక పెద్ద సామాజిక బాధ ఉంది… మనుషుల మధ్య దూరం పెరిగిపోతోందని, పలకరించే నాథుడు లేక టెక్నాలజీ మీద ఆధారపడాల్సి వస్తోందని ఇది నిరూపిస్తోంది… ఫర్టిలిటీ రేటు తగ్గి, వృద్ధుల సంఖ్య పెరుగుతున్న ఈ రోజుల్లో... ఇలాంటి "సేఫ్టీ నెట్" యాప్స్ రాబోయే రోజుల్లో ప్రతి మొబైల్‌లోనూ ఉండక తప్పదు... ఇదొక విషాదం... యువత కూడా డబుల్ ఇన్‌కమ్ నో కిడ్స్ అంటున్నారు... అసలు నో వెడ్డింగ్ అంటున్నారు... సో, ఈ యాప్ రాబోయే రోజుల్లో అవశ్యం...

Mappls Features: #టెక్నాలజీ 📡 *గూగుల్ మ్యాప్స్‌కు గట్టి పోటీని ఇస్తున్న మ్యాపుల్స్.. ఈ ఫీచర్స్ మాత్రం అదుర్స్..‼️* 21.10.2025🎯 ఇంటర్నెట్ డెస్క్: నావిగేషన్ యాప్ అంటే భారతీయులకు ముందుగా గుర్తొచ్చేది గూగుల్ మ్యాప్స్. కానీ దేశీయంగా రూపొందించిన మరో యాప్ కూడా ప్రస్తుతం భారతీయులను ఆకట్టుకుంటోంది. మ్యాప్‌మైఇండియా రూపొందించిన ఈ యాప్ పేరు మ్యాపుల్స్. భారతీయ రోడ్లు, ట్రాఫిక్‌కు అనుగుణంగా పలు ప్రత్యేక ఫీచర్లు ఇందులో జోడించారు. గూగుల్‌కు గట్టి పోటీ ఇచ్చేలా డిజైన్ చేశారు. మరి మ్యాపుల్స్‌లో యూజర్స్‌ను ఆకట్టుకుంటున్న టాప్ 5 ఫీచర్స్ ఏంటో ఈ కథనంలో తెలుసుకుందాం (Mappls features India). మ్యాపుల్స్‌ పిన్ మ్యాపుల్స్‌ ఫీచర్స్‌లో అత్యంత ప్రత్యేకమైనది పిన్ ఫీచర్. ఇదో డిజిటల్ పిన్ కోడ్. దీని సాయంతో భారత్‌లోని ప్రతి లొకేషన్‌ను అత్యంత కచ్చితత్వంతో గుర్తించొచ్చు. భారత్‌లో పిన్ కోడ్స్, అడ్రస్‌లు అసంపూర్ణంగా ఉంటూ జనాలను ఇబ్బంది పెడుతుంటాయి. ఈ సమస్యకు పరిష్కారంగా పిన్ ఫీచర్‌ను అందుబాటులోకి తెచ్చారు. గూగుల్‌లోని ప్లస్ కోడ్ లాగా ఇది కూడా భారతీయ డీజీ పిన్‌తో అనుసంధానమైంది. దీంతో, కోరుకున్న అడ్రస్‌కు సులువుగా చేరుకోవచ్చు. టోల్ అండ్ ట్రిప్ కాలిక్యులేటర్ మ్యాపుల్స్‌తో ప్రయాణ ఖర్చులను కూడా లెక్కించుకోవచ్చు. ఇందుకు టోల్ అండ్ ట్రిప్ కాలిక్యులేటర్ చక్కగా ఉపయోగపడుతుంది. ఇంధన ఖర్చులు, టోల్ చార్జీలకు సంబంధించి చక్కటి అంచనాలను ఇస్తుంది. సుదీర్ఘ ట్రిప్స్‌పై వెళ్లే వాళ్లు, కమర్షియల్ డ్రైవర్లకు ఈ ఫీచర్ ఉపయుక్తం. 3డీ ఫంక్షన్ వ్యూ కొత్త ప్రాంతాల్లో ప్రయాణించే వారికి భారత్‌లోని ఫ్లైఓవర్లు, క్రాస్‌రోడ్స్‌ మీదుగా ప్రయాణం ఒక సవాలు అని చెప్పకతప్పదు. అయితే, మ్యాపుల్స్‌లోని 3డీ జంక్షన్ వ్యూతో భారీ క్రాస్ రోడ్స్‌ను చక్కగా అర్థం చేసుకుని ఎలాంటి కన్‌ఫ్యూజన్ లేకుండా వెళ్లాల్సిన మార్గంలో ప్రయాణించవచ్చు. క్రాస్ రోడ్స్ వద్ద ఉన్న దారులు, వాటిపై ఉన్న లాండ్ మార్క్స్, ఎగ్జిట్ పాయింట్స్ వంటివన్నీ స్పష్టంగా 3డీ వ్యూ ఫీచర్‌లో చూడొచ్చు. ఇస్రోతో కలిసి ఈ ఫీచర్‌ను అభివృద్ధి చేయడంతో అత్యంత కచ్చితమైన మార్గనిర్దేశనం డ్రైవర్‌లకు లభిస్తుంది. లైవ్ ట్రాఫిక్ టైమర్ ఏఐ ఆధారిత లైవ్ ట్రాఫిక్ టైమర్ కూడా మ్యాపుల్స్‌లో అందుబాటులో ఉంది. ప్రస్తుతం ఈ ఫీచర్ బెంగళూరులో అందుబాటులో ఉంది. దీని సాయంతో ప్రయాణికులు ట్రాఫిక్ లైట్ కౌంట్‌డౌన్‌ను చూస్తూ ఎప్పుడు రెడ్ లైట్, లేదా గ్రీన్ లైట్ పడుతుందో తెలుసుకోవచ్చు. రోడ్ అలర్ట్స్ వీధుల్లో గొయ్యిలు లేదా స్పీడ్ బ్రేకర్ల సమాచారం గురించి రోడ్ అలర్ట్స్ ద్వారా యూజర్లు తెలుసుకోవచ్చు. కొత్త రహదారుల మీదుగా ప్రయాణించే వారికి ఈ ఫీచర్ అత్యవసరం. మరి ఇంకెందుకు ఆలస్యం ఇన్ని ఫీచర్స్‌ ఉన్న మ్యాపుల్స్‌ను మీరూ ఓసారి ట్రై చేయండి.

AD #bjpindia

#🎵ఎమోషనల్ లిరికల్ వీడియో స్టేటస్ #👫బెస్ట్ కపుల్ స్టేటస్🥰 #😇మోటివేషనల్ వీడియోలు #👫తోబుట్టువుల ప్రేమ 🥰 #😢Sad Feelings💔