జారె ఆదినారాయణ ఎమ్మెల్యే ఫాలోవర్స్
597 views •
రాజ్యాంగ విలువలు కాపాడితేనే ప్రజాస్వామ్యం బలపడుతుంది – ఎమ్మెల్యే జారె
26-01-2026 | సోమవారం
గణతంత్ర దినోత్సవం సందర్భంగా అశ్వారావుపేట నియోజకవర్గంలో నిర్వహించిన వివిధ కార్యక్రమాల్లో గౌరవ ఎమ్మెల్యే జారె ఆదినారాయణ గారు పాల్గొన్నారు.
అశ్వారావుపేట మండల కేంద్రంలోని ప్రభుత్వ క్యాంపు కార్యాలయం, వ్యవసాయ కళాశాల, ప్రెస్ క్లబ్లలో జాతీయ జెండా ఆవిష్కరణ చేసి పోలీసుల గౌరవ వందనం స్వీకరించారు.
ఈ సందర్భంగా ఆయన మాట్లాడుతూ భారత రాజ్యాంగం ప్రతి పౌరుడికి సమాన హక్కులు కల్పించిందని, ప్రజాస్వామ్య వ్యవస్థ బలంగా ఉండాలంటే ప్రతి ఒక్కరూ రాజ్యాంగ విలువలను పాటించాలన్నారు. స్వాతంత్ర్య పోరాటంలో ప్రాణాలు అర్పించిన మహనీయుల త్యాగాలను స్మరించుకోవడం మన బాధ్యత అని పేర్కొన్నారు.
అనంతరం అశ్వారావుపేట మున్సిపాలిటీలో రూ.50 లక్షలతో నిర్మించబోయే పబ్లిక్ టాయిలెట్లకు శంకుస్థాపన చేశారు. ప్రజలకు మరింత సౌకర్యాలు కల్పించడమే లక్ష్యంగా ఈ నిర్మాణాలు చేపడుతున్నట్లు తెలిపారు.
తదుపరి రైతు వేదికలో వ్యవసాయ శాఖ ఆధ్వర్యంలో సబ్సిడీపై అందజేసిన వ్యవసాయ పరికరాలను రైతులకు పంపిణీ చేశారు. ఆధునిక పద్ధతులతో వ్యవసాయం చేసి ఖర్చులు తగ్గించుకుని అధిక దిగుబడులు సాధించాలని రైతులకు సూచించారు.
దమ్మపేట మండల కేంద్రంలోని సంతాన వేణుగోపాల స్వామి ఆలయంలో నిర్వహించిన 108 హనుమాన్ చాలీసా పఠన కార్యక్రమంలో ఎమ్మెల్యే గారు పాల్గొని ప్రత్యేక పూజలు నిర్వహించారు. ఈ సందర్భంగా ఆధ్యాత్మిక కార్యక్రమాలు సమాజంలో ఐక్యతను పెంపొందిస్తాయని తెలిపారు.
అదే విధంగా మొద్దులగూడెం జిల్లా పరిషత్ ఉన్నత పాఠశాలలో ఏర్పాటు చేసిన సరస్వతీ దేవి, డా. బి.ఆర్. అంబేద్కర్, మహాత్మా గాంధీ విగ్రహాల ఆవిష్కరణ కార్యక్రమంలో పాల్గొని ప్రసంగించారు.
విద్యే సమాజ అభివృద్ధికి మూలాధారమని, మహానుభావుల విగ్రహాలు విద్యార్థుల్లో నైతిక విలువలు, దేశభక్తిని పెంపొందిస్తాయని పేర్కొన్నారు.
ఈ కార్యక్రమాల్లో మండల అధ్యక్షులు తుమ్మా రాంబాబు, ఆత్మ కమిటీ చైర్మన్ సుంకవల్లి వీరభద్రరావు, వ్యవసాయ అధికారులు, ప్రజాప్రతినిధులు, పార్టీ నాయకులు, స్థానికులు పెద్ద సంఖ్యలో పాల్గొన్నారు. #కాంగ్రెస్ #కాంగ్రెస్ పార్టీ తెలంగాణ #🔹కాంగ్రెస్ #🌍నా తెలంగాణ #🏛️రాజకీయాలు
5 likes
17 shares
