SEBASTIAN PAUL.K
1K views • 6 months ago
✍️
ബസ് ഉടമകളുടെ അറിവിലേക്കായി,
ബസ് രജിസ്ട്രേഷൻ സംബന്ധിച്ച് 6 മാസം നീട്ടിയ ഉത്തരവിന്റെ വിശദാംശം നൽകുന്നതിനാണ് ഇങ്ങനെ ഒരു മെസ്സേജ് ഇടുന്നത്.
31/08/2025 വരെ AS 052, Form 22B, Self declaration എന്നീ പേപ്പറുകൾ വച്ചാണ് നമ്മൾ പുതിയ ബസ്സുകൾ രജിസ്റ്റർ ചെയ്തു വന്നിരുന്നത്.
എന്നാൽ 01/09/2025നു ശേഷം AS 153 എന്ന ബോഡി കോഡ് സർട്ടിഫിക്കേഷൻ ഉണ്ടെങ്കിൽ മാത്രമേ ബസ്സുകൾ രജിസ്റ്റർ ചെയ്യുവാൻ സാധിക്കുകയുള്ളൂ. എന്നിരുന്നാലും 01/09/2025 മുമ്പ് എടുത്ത പല വാഹനങ്ങളുടെയും ബോഡി വർക്ക് തീരാത്തതിനാൽ അങ്ങനെയുള്ള വാഹനങ്ങൾ രജിസ്റ്റർ ചെയ്യുന്നതിന് കേരള സർക്കാർ താൽക്കാലികമായി ആറുമാസത്തേക്ക് ഇങ്ങനെയുള്ള വാഹനങ്ങൾ രജിസ്റ്റർ ചെയ്യുന്നതിന് വേണ്ടി ഒരു പ്രത്യേക ഉത്തരവ് ഇറക്കിയിട്ടുണ്ട്. ഇങ്ങനെയൊരു ഉത്തരവ് ഇറക്കിയത് തന്നെ കെഎസ്ആർടിസിയുടെ 174 ഓളം ബസ്സുകൾ പെട്ടു കിടക്കുന്നതു കൊണ്ട് കൂടിയാണ് എന്നത് ഓർമ്മപ്പെടുത്തുന്നു. ഈ ആനുകൂല്യം 01/09/2025 നു മുന്നേ ടെംമ്പററി(temperory) രജിസ്ട്രേഷൻ ചെയ്ത വാഹനങ്ങൾക്ക് മാത്രമായിരിക്കും.
എന്നാൽ 01/09/2025ന് ശേഷം എടുത്ത ബസ്സുകൾ AS 052, Form 22B സർട്ടിഫിക്കറ്റ് വെച്ച് രജിസ്റ്റർ ചെയ്യാം എന്ന് പറഞ്ഞു കൊണ്ട് പല ബോഡി വർക്ക്ഷോപ്പുകളിലും വാഹനങ്ങൾ ബോഡി നിർമ്മിക്കുന്നതായി അറിയാൻ കഴിഞ്ഞു. 01/09/2025നു ശേഷം ടെമ്പററി രജിസ്ട്രേഷൻ എടുക്കുന്ന വാഹനങ്ങൾക്ക് AS 153 അപ്രൂവൽ ഇല്ലാതെ ഉള്ള ബോഡി വർക്ഷോപ്പുകൾ നിന്ന് ഇറങ്ങുന്ന വാഹനങ്ങൾക്ക് ഒരു കാരണവശാലും രജിസ്ട്രേഷൻ നടക്കുകയില്ല എന്നാണ് ട്രാൻസ്പോർട്ട് കമ്മീഷൻ ഓഫീസിൽ നിന്നും അറിയാൻ കഴിഞ്ഞത്. നിലവിൽ Form 22B നിയമം 01/09/2025നു ശേഷം എടുത്തു കളഞ്ഞു.
അതുകൊണ്ട് ബസ് ഇടമകൾ പ്രത്യേകം ശ്രദ്ധിക്കുക. ഇനി ഒരു കാരണവശാലും AS 052, Form 22B സർട്ടിഫിക്കറ്റുകൾ വെച്ച് രജിസ്ട്രേഷൻ നടക്കുകയില്ല. കേരള സർക്കാറിന് ഇനിയൊരു ഓർഡർ ഇറക്കുന്നതിനും പറ്റില്ല. ആയതിനാൽ നമ്മുടെ ബസ് ഉടമകളുടെ പ്രത്യേകം പറയാനുള്ളത് പെട്ടു പോയിട്ട് കാര്യമില്ല. പിന്നെ അസോസിയേഷനുകളുടെ അടുത്ത് പോയിട്ട് കരഞ്ഞാലും ആർക്കും ഒന്നും ചെയ്യാൻ പറ്റില്ല. അടുത്തിടയ്ക്ക് ഒന്ന് രണ്ട് ബസ്സുകളിൽ അപകടങ്ങളിൽ 45ഓളം പേർ വെന്ത് മരിച്ച സംഭവത്തിൻ്റെന്റെ പശ്ചാത്തലത്തിൽ കേന്ദ്ര സർക്കാർ ഈ നിയമത്തിൽ യാതൊരു വിട്ടുവീഴ്ചയും ചെയ്യില്ല എന്നും അറിയാൻ കഴിഞ്ഞു.
അതിനാൽ ഒരിക്കൽ കൂടി പറയുകയാണ് ആരും പെട്ടുപോകരുത്. പെട്ടു പോയിട്ട് പറഞ്ഞിട്ട് യാതൊരു കാര്യവും ഉണ്ടാവുകയില്ല, ആർക്കും ഒന്നും ചെയ്യാൻ പറ്റില്ല #bus ##bus #🚛 ട്രക്കുകൾ #💚 എന്റെ കേരളം #🙋♀️ എൻ്റെ സ്റ്റാറ്റസുകൾ {[{-1}]}
Download ShareChat App 
15 likes
12 shares
