ಟೋಲ್ ಪ್ಲಾಜಾಗಳಲ್ಲಿ ಕ್ಯಾಶ್ ಗೆ ಗುಡ್ ಬೈ? ಏಪ್ರಿಲ್ 1ರಿಂದ ಹೊಸ ನಿಯಮ! ನವದೆಹಲಿ: ರಾಷ್ಟ್ರೀಯ ಹೆದ್ದಾರಿ ಅಭಿವೃದ್ಧಿ ಪ್ರಾಧಿಕಾರ (NHAI) ದೇಶಾದ್ಯಂತ ಹೆದ್ದಾರಿ ಟೋಲ್ ಪ್ಲಾಜಾಗಳಲ್ಲಿ ಏಪ್ರಿಲ್ 1ರಿಂದ ನಗದು ಪಾವತಿಯನ್ನು ಸಂಪೂರ್ಣವಾಗಿ ಸ್ಥಗಿತಗೊಳಿಸುವ ಕುರಿತು ಚಿಂತನೆ ನಡೆಸುತ್ತಿದೆ. ಅನುಷ್ಠಾನಗೊಳ್ಳುವಂತಾದರೆ, ರಾಷ್ಟ್ರೀಯ ಹೆದ್ದಾರಿ ಶುಲ್ಕ ಪ್ಲಾಜಾಗಳಲ್ಲಿನ ಎಲ್ಲಾ ಟೋಲ್ ಪಾವತಿಗಳು ಫಾಸ್ಟ್‌ಟ್ಯಾಗ್ ಅಥವಾ ಯುಪಿಐ (UPI) ಮೂಲಕ ಡಿಜಿಟಲ್ ವಿಧಾನದಲ್ಲಿ ಮಾತ್ರ ಪ್ರಕ್ರಿಯೆಯಾಗಲಿವೆ ಎಂದು ಪ್ರಾಧಿಕಾರ ತಿಳಿಸಿದೆ. ಸಂಪೂರ್ಣ ಡಿಜಿಟಲ್ ಟೋಲಿಂಗ್ ವ್ಯವಸ್ಥೆ ಜಾರಿಗೆ ತರುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗುತ್ತಿದೆ. ಇದರಿಂದ ಟೋಲ್ ಸಂಗ್ರಹ ವ್ಯವಸ್ಥೆಯ ದಕ್ಷತೆ ಮತ್ತು ವಿಶ್ವಾಸಾರ್ಹತೆ ಹೆಚ್ಚಲಿದೆ. ಜೊತೆಗೆ, 'ಪ್ರಯಾಣ ಸುಲಭಗೊಳಿಸುವಿಕೆ' ಹೆಚ್ಚಳ, ಲೇನ್ ಥ್ರೋಪುಟ್ ಸುಧಾರಣೆ, ದಟ್ಟಣೆ ಕಡಿತ ಮತ್ತು ಪಾರದರ್ಶಕತೆ ವೃದ್ಧಿಯಾಗಲಿದೆ ಎಂದು ಎನ್‌ಎಚ್‌ಎಐ ಹೇಳಿದೆ. ಕಳೆದ ಕೆಲವು ವರ್ಷಗಳಲ್ಲಿ ಫಾಸ್ಟ್‌ಟ್ಯಾಗ್ ಬಳಕೆ ಶೇ.98ಕ್ಕೂ ಹೆಚ್ಚು ಪ್ರಮಾಣಕ್ಕೆ ಏರಿಕೆಯಾಗಿದೆ. ಹೆಚ್ಚಿನ ಟೋಲ್ ವಹಿವಾಟುಗಳು ಈಗಾಗಲೇ RFID ಆಧಾರಿತ ಫಾಸ್ಟ್‌ಟ್ಯಾಗ್ ಮೂಲಕ ಡಿಜಿಟಲ್ ರೀತಿಯಲ್ಲಿ ನಡೆಯುತ್ತಿವೆ. ಯುಪಿಐ ಪಾವತಿ ವ್ಯವಸ್ಥೆಯನ್ನೂ ಟೋಲ್ ಪ್ಲಾಜಾಗಳಲ್ಲಿ ಜಾರಿಗೆ ತರಲಾಗಿದೆ. ಪ್ರಸ್ತುತ ನಿಯಮಗಳ ಪ್ರಕಾರ, ಫಾಸ್ಟ್‌ಟ್ಯಾಗ್ ಇಲ್ಲದೇ ಟೋಲ್ ಪ್ಲಾಜಾಗೆ ಪ್ರವೇಶಿಸಿ ನಗದು ಪಾವತಿಸಿದರೆ, ಅನ್ವಯವಾಗುವ ಶುಲ್ಕದ ದ್ವಿಗುಣ ಮೊತ್ತ ವಿಧಿಸಲಾಗುತ್ತದೆ. ಆದರೆ ಯುಪಿಐ ಮೂಲಕ ಪಾವತಿಸಿದರೆ, ಸಂಬಂಧಿತ ವಾಹನ ವರ್ಗಕ್ಕೆ ಅನ್ವಯಿಸುವ ಶುಲ್ಕದ 1.25 ಪಟ್ಟು ಮಾತ್ರ ವಿಧಿಸಲಾಗುತ್ತದೆ. ಎನ್‌ಎಚ್‌ಎಐ ಪ್ರಕಾರ, ನಗದು ಪಾವತಿಗಳು ದಟ್ಟಣೆ, ಹೆಚ್ಚಿನ ಕಾಯುವ ಸಮಯ ಹಾಗೂ ವಹಿವಾಟು ಸಂಬಂಧಿತ ವಿವಾದಗಳಿಗೆ ಕಾರಣವಾಗುತ್ತಿವೆ. ಸಂಪೂರ್ಣ ಡಿಜಿಟಲ್ ಪಾವತಿ ವ್ಯವಸ್ಥೆಗೆ ಪರಿವರ್ತನೆಗೊಂಡರೆ, ಸಂಚಾರ ನಿರ್ವಹಣೆ ಸುಧಾರಿಸಿ ವಿಳಂಬ ಕಡಿಮೆಯಾಗಲಿದೆ. ದೇಶದ ವಿವಿಧ ರಾಷ್ಟ್ರೀಯ ಹೆದ್ದಾರಿಗಳು ಹಾಗೂ ಎಕ್ಸ್‌ಪ್ರೆಸ್‌ವೇಗಳಲ್ಲಿ ಇರುವ 1,150ಕ್ಕೂ ಹೆಚ್ಚು ಟೋಲ್ ಪ್ಲಾಜಾಗಳಲ್ಲಿ ಈ ಕ್ರಮ ಜಾರಿಗೆ ಬಂದರೆ, ರಾಷ್ಟ್ರೀಯ ಹೆದ್ದಾರಿ ಬಳಕೆದಾರರ ಅನುಭವದಲ್ಲಿ ಮಹತ್ತರ ಸುಧಾರಣೆ ಕಾಣಬಹುದು ಎಂದು ಪ್ರಾಧಿಕಾರ ತಿಳಿಸಿದೆ. #LATEST #INDIA #TECHNOLOGY #FASTAG #NHAI #GOCASHLESS

ಫಾಸ್ಟ್ಯಾಗ್ ನಿಯಮದಲ್ಲಿ ಭಾರೀ ಬದಲಾವಣೆ, NHAIನಿಂದ ಬಿಗ್‌ ರಿಲೀಫ್‌! ಟೋಲ್‌ ರಸ್ತೆಗಳಲ್ಲಿ ಸಂಚರಿಸುವ ವಾಹನಗಳಿಗೆ ಫಾಸ್ಟ್ಯಾಗ್ (FASTag) ಕಡ್ಡಾಯ ಮಾಡಲಾಗಿದೆ. ಸ್ವಯಂಚಾಲಿತ ಟೋಲ್‌ ಶುಲ್ಕ ಪಾವತಿ ಉದ್ದೇಶದಿಂದ ಇದನ್ನು ಜಾರಿಗೆ ತರಲಾಯಿತು. ವಾಹನ ಮಾಲೀಕರು ಮೊದಲೇ ತಮ್ಮ ಫಾಸ್ಟ್ಯಾಗ್‌ ಖಾತೆಯಲ್ಲಿ ಹಣ ಹೊಂದಿರುವುದರಿಂದ ಟೋಲ್‌ಗಳಲ್ಲಿ ಹೆಚ್ಚು ಹೊತ್ತು ನಿಲ್ಲದೆ ಸುಗಮವಾಗಿ ಸಂಚರಿಸಲು ಅನುವು ಮಾಡಿಕೊಡಲಾಗುತ್ತಿದೆ.ಈಗ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವು (NHAI) ಈ ಫಾಸ್ಟ್ಯಾಗ್‌ ಬಳಕೆದಾರರಿಗೆ ಮತ್ತೊಂದು ರಿಲೀಫ್‌ ನೀಡಿದೆ. ಇದೀಗ ಫಾಸ್ಟ್ಯಾಗ್‌ ಬಳಕೆದಾರರಿಗೆ ನಿಮ್ಮ ವಾಹನವನ್ನು ತಿಳಿದುಕೊಳ್ಳಿ (Know Your Vehicle) ಪ್ರಕ್ರಿಯೆಯನ್ನು ಸರಳೀಕರಿಸಿದೆ. ಇದು ಹೆಚ್ಚು ಅನುಕೂಲಕರ ಮತ್ತು ಬಳಕೆದಾರ ಸ್ನೇಹಿಯಾಗಿ ಕಾರ್ಯನಿವರ್ಹಿಸಲಿದೆ. ಸದ್ಯ KYV ಪ್ರಕ್ರಿಯೆಯನ್ನು ಎನ್‌ಎಚ್‌ಎಐ ಸರಳಗೊಳಿಸಿದ್ದು, ಸುಗಮ ರಾಷ್ಟ್ರೀಯ ಹೆದ್ದಾರಿ ಅನುಭವ ನೀಡಲು ಮಾರ್ಗಸೂಚಿಗಳನ್ನು ಸರಳಗೊಳಿಸಿದೆ. ಈ ಸರಳೀಕೃತ ಮಾರ್ಗಸೂಚಿಗಳ ಅಡಿಯಲ್ಲಿ, ನಿಮ್ಮ ವಾಹನದ ನಂಬರ್ ಪ್ಲೇಟ್ ಮತ್ತು FASTag ಅನ್ನು ತೋರಿಸುವ ಮುಂಭಾಗದ ಚಿತ್ರ ಮಾತ್ರ ಅಗತ್ಯವಾಗಿರುತ್ತದೆ. ಇದನ್ನು ಪಾಲಿಸದ ವಾಹನಗಳಿಗೆ ಫಾಸ್‌ಟ್ಯಾಗ್‌ ಸೇವೆಗಳನ್ನು ನಿಲ್ಲಿಸಲಾಗುವುದಿಲ್ಲ. KYV ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಬಳಕೆದಾರರಿಗೆ ಸಾಕಷ್ಟು ಅವಕಾಶವನ್ನು ನೀಡಲಾಗುತ್ತದೆ. ಹೊಸ ನಿಯಮ ಏನು.? ಈ ಸರಳೀಕೃತ KYV ಮಾರ್ಗಸೂಚಿಗಳ ಅಡಿಯಲ್ಲಿ ಕಾರು, ಜೀಪ್, ವ್ಯಾನ್‌ನ ಪಕ್ಕದ ಛಾಯಾಚಿತ್ರಗಳು ಇನ್ನು ಮುಂದೆ ಅಗತ್ಯವಿಲ್ಲ. ಬದಲಾಗಿ ನಂಬರ್ ಪ್ಲೇಟ್ ಮತ್ತು ಫಾಸ್ಟ್ಯಾಗ್‌ ತೋರಿಸುವ ಮುಂಭಾಗದ ಚಿತ್ರವನ್ನು ಮಾತ್ರ ಅಪ್‌ಲೋಡ್ ಮಾಡಬೇಕಾಗುತ್ತದೆ. ಅಲ್ಲದೆ, ಬಳಕೆದಾರರು ವಾಹನ ಸಂಖ್ಯೆ, ಚಾಸಿಸ್ ಸಂಖ್ಯೆ ಅಥವಾ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿದಾಗ ವಾಹನ್‌ನಿಂದ ಆರ್‌ಸಿ ವಿವರಗಳನ್ನು ಸ್ವಯಂಚಾಲಿತವಾಗಿ ಪಡೆಯಲು ಅವಕಾಶ ನೀಡಲಾಗುತ್ತೆ. ಅಲ್ಲದೆ ಒಂದೇ ಮೊಬೈಲ್ ಸಂಖ್ಯೆಯಡಿ ಹಲವು ಬಹು ವಾಹನಗಳನ್ನು ನೋಂದಾಯಿಸಿದ್ದರೆ, ಬಳಕೆದಾರರು KYV ಅನ್ನು ಪೂರ್ಣಗೊಳಿಸಲು ಬಯಸುವ ವಾಹನವನ್ನು ಆಯ್ಕೆ ಮಾಡಲು ಸಹ ಅವಕಾಶ ನೀಡಲಾಗಿದೆ. ವಾಹನದ ವಿವರಗಳನ್ನು ಈಗ ವಾಹನ್ ಡೇಟಾಬೇಸ್‌ನಿಂದ ಸ್ವಯಂಚಾಲಿತವಾಗಿ ಪಡೆಯಬಹುದು. ಒಂದು ಮೊಬೈಲ್ ಸಂಖ್ಯೆಗೆ ಲಿಂಕ್ ಮಾಡಲಾದ ಹಲವು ವಾಹನಗಳನ್ನು ಹೊಂದಿರುವ ಬಳಕೆದಾರರಿಗೆ ಆಯ್ಕೆ ಕೂಡ ಇದೆ. ಈ ಉಪಕ್ರಮವು ರಾಷ್ಟ್ರೀಯ ಹೆದ್ದಾರಿ ಪ್ರಯಾಣಿಕರಿಗೆ ಸುಗಮ, ಅಡಚಣೆ ಮುಕ್ತ ಅನುಭವವನ್ನು ನೀಡಲಿದೆ. ಈ KYV ನಿಯಮಗಳ ಸರಳೀಕರಣವು ಬಳಕೆದಾರರ ಅನುಭವವನ್ನು ಹೆಚ್ಚಿಸಲು, ಫಾಸ್ಟ್ಯಾಗ್‌ ವ್ಯವಸ್ಥೆಯನ್ನು ಬಲಪಡಿಸಲು ಮತ್ತು ದೇಶಾದ್ಯಂತ ರಾಷ್ಟ್ರೀಯ ಹೆದ್ದಾರಿ ಬಳಕೆದಾರರಿಗೆ ಸುಗಮ ಮತ್ತು ತಡೆರಹಿತ ಅನುಭವವನ್ನು ಒದಗಿಸುವ ಭಾಗವಾಗಿದೆ ಎಂದು ತಿಳಿಸಿದೆ. ಈ ಸೇವೆಗಳನ್ನು ಮುಂದುವರಿಸಲು ವಿತರಕ ಬ್ಯಾಂಕುಗಳು ಸಹ KYV ಅನ್ನು ಪೂರ್ಣಗೊಳಿಸಲು ಬಳಕೆದಾರರಿಗೆ ಎಸ್‌ಎಂಎಸ್‌ ಅಲರ್ಟ್‌ (SMS Alert) ಕಳುಹಿಸುತ್ತವೆ. ಯಾವುದೇ ಕಾರಣಕ್ಕಾಗಿ ಬಳಕೆದಾರರು ದಾಖಲೆಗಳನ್ನು ಅಪ್‌ಲೋಡ್ ಮಾಡುವಲ್ಲಿ ತೊಂದರೆ ಎದುರಿಸಿದರೆ, ವಿತರಿಸುವ ಬ್ಯಾಂಕ್ ಗ್ರಾಹಕರನ್ನು ಮುಂಚಿತವಾಗಿ ಸಂಪರ್ಕಿಸಿ, ಸಂಪರ್ಕ ಕಡಿತಗೊಳಿಸುವ ಮೊದಲು KYV ಪ್ರಕ್ರಿಯೆ ಪೂರ್ಣಗೊಳಿಸಲು ನೆರವಾಗುತ್ತದೆ. ಗ್ರಾಹಕರು ತಮ್ಮ ವಿತರಕ ಬ್ಯಾಂಕಿನೊಂದಿಗೆ ಯಾವುದೇ KYV ಸಂಬಂಧಿತ ಸಮಸ್ಯೆಗಳಿಗೆ ರಾಷ್ಟ್ರೀಯ ಹೆದ್ದಾರಿ ಸಹಾಯವಾಣಿ ಸಂಖ್ಯೆ-1033ಗೆ ದೂರುಗಳನ್ನು ಸಲ್ಲಿಸಬಹುದು ಎಂದು ಹೇಳಿದೆ. #LATEST #NHAI #FASTAG #CHANGERULES #KYV #VAHANDATABASE

AD #bjpindia

#🤣 ಫನ್ನಿ ವಿಡಿಯೋ #😅 ಕಾಮಿಡಿ ವೀಡಿಯೋಸ್ 😁 #😆ಫನ್ನಿ ಸ್ಟೇಟಸ್