ശ്രീയേട്ടാ..... എന്താ അമ്മാളുവേ..... ശ്രീയേട്ടന് അമ്മാളൂനെ എത്രേം ഇഷ്ട്ടം ഉണ്ട്...... ഒരുപാട് ഇഷ്ട്ടാണല്ലോ..... എത്രേം..... ഒരു കുന്നോളം.... അയ്യേ.... അത്രേ ഉള്ളൂ.... പോ.... അവളൊന്ന് ചിണുങ്ങി ക്കൊണ്ട് അവന്റെ നെഞ്ചിൽ പിടിച്ചു തള്ളി... ഊറി ചിരിച്ചു കൊണ്ട് അവൻ അവളെ നെഞ്ചിലേക്ക് അടക്കി പിടിച്ചു... "വേണ്ട... എന്നെ തൊടണ്ട... എന്നെ ഒരു കുന്നോളം ഇഷ്ട്ടം അല്ലേ ഉളളൂ..." "കുന്നെന്താ... അത്രേം മോശമാണോ? " "ആണ്..." പറഞ്ഞു കൊണ്ട് അവൾ മുഖം വീർപ്പിച്ചു.... "എന്നാ... ഒരു മലയോളം...." "മ്... ഹും.... പോരാ.. " അവളൊന്നു വീണ്ടും ചിണുങ്ങി മുഖം വീർപ്പിച്ചു..... "എന്നാ പിന്നേ.. ഒരു പർവതത്തോളം ... പോരെ...... അമ്മാളൂട്ടി." "പോരാ....." അവളുടെ കണ്ണുകളിൽ അവനോടുള്ള പ്രണയം തിരതല്ലി.... "പിന്നെ......" "അത്‌ പറയാൻ എനിക്കറിയില്ലല്ലോ ശ്രീയേട്ടാ.. ആ... എന്നെ കൊറേ കൊറേ സ്നേഹിക്കോ ശ്രീയേട്ടാ....." "സ്നേഹിക്കുന്നുണ്ടല്ലോ.... ഈ പ്രപഞ്ചത്തിൽ ഞാൻ ഏറ്റവും സ്നേഹിക്കുന്നത് നിന്നെയാ അമ്മാളു .... എന്റെ ജീവനോളം....." "ആണോ......" കണ്ണുകൾ വിടർത്തി കൊണ്ടവൾ ചോദിച്ചു...... "അതേല്ലോ......" പുഞ്ചിരിയോടെ അവൻ പറഞ്ഞപ്പോൾ അവളുടെ കവിളിലേ നുണക്കുഴി കൂടുതൽ വിരിഞ്ഞു.... ✳️✳️✳️✳️✳️✳️✳️✳️✳️ "ആാാാാ....... ശ്രീയേട്ടാ.........." അവളുടെ അലർച്ച ആ വീടിന്റെ അകത്തളത്തിൽ മുഴങ്ങി കേട്ടു..... "മാഷേ..... അമ്മാളൂന്........" അകത്ത് നിന്നും ധൃതിയിൽ ഓടി വന്നു കൊണ്ട് അമ്പത് വയസ്സോളം പ്രായമുള്ള ഒരു സ്ത്രീ പറഞ്ഞതും ആധിയോടെ അയാൾ നെഞ്ച് തടവി....... ✳️✳️✳️✳️✳️✳️✳️✳️✳️ "എവിടെക്കാ സാറെ....... ഇവിടെ കണ്ടിട്ടില്ലല്ലോ... ഇവിടെ പുതിയതാണോ......" "അതേ...... ഞാനിവിടെ ----- ഹൈ സ്കൂളിൽ ജോയിൻ ചെയ്യാൻ വന്നതാ....." "ആ... പുതിയ മാഷാണോ അപ്പൊ......" "അതേ..... " "ആഹാ... എവിടെയാ മാഷിന്റെ നാട്...." "കുറച്ചു തെക്കാ ചേട്ടാ....." "തെക്കെന്ന് പറഞ്ഞാ...." "തിരുവനന്തപുരം...." "ആഹാ... അപ്പൊ ശ്രീപത്മനാഭന്റെ മണ്ണീന്ന് വരണ ആളാ അല്ലേ..." അതിന് മറുപടിയായി അവനൊന്നു ചിരിച്ചു..... "ആഹ്... അത്‌ പോട്ടെ.... മാഷിനിപ്പോ എവിടെക്കാ പോണ്ടേ... താമസൊക്കെ...." "അത്‌... ദേവമംഗലത്ത്... അവിടെ വാടകക്ക് താമസിക്കാൻ........" "അവിടെയോ......" അയാളുടെ നെറ്റി ചുളിഞ്ഞു..... "അതേ.... എന്താ......" "ഏയ്‌..... ഒന്നുല്ല...." "എന്തേയ്.... അവിടെ വല്ല പ്രേതോ ഭൂതോ ഉണ്ടോ....." പുഞ്ചിരിയോടെ ചോദിച്ചു അവൻ.... "ഏയ്‌... അതൊന്നും ഇല്ല.... ഞാൻ ഒന്നും ആയിട്ട് പറഞ്ഞതല്ല മാഷേ.... അല്ലാ.... മാഷിന്റെ പേരെന്താ......" "ശ്രീ സായി റാം ......." "എന്തൊരു ചൂടാ എന്റെ ദൈവമേ...." പുറത്ത് പോയി വന്ന അയാൾ ഇറയത്തെ കസേരയിലേക്ക് ഇരുന്നു കൊണ്ട് പറഞ്ഞു... "മീനച്ചൂടല്ലേ ചന്ദ്രേട്ടാ.... " "ഒരു വേനൽ മഴ പോലും കിട്ടീട്ടില്ലല്ലോ.. അതിന്റെയാ ഈ ഉഷ്ണം.... എന്താ ചൂട്... പുറത്തേക്ക് ഇറങ്ങിയാ കരിഞ്ഞു പോവും പോലെയാ.... " "മഴ പെയ്യുമായിരിക്കും ചന്ദ്രേട്ടാ... ഇനിയിപ്പോ ഇടവം എത്താറായില്ലേ...." "ആ... പെയ്യുമായിരിക്കും.... അല്ല... അവൻ എവിടെ പോയതാ നന്ദിനി...." "പുറത്തോട്ട് ഇറങ്ങിയതാ... ആ അജിത്ത് ഗൾഫിന്ന് വന്നിട്ടുണ്ടെന്ന്.... കൂട്ടുകാരൻ അല്ലേ.. അവനൊന്നു അത്രടം വരെ ചെല്ലാൻ പറഞ്ഞിട്ടുണ്ടെന്ന് പറഞ്ഞു പോയതാ.... " "ഈ ചൂടത്ത് ഈ ചെറുക്കനിത് എന്തിന്റെ കേടാ ...." "സാരല്ല എന്റെ ചന്ദ്രേട്ടാ... വെറുതെ ഇവിടെ കുത്തിയിരിക്കണതിലും ഭേദല്ലേ.... ആ... ദേ പറഞ്ഞപ്പോഴേക്കും ആളിങ്ങു എത്തിയല്ലോ...." ചിരിയോടെ പറഞ്ഞു കൊണ്ട് നന്ദിനി നോക്കിയയിടത്തേക്ക് അയാളും നോക്കി പുഞ്ചിരിച്ചു... സായി..... എന്തെ അച്ഛാ... അജിത്തിന്റെ അടുത്ത് പോയിട്ട് എന്തായി മോനെ... ഏയ്‌... എന്താവാൻ... അവനെ കണ്ടു സംസാരിച്ചു പോന്നു... അവന്റെ കല്യാണം ശെരിയായിട്ടുണ്ട്... അപ്പോ അതൊക്കെ സംസാരിച്ചു അങ്ങനെ ഇരുന്നു... അമ്മയെ ഒളിക്കണ്ണിട്ട് നോക്കി അവൻ പറഞ്ഞു.... അച്ഛനും ചിരിയടക്കി.... കണ്ടോ... അജിത്തിന്റെ കല്യാണം ആയി... നിന്റെ അതേ പ്രായമാ അവന്... നീയിനി എന്നാ... മൂക്കില് പല്ല് മുളച്ചിട്ടോ... എന്റെ പൊന്ന് അമ്മേ... ഇവിടെ ഞാൻ തന്നെ ഇപ്പോ ജീവിക്കണത് അച്ഛന്റെ ചെലവിലാ... ഇനി ഞാനൊരു പെണ്ണ് കെട്ടീട്ട് അവൾടെ ചെലവും കൂടെ അച്ഛൻ നോക്കണ്ടേ... ഞാൻ സമ്പാദിക്കണത് നിനക്ക് വേണ്ടീട്ട് അല്ലേടാ... അല്ലാതെ പിന്നെ ആർക്കാ... നീയിപ്പോ ഒരു കല്യാണം കഴിച്ചെന്നു വെച്ച് ഞങ്ങള് കണക്കൊന്നും പറയാൻ പോണില്ല... എന്നാലും... അത്‌ വേണ്ട... ഞാൻ കെട്ടണ പെണ്ണിനെ ഞാൻ പണിയെടുത്തു കിട്ടണ കാശ് കൊണ്ട് വേണം നോക്കാൻ... തല്ക്കാലം കല്യാണത്തിന്റെ കാര്യം അവിടെ നിൽക്കട്ടെ.... ഞാനിപ്പോ അവനോട് ഒരു വിസിറ്റിംഗ് വിസ എടുക്കുന്ന കാര്യം പറഞ്ഞിട്ടുണ്ട്... അവൻ ok പറഞ്ഞിട്ടുണ്ട്... അവിടെ ചെന്നിട്ട് ജോലിക്ക് ശ്രമിക്കാലോ.... അവിടെയാവുമ്പോ കക്കൂസ് കഴുകണ ജോലി ആയാലും ചെയ്യാം... അഭിമാനം നോക്കണ്ടല്ലോ... ഇവിടെ വരുമ്പോ എങ്ങനെ ആയാലും ഗൾഫ്കാരൻ എന്ന പേരുണ്ടാവും... അതിന്റെ പത്രാസില് നടക്കാലോ... അവന്റെ ശബ്ദം ഇടറിയത് ശ്രദ്ധിച്ച ആ അച്ഛന്റെയും അമ്മയും നെഞ്ച് നീറി.... കല്ലിങ്ങൽ ചന്ദ്രഹാസന്റെയും ഭാര്യ നന്ദിനിയുടെയും രണ്ട് മക്കളിൽ ഒരാൾ.... അതാണ് അവൻ... ശ്രീ സായി റാം.... ഒരു സായി ഭക്ത ആയ അച്ഛമ്മ ഇട്ടതാണ് അവന് ആ പേര്.... ഇളയവൾ സുമിത.... കല്യാണം കഴിഞ്ഞു... ഒരു ചെറിയ മോളുണ്ട്... ചന്ദ്രഹാസന്റെ അമ്മ ഇളയ മോൻ സത്യനാഥിന്റെ കൂടെയാണ് താമസം ... സായി.... അച്ഛനെ കൃഷിയിൽ സഹായിച്ചു ഒക്കെ നിൽക്കുന്നു... ചന്ദ്രഹാസൻ ഒരു എൽ പി സ്കൂൾ മാഷ് ആണ്... സൈഡ് ആയി കൃഷിയും ഒക്കെയുണ്ട്... പാരമ്പര്യം ആയിട്ടു കിട്ടിയ പാടവും പറമ്പും ഒക്കെ ഉണ്ട്.... സായി ബി എഡ് കഴിഞ്ഞെങ്കിലും എവിടെയും ജോലി ശെരിയായിട്ടില്ല... കുറച്ചു നാള് ഒരു ട്യൂഷൻ സെന്ററിൽ ക്ലാസ് എടുത്തിരുന്നു... പക്ഷേ ശമ്പളം കൊടുക്കാൻ പലപ്പോഴും അവർ മടിച്ചതോടെ അവൻ അവിടെ നിന്നും റിസൈൻ ചെയ്തു... പിന്നീട് അച്ഛനെ സഹായിച്ചു നിന്നു... ഇതിനിടയിൽ പല ടെസ്റ്റുകളും എഴുതി.. ഇന്റർവ്യൂ കൊടുത്തു... ഒന്നും ശെരിയാവാതെ വന്നതോടെ നിരാശയിൽ ആണ്.... മോനെ... സായി.... അച്ഛൻ വിളിച്ചത് കേട്ട് അവനൊന്നു ചിരിച്ചു... വേദനയോടെ... സത്യല്ലേ ഞാൻ പറഞ്ഞത്... അതൊന്നും വേണ്ട... നിനക്ക് ജോലിയൊക്കെ ശെരിയാവും.... നിന്റെ അമ്മേടെ പ്രാർത്ഥന കേൾക്കാതിരിക്കാൻ ദൈവത്തിന് കഴിയില്ല മോനെ... വെറുതെ തലയൊന്നാട്ടി അവൻ അകത്തേക്ക് നടന്നു പോയി... അവനെ വേദനയോടെ നോക്കി കൊണ്ട് നന്ദിനിയും ചന്ദ്രഹാസനും.... ആ അമ്മയുടെ പ്രാർത്ഥന ഒടുവിൽ ദൈവം കേട്ടു... സായിക്ക് ഒരു സ്കൂളിൽ ജോലി ശെരിയായി... അവന്റെ നാട്ടിൽ നിന്ന് ഏറെ ദൂരെയുള്ള ഒരു നാട്ടിൽ.... പാലക്കാട്‌ ജില്ലയിൽ..... ************************ "സായി.... മോനെ.... ചെന്നിട്ട് വിളിക്കണം ട്ടോ......" അമ്മയുടെ ആധിയോടെയുള്ള പറച്ചിലിന് മറുപടിയായി അവനൊന്നു ചിരിച്ചു...... "വിളിക്കാം എന്റെ അമ്മേ... അമ്മ ഇങ്ങനെ പേടിക്കാതെ...." അത്‌ കേട്ട് അച്ഛൻ ചിരിച്ചു കൊണ്ട് അവനെ നോക്കി.... "ആദ്യായിട്ടല്ലേ സായി നീ അമ്മേടെ അടുത്തുന്നു മാറി നിക്കണേ... അതിന്റെ ആധിയാ...." "എന്തിന്... ഒരു പേടിയും വേണ്ടെന്നേ... ഞാനൊരു ജോലിക്ക് പോണതല്ലേ... അമ്മേടെ പേടി കണ്ടാൽ തോന്നും ഞാനൊരു പെൺകുട്ടിയാണെന്ന്.... " "ആണായാലും പെണ്ണായാലും മക്കള് പിരിയുമ്പോ എല്ലാ അമ്മമാർക്കും പേടിയും വിഷമോം ഒക്കെ ഉണ്ടാവും സായി..." അമ്മയുടെ സങ്കടം കൊണ്ടുള്ള പറച്ചിൽ.... അവൻ അവരെയൊന്ന് ചേർത്ത് പിടിച്ചു... നെറ്റിയിൽ അരുമയായി മുത്തി... "ഒരു ടെൻഷനും വേണ്ട എന്റെ നന്ദിനി കുട്ടിക്ക്... ഞാൻ ഒരു കുഴപ്പോം ഒപ്പിക്കൂല.... അവിടെ ചെന്നിട്ട് ഞാൻ വിളിക്കാം... പോരെ...." അമ്മയെ സമാധാനിപ്പിച്ചു കൊണ്ട് അവൻ പറയെ അർദ്ധസമ്മതത്തോടെ അവരൊന്ന് മൂളി.... "അച്ഛാ.... ദേ.. എന്റെ നന്ദിനി കുട്ടിയെ നോക്കിയേക്കണം ട്ടോ..." "ഓ... ഉത്തരവ് തമ്പ്രാ... " ചിരിയോടെ ചന്ദ്രഹാസൻ പറയെ ഉറക്കെ പൊട്ടിച്ചിരിച്ചു കൊണ്ടു അച്ഛനെ പുണർന്നു അവൻ... "പോയിട്ട് വരാം അച്ഛാ....." "ശെരി...." രണ്ടാളെയും നോക്കി ഒരിക്കൽ കൂടി യാത്ര പറഞ്ഞു ഇറങ്ങുമ്പോൾ പുതിയൊരു നാട്ടിലേക്ക്.. പുതിയൊരു സാഹചര്യത്തിലേക്ക് പോകുന്നതിന്റെ ചെറിയൊരു ബുദ്ധിമുട്ട് ഉണ്ടെങ്കിലും എന്തോ ഒന്ന് അവിടേക്ക് തന്നെ ആകർഷിക്കുന്നത് പോലെ അവന് തോന്നിയിരുന്നു...... വേഗം അങ്ങോട്ട് എത്താൻ ആരോ മന്ത്രിക്കുന്നത് പോലെ..... പക്ഷേ... എന്തൊക്കെയോ തന്റെ ജീവിതത്തിൽ സംഭവിക്കാൻ ഇരിക്കുന്നത് പോലെ അവന് തോന്നി.... "അച്ഛാ.... ദേ.. എന്റെ നന്ദിനി കുട്ടിയെ നോക്കിയേക്കണം ട്ടോ..." "ഓ... ഉത്തരവ് തമ്പ്രാ... " ചിരിയോടെ ചന്ദ്രഹാസൻ പറയെ ഉറക്കെ പൊട്ടിച്ചിരിച്ചു കൊണ്ടു അച്ഛനെ പുണർന്നു അവൻ... "പോയിട്ട് വരാം അച്ഛാ....." "ശെരി...." രണ്ടാളെയും നോക്കി ഒരിക്കൽ കൂടി യാത്ര പറഞ്ഞു ഇറങ്ങുമ്പോൾ പുതിയൊരു നാട്ടിലേക്ക് പുതിയൊരു സാഹചര്യത്തിലേക്ക് പോകുന്നതിന്റെ ചെറിയൊരു ബുദ്ധിമുട്ട് ഉണ്ടെങ്കിലും എന്തോ ഒന്ന് അവിടേക്ക് തന്നെ ആകർഷിക്കുന്നത് പോലെ അവന് തോന്നിയിരുന്നു...... വേഗം അങ്ങോട്ട് എത്താൻ ആരോ മന്ത്രിക്കുന്നത് പോലെ..... പക്ഷേ... എന്തൊക്കെയോ തന്റെ ജീവിതത്തിൽ സംഭവിക്കാൻ ഇരിക്കുന്നത് പോലെ അവന് തോന്നി.... ************************** ദേവമംഗലം..... പടിപ്പുരയുടെ മതിലിൽ പതിച്ചു വെച്ചിരിക്കുന്ന തറവാട്ട് പേര് ഒന്ന് കൂടെ വായിച്ചു കൊണ്ട് അവൻ അകത്തേക്ക് കടന്നു..... ആ സ്ഥലം ഒന്നാകെ വീക്ഷിച്ചു കൊണ്ടിരുന്നു അവന്റെ കണ്ണുകൾ .... ഓടിട്ട ഒരു പഴയ മോഡൽ ഇരുനില വീടാണ് മുന്നിൽ കണ്ടത്... അത്യാവശ്യം വലിപ്പമുള്ളൊരു വീട്.... കുറച്ചധികം പറമ്പ് ഉണ്ട്... നിറയെ മരങ്ങളും... ആ വീടിന്റെ പടിഞ്ഞാറു ഭാഗത്തായി ഒരു ഒറ്റ നില വീടുണ്ട്... ചെറിയൊരു വീട്... കണ്ടാൽ ഔട്ട്‌ ഹൌസ് പോലെ തോന്നും... 'ഓ... ഇതാണ് അപ്പോ വാടകക്ക് കൊടുക്കുന്ന വീട്...' സ്വയം പറഞ്ഞു കൊണ്ട് അവൻ ആ വലിയ വീടിന് മുന്നിലേക്ക് പോയി... അവിടെ മുറ്റത്തെല്ലാം ഇലകൾ വീണു കൊഴിഞ്ഞു കിടക്കുന്നുണ്ട്.... 'ഇവിടെ ആൾതാമസൊന്നും ഇല്ലേ ആവോ.... ദൈവമേ... ഇതിനി വല്ല ഭാർഗവീ നിലയം എങ്ങാനുമാണോ...' ഒരുപാട് ചിന്തകൾ അവന്റെ മനസ്സിലൂടെ കടന്നു പോയി... അവനൊന്നു വിറച്ചില്ലേന്ന് ചോദിച്ചാൽ..... ഉവ്വ്.. വിറച്ചു.... കാളിങ് ബെൽ നീട്ടി അടിച്ചു കുറച്ചു കഴിഞ്ഞിട്ടും ആരും വാതിൽ തുറന്നില്ല.... 'ഇത് തന്നെയല്ലേ ആ ചായക്കടക്കാരൻ കണാരേട്ടൻ പറഞ്ഞ വീട്....' സംശയത്തോടെ തിരിഞ്ഞു നടക്കാൻ ഒരുങ്ങവേ പുറകിൽ വാതിൽ തുറക്കുന്നത് അറിഞ്ഞു.... തിരിഞ്ഞു നോക്കിയ അവന്റെ മുഖത്തൊരു പുഞ്ചിരി വിരിഞ്ഞു... അമ്പതോളം വയസ്സുള്ള ഐശ്വര്യം നിറഞ്ഞ ഒരു സ്ത്രീ... "ആരാ...." അവിടുന്നാണ് ചോദ്യം... "ഞാൻ... ഇവിടെ... വാടകക്ക്..." "ആ... മനസ്സിലായി... ഇരിക്ക് ട്ടോ... ഞാൻ മാഷിനെ വിളിച്ചോണ്ട് വരാം ..." സൗമ്യമായ സ്വരത്തിൽ ഒരു പുഞ്ചിരിയോടെ പറഞ്ഞു കൊണ്ട് അവർ അകത്തേക്ക് പോയി... ചുറ്റുമൊന്ന് വീക്ഷിച്ചു കൊണ്ട് അവൻ ആ നീളൻ വരാന്തയിലെ അര മതിലിലേക്ക് ഇരുന്നു... കുറച്ചു സമയത്തിനുള്ളിൽ തന്നെ അകത്തു നിന്നും ഒരു മനുഷ്യൻ ഇറങ്ങി വന്നു... വെളുത്തു പൊക്കത്തിൽ ഒരാൾ.. തലയിലും താടിയിലും അവിടവിടെയായി വെളുത്ത മുടിയിഴകൾ കാണാം... ഒരു ഒറ്റ മുണ്ടും തോളിൽ ഒരു തോർത്തും ആണ് വേഷം... മുടിയിൽ നനവുണ്ട്... കുളിച്ചിറങ്ങി വന്നതാണെന്ന് തോന്നുന്നു... ബഹുമാനത്തോടെ എഴുന്നേറ്റ് നിന്നു അവൻ... "ഇരുന്നോളൂ..." പരിചയ ഭാവത്തിൽ ചിരിച്ചു കൊണ്ട് അയാൾ പറഞ്ഞതും അവൻ അവിടേക്ക് തന്നെ ഇരുന്നു... "തിരുവനന്തപുരത്തുന്ന് ആണല്ലേ.." "അതെ..." "ആ... ശേഖരൻ കുട്ടി പറഞ്ഞിരുന്നു... ദേ.. ആ കാണുന്ന വീടാണ്... കുറെ ആയി ഞാൻ വാടകക്ക് ഒന്നും കൊടുക്കാറില്ല... " അത്‌ പറയെ അയാളുടെ മുഖത്തെ ചിരിക്ക് മങ്ങലേറ്റത് അവൻ കണ്ടിരുന്നു.... "ഇപ്പോ പിന്നെ ശേഖരൻ കുട്ടി പറഞ്ഞു അവന്റെ സ്കൂളില് പുതിയതായിട്ട് വരുന്ന മാഷാ.... തല്ക്കാലം തനിക്ക് താമസിക്കാൻ ഇവിടെയൊന്നു ഒരുക്കി കൊടുക്കാൻ...." സായി അദ്ദേഹത്തെ വെറുതെ നോക്കി ഇരുന്നതേയുള്ളൂ.. പൂർണ മനസ്സോടെയല്ല അദ്ദേഹം തനിക്ക് വീട് വാടകക്ക് തരുന്നതെന്ന് അവന് മനസ്സിലായി.... "ഏയ്‌... താൻ വിഷമിക്കണ്ട... ഞാൻ പറഞ്ഞ് ന്നെ ഉള്ളൂ.... തനിക്ക് തരാൻ ഇഷ്ടക്കേടൊന്നും ഇല്ല.... പിന്നെ ഈ നാട്ടില് വാടകക്ക് ഒക്കെ വീട് കിട്ടാൻ ഇത്തിരി ബുദ്ധിമുട്ടാണ്... എല്ലാടത്തും ബംഗാളികളാ... അവരൊക്കെ കുടുംബം ആയിട്ട് വന്നു താമസിക്കല്ലേ... ഇവിടേം ചോദിച്ചതാ... പക്ഷേ എനിക്ക് താല്പര്യം ഇല്ല... അത്‌ അവരെ പറ്റാത്തോണ്ട് അല്ലാട്ടോ... നമ്മളെ ആൾക്കാര് ആവുമ്പോ അതിന്റെ ഒരു സന്തോഷം വേറെയാ...." ചിരിയോടെ അദ്ദേഹം ഓരോന്ന് പറയുന്നത് കേട്ട് അവൻ ഒരു പുഞ്ചിരിയോടെ ഇരുന്നു... അവനോട് വീട്ടു വിശേഷങ്ങളും മറ്റുമൊക്കെ ചോദിച്ചു... ഇതിനിടയിൽ ആ സ്ത്രീ അവന് കുടിക്കാൻ സംഭാരം ആയിട്ട് വന്നു.... വല്ലാത്ത ദാഹം തോന്നിയത് കൊണ്ടാകാം ആ സംഭാരത്തിന്‌ നല്ല രുചി തോന്നിയത്... "ഇവിടെ ഇതാണ് പതിവ്... വരുന്നോർക്ക് സംഭാരം... ജ്യൂസ്‌ കൊടുക്കൽ കുറവാ.. തൊഴുത്തില് പശുക്കള് നാലഞ്ച് എണ്ണം ഉണ്ടേ.. " ആ.... ചിരിയോടെ മൂളി അവൻ... "ഇത് എന്റെ ഭാര്യ.... സുധ.... എന്റെ പേര് അറിയാലോ... സഹദേവൻ.... അല്ല... ഇത്രേം നേരായിട്ട് ഇയാളുടെ പേര് ചോദിച്ചില്ലല്ലോ ഞാൻ..." "ശ്രീ സായി റാം....." പേര് കേട്ടതും ഇരുവരുടെയും മുഖമൊന്നു മങ്ങിയോ.... ആവോ... "ഹാ... അപ്പൊ സായി എന്ന് വിളിക്കാല്ലേ..." സഹദേവൻ മാഷ് ചിരിയോടെ ചോദിച്ചു... "വീട്ടില് എല്ലാരും അങ്ങനെ തന്നെയാ വിളിക്കുന്നത് മാഷേ...." അവനൊരു ചിരിയോടെ പറഞ്ഞു... "ഹാ... താനും എന്നെ മാഷ്ന്നു തന്നെ വിളിച്ചോ... താൻ പഠിപ്പിക്കാൻ പോണ സ്കൂളില് പഠിപ്പിച്ചിരുന്നതാ ഞാനും... പിന്നെ സ്വയം റിസൈൻ ചെയ്ത് പോന്നു... പിന്നെ ഇവിടെ കുറച്ചു കൃഷിയും പശുക്കളെയും ഒക്കെ നോക്കി നടത്തി അങ്ങനെ.... എന്നാലും ഈ നാട്ടില് എല്ലാർക്കും ഞാൻ മാഷ് തന്നെയാ.... എന്റെ സുധയ്ക്ക് അടക്കം...." അത്‌ പറഞ്ഞു കൊണ്ട് അദ്ദേഹം പൊട്ടിച്ചിരിച്ചു... സുധയും ഒരു പുഞ്ചിരിയോടെ അവരെ നോക്കി ഇരുന്നു.... "സുധേ... ആ താക്കോല് ഇങ്ങട് എടുത്തോ... വൃത്തിയാക്കി ഒക്കെ ഇട്ടിട്ടില്ലേ..." "ഉവ്വ് മാഷേ..." അത്‌ പറഞ്ഞു കൊണ്ട് അവർ അകത്തേക്ക് പോയി... നിമിഷ നേരം കൊണ്ട് താക്കോലും കയ്യിൽ പിടിച്ചു തിരിച്ചു വന്നു... പിന്നെയത് മാഷിന് കൈമാറി.... വാ.... സഹദേവൻ മാഷ് എഴുന്നേറ്റതിനു പിന്നാലെ തന്നെ സായിയും എഴുന്നേറ്റു... സുധയോട് തലയൊന്ന് അനക്കി യാത്ര പറഞ്ഞു അവൻ അദ്ദേഹത്തിന് പിന്നാലെ പോയി.. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://app.aksharathalukal.in/series/49652/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ