കൈ എത്തും ദൂരത്ത്.. പാർട്ട്‌ 1 #📝 ഞാൻ എഴുതിയ വരികൾ #💞 പ്രണയകഥകൾ #📔 കഥ #📙 നോവൽ എന്റെ പൊന്ന് സഖാവെ എത്രനാളായി ഞാൻ പിറകെ നടക്കുന്നു... ഇനിയെങ്കിലും ആ മനസ്സിന്റെ വാതിൽ തുറന്നു തന്നൂടെ... പാവല്ലേ ഞാൻ... "നിന്നോട് പലതവണ പറഞ്ഞിട്ടുണ്ട് എന്റെ പിറകെ നടന്നു സമയം കളയരുതെന്ന്.. എല്ലാം മറന്ന് നാലക്ഷരം പഠിക്കാൻ നോക്ക്..." "പ്രണയം ആണേൽ അല്ലേ മറക്കാൻ പറ്റു ഇത് പ്രാണനായിപ്പോയില്ലേ സഖാവെ..." "ടീ നീ എന്റെ കൈയിൽ നിന്ന് കിട്ടിട്ടേ പോകു.." "ഒന്ന് കിട്ടിയാലും ഞാൻ സഖാവിനെയും കൊണ്ടേ പോകു.." "ഇങ്ങനെ പോയാൽ നിന്റെ മരണം എന്റെ കൈ കൊണ്ട് തന്നെയായിരിക്കും...! "സഖാവിന്റെ കൈ കൊണ്ട് മരിക്കാൻ എനിക്ക് സന്ദോഷമേ ഉള്ളു.. "എന്റെ പൊന്നോ 🙏ഒന്ന് ക്ലാസ്സിൽ പോടീ.." അവൻ കൈ കൂപി പറഞ്ഞപ്പോൾ അവൾ അവനെ നോക്കി കണ്ണുറുക്കി ചിരിച്ചു കൊണ്ട് ക്ലാസിൽ പോയി... ********************----------------===" ടീ "ജാനു... നീയെന്താ നിലാവിനെ നോക്കി സ്വപ്നം കാണുകയാണോ?"ആ ചോദ്യം കേട്ടാണ്  നേർത്ത ഓർമ്മകളുടെ ലോകത്തുനിന്ന് അവൾ ഉണർന്നത്. കിർത്തന ബെഡിനരികിലിരുന്ന് അവളുടെ ചുമലിൽ മെല്ലെ തട്ടി. "ടീ, ജാനു... കിടന്നോ... നേരം ഒരുപാടായി. രാവിലെ പോകേണ്ടതല്ലേ? പത്തുവർഷങ്ങൾക്കുശേഷം സ്വന്തം നാട്ടിലേക്ക് തിരിച്ചുപോവുകയല്ലേ, എന്നിട്ടും നിനക്കൊട്ടും സന്തോഷമില്ലല്ലോടീ?" ജാനുവിന്റെ മുഖത്തെ മ്ലാനത കണ്ടാണ് കിർത്തി ചോദിച്ചത്. അതിനവൾ മറുപടി നൽകിയത് ചുണ്ടിൽ വിരിഞ്ഞ, ജീവനില്ലാത്ത ഒരു ചിരിയിലായിരുന്നു. ബെഡിൽ ചെന്ന് മലർന്നു കിടന്ന് അവൾ  സീലിങ്ങിലേക്ക് തന്നെ നോക്കി. കുറച്ചുനേരം അങ്ങനെ നിശ്ചലയായി കിടന്നശേഷം അവൾ കണ്ണുകൾ ശക്തിയായി അടച്ചു. സമാധാനത്തോടെ, പേടിയില്ലാതെ ഉറങ്ങിയിട്ട് വർഷങ്ങളായി. ഇനിയെങ്കിലും ഉറങ്ങണം, ഭയത്തിന്റെ നിഴൽപോലുമില്ലാതെ... അവളൊന്ന് നെടുവീർപ്പിട്ടു. എന്നാൽ, ഓർമ്മകളിൽ വീടിന്റെ ചിത്രം തെളിഞ്ഞതും ഉറക്കത്തിന്റെ നേർത്ത കണികപോലും ആവിയായിപ്പോയിരുന്നു. ചെറുതാണെങ്കിലും അതൊരു സ്വർഗ്ഗമായിരുന്നു. അച്ഛനും അമ്മയും അവളും മാത്രം പങ്കിട്ട, ഇണക്കങ്ങളും പിണക്കങ്ങളും കളിയാക്കലുകളും ഇടകലർന്ന സ്വർഗ്ഗം. ഇപ്പോളവിടെ ശാന്തികിട്ടാതെ അലയുന്ന ഒരൊറ്റ ആത്മാവ് മാത്രം... അവളുടെ മിഴികൾ നിറഞ്ഞൊഴുകി, തലയിണയിൽ ചൂടുള്ള നനവായി പടർന്നു. ജാനു പെട്ടെന്ന് എഴുനേറ്റ്, കണ്ണുകൾ തുടച്ച് ബോട്ടിലിൽ നിന്നും ഒരൊറ്റ ഉറക്കഗുളികയെടുത്ത് വായിലിട്ടു. വീണ്ടും അവൾ കിടക്കയിലേക്ക് മടങ്ങി. മയക്കത്തിന്റെ മായാലോകത്തേക്ക് വീഴുമ്പോഴും അവളുടെ ഉള്ളിൽ തെളിഞ്ഞ ഒരൊറ്റ മുഖം മാത്രം... അത് അവളുടെ സഖാവിന്റേതായിരുന്നു.