🍃🍃🌼🍃🍃 બાળ ચરીત્ર...            વળી એક સમયે સખાઓ સહિત ઘનશ્યામ મહારાજ એકાદશીના દિવસે ગૌઘાટે વિશ્વામિત્રી નદીમાં સ્નાન કરવા માટે પધારતા હતા.ત્યાં જઈ નદીના ધરામાં સર્વે ભેગા સ્નાન કરતા સતા ઘનશ્યામ મહારાજ સખાઓ પ્રત્યે બોલ્યા જે, તમો પાણીમાં ડુબકીઓ મારો અને હું ઉપર રહીને તાળી પાડીને ગણી લઉં જે, તમો કયાં સુધી પાણીમાં રહો છો. તેવું સાંભળીને સર્વે સખાઓ પાણીમાં એકી સાથે ડુબકીઓ મારી. ત્યારે ઘનશ્યામ મહારાજે બસો તાળીઓ પાડી એટલે પ્રથમ વેણીરામ બહાર આવ્યા. અને ચારસો તાળીઓ પાડી એટલે પ્રાગ બહાર આવ્યા. અને છસો તાળીઓ પાડી ત્યારે રઘુનંદન બહાર આવ્યા. અને એક હજાર તાળીઓ પાડી ત્યારે ભવાનીદીન બહાર નીકળ્યા. અને બારસો તાળીઓ પાડી એટલે ગૌરીદત્ત બહાર નીકળ્યા. અને ચૌદસો તાળીઓ પાડી એટલે માધવચરણ બહાર નીકળ્યા. અને સોળસો તાળીઓ પાડી એટલે બંસીધર બહાર નીકળ્યા. એવી રીતે સર્વે વારાફરતી પાણી બહાર નીકળ્યા.ત્યારે ઘનશ્યામ મહારાજ પૂછવા લાગ્યા જે, હે વેણીરામ! તમોએ આ ધરામાં કંઈ જોયું? ત્યારે વેણીરામ બોલ્યા જે, મેંતો બદ્રિકાશ્રમ દીઠું. તેવું સાંભળીને પ્રાગ બોલ્યા જે, અલ્યા વેણીરામ! તું એકલો યાં ગયો હતો? અમો સર્વે સાથે હતા. ને તું એકલો કેમ કહે છે? ત્યારે વળી વેણીરામ બોલ્યા જે, શ્વેતદ્વીપ, વૈકુંઠ, અવ્યાકૃત, ગોલોક, અક્ષરધામ, આવી રીતે અમોએ જુદાં જુદાં ધામો જોયાં. અને તે ધામને વિષે ત્યાંના અધિપતિએ ચંદન પુષ્પ વડે તમારી પૂજા કરી, તે પણ અમોએ જોયું. અને અક્ષરધામમાં દિવ્ય સિંહાસન ઉપર અનંત મુક્તોએ પૂજ્યા એવા તમોને જોયા. પરંતુ અમારું મન અક્ષરધામમાં સ્થિર થયું તેવું બીજા કોઈ ધામમાં ન થયું. અને ત્યાં ઘણું સુખ જોઈને લોભાઈ ગયા, પરંતુ તમોએ તાડીઓ પાડીને બોલાવ્યા એટલે અમો આવ્યા. ત્યારે બોલ્યા જે, એતો અમારું અક્ષરધામ છે. અને તેનું સુખ પણ અતિશય અલૌકિક છે. એમ કહીને તે ગૌઘાટેથી ચાલ્યા, તે માર્ગમાં આવતાં વેણીરામના મનમાં એક સંકલ્પ થયો જે, હવે તો જલદી ઘરે જવાય તો સારુ કારણ કે ભૂખ બહુ લાગી છે. તે સંકલ્પને અન્તર્યામીપણે જાણીને ભોય ગામના પ્રાગમલ ચોબાના ખેતરમાં જાંબુફળનો એક મોટો વૃક્ષ પાકી રહેલો, તેના ઉપર ચઢીને જાંબુફળ જમતા હતા. તે જમીને નીચે ઉતરતી વખતે સુખનંદન ઉપરથી પડી ગયો. અને તેને ઘણું વાગ્યું, તેથી પીડા ઘણી થઇ, તે જોઇને ધર્મકુંવરના અંતરમાં દયા આવી ગઇ, તેથી સંકલ્પ કર્યો કે તત્કાળ સંકલ્પની સાથે દેવતાના રાજા ઈન્દ્ર પોતાનો ઐરાવત હાથી લઈ, તેના ઉપર ધનવંતરી વૈદ્યને બેસાડીને જાંબુના વૃક્ષ નીચે આવતા હતા. ત્યાં આવીને ધર્મકુંવરને પગે લાગીને તેને પાટો બાંધીને બોલ્યા જે, હવે આરામ થઈ જશે. એમ કહીને ઘનશ્યામ મહારાજ સહિત તે હાથી ઉપર ધનવંતરી વૈદ્ય અને સુખનંદન એ ચાર બેઠા અને તેની ચારે તરફ પાટીયાં લટકતાં હતાં, તેના ઉપર બાકી રહેલા સખાઓને બેસાડીને આંખનું એક મટકું ભરીએ તેટલીવારમાં તો છપૈયાપુરમાં લાવીને ધર્મદેવના આંગણામાં ઉતારી મૂકીને નમસ્કાર કરીને, ધનવંતરી વૈદ્ય હાથી સહિત અદ્રશ્ય થઇ ગયા. ત્યારે તે ઐશ્વર્યની વાર્તા સર્વે સખાઓએ ધર્માદિક સર્વે પુરવાસી જનોને કહી. તે સાંભળીને સર્વે મહા વિસ્મય પામતા હતા.                         🍃🍃🌼🍃🍃 #🙏 સ્વામિનારાયણ મંદિર #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 ##જય સ્વામિનારાયણ #✋ જય સ્વામીનારાયણ #અનાદિમુક્તરાજ શ્રી અબજીબાપા