🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗

#🙏jai shree krishn #🌹🌈*_Jay murlidhar _*💖🌹 #Murlidhar ni divani

🍃🍃🌼🍃🍃 બાળ ચરીત્ર...           શ્રીજીમહારાજ  ભુજમાં સુંદરજીભાઇની મેડી ઉપર બિરાજમાન થયા અને પોતાના મુખારવિંદ આગળ ગંગારામભાઇ, હીરજીભાઇ એ આદિક હરિભક્તો આવીને બેઠા. તે સમયે સુંદરજીભાઇએ શ્રીજી મહારાજને વિનંતીએ સહિત નમસ્કાર કરીને પ્રશ્ન પૂછ્યો જે, હે મહારાજ ! આ દેહમાંથી જીવ જ્યારે બહાર નિસરે છે, ત્યારે તેનું રૂપ કેવું હશે ? અને તે જીવ કોઇને દેખતો હશે કે નહી? ત્યારે શ્રીજી મહારાજ બોલ્યા જે, જીવનું રૂપ તો અતિ સૂક્ષ્મમાં સૂક્ષ્મ છે. તે આ ચર્મ દ્રષ્ટિથી દેખાય એવું નથી અને જેને જ્ઞાન રૂપી અંધારું ટળી ગયું હોય તે દેખે છે અને તેની અલૌકિક દ્રષ્ટિ છે તેથી દેખવામાં આવે છે અને બીજો તો કોઈએ જીવાત્માને દેખવા સમર્થ થતો નથી. જેમ આપણે આ સંતે સહિત અહીં બેઠા છીએ તેમાંથી કોઇકને નિદ્રા આવી જાય અને સ્વપ્ર આવે છે ત્યારે તે એમ દેખે છે જે, ફોજ આવે છે તે જેને સ્વપ્ર છે તે ફોજ દેખે છે અને ભય પામે અને મેડી ઉપર કંઈ ફોજ આવી નથી. પરંતુ સ્વપ્રવાળાની દ્રષ્ટિમાં દેખાય છે. તેમ આત્મા જે જીવ તથા બ્રહ્મને દેખવાની દ્રષ્ટિ પણ જુદી છે અને એ દ્રષ્ટિ તે ભગવાનની મૂર્તિના ધ્યાને કરીને આવે છે અને તે વિના તો કોટી સાધન કરે તેણે કરીને પોતાના જીવાત્માને દેખવા તથા બ્રહ્મને દેખવું તેવી દ્રષ્ટિ આવતી નથી. માટે જે એ દ્રષ્ટિને પામ્યો હોય તે દેખવાને સમર્થ છે. અને જ્ઞાનીને તો શાસ્ત્રમાં અનંત લોચન કહ્યાં છે. માટે એ મર્મને અજ્ઞાની જીવ જાણતો નથી ને ભગવાનની મૂર્તિનું જે આત્મરૂપે થઇને અખંડ ધ્યાન કરે છે તે એ સર્વેને દેખે છે અને અલૌકિક દ્રષ્ટિને પણ તે પામે છે. તે ધ્યાન કરવાની રીત કહીએ છીએ જે, ભગવાનનો ભક્ત હોય તે દ્રષ્ટિ આગળ મૂર્તિને ધારે ત્યારે પ્રથમ તો જેવી ભગવાનની મૂર્તિ છે તેવીજ દેખાય છે. તે જ્યારે મૂર્તિને વિષે વૃત્તિ રાખે છે, તે જેમ સૂર્યની કિરણ જાળીએ થઈને ઘરમાં પડે છે. અને સૂર્ય તે એકતાર દેખાય છે તેમ તે ભક્તને અગ્નિ સરખી રક્ત ભાસવા લાગે છે. પછી તે રતાશમાંથી પ્રકાશ ઘણો પ્રકટીને સૂર્ય જેવી મૂર્તિ ભાસે છે અને જેવો ચંદ્રમા તેવું શીતળ અને મોટો તારો ખરે તેના જેવું ઉજળું તેજ તે સરખી અત્યન્ત ઉજળી પ્રકાશમાન મૂર્તિ ભાસે. પછી એવી મૂર્તિ જોતાં જોતાં અંતદૃષ્ટિ થઇ જાય છે. ત્યારે તે ભક્તના હૃદયમાં બ્રહ્માંડ જેવો અવકાશ દેખાય છે. પછી ચાર પ્રકારના પ્રલયે કરીને સર્વેને ખોટું જાણીને એક ભગવાનની મૂર્તિને ધારે. પછી જેમ કોઇકના હાથમાં ચિંતામણી હોય છે તેમ ભગવાનની મૂર્તિમાં જેની અખંડવૃત્તિ જોડાણી છે તે ગોલોક, વૈકુંઠ, શ્વેતદ્વીપ, અક્ષરધામ અનંતકોટી મુક્ત તે સર્વેને દેખે છે.                    🍃🍃🌼🍃🍃 668 ##જય સ્વામિનારાયણ #અનાદિમુક્તરાજ શ્રી અબજીબાપા #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #✋ જય સ્વામીનારાયણ #🙏 સ્વામિનારાયણ મંદિર

AD #bjpindia

🍃🍃🌼🍃🍃 બાળ ચરીત્ર...            શ્રીજીમહારાજ ભુજ થકી ચાલ્યા તે ગામ કાળાતળાવ પધાર્યા અને ત્યાં સ્વામીની ઓરડીમાં પોતે ગાદીતકીયા ઉપર ઉગમણે મુખારવિંદે બિરાજમાન થયા અને સર્વે ભગવાં વસ્ત્ર ધારણ કરેલાં હતાં. અને પોતાના મુખારવિંદ આગળ મુક્તાનંદ સ્વામી, વ્યાપકાનંદ સ્વામી, સ્વરૂપાનંદ સ્વામી, સુખાનંદ સ્વામી,વિરક્તાનંદ સ્વામી એ આદિક સંત તથા સુથાર ભીમજીભાઈ, હરભમ તથા મનજી તથા રવજી એ આદિક બીજા કેટલાક હરિભક્ત બેઠા હતા અને તે સમયે શ્રીમદ્ભાગવતની કથા વંચાતી હતી. ત્યારે તે કથામાં એકાંતિક ભક્તોનો પ્રસંગ આવ્યો. તે સાંભળીને શ્રીજી મહારાજે ચપટી વગાડીને તે કથા બંધ રખાવી અને પોતે વાત કરવા લાગ્યા જે, ભગવાનનો એકાંતિક ભક્ત હોય તે પોતાને બ્રહ્મરૂપ માને અને પુરુષોત્તમને પોતાના સ્વામી છે. એમ સમજીને પરબ્રહ્મ એવા જે પુરુષોત્તમ ભગવાન તેમનું ધ્યાન સ્મરણ અને ઉપાસના તેને કર્યા કરે અને દેહે કરીને તથા મને કરીને ત્યાગી રહે અને જેટલાં પરમેશ્વરે વર્તમાન બાંધ્યા હોય તેમાં કોઇ પ્રકારનો ફેર પડવા દે નહીં. એવા હોય તે એકાન્તિક ભક્ત કહેવાય. એવા એકાન્તિક ભક્તની પ્રવૃત્તિ સૃષ્ટિમાં ક્યાંય ન હોય ત્યારે શ્રીનરનારાયણ દેવને વિષે રહે છે અને નરનારાયણ દેવ પોતે એકાન્તિક ભક્તની પેઠે વર્તિને પોતાના શરણાગત એવા જે ભક્ત તેને શીખવાડે છે, એવા આસમયને વિષે તો એક નારદજી છે અને બીજા આ સત્સંગમાં એવા ઘણાક છે અને અમો તો સર્વે મતપંથ જોઈ વળ્યા. પરંતુ કોઇ મતમાં ઉપાસના છે તો આત્મજ્ઞાન અને ત્યાગ નથી. અને કોઈ મતમાં આત્મજ્ઞાન છે તો ત્યાગ અને ઉપાસના નથી. એવી રીતની ઘણીક વાર્તા કરીને, વળી એમ બોલ્યા જે, હે સંતો ! હે હરિભક્તો ! આપણે એવો સંપ્રદાય ચલાવીએ કે વેદપુરાણને અનુસરીને કોઇ વાતની કસર રહે નહીં. એમ કહીને સર્વે સંત હરિભક્તે સહિત કીર્તન ગાતા ગાતા ત્યાં થકી પગપાળા ચાલ્યા તે નારાયણસરે સ્નાન કરવા પધાર્યા અને ત્યાં નારાયણસરમાં વિધિપૂર્વક સ્નાન કરીને રણછોડજી ત્રિકમજીનાં મંદિરમાં જઇને દર્શન કરીને કોટેશ્વર મહાદેવજીની જગ્યામાં જઇને ત્રણ દિવસ રહ્યા અને સદાવ્રતનું સીધું લાવીને જમતા. પછી ત્યાંથી ચાલ્યા તે ગામ તેરા આવીને અઢી માસ રહીને સર્વે સંત હરિભક્તોને ઘણાક પ્રકારની ત્યાગ-વૈરાગ્યની તથા પોતાના સ્વરૂપની દ્રઢતાની વાર્તા કરીને ભગવાનપણાનો નિશ્ચય કરાવતા હતા.                       🍃🍃🌼🍃🍃 ##જય સ્વામિનારાયણ #અનાદિમુક્તરાજ શ્રી અબજીબાપા #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #✋ જય સ્વામીનારાયણ #🙏 સ્વામિનારાયણ મંદિર