🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗

🍃🍃🌼🍃🍃 નીડર સિદ્ધાંતવાદી સદ્. ઇશ્વરચરણદાસજી સ્વામીનું જીવન ભાગ :- 98 સં. ૧૯૭૫માં વસંત પંચમીનો સમૈયો કરી સ.ગુ.શ્રી ઈશ્વરચરણદાસજી સ્વામી, સ.ગુ.શ્રી વૃંદાવનદાસજી સ્વામી, સ.ગુ.શ્રી ધનશ્યામજીવનદાસજી સ્વામી આદિ ઘણાં સંતો અમદાવાદ-મૂળી થઈ વૈશાખ માસમાં ભુજ દર્શને આવ્યા. બ્રહ્મચારી નિર્ગુણાનંદજીને તો આનંદ-આનંદ થઈ ગયો. પોતે તો સદ્ગુરુશ્રીને રાજી કરવામાં તત્પર રહે, પણ પોતાના હેત રુચિવાળા હરિભક્તોને પણ એ સેવામાં સ્નેહથી જોડે. તેમાં ભુજના વિઠ્ઠલજીભાઈ કેશવજીભાઈ દવેને સદ્ગુરુના પ્રભાવથી અહોભાવ થઈ આવ્યો. બ્રહ્મચારી મહારાજ તેમને સ.ગુ.શ્રી ઈશ્વરચરણદાસજી સ્વામી પાસે લઈ ગયા અને સત્સંગમાં સદાય ચડતો રંગ રહે તેવા આશીર્વાદ અપાવ્યા. સ્વામીશ્રીની કૃપાદષ્ટિથી વિઠ્ઠલજીભાઈનું સમગ્ર જીવન બદલાઈ ગયું ને શ્રીજીમહારાજ અને મુક્તોની સેવાના કાર્યમાં તેઓએ જીવન સમર્પણ કર્યું. કેટલો બધો જીવન પલટો! એક વખત સદ્ગુરુશ્રી રેલ્વેમાં જઈ રહ્યા હતા, ને શેઠ હીરજીભાઈ ભીમજીભાઈ ચાવડા મળી ગયા. સં. ૧૯૫૮માં તેઓ સદ્દગુરુશ્રીને મળેલા, પણ સં. ૧૯૬૦માં કોઈ કારણસર થોડો વિવાદ થતાં સદ્ગુરુશ્રીની આજ્ઞા માની શકેલા નહીં. તેમના પિતાશ્રી ભૌમજીભાઈને તે વાતની જાણ થતાં તેમને ખૂબ દુ:ખ થયું. મનોમન સદ્ગુરુશ્રીને પ્રાર્થના કરી, ત્યારે સદ્દગુરુશ્રીએ દિવ્યરૂપે દર્શન દઈ કહેલું કે અમે હીરજીને જાળવી લેશું. તે પછી હીરજીભાઈ પરોક્ષશાસ્ત્રના અભ્યાસમાં ને વેપાર ધંધામાં લાગી ગયા, ને સત્સંગરંગ ઓછો થઈ ગયો. આમ લગભગ વીસ વર્ષે હીરજીભાઈને સદ્ગુરુશ્રીનો મેળાપ અચાનક રેલ્વેમાં થઈ ગયો. સદ્દગુરુ તો વાત્સલ્ય મૂર્તિ. કરુણાર્દ્ર દષ્ટિએ હીરજીભાઈને જોઈ રહ્યા, તેમના ખબર અંતર પૂછ્યા, તેમનું મુંબઈનું સરનામું લીધું, ને મૂળી મંદિરના પાટોત્સવની સામાન્ય વાતો કરી, શ્રીજીમહારાજના મહિમા-પ્રતાપની વાતો કરી પાછા સત્સંગ તરફ વાળ્યા. સદ્ગુરુશ્રીએ રાજી થઈ ખૂબ આશીર્વાદ આપ્યા. એ પછી હીરજીભાઈની આર્થિક સધ્ધરતા ઘણી વધી. વિશેષે તો સદ્-ગુરુશ્રીની કૃપાદષ્ટિમાં આવી જતા હીરજીભાઈ સેવા, સમર્પણ ને જ્ઞાન-ઉપાસનામાં અનન્ય અગ્રણી બની રહ્યા ! સદ્ગુરુશ્રી બાપાશ્રી સાથે કરાંચો પધાર્યા હતા તે દરમ્યાન વિરમગામમાં અ.મુ. ડૉ. નાગરદાસભાઈને ડબલ ન્યૂમોનિયાની સખત માંદગી થઈ ગયેલી. તેમણે કરાંચી બાપાશ્રી તથા સદ્ગુરુશ્રી ઉપર તાર કરાવ્યો કે દયા કરી તરત દર્શન દેવા પધારો. તે સમાચાર જાણી બાપાશ્રી તથા સંતો કરાંચીથી નીકળવા તૈયાર થયા, પણ કેટલાક હરિભક્તોને રસોઈ દેવાના સંકલ્પ અધૂરા રહેતા હતા, તેથી બાપાશ્રીએ સદ્ગુરુશ્રી સહિત વિરમગામમાં નાગરદાસભાઈને દિવ્યરૂપે દર્શન આપ્યા! પોતે માંદા હોવા છતાં બેઠા થઈ પગે લાગવા મંડયા. કહે : "બાપા! બહુ દયા કરી, આમ ઓચિંતા પધાર્યા!” બાપાશ્રી કહે : “અમે તો હજી કરાંચીમાં જ છીએ, પણ તમે સંભાર્યા તેથી દર્શન આપ્યા.” એ દિવ્ય દર્શન પછી ડોકટર સાજા થઈ ગયા. હેતરુચિવાળા હરિભક્તોને સદ્ગુરુશ્રીનું દિવ્ય સ્વરૂપે માતૃવત્ રક્ષણ મળતું હતું. એક વાર રામગ્રી ગામના નારાયણ-ભાઈ ખેતર ગયા હતા. ત્યાં તેમને ઘણો તાવ આવ્યો. તેમણે શ્રીજીમહારાજ, બાપાશ્રી તથા સદ્ગુરુશ્રીને હેતપૂર્વક સંભાર્યા. તે સમયે સદ્ગુરુશ્રીના દર્શન થયાં. સદ્ગુરુશ્રી તેમનો હાથ ઝાલી ઘર સુધી મૂકી ગયા! હેતથી સંભારનારને તો મહારાજ તથા મુક્તો અણુમાત્ર છેટા નથી. 🍃🍃🌼🍃🍃 ##જય સ્વામિનારાયણ #🙏 સ્વામિનારાયણ મંદિર #અનાદિમુક્તરાજ શ્રી અબજીબાપા #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #✋ જય સ્વામીનારાયણ

🍃🍃🌼🍃🍃 નીડર સિદ્ધાંતવાદી સદ્. ઇશ્વરચરણદાસજી સ્વામીનું જીવન ભાગ :- 87 સદ્દગુરુશ્રી મુક્તાનંદ સ્વામીએ શ્રીજીમહારાજની આજ્ઞાથી શ્રી વેદવ્યાસ રચિત 'બ્રહ્મસૂત્ર' ઉપર ભાષ્ય રચ્યું હતું. તે ભાષ્યની મૂળ સંસ્કૃતપ્રત સદ્ગુરુશ્રી ગોપાળાનંદ સ્વામીની પાસેથી સદ્ગુરુશ્રી નિર્ગુણદાસજી સ્વામીને મળી હતી, જેમણે તે મૂળપ્રત સદ્ગુરુશ્રી ઈશ્વરચરણદાસજી સ્વામીને આપેલી હતી. તે પુસ્તક અપ્રસિદ્ધ પડી રહ્યું હતું. તેને પ્રકાશિત કરવાનું કાર્ય સદ્ગુરુશ્રીએ હાથમાં લીધું. તે વખતે તેઓશ્રીને લાગ્યું કે સંસ્કૃતનો અભ્યાસ ન કર્યો હોય તેવા જિજ્ઞાસુને પણ આ સાહિત્યનો લાભ મળે તે માટે તે ગ્રંથનો અક્ષરશ: ગુજરાતી અનુવાદ કરાવ્યો હોય તો તેની ઉપયોગિતા ઘણી વધે. આથી વિદ્વાન શાસ્ત્રી ગિરિજાશંકર માયાશંકર મહેતાને રોકીને તે ભાષાંતર કરાવવા માંડ્યું. આ કાર્યમાં સદ્ગુરુશ્રી ધનશ્યામજીવનદાસજી સ્વામીના શિષ્ય શાસ્ત્રી ધર્મસ્વરૂપદાસજીએ તથા અન્ય વિદ્વાનોએ સદ્ગુરુશ્રીની આજ્ઞાથી સેવા આપવા માંડી. સદ્ગુરુશ્રીની પ્રેરણાથી મૂળીના પુરાણી ધર્મકિશોરદાસજી સ્વામી ‘વચનામૃત’ ગ્રંથનું વ્રજભાષામાં ભાષાંતર કરવા માંડયા. રામાયણ ગ્રંથ જેમ વ્રજભાષામાં દોહા-ચોપાઈના કાવ્યરૂપમાં છે તે રીતે વચનામૃતનું રૂપાંતર થવા લાગ્યું. તે કામમાં પાલનપુરના રાજકવિ લાખાજીભાઈના દીકરા કવિરાજ હમીરદાનજી મદદ કરવા મૂળી જઈને રહ્યા. તે કવિશ્રી જ્યાં સુધી આખું પુસ્તક ભાષાંતર થયું, સંશોધિત થયું ને છપાયું ત્યાં સુધી મદદમાં રહ્યા. દરમિયાન, સદ્ગુરુ ઘનશ્યામજીવનદાસજી સ્વામીના શિષ્ય શાસ્ત્રી ધર્મસ્વરૂપદાસજી સ્વામીએ ‘શ્રીજી સંમત વિશિષ્ટાદ્વૈત સિદ્ધાંત સાગર' નામના નવા ગ્રંથનું નિર્માણ કર્યું હતું, તેનું સંશોધન પણ સદ્ગુરુશ્રીએ હાથ ધરાવરાવ્યું. આમ, અનેકવિધ સાહિત્ય પ્રવૃત્તિઓથી સરસપુર મંદિર ધમધમી ઊઠ્યું! હવે વસંતપંચમીનો સમૈયો મૂળીમાં કરી સદ્ગુરુશ્રી પોતાના મંડળે સહિત વિરમગામ પધાર્યા. ત્યાં રહસ્યાર્થ વચનામૃત તથા બાપાશ્રીની વાતોની પારાયણ મંદિરમાં બેઠી. સદ્દગુરુશ્રીના સાંનિધ્યનો હરિભક્તો અનેરો લાભ ઊઠાવે. ગામેગામના હરિભક્તો કથાનો લાભ લેવા આવે. તે વખતે પારાયણના દિવસોમાં એકાદશી આવી. તે માટે આગલે દિવસે રાજગરાનો લોટ અર્ધોમણ તૈયાર કરાવ્યો હતો. આગલા દિવસથી જ હરિભક્તો ઘણા આવ્યા. તેથી સંતોએ સદ્ગુરુશ્રીને કહ્યું : “હજી લોટ વધુ કરાવવો પડશે.” સદ્ગુરુશ્રી કહે : “કાંઇ વધુ કરાવવો નથી; મહારાજ પૂરું કરશે.” ગામના હરિભક્તોને મનમાં મૂંઝવણ થાય કે હવે શું થશે! એકાદશીને દિવસે તો બીજા વધુ હરિભક્તો ગામડેથી આવ્યા. સદ્ગુરુશ્રીને ફરી પૂછ્યું, તો ફરી તે જ કહ્યું : "ચિંતા ન કરો, કાંઈ હરકત નહિ આવે. ” ઘણાં સંત-હરિભક્તો જમ્પા છતાં તેટલા જ લોટનો શીરો સૌને સારી રીતે જમાડ્યા પછી પણ વધ્યો! હરિભક્તો સદ્દગુરુશ્રીનો પ્રતાપ જોઈ આશ્ચર્યમુગ્ધ થઈ ગયા. સદ્દગુરુશ્રી અમદાવાદ પધાર્યા. બ્રહ્મચારી નિર્ગુણાનંદજી રચિત “શ્રી પુરુશોત્તમલીલામૃત સુખસાગર” ગ્રંથ છપાઈ ગયો હતો. બાપાશ્રી ના પરમ કૃપાપાત્ર ભુજના મહેતા ભોગીલાલભાઈ પુરુષોત્તમભાઈએ એ ગ્રંથ પ્રસિદ્ધ કર્યો. થોડા નાના ટાઈમમાં ડબલ ક્રાઉન સાઈઝના કાગળ ઉપર છપાવતા ૬૭૨ પાન થયા હતા. શ્રીજીમહારાજની કચ્છલીલાનું હેતભર્યું પુસ્તક પ્રસિદ્ધ કરાવી અનેકને શ્રીજીને વિષે હેત પ્રેરવાનું કાર્ય થયું જાણી સદ્દગુરુશ્રી પ્રસન્ન થયા. 🍃🍃🌼🍃🍃 ##જય સ્વામિનારાયણ #🙏 સ્વામિનારાયણ મંદિર #અનાદિમુક્તરાજ શ્રી અબજીબાપા #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #✋ જય સ્વામીનારાયણ

##જય સ્વામિનારાયણ #🙏 સ્વામિનારાયણ મંદિર #અનાદિમુક્તરાજ શ્રી અબજીબાપા #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #✋ જય સ્વામીનારાયણ