🔥ശിവരുദ്രാഗ്നി 🔥 𝄟⃝✍️ ഇഫാർ 𝄟⃝🌷 ഇത് കുടിച്ച സങ്കടം മാറുമോ.... രുദ്ര ബിയർ ബോട്ടിലിലേക്ക് വിരൽ ചൂണ്ടി.... മാറും അത് കൊണ്ട് കുടിച്ചു പോയതാ അല്ലാതെ ഞാൻ ഇങ്ങനെ ഒക്കെ ചെയ്യുമോ.... രുദ്രയുടെ ദേഷ്യം മാറ്റുവാൻ അടവ് ഇറക്കി സങ്കടം ഭാവിച്ചു പറഞ്ഞു രുദ്രയെ നോക്കിയതും രുദ്ര ആ ബോട്ടിൽ അങ്ങനെ തന്നെ വായിലേക്ക് കമിഴ്തുന്നതാണ് കണ്ടത്... കണ്മുന്നിലെ കാഴ്ച കണ്ടു കിളി പോയപോലെ നിന്നവൾ... ഒറ്റയിരുപ്പിന് വെള്ളം കുടിക്കുന്ന പോലെ കുടിച്ചു ബോട്ടിൽ മയൂരിക്ക് നേരെ നീട്ടി.... മയൂരി അറിയാതെ തന്നെ അത് വാങ്ങിപോയിരുന്നു.... അപ്പോഴും കണ്ണുകൾ മിഴി ചിമ്മാതെ രുദ്രയിൽ ആയിരുന്നു.... പോയ കിളികളെ കുറച്ചൊക്കെ തിരിച്ചു പിടിച്ചു മയൂരി തലയൊന്ന് കുടഞ്ഞു രുദ്രയെ നോക്കി.... ഇനി തനിക്ക് ആളൊന്നും മാറിയില്ലല്ലോന്ന് ഉറപ്പിച്ചു... ഇത് കുടിച്ചിട്ടും സങ്കടം പോകുന്നില്ലല്ലോ.... ഇവിടെ ഇപ്പോഴും വേദനിക്കുന്നു മയൂരി..... നെഞ്ചിൽ തൊട്ട് പറഞ്ഞതും മയൂരി തലക്ക് കൈ വെച്ചു പോയിരുന്നു.... ഒരു വീഡിയോ കാണിച്ചു കൊടുത്തതിന്ന് എന്റെ കൊച്ചിനെ വഴി തെറ്റിക്കാൻ നോക്കുന്നോ പറഞ്ഞു പിറ്റേന്ന് തന്നെ അവിടെ നിന്നും ഇവിടെ കൊണ്ടിട്ടതാണ്... ഇനി ഇത് കുടിച്ചത് എങ്ങാനും അറിഞ്ഞ തന്റെ തല കാണില്ല.... അവൾ റാവണിനെ ഓർത്തു ഉമിനീർ ഇറക്കിപ്പോയി. എനിക്കിനിയും വേണം.... ഇങ്ങനെ പറന്നു നടക്കണം.... അവളുടെ ശബ്ദം കുഴഞ്ഞു പോയിരുന്നു... പക്ഷികളെ പോലെ കൈകൊണ്ട് പറക്കും പോലെ കാണിച്ചു വീണ്ടും ബോട്ടിൽ എടുത്തു മുത്തം കൊടുത്തതും തലക്ക് പിടിച്ചെന്ന് അവൾക്ക് മനസ്സിലായി. എന്റെ പൊന്ന് രുദ്രെ നീയെന്നെ കൊലക്ക് കൊടുക്കല്ലേ.... ആ രാവണൻ അറിഞ്ഞ എന്റെ തല കാണില്ല.... അവളത് പിടിച്ചു വാങ്ങി... എന്റെ ബദ്രിയേട്ടൻ പാവം ആണ്.... പാവം അല്ല പാവക്ക.... കാല രുദ്രനാ... അവൾടെയൊരു പാവം..... മയൂരി പല്ല് കടിച്ചു. നിലത്ത് ചമ്രം പടിഞ്ഞു ഇരുന്നു കരയാൻ തുടങ്ങിയവൾ.... എനിക്കിപ്പോ എന്റെ അസുരനെ കാണണം... പാവം അല്ലേ എന്റെ ബദ്രിയേട്ടൻ.... എനിക്കിപ്പോ കാണണം... അവൾ വാശി പിടിക്കും പോലെ മയൂരിയെ നോക്കി. പിന്നെയെന്തിനാ ഇങ്ങോട്ട് കെട്ടിയെടുത്തെ.... അങ്ങേരെ കെട്ടിപിടിച്ചു അവിടെ നിന്ന പോരായിരുന്നോ.... എന്നോട് പോകാൻ പറഞ്ഞു..... എന്നെ നോക്കിപേടിപ്പിച്ചു.... എന്നെ ഇഷ്ടം അല്ല അതോണ്ട് അല്ലേ പോകാൻ പറഞ്ഞെ.... രുദ്ര സങ്കടത്തോടെ പറഞ്ഞു കണ്ണ് നിറച്ചതും മയൂരിയിൽ വാത്സല്യം ആയിരുന്നു തോന്നിയത്.... ചെറിയൊരു കൊച്ചാണ് മുന്നിൽ ഇരിക്കുന്നെ തോന്നി.... എന്തൊപ്പിച്ചിട്ട അങ്ങേര് ഇവിടെ കൊണ്ടിട്ടെ.... ഇനി എനിക്കുള്ള പണിയാണോ ഫ്ലൈറ്റ് കയറി വന്നെന്ന് പേടിയോടെ ഓർക്കുകയും ചെയ്തു. ഞാൻ ബദ്രിയേട്ടനെ റേപ്പ് ചെയ്തു.... എന്താ.... മയൂരി അലറിപ്പോയിരുന്നു... എന്നെ പേടിപ്പിക്കല്ലേ.... രുദ്ര ഞെട്ടി നെഞ്ചിൽ കൈ വെച്ച് കിതച്ചു. മയൂരി വാ തുറന്നിടത് തന്നെ ആയിരുന്നു.... രുദ്ര കാട്ടിൽ പെട്ടതും അവിടെ നിന്ന് ഇവിടെ എത്തിയത് വരെ വള്ളി പുള്ളി തെറ്റാതെ പറഞ്ഞു കൊടുത്തു.... മയൂരിയുടെ കണ്ണും തുറിച്ചുള്ള ഇരുപ്പ് കണ്ടു രുദ്ര അവളെ തോണ്ടി വിളിച്ചു... ഞാൻ ഇത്രയേ ചെയ്തുള്ളു.... അതിന്ന് എന്നോട് ദേഷ്യം പിടിച്ചേ.... ഞാൻ തെറ്റ് ചെയ്തില്ലല്ലോ മയൂരി.... നിഷ്കളങ്കതയുടെ ഈ കുടീരത്തെ ഇങ്ങോട്ട് അയച്ചത് എന്തിനാവോ.... മയൂരി അപ്പോഴും ചിന്തിച്ചത് അത് മാത്രം ആയിരുന്നു.... രുദ്രയുടെ പൊട്ടികരച്ചിൽ കേട്ടു മയൂരി പേടിയോടെ അവളെ നോക്കി. നിലത്ത് ചമ്രം പടിഞ്ഞിരുന്നാണ് കരച്ചിൽ... കരയല്ലേ.... ആ രാവണന്റെ ശിങ്കിടി പുറത്ത് ഉണ്ടാവും... എന്നെ കൊലക്ക് കൊടുക്കരുത്...മയൂരി അവളുടെ നേരെ കൈ കൂപ്പി. രുദ്ര പിന്നെ മൂക്കും വലിച്ചു കയറ്റി ഇടക്കിടക്ക് എങ്ങലടി ആയി വായും പൊത്തി ഇരുന്നു. എന്നാലും എന്റെ രുദ്രെ അന്യന്റെ സ്വഭാവം ഉള്ള എന്റെ ഏട്ടനെ നീ റിമോ ആക്കി മാറ്റിയല്ലോ.... മയൂരി ഒരു ചിരിയോടെ അവളെ നോക്കി. പിന്നെയത് പൊട്ടിച്ചിരിയായി മാറിയിരുന്നു.... ചിരി നിറുത്തുവാൻ ആവാതെ ഇരുന്നും കിടന്നും ചിരിക്കുന്നവളെ കണ്ടു രുദ്ര കരച്ചിൽ നിർത്തി കണ്ണും മിഴിച്ചു നോക്കിയിരുന്നു. ചിരിച്ചു ചിരിച്ചു വയറു വേദന എടുത്താണ് മയൂരി പിന്നെ ചിരി നിർത്തിയത്.... എന്നെ കളിയാക്ക അല്ലേ.... രുദ്ര പിണങ്ങി മുഖം തിരിച്ചു ഇരുന്നു. മയൂരി അവളെ പിടിച്ചു നേരെ ഇരുത്തി. നീയൊരുപാട് ഭാഗ്യവതിയാണ്..... മയൂരി അവളുടെ കൈ വെച്ചുപറഞ്ഞതും രുദ്ര സംശയത്തോടെ അവളെ നോക്കി. നീ ഭാഗ്യവതിയായത് എന്ത് കൊണ്ടാണെന്ന് അറിയോ.... നിന്നെ നീയായി സ്നേഹിക്കുന്ന ഒരു ഭർത്താവിനെ കിട്ടിയത് കൊണ്ട്.... റാവണിനെ പറ്റി കേൾക്കുമ്പോൾ തന്നെ അവളുടെ മുഖം തിളങ്ങുന്നതും കണ്ണുകൾ വിടരുന്നതും മയൂരി ശ്രദ്ധിച്ചു. പക്വതയും ബുദ്ധിയും ഉത്തരവാദിത്വവും ഒക്കെയുള്ള പെണ്ണിനെ ഏട്ടൻ സ്വീകരിക്കുള്ളുവെന്ന ഞങ്ങളൊക്കെ കരുതിയത്.... സത്യം പറയാലോ രുദ്ര അങ്ങനെ അല്ലാഞ്ഞത് നന്നായി അതോണ്ടല്ലേ ഏട്ടന്ന് കിട്ടിയേ.... അപ്പൊ എന്നെ ഇഷ്ടം അല്ലാതാവല്ലേ ചെയ്യുക... എന്റെ പൊന്നൂ.... നിന്റെ ബദ്രിയേട്ടന്ന് ഇഷ്ടം ഈ കുട്ടികളിയും പൊട്ടത്തരവും ഉള്ള കുട്ടിയെ ആണെന്ന പറഞ്ഞത്.... എന്നെ വഴക്ക് പറഞ്ഞല്ലോ.... ഇങ്ങോട്ട് പറഞ്ഞയച്ചില്ലേ ഇഷ്ടം ഉണ്ടെങ്കിൽ അങ്ങനെ ചെയ്യോ.... രുദ്രക്ക് അതോർക്കും തോറും സങ്കടം വന്നു. മയൂരി കുറച്ചു സമയം ആലോചിച്ചു നിന്നു. മിക്കവാറും ഇങ്ങോട്ട് അയച്ചത് എന്തിനാ അറിയോ.... അന്ന് വീഡിയോസ് കാണിച്ചു തന്നില്ലേ അതൊക്കെ തെറ്റാണെന്ന് കാണിച്ചു തന്നെയാ.... എന്നെ കൊണ്ട് തന്നെ അതൊക്കെ തിരുത്തി പറഞ്ഞു തരാൻ ആവും..... രുദ്ര പറഞ്ഞത് വെച്ചു പ്രണയം എന്നാൽ ആ വീഡിയോസിലെ പോലെ ആണെന്ന് കരുതിയിട്ട് ഉണ്ടാവും എന്നോർത്തു അവൾ.... ആ വീഡിയോ ഉള്ളത് സത്യം അല്ലേ.... സ്നേഹിക്കുന്നവർ തമ്മിൽ അങ്ങനെ ഓക്കെ ചെയ്ത ഇഷ്ടം കൂടുകയല്ലേ ചെയ്യുക.... ആ ഡോക്ടർ അങ്ങനെ പറഞ്ഞല്ലോ.... രുദ്ര സംശയത്തോടെ പറഞ്ഞതും മയൂരി തലക്ക് കൈ വെച്ചു പോയിരുന്നു.... അന്ന് സെക്സ് വീഡിയോ കാണിച്ചതാണ് രുദ്രയുടെ പ്രശ്നം എന്ന് അവൾക്ക് മനസ്സിലായി.... ഇതേ മനോഭാവത്തോടെ റാവണിനെ നോക്കുന്നതും പെരുമാറുന്നതും.... താൻ ചെയ്തൊരു ചെറിയ തെറ്റ് തനിക്ക് മുന്നിൽ വലിയൊരു ചോദ്യചിഹ്നമായി മുന്നിൽ വന്നു നിൽക്കുന്നതെന്ന് അവൾക്ക് പൂർണ്ണമായും മനസ്സിലായിരുന്നു. പ്രണയവും സെക്സും എങ്ങനെ ഇവൾക്ക് വേറെ വേറെ ആണെന്ന് മനസ്സിലാക്കി കൊടുക്കും ദൈവമേ.... അങ്ങനെ ചെയ്തില്ലെങ്കിൽ തന്റെ കാര്യത്തിൽ അതോടെ തീരുമാനം ആകുമെന്നും ഓർത്തു മയൂരി ദൈവത്തെ വിളിച്ചു പോയി. ഇവരുടെ സംസാരവും രുദ്രയുടെ ഭാവങ്ങളും ഒക്കെ കണ്ടു കൊണ്ടിരുന്ന രാവണിന്റെ ചുണ്ടിൽ ഒരു പുഞ്ചിരി വിരിഞ്ഞു.... തന്റെ തീരുമാനം തെറ്റിയില്ല എന്നോർത്തു അവനിൽ ആശ്വാസവും തോന്നി. ▪️▪️▪️▪️▪️▪️ ഗുഡ് മോർണിംഗ് സാർ.... ഒരു ഗ്ലാസ്‌ ടീയുമായി ആര്യൻ അഗ്നിയുടെ അടുത്തേക്ക് ചെന്നു. അവൾ അവനെ ഒന്ന് രൂക്ഷമായി നോക്കി അത് വാങ്ങി.... ഈ സാർ വിളി അവളെ ആക്കി വിളിക്കുന്നത് ആണെന്ന് അവൾക്ക് മനസ്സിലായിരുന്നു.... കാൾ മി അഗ്നി.... നോ സാർ.... സാറിനെ പോലൊരു ആളെ പേര് വിളിക്കുന്നത് മോശമല്ലേ.... സാറിനെ സാറേന്ന് ബഹുമാനം കൊണ്ട് വിളിക്കുന്നതാണ് സാർ.... ഇങ്ങനെ ഒരു ചൊറിയൻ പുഴുവിനെ ആണല്ലോ ഗോഡ് എനിക്ക് സ്നേഹിക്കാൻ തോന്നിയത്.... പെട്ടന്ന് ഓർത്തുപോയ വാക്കിൽ അവളൊന്ന് വിറച്ചു പോയിരുന്നു.... തന്റെ ഉള്ളമിപ്പോൾ അവനെ പൂർണ്ണമായും അംഗീകരിചിരിക്കുന്നു എന്ന് അവൾക്ക് സ്വയം ബോധ്യമായ നിമിഷം കൂടി ആയിരുന്നു അത്.... വേണ്ടെങ്കിൽ കുടിക്കേണ്ട പറഞ്ഞു അവളുടെ കയ്യിലെ ചായ കൊടുത്തത് പോലെ തിരിച്ചു വാങ്ങി അവൻ കുടിച്ചു. ഞാൻ കുടിച്ചതാ അത്.... അവൾ മടിയോടെ അവനെ നോക്കി പറഞ്ഞു. തനിക്ക് പകർച്ച വ്യാധി ഉണ്ടോ.... അവൾ ഇല്ലെന്ന് തലയാട്ടി. അപ്പൊ കുടിച്ചാ പ്രശ്നം ഇല്ലെന്ന് പറഞ്ഞു കുടിക്കുന്നവനെ നോക്കി കണ്ണുകൾ വിടർത്തി നിന്നു അവൾ.... അവൾ അവനിൽ നിന്നും നോട്ടം മാറ്റി ചുറ്റും നോക്കുമ്പോൾ ആണ് അവിടെ ജോലി ചെയ്യുന്ന ചിലർ ഇടയ്ക്കിടെ ആര്യനെ നോക്കുന്നത് അവൾ ശ്രദ്ധിച്ചത്.... പത്തോളം പേര് നിൽക്കുന്നിടത് നിന്നും നാലുപേര് ആര്യനെ നോക്കുന്ന നോട്ടത്തിൽ അസ്വഭാവികത തോന്നിയവൾക്ക്.... ആര്യൻ അവന്റെ കയ്യിലെ ടാബിൽ തന്നെ ആയിരുന്നു ശ്രദ്ധിച്ചത്.... അതിലൂടെ ആർക്കൊക്കെയോ നിർദേശം കൊടുക്കുന്നുമുണ്ട്.... ഞാൻ സ്റ്റേഷൻ വരെ ഒന്ന് പോയിട്ട് പെട്ടന്ന് വരാം.... അവൾ ഒന്ന് ഉറക്കെ പറഞ്ഞു കൊണ്ട് എഴുന്നേറ്റു.... ചെവി പൊട്ടിപോയല്ലോ പിശാജേ.... എനിക്ക് ചെവിക്ക് കുഴപ്പം ഒന്നും ഇല്ല കേൾക്കാതിരിക്കാൻ പറഞ്ഞു ചെവിയിൽ വിരലിട്ട് കുലുക്കി അവൻ തന്റെ വർക്കിലേക്ക് തന്നെ ശ്രദ്ധിച്ചു.... അവൾ അവിടെ നിന്നും പുറത്തേക്ക് ഇറങ്ങി.... കുറച്ചു കഴിഞ്ഞതും നാലുപേര് ആര്യൻ നിൽക്കുന്ന റൂമിലേക്ക് വന്നു.... അതിൽ ഒരുത്തൻ കമ്പിപ്പാര കൊണ്ട് ആര്യന്റെ പിറകിൽ നിന്നു അവന്ന് നേരെ വീശിയതും അഗ്നി അവനെ ഷൂട്ട് ചെയ്തിരുന്നു.... അവന്റെ കയ്യിൽ ആയിരുന്നു അവൾ ഷൂട്ട് ചെയ്തത്.... അവരെ ജീവനോടെ വേണമെന്ന് അവൾ കരുതിയിരുന്നു... എന്നാൽ അവളെ ഞെട്ടിച്ചു കൊണ്ട് ആ നാലുപേരുടെയും ദേഹം തുളച്ചു ബുള്ളറ്റ് കയറുന്നത് കണ്ടു അവൾ ചുറ്റും നോക്കിപോയി.... ജോലിക്കാരിൽ പലരും ഗൺ പിടിച്ചു സാദാ വേഷത്തിൽ നിൽക്കുന്നത്.... രാവണന്റെ പടയാളികൾ ആണെന്ന് അവൾക്ക് മനസ്സിലായി... പക്ഷേ അവളെ ഞെട്ടിച്ചത് ആര്യന്റെ കയ്യിലും ഗൺ ഉണ്ടെന്നും അവനും ഷൂട്ട് ചെയ്തിരുന്നു എന്നതായിരുന്നു.... സ്ക്രിപ്റ്റിൽ ഇല്ലാതെ ഇടക്ക് കയറി വരല്ലേ മുത്തേ.... തലപോകുന്ന വഴി കാണില്ല.... അഗ്നിയെ നോക്കി ഗൺ ഇടുപ്പിൽ തിരുകി ആര്യൻ പറഞ്ഞതും കണ്ണ് മിഴിക്കാനെ അവൾക്ക് കഴിഞ്ഞുള്ളു..... രാവണന്റെ പത്തു തലയിൽ ഒന്ന് ഇവൻ ആണെന്ന് അവളാ നിമിഷം ഉറപ്പിച്ചിരുന്നു... അത്രയും പെർഫെക്ട് ആയല്ലേ അറ്റാക്ക് അറിഞ്ഞിട്ടും വർക്ക് ചെയ്യുന്ന പോലെ അഭിനയിച്ചത്.... പാൽകുപ്പി വിളിച്ചു എത്രയോ വട്ടം കളിയാക്കിയിരിക്കുന്നു അവൾ ചമ്മലോടെ ഓർത്തു.... ഒരു ചിരിയോടെ സ്വയം തലയിൽ കിഴുക്കി.... പാൽകുപ്പിയെ കുറിച്ചല്ലേ ഇപ്പോൾ ആലോചിച്ചത്..... ആര്യൻ അവളുടെ കാതിലായി മെല്ലെ ചോദിച്ചതും അവൾ അതേയെന്ന് തലയാട്ടി സമ്മതിച്ചു... അസുരന്റെ അനിയൻ ദേവൻ ആണെന്ന് ചിന്തിച്ചത് നിന്റെ തെറ്റ്.... രക്തഗുണം കാണിച്ചല്ലേ പറ്റുള്ളൂ.... പിന്നെ എന്റെ ഏട്ടൻ സെക്യൂരിറ്റി ഏർപ്പെടുത്തുന്നത് എന്നോടുള്ള സ്നേഹകൂടുതൽ കൊണ്ടാ.... അമ്മയുടെയും അച്ഛന്റെയും കരുതൽ ഒന്നിച്ചു തരുന്നത്... അവൻ ഒരു ചിരിയോടെ പറഞ്ഞു അവളെ കവിളിൽ തട്ടി അവിടെ ക്ലിയർ ചെയ്യാൻ പറഞ്ഞു കമാന്റ് ചെയ്യുന്നവനെ നോക്കി ഇനിയും താനിവനെ പറ്റി അറിയാൻ ഒരുപാടുണ്ടെന്ന് ചിന്തിച്ചു.... ആര്യൻ പറഞ്ഞ ഡയലോഗ് തന്നെ അവൾ ഉരുവിട്ടു.... രാവണന്റെ അനിയൻ ദേവൻ ആണെന്ന് തെറ്റിദ്ധരിച്ചത് എന്റെ തെറ്റ് തന്നെയാണ്.... അതേ ഈ ഹൃദയം എന്തിനാ ഇങ്ങനെ ഇടിക്കുന്നെ.... കൊല്ലും കൊലവിളിയും ആയി കഴിഞ്ഞ ഒരു യോദ്ധാവിനെ പോലെ അല്ലല്ലോ ശരീരം പ്രതികരിക്കുന്നെ അതെന്ത് കൊണ്ടാ.... തന്നെ ഓർത്തു പിടഞ്ഞു പോയ ആ താളം തെറ്റിയ ഹൃദയമിടിപ്പിന് കാതോർത്തു കൊണ്ട് ആര്യൻ ചോദിച്ചതും അവളൊന്ന് വിയർത്തു പോയിരുന്നു.... ആര്യന്റെ നേർക്ക് അവർ കയ്യുയർത്തിയ നിമിഷം ആദ്യമായി തന്റെ വിറച്ചത് അവളോർത്തു.... ഭയം ആയിരുന്നു അത് ഈ ഒരുവനെ ഓർത്താണെന്നും അവൾക്ക് പൂർണ്ണ ബോധം ഉണ്ടായിരുന്നു.... അവൾ ആര്യനെ തിരിഞ്ഞു നോക്കി.... ഇങ്ങനെ ഒന്നും സംസാരിച്ചിട്ടോ തന്റെ അടുത്തേക്ക് വന്നിട്ടോ ഇല്ലെന്നത് പോലെ ആരോടോ ഫോണിൽ സംസാരിക്കുന്നവനെ കണ്ടു അവളിൽ ഒരു നിശ്വാസം തന്നെ ഉയർന്നു.... ഇവനെ മനസ്സിലാക്കനെ പറ്റുന്നില്ലല്ലോ.... ആര്യൻ കാൾ കട്ട്‌ ചെയ്തു അവളുടെ അടുത്തേക്ക് പോയി.... നമുക്ക് രാത്രി വേട്ടക്ക് ഇറങ്ങിയാലോ.... എന്റെ കൂടെ വരുന്നുണ്ടോ.... അവന്റെ കണ്ണുകൾ പകയോടെ തിളങ്ങുന്നത് അവൾ കണ്ടു.... ഞാൻ റെഡി.... അവൾക്ക് ആലോചിക്കുവാൻ കൂടി ഇല്ലായിരുന്നു അതിൽ.... അഗ്നിദേവ് ആയല്ല വരേണ്ടത്.... അവനൊന്നു നിർത്തി.... ശിവരുദ്ര ആയാണോ വരേണ്ടത് അവൾ സംശയത്തോടെ നോക്കി.... ശിവരുദ്ര ആയല്ല.... ശിവാഗ്നിയായി ... അഗ്നിമിത്രയുടെ രണ്ടാമത്തെ മകളായി.... ആര്യമൻ ദുർഗ്ഗയുടെ ഭാര്യയായി വന്ന മതി... അപ്പൊ ശത്രു ആര്യമൻ ദുർഗ്ഗക്ക് ആണെന്ന് അർത്ഥം.... അവൾ നെറ്റി ചുളിച്ചു കൊണ്ട് പറഞ്ഞതും അവൻ അർത്ഥവർത്തമായ നോട്ടത്തോടെ തലയാട്ടി.... ഇത്രയും കാലം കൂട്ടിലിട് അടച്ചപോലെ ജീവിച്ചതിന്ന് ഉള്ള പ്രതികാരം ആണ് ഇതെന്നോർത്തവൾ.... ആദ്യമായി തന്നെ കാണേണ്ടത് ദേവരാജ് ആണെന്ന് ഒരു വാശി ഉണ്ടായിരുന്നു അവളിൽ.... അതിൽ ഒരു നിരാശ തോന്നിയെങ്കിലും ഇതായിരിക്കും തന്റെ ആദ്യത്തെ ദൗത്യം എന്നോർത്തു അവൾ ആശ്വസിച്ചു.... താൻ കാരണമാണ് തന്റെ അച്ഛനും അമ്മയും കൊല്ലപ്പെട്ടത് എന്ന സത്യം അറിഞ്ഞപ്പോൾ തൊട്ട് മനസ്സിൽ സ്വരുകൂട്ടി വെച്ച പക ആര്യനിൽ ആളികത്തിയിരുന്നു അപ്പോൾ.... അറിഞ്ഞോ അറിയാതെയോ ഞാനും അവന്റെ ദുരന്തതിന്ന് കാരണം ആണെന്ന് ഓർത്തു അവളിലും ഒരു നോവ് ഉണർന്നു..... തന്റെ പാതിയായി ഇവൻ വന്നില്ലായിരുന്നെവെങ്കിൽ ആ കുടുംബം ജീവനോടെ ഉണ്ടാകുമായിരുന്നു എന്നോർത്തതും കുറ്റബോധത്താൽ അഗ്നിയുടെ മുഖം താഴ്ന്നു..... Cntn..... മുഴുവൻ പാർട്ടും വായിക്കുവാൻ 👉🏼 പകയും പ്രതികാരവും തീർക്കാൻ താലി കൊണ്ട് ബന്ധനം തീർത്ത ഒരു അസുരൻന്റെയും മാൻപേടയുടെയും ജീവിതകഥ...അസുരന്റെ പ്രതികാരഗ്നിയിൽ വെന്തുരുകുന്നവളെ രക്ഷിക്കാൻ മുന്നിട്ടിറങ്ങുന്ന ......* ഈ കഥ പ്രതിലിപി ആപ്പിൽ വായിക്കൂ *_🔥🔥ശിവരുദ്രാഗ്നി 🔥🔥_* 422377 പേർ ഏറെ ഇഷ്ടത്തോടെ വായിച്ച കഥ _🔥ശിവരുദ്രാഗ്നി🔥_* https://malayalam.pratilipi.com/series/vsmrpnc1jyli?language=malayalam&utm_source=android&utm_medium=content_share ☝ ☝ ☝ *ഇപ്പോൾത്തന്നെ വായിക്കാൻ ക്ലിക്ക് ചെയ്യൂ…* #📙 നോവൽ #💞 പ്രണയകഥകൾ #📔 കഥ