അവൻ തളർന്നവളുടെ നഗ്നമായ മേനിയിൽ വീണ് കിതച്ച് കൊണ്ട് പറഞ്ഞു.... "എനിക്ക് പറ്റുന്നില്ലടീ..... ഞാൻ തളർന്നു പോകുന്നു... ഒരു കുഞ്ഞിന് വേണ്ടിയുള്ള ആഗ്രഹം മനസ്സിൽ നിറച്ച് ബന്ധപ്പെടാൻ ശ്രമിക്കുന്നത് കൊണ്ടാണെന്ന് തോന്നുന്നു എനിക്ക് കഴിയാതെ പോകുന്നത് ❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥 ""അയി ഗിരിനന്ദിനി നന്ദിതമേദിനി വിശ്വ-വിനോദിനി നന്ദനുതേ""!! Alarm അടിച്ചതും സുഖമായ നിദ്രയിൽ നിന്നും ഇഷ്ടക്കേടോടെ അവൾ കണ്ണ് തുറന്നിട്ട് ഒന്നു തിരിഞ്ഞു 5 മിനിറ്റും കൂടി കൊതിയോടെ കണ്ണടച്ചു കിടന്നു.... അടുത്ത് സുഖമായി ഉറങ്ങുന്ന പ്രവീണിന്റെ കൈയ്യെടുത്ത് മാറ്റി മൊബൈൽ വെട്ടത്തിൽ ബാത്റൂമിലെ ലൈറ്റ് ഇട്ട് ബാത്റൂമിലേക്ക് കയറി... ബാത്റൂമിൽ പോയതിനുശേഷം പല്ലുതേച്ച് മുഖവും കഴുകി മുടി ഉച്ചിയിൽ വാരി കെട്ടി പോയതുപോലെ തന്നെ ശബ്ദമുണ്ടാക്കാതെ മൊബൈൽ വെട്ടവുമായി ബെഡ്റൂം തുറന്നു പുറത്തേക്ക് ഇറങ്ങി.ഒട്ടും ശബ്ദം കേൾപ്പിക്കാതെ കതക് പതിയെ ചാരി പുറത്തേക്കിറങ്ങി ഹാളിലെ ക്ലോക്കിൽ നോക്കിയപ്പോൾ സമയം 4:30 ആയി... എന്റെ ദൈവമേ... ഇത്രയും സമയം ഞാൻ ബാത്റൂമിൽ ചെലവഴിച്ചോ??? ആധിയോടെ സ്വയം ചോദിച്ചു തലയിൽ തട്ടിക്കൊണ്ട് അടുക്കളയിലേക്ക് കയറി... അടുപ്പിലെ ചാരം വാരി ഒരു കറിച്ചട്ടിയിൽ ആക്കി വച്ചിട്ട് തൊണ്ടും വിറകും ചിരട്ടയും എല്ലാം കൂടി കൂട്ടി വെച്ച് ദൈവത്തെ വിളിച്ചുകൊണ്ട് അവൾ തീ കത്തിച്ചു... പച്ച വിറകാണ് കത്തി പിടിക്കുന്നത് വരെ സർവ്വ ദൈവങ്ങളെയും വിളിക്കേണ്ടിവരും... മണ്ണെണ്ണ ഒഴിച്ചുകൊടുത്ത് തീ കത്തിച്ചിട്ടും ഒന്ന് ആളിക്കത്തിയിട്ട് പയ്യെ... പയ്യെ.. തീ കെട്ട് പോയി... രണ്ടും കൽപ്പിച്ച് ഒന്നുകൂടി അതുപോലെ തീ കത്തിച്ചിട്ട് അവിടെ കിടന്ന രണ്ട് പ്ലാസ്റ്റിക് കവർ എടുത്തു അതിന്റെ മുകളിൽ ഇട്ടു കൊടുത്തു... "ഹാവൂ... സമാധാനമായി.... ദൈവത്തെ വിളിച്ചിട്ടൊന്നും ഒരു കാര്യവുമില്ല.. അത്യാവശ്യത്തിന് തീ കത്തിക്കാൻ ക്യാൻസർ വരുന്ന പ്ലാസ്റ്റിക് കവർ വേണ്ടിവന്നു ..അങ്ങനെ പറഞ്ഞുകൊണ്ട് കലം കഴുകി ചോറ് വെക്കാനായി കലം നിറയെ വെള്ളം വച്ചു... പിന്നെ അടുക്കളയിൽ ഒരു ഗുസ്തി തന്നെയായിരുന്നു മീൻകറിയും, തോരനും, ഒഴിച്ചുകൂട്ടാനും , ഉപ്പുമാവും, മുട്ടക്കറിയും...ഇതിനിടയിൽ കലത്തിലെ വെള്ളം തിളച്ചപ്പോൾ കുടിക്കാൻ ആയി പാതി മാറ്റിവെച്ചിട്ട് അരി കഴുകി അടുപ്പത്തിട്ടിരുന്നു... എന്തൊക്കെ ഉണ്ടായാലും പ്രവീണിന് കല്ലിൽ അരച്ച ചമ്മന്തി നിർബന്ധമാണ്.. അച്ഛന്റെ ശീലം അതേപോലെ മക്കളും പഠിച്ചു വെച്ചിട്ടുണ്ട്... അവർക്ക് മൂന്നുപേർക്കുമായി ഒരു മുറി തേങ്ങാ തിരുമ്മി ചമ്മന്തി അരച്ച്... എല്ലാം ചെയ്തു കഴിഞ്ഞപ്പോൾ തന്നെ മണി ആറെ കാലായി... ചാരം വാരിയത് കൊണ്ടുപോയി വാഴയുടെ മൂട്ടിൽ തട്ടി വാഴയിലയും കീറി തിരികെ വന്നു.... ഒരുവിധം ഓടിച്ചിട്ട് അടുക്കളയും,ഹാളും ഒക്കെ ഒന്ന് വൃത്തിയാക്കി.. ചൂലുമായി മുറ്റത്ത് അങ്കത്തിനിറങ്ങി... സ്വന്തം വീട്ടിലെ മരം പോരാഞ്ഞ് നാട്ടുകാരുടെ മരത്തിലെ ഇലയും കൂടി മുറ്റത്ത് വീണു കിടപ്പുണ്ട്...ഏതായാലും 7 സെന്റ് വസ്തുവായത് കാര്യം ഇല്ലെങ്കിൽ ഈ മുറ്റം തൂത്ത് തന്നെ എൻ്റെ നടു ഒടിഞ്ഞേനേ... 10 മിനിറ്റിൽ മുറ്റം തൂത്ത് വൃത്തിയാക്കിയിട്ട് കാലു മുഖവും കഴുകി അടുക്കളയിലേക്ക് കയറി... ഗ്യാസ് ഓൺ ചെയ്ത് ചായയ്ക്ക് വെള്ളം വെച്ചിട്ട്.. അരി വെന്തോ എന്ന് നോക്കി... ഒടുക്കലത്തെ വേവാണ് അരിക്ക് രണ്ടുമണിക്കൂറായി മനുഷ്യനിട്ട് തീ ഊതി ഊതി കഷ്ടപ്പെടുന്നു.... സ്വയം പിറുപിറുത്തു ഒരടപ്പെടുത്തു നല്ല രീതീയിൽ വീശികൊടുത്തതും തീ ആളിക്കത്തി. തീ കത്തിയെന്ന് കണ്ടതും സമാധാനത്തോടെ ഒന്ന് ശ്വാസം വിട്ടു... വെള്ളം തിളച്ചതും പാലൊഴിച്ച് അത് തിളക്കാനായി കാത്തു നിന്നു.. എത്ര നോക്കി നിന്നിട്ടും തിളച്ച് വരാത്തത് കണ്ടപ്പോൾ ദേഷ്യം സഹിക്കാൻ വയ്യാതെ കാല് നിലത്ത് അമർത്തി ചവിട്ടി തിളക്കുമ്പോൾ തിളക്കട്ടെന്ന് വിചാരിച്ചു എല്ലാവർക്കും കൊണ്ടുപോകാനുള്ള പാത്രം എടുത്ത് ഒന്നുകൂടി കഴുകാൻ തുടങ്ങിയതും കുറച്ചു പാല് തിളച്ചു തൂവി.... ഓടിവന്ന് ഗ്യാസ് അണച്ച് പാലിനെയും, ഗ്യാസിനെയും രണ്ട് ചീത്ത പറഞ്ഞു പിന്നെയും ഗ്യാസ് കത്തിച്ച് തേയിലയും പഞ്ചാരയും ഇട്ടുകൊടുത്ത് ഒരു നുള്ള് ഏലയ്ക്കാപ്പൊടിയും കൂടി ചേർത്ത് കുറച്ചു സമയം ചെറിയ തീയിൽ വേവിച്ചു.. ചായ അരിച്ച് നാല് കപ്പുകളിൽ ആക്കിയിട്ട് മക്കളുടെ റൂമിലേക്ക് പോയി... സയാമീസ് ഇരട്ടയെപ്പോലെ കിടന്നുറങ്ങുന്ന മോനെയും, മോളെയും അതീവ വാത്സല്യത്തോടെ തട്ടി വിളിച്ചു... അമ്മയുടെ ടെറർ സ്വഭാവം അറിയാവുന്നത് കാരണം രണ്ടാമത്തെ വിളിക്ക് തന്നെ രണ്ടുപേരും കണ്ണുതുറന്ന് ചിണുങ്ങലോടെ ബാത്റൂമിലേക്ക് കയറി.... അവർ പോയത് കണ്ടതും പിന്നെ ഓടി പ്രവിയുടെ അടുത്തേക്ക് പോയി... "പ്രവിയേട്ട...എഴുന്നേൽക്ക് ഏഴു മണി ആവാറായി...ക്ഷമയുടെ നെല്ലിപ്പലക താണ്ടി അഞ്ചാറു പ്രാവശ്യം വിളിക്കേണ്ടിവന്നു... ""മതി വിളിച്ചത്.. ഞാൻ ഉണർന്നു.. നീ പോയി നിന്റെ ജോലി നോക്ക്... കണ്ണടച്ചുകൊണ്ട് ചെറുതായി ദേഷ്യപ്പെടുന്ന പ്രവിയെ നോക്കി പല്ല് ഞെരിച്ചുകൊണ്ടവൾ അടുക്കളയിലേക്ക് പോയി.... എല്ലാവർക്കും കൊണ്ടുപോകാനുള്ള പാത്രം ഒന്നുകൂടി കഴുകി കറികൾ പാഴ്സൽ ആക്കി... കഴിക്കാനുള്ളത് ഡൈനിങ് ടേബിളിൽ എടുത്ത് വച്ചിട്ട് നോക്കിയപ്പോൾ അച്ഛനും മക്കളും ചായ കുടിക്കുകയാണ്... "അതിനിടയിൽ തൻ്റെ ചായയും എടുത്തുകൊണ്ടുവന്ന് ഇടക്ക് ഒരു വാ കുടിച്ചുകൊണ്ടുതന്നെ അരിയൂറ്റുകയും, ചായപാത്രം കഴുകുകയും ചെയ്ത്... ചോറു മൊരിച്ച് നാലുപേരുടെയും പാത്രത്തിലാക്കി അച്ഛന്റെയും മക്കളുടെയും പാത്രത്തിൽ വാഴയിലയിൽ പൊതിഞ്ഞ ചമ്മന്തിയും വെച്ചു... ഒരു വിധം എല്ലാം ഒതുങ്ങിയെന്ന് തോന്നിയപ്പോൾ കുറച്ചു സമാധാനമായി.. രണ്ടുപേരും ചായയും കുടിച്ച് അവിടെ കുത്തിയിരിക്കാതെ പെട്ടെന്ന് കുളിച്ച് റെഡിയാകാൻ നോക്ക്... മക്കളെ നോക്കി കുറച്ച് കലിപ്പിച്ചു പറഞ്ഞതും അവർ ഓടി ബാത്റൂമിൽ കയറി..... ഈ സമയം എന്തിനാണ് ഇങ്ങനെ ഓടിപ്പോകുന്നത്... ക്ലോക്കിൽ നോക്കി ദേഷ്യത്തോടെ പറഞ്ഞുകൊണ്ട് കുളിക്കാനായി കയറി... കുളിക്കാൻ ഒരുപാട് സമയമെടുക്കാതെ പെട്ടെന്ന് തന്നെ കുളിച്ചു കയറി... വയലറ്റ് പൂക്കളുള്ള സാരി' വിത്ത് ബ്ലൗസുമായി നല്ല ഭംഗിയിൽ ഞൊറിഞ്ഞുടുത്തു... അപ്പോഴേക്കും പ്രവി വന്ന് അവളുടെ തലയിൽ കെട്ടിയിരുന്ന തോർത്ത് ഊരിക്കൊണ്ട് ബാത്റൂമിലേക്ക് കയറി... പ്രവിയേട്ടന് വേറെ തോർത്തെടുത്തൂടെ??? ഇത് നനഞ്ഞിരിക്കുകയല്ലേ?.... കുറച്ച് ഈർഷ്യയോടെ പറഞ്ഞിട്ട് അവൾ വേറൊരു തോർത്തെടുത്ത് തല ചുറ്റിക്കെട്ടി... മക്കളുടെ അടുത്ത് ചെന്നപ്പോഴേക്കും രണ്ടുപേരും കുളിച്ച് വൃത്തിയായി നിൽപ്പുണ്ട്... ഉണങ്ങിയ തോർത്തെടുത്ത് രണ്ടുപേരുടെയും തല നല്ലതുപോലെ തോർത്തി കൊടുത്തു... "ഹെയർ ട്രൈനർ ഉപയോഗിച്ച് മുടി ഉണക്കിയിട്ട് മോളുടെ മുടി രണ്ട് സൈഡിലായി വൃത്തിയായി തെന്നി കെട്ടി കൊടുത്തു...മോന്റെ മുടിയും ചീപ്പി ഒതുക്കി വെച്ചു... "രണ്ടുപേരുടെയും കാലിൽ ഷോക്സ് ഇട്ട് കൊടുത്തു... "നിങ്ങൾ ഇപ്പോൾ കൊച്ച് കുട്ടികൾ ഒന്നുമല്ല അഞ്ചിലും, ഏഴിലും പഠിക്കുന്ന വലിയ കുട്ടികളാണ്... എല്ലാ കാര്യങ്ങളും തനിയെ ചെയ്ത് ശീലിക്കേണ്ട സമയം അതിക്രമിച്ചിരിക്കുന്നു... അതും പറഞ്ഞു സമയം നോക്കിയപ്പോൾ എട്ട് മണി കഴിഞ്ഞത് കണ്ടിട്ടും മക്കളെ നോക്കി തൃപ്തി വരുത്തിയിട്ട് കഴിക്കാൻ ഉള്ളത് പാത്രത്തിൽ വിളമ്പി കൊടുത്തിട്ട് ഓടി ബെഡ്റൂമിൽ എത്തി ഒരുങ്ങാൻ തുടങ്ങി... അവൾ അകത്തു കയറിയതും പ്രവി ഒരുങ്ങി പുറത്തേക്കിറങ്ങിയിരുന്നു.... അത്യാവശ്യം നല്ല രീതിയിൽ തന്നെ തല കെട്ടി പൊട്ടും, സിന്ദൂരവും, ഒക്കെ ഇട്ട് സ്വയം തൃപ്തി വരുത്തി..ഡൈനിങ് ടേബിളിലെത്തിയപ്പോൾ പ്രവിയും കഴിച്ചു കൊണ്ടിരിക്കുകയാണ്... പമ്മി പതുങ്ങി ഇരിക്കാതെ പെട്ടെന്ന് വാരി കഴിക്ക് സ്കൂൾ ബസ് വരാൻ സമയമായി... ഒരു പ്രാവശ്യം മാത്രമേ അമ്മ സൗമ്യമായി പറയത്തൊള്ളെന്ന് അറിയാവുന്നതുകൊണ്ട് രണ്ടുപേരും പെട്ടെന്ന് വാരി കഴിക്കാൻ തുടങ്ങി... അവളും നിന്നുകൊണ്ട് തന്നെ ഉപ്പുമാവും, മുട്ടക്കറിയും എടുത്ത് എങ്ങനെയോ വാരിയാകത്താക്കി കഴിച്ച പാത്രം കഴുകിയിട്ട്... ആറാൻ വച്ചിരുന്ന വെള്ളം നാല് കുപ്പികളിൽ ആക്കി... എല്ലാവരുടെയും ബാഗിൽ അവർക്കുള്ള ആഹാരവും വെള്ളവും വെച്ച്... മക്കൾ കഴിച്ചു കഴിഞ്ഞതും അവരുടെ പത്രം കൊണ്ടുപോയി സിങ്കിൽ ഇട്ടു വെള്ളമൊഴിച്ചിട്ട്.. പ്രവീൺ കഴിച്ച് എണീച്ചതും അവൻ്റെ പാത്രവും അതുപോലെ ചെയ്തു... സ്കൂൾ ബസ് വന്നതും മക്കളെ രണ്ടുപേരെയും ബസ്സിൽ ആക്കി ടാറ്റ പറഞ്ഞ് തിരികെ വന്നതും പ്രവീൺ ബൈക്കിൽ കയറി സ്റ്റാർട്ട് ചെയ്ത് നിൽപ്പുണ്ട്... ഓടിപ്പോയി ബാഗ് എടുത്തു, ഗ്യാസും, ലൈറ്റും എല്ലാം അണച്ചോ എന്ന് ഒന്നുകൂടി ഉറപ്പുവരുത്തി കതക് പൂട്ടി താക്കോല് ചെടിച്ചട്ടിയുടെ സൈഡിൽ വച്ചിട്ട് ഓടി ചെന്ന് ബൈക്കിൽ കയറി... വാച്ചിൽ നോക്കിക്കൊണ്ട് പ്രവീൺ ദേഷ്യത്തോടെ പിറുപിറുത്തു... നിന്നെ കാത്തുനിന്ന് എൻ്റെ സമയവും പോയി...8 35 കഴിഞ്ഞു ഇനി എപ്പോഴാണ് ഞാൻ ഓഫീസിൽ എത്തുന്നത്... രാവിലെ സംസാരിച്ച് വഷളാവേണ്ടന്ന് കരുതി ഒന്നും മിണ്ടാതെ തല കുമ്പിട്ടിരുന്നു... അവള് മിണ്ടാത്ത ദേഷ്യവും കൂടി ചേർത്ത് അവൻ ആഞ്ഞു വണ്ടിയെടുത്തതും അവൾ മുന്നോട്ടൊന്ന് ആഞ്ഞ് അവനെ കെട്ടി പിടിച്ചു.... ഇവൾ "ആശ" വയസ്സ് 32 സർക്കാർ ഉദ്യോഗസ്ഥയാണ്... *****കോർപ്പറേഷനിൽ കുടുംബശ്രീ ഡിപ്പാർട്ട്മെന്റിൽ വർക്ക് ചെയ്യുന്നു... "ഒത്ത പൊക്കവും, അതിനുവേണ്ട വണ്ണവും,അത്യാവശ്യം വെളുത്ത നിറവും ഒക്കെയുള്ള അത്യാവശ്യം സുന്ദരിയായ പെണ്ണ്... അവൻ "പ്രവീൺ" വയസ്സ് 35 സർക്കാർ ഉദ്യോഗസ്ഥനാണ്... കളക്ടറേറ്റിൽ വർക്ക് ചെയ്യുന്നു... അവളെക്കാൾ ഉയരവും,മാനിറവും, കട്ടിമീശയും, ആവശ്യത്തിന് കനവും ഒക്കെയുള്ള ചെറുക്കൻ.. അവരുടെ ആദ്യത്തെ കണ്മണിയായ "അഥർവ്" എന്ന "അക്കു" ഇംഗ്ലീഷ് മീഡിയം സ്കൂളിൽ ഏഴാം ക്ലാസിൽ പഠിക്കുന്നു.. രണ്ടാമത്തെ സന്താനമായ "അദ്രിക" എന്ന "അമ്മു" അവിടെത്തന്നെ അഞ്ചാം ക്ലാസ്സിൽ പഠിക്കുന്നു... ഏഴ് സെന്റ് വസ്തുവിൽ മൂന്ന് ബെഡ്റൂമിലും അറ്റാച്ച്ഡ് ബാത്റൂം,ഹാളും, കിച്ചനും അതിനോട് ചേർന്ന് തന്നെ ഡൈനിങ് ഹാളും,സിറ്റൗട്ടും, വർക്കേരിയയും എല്ലാമുള്ള ഒരു ഒറ്റ നില വീടാണ് അവരുടേത്... പഠിത്തവും,ജോലിയും ഉള്ള ദിവസങ്ങളിൽ അവരുടെ ഒരു ദിവസം തുടങ്ങുന്നത് ഇങ്ങനെയാണ്... ആശയുടെയും, പ്രവീണിന്റെയും പ്രണയ വിവാഹമായിരുന്നു... പത്താം ക്ലാസ് മുതലുള്ള ആറു വർഷത്തെ പ്രണയത്തിനുശേഷം വിവാഹം കഴിഞ്ഞിട്ട് പതിനാല് വർഷം കഴിഞ്ഞു... ""ഇതൊരു കുഞ്ഞു സന്തുഷ്ട കുടുംബം...." ഇടയ്ക്ക് പൊട്ടലും ചീറ്റലുകളുമായി അത്ര സന്തുഷ്ടം ഒന്നുമല്ലെങ്കിലും സന്തുഷ്ടമായി തന്നെ കഴിയുന്ന സന്തുഷ്ട കുടുംബം... ❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥 അവൻ തളർന്നവളുടെ നഗ്നമായ മേനിയിൽ വീണ് കിതച്ച് കൊണ്ട് പറഞ്ഞു.... "എനിക്ക് പറ്റുന്നില്ലടീ..... ഞാൻ തളർന്നു പോകുന്നു... ഒരു കുഞ്ഞിന് വേണ്ടിയുള്ള ആഗ്രഹം മനസ്സിൽ നിറച്ച് ബന്ധപ്പെടാൻ ശ്രമിക്കുന്നത് കൊണ്ടാണെന്ന് തോന്നുന്നു എനിക്ക് കഴിയാതെ പോകുന്നത്.... എനിക്ക് സെക്സ് ആസ്വദിക്കാൻ പറ്റുന്നില്ല. മനസ്സ് നിറയെ നമുക്കൊരു കുഞ്ഞിനെ വേണം എന്ന ചിന്ത മാത്രമേ മുന്നിട്ടുനിൽക്കുന്നുള്ളൂ... തളർന്നു നെഞ്ചിൽ കിടക്കുന്നവന്റെ തലമുടിയിൽ തഴുകികൊണ്ടവൾ സമാധാനിപ്പിച്ചു... നമുക്കൊരു കുഞ്ഞുണ്ടാവാൻ കർത്താവ് വിധിച്ചിട്ടുണ്ടെങ്കിൽ അത് ഉണ്ടാവുക തന്നെ ചെയ്യും... ഞാൻ മുട്ടിപ്പായി പ്രാർത്ഥിക്കുന്നത് അതിനു വേണ്ടിയാണ്... ടെസ്റ്റ് ചെയ്തപ്പോൾ നമുക്ക് രണ്ടുപേർക്കും വലിയ കുഴപ്പങ്ങളൊന്നും ഇല്ലല്ലോ...നമ്മുടെ കുഞ്ഞു വരാൻ സമയം ആയിട്ടില്ല.. അതുകൊണ്ടാണ് വരാത്തത് അങ്ങനെ കരുതി സമാധാനിക്ക്... നമ്മളെ പോലെ തന്നെ സ്നേഹിച്ച് കല്യാണം കഴിച്ചതാണ് പ്രവിയും, അബിയും, പ്രവിക്ക് രണ്ടും, അബിക്ക് മൂന്നും കുട്ടികൾ ഉണ്ട്.. നമ്മുടെ കല്യാണം കഴിഞ്ഞിട്ട് 14 വർഷം കഴിഞ്ഞു... ഇനി എപ്പോഴാണ് നമുക്ക് കുഞ്ഞുണ്ടാകുന്നത്... നിനക്ക് 32 വയസ്സും, എനിക്ക് 34 വയസ്സും കഴിഞ്ഞു..ഇനി എപ്പോഴാണ് നമുക്ക് കുട്ടികൾ ഉണ്ടാകുന്നത്... അപ്പച്ചനും ,അമ്മച്ചിക്കും ഇപ്പോൾ നമ്മൾ രണ്ടുപേരും മാത്രമേ ഉള്ളൂ... നമുക്കും അവർ മാത്രമേയുള്ളൂ... ആക്സിഡന്റിൽ മരിച്ചു പോയ തന്റെ കുടുംബത്തെ ഓർത്തപ്പോൾ അവളുടെ കണ്ണിൽനിന്ന് ചോര പൊടിഞ്ഞു.... ആദം.. എനിക്ക് ശ്വാസം മുട്ടുന്നു നെഞ്ചത്ത് നിന്ന് മാറി കിടക്ക്... ആലി പറഞ്ഞത് കേട്ടതും അവൻ പെട്ടെന്ന് അവളുടെ നെഞ്ചിൽ നിന്നും മാറി കിടന്നു... കുഞ്ഞെന്ന ആഗ്രഹം മനസ്സിൽ നിറഞ്ഞപ്പോൾ മറ്റെല്ലാം മറന്നു അവനെ പ്രലോഭിപ്പിക്കാൻ തന്നെ അവൾ തീരുമാനിച്ചു... ഡോക്ടർ ബന്ധപ്പെടാൻ കുറിച്ചു തന്ന ദിവസങ്ങളിൽ ഒന്നാണ് ഇന്ന്... ഒരു ദിവസം പോലും വെറുതെ കളയാൻ പാടില്ല... മനസ്സിൽ ചിന്തിച്ചു കൊണ്ട് നെഞ്ചിലെ രോമക്കാടുകളിൽ തടവി ഫാനിൽ നോക്കി കിടക്കുന്നവന്റെ കാതുകളിൽ നാവ് ചേർത്ത് നുണയാൻ തുടങ്ങി... ""ഇക്കിളിയാവുന്നാലീ... അവൻ കഴുത്ത് വെട്ടിക്കാൻ ശ്രമിച്ച് ചിരിയോടെ പറഞ്ഞു... അവനിക്കിളിയായതും അവൾക്ക് ഹരം തോന്നി തുടങ്ങി...കുറുകിക്കൊണ്ട് പിന്നെയും അവളുടെ പ്രവർത്തികൾ തുടർന്നു... അവളിലെ പെണ്ണ് പൂർവാധികം ശക്തിയോടെ അവനിലെ ആണിനെ തിരികെ പിടിച്ചു.... ഒരു പേമാരി പോലെ അവളിൽ പെയ്തിറങ്ങുമ്പോൾ സീൽക്കാര സ്വരങ്ങൾ കൊണ്ടും, ശക്തമായ പുലമ്പൽ കൊണ്ടും കൈയ്യുടെ ചലനങ്ങൾ കൊണ്ടും,അവനെ കൂടുതൽ ഉത്തേജിപ്പിച്ചു കൊണ്ടിരുന്നു.... ഒരേസമയം രണ്ടുപേർക്കും ഒരുപോലെ രതിമൂർച്ചയുണ്ടായി.... അവന്റെ ബീജത്തെ അവളിൽ നിറച്ചുകൊണ്ട് അവളുടെ നെഞ്ചിൽ തളർന്നു വീണിട്ട് അവൻ കാതോരം ചോദിച്ചു... നീ എന്ത് മാജിക്കാണ് പെണ്ണേ കാട്ടിയത്... ഒരു പുഞ്ചിരിയോടെ അവൾ അവൻ്റെ ചുണ്ടിനെ കവർന്നെടുത്തു... ശ്വാസം വിലങ്ങി ചുണ്ടുകൾ വേർപ്പെട്ടപ്പോൾ അവൻ പറഞ്ഞു... ഇങ്ങനെയാണെങ്കിൽ ഒരു റൗണ്ട് കൂടി പോകേണ്ടിവരും... ഫ്രഷ് ആവാൻ നിൽക്കാതെ രണ്ടുപേരും അതേപോലെതന്നെ കെട്ടി പിടിച്ച് ചേർന്ന് കിടന്ന്... ഇപ്രാവശ്യമെങ്കിലും കുഞ്ഞുണ്ടാകുമെന്ന ആഗ്രഹം രണ്ടുപേരുടെ മനസ്സിലും ഒരുപോലെ നിറഞ്ഞു നിന്നു.... ഇവൻ "ആദം ആന്റണി"ടൗണിൽ സൂപ്പർമാർക്കറ്റ് ഇട്ടേക്കുന്നു.... അഞ്ചടി പൊക്കവും, മെലിഞ്ഞ ശരീരവും,താടിയും മീശയും നെഞ്ചിൽ നിറയെ രോമ കാടുകളുമായി ഇരുനിറത്തിൽ ഒരുവൻ... ഇവൾ "ആലിയ" സർക്കാരുദ്യോഗസ്ഥയാണ്... ആശയുടെ കൂടെ കുടുംബശ്രീ ഡിപ്പാർട്ട്മെന്റിൽ തന്നെയാണ് വർക്ക് ചെയ്യുന്നത്... ഓറഞ്ചിന്റെ നിറവും,ചെമ്പൻ മുടിയും,ഗോൾഡൻ കണ്ണുമായി നോർത്ത് ഇന്ത്യൻ ലുക്ക് തോന്നിക്കുന്ന 152 സെൻറീമീറ്റർ ഉയരമുള്ള ഒരു കൊച്ചു സുന്ദരി.... ആശയും, ആലിയും, ബീനയും അഞ്ചാം ക്ലാസ് മുതൽ ഒന്നിച്ച് പഠിച്ചതാണ്... പത്തിലായപ്പോൾ മൂന്നുപേരും ഒരുപോലെ പ്രണയിക്കാൻ തുടങ്ങി... പ്ലസ്ടുവിന് പഠിക്കുന്ന തങ്ങളെപോലെയുള്ള മൂന്ന് സുഹൃത്തുക്കളെയാണ് അവരും സ്നേഹിച്ചത്... അവരെ സ്കൂളിലും കോളേജിലും എല്ലാം കളിയാക്കി വിളിച്ചിരുന്നത് മതേതരത്വം എന്നായിരുന്നു... അടുത്തടുത്തായി ഒരുപോലെ മൂന്ന് വീടുകൾ പണിഞ്ഞ് ആ കൂട്ടുകാർ ഇന്നും ഇണപിരിയാതെ താമസിക്കുന്നു... ആദത്തിന്റെ വീട്ടിൽ അവന്റെ അപ്പൻ ആന്റണിയും, അമ്മച്ചി റോസിയും കൂടെയുണ്ട്.... അവർ നാലു പേരടങ്ങുന്ന "സന്തുഷ്ട കുടുംബം" മക്കളില്ലാത്ത കുറവ് മാറ്റി നിർത്തിയാൽ ഇന്നും ചോരാതെ അവരുടെ പ്രണയം പൂത്തുലഞ്ഞു കൊണ്ടിരിക്കുന്നു.... 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://app.aksharathalukal.in/series/48513/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ