Her First Love 💕 (ഭാഗം - 3) വീടിന്റെ ഉമ്മറത്ത് വെള്ളത്തുണിയിൽ പൊതിഞ്ഞു കിടക്കുന്ന ഉമ്മയുടെ നിശ്ചലമായ ശരീരം... എന്റെ ലോകം അവിടെ അവസാനിച്ചത് പോലെ തോന്നി. ആ രാക്ഷസന്റെ ഒരൊറ്റ തള്ളലിൽ എന്റെ തണൽ ഇല്ലാതായി. ജസ: (ഉമ്മയുടെ അരികിലിരുന്ന് അലറിക്കരഞ്ഞുകൊണ്ട്) "ഉമ്മാ... എഴുന്നേൽക്ക് ഉമ്മാ... എന്നെ ഒറ്റയ്ക്കാക്കി പോകല്ലേ. എനിക്ക് ഇനി ആരുണ്ട്?" അപ്പോഴാണ് ഇത്താത്ത ഓടിവന്നത്. എന്നെ കെട്ടിപ്പിടിച്ച് ഇത്താത്തയും പൊട്ടിക്കരഞ്ഞു. സ്വന്തം ഭാര്യയെ കൊലപ്പെടുത്തിയ കുറ്റത്തിന് പോലീസ് ഉപ്പയെ വിലങ്ങുവെച്ച് കൊണ്ടുപോയി. ഒരു തുള്ളി കണ്ണീർ പോലും ആ കണ്ണുകളിൽ ഉണ്ടായിരുന്നില്ല, പകരം വല്ലാത്തൊരു പകയായിരുന്നു. ഉമ്മുമ്മ: "മോളെ... ഇനി നീ ആ വീട്ടിൽ നിൽക്കണ്ട. എന്റെ കൂടെ വാ..." ഉമ്മയുടെ മരണശേഷം ഉമ്മുമ്മ എന്നെ കൂടെ കൂട്ടി. പക്ഷേ ദുരന്തങ്ങൾ അവിടെയും അവസാനിച്ചില്ല. ഹാജിർ ഇക്ക വീണ്ടും അവിടെയെത്തി. ഹാജിർ ഇക്ക: "നിന്റെ ഉപ്പ എന്റെ കയ്യിൽ നിന്ന് ലക്ഷങ്ങൾ വാങ്ങിയിട്ടുണ്ട്. ഒന്നെങ്കിൽ ആ പണം തിരിച്ചു തരണം, അല്ലെങ്കിൽ നിന്നെ എനിക്ക് നിക്കാഹ് ചെയ്ത് തരണം." ഉമ്മുമ്മ അയാളോട് കേണു പറഞ്ഞു. ഒടുവിൽ ഉമ്മയുടെ കുറച്ചു സ്വർണം അയാൾക്ക് നൽകി താൽക്കാലികമായി ആ ശല്യം ഒഴിവാക്കി. ബാക്കിയുണ്ടായിരുന്ന ചെറിയൊരു സ്വർണം കൊണ്ട് ഉമ്മുമ്മ എന്നെ ഒരു മികച്ച കോളേജിൽ പ്രൊഫഷണൽ കോഴ്സിന് ചേർത്തു. ജസ: "ഉമ്മാ... നിങ്ങളുടെ സ്വപ്നം ഞാൻ നേടും. ആർക്കും തോൽപ്പിക്കാൻ ആവാത്ത വണ്ണം ഞാൻ വളരും." 3 വർഷങ്ങൾക്ക് ശേഷം... ജീവിതം ഒരുപാട് പാഠങ്ങൾ പഠിപ്പിച്ചു. പഠനത്തിന്റെ രണ്ടാം വർഷം കഴിഞ്ഞപ്പോൾ എന്നെ താങ്ങിനിർത്തിയിരുന്ന ഉമ്മുമ്മയും എന്നെ വിട്ടുപിരിഞ്ഞു. അതോടെ ഹോസ്റ്റലിലായി എന്റെ താമസം. കഠിനാധ്വാനത്തിന് ഫലമുണ്ടായി, കോളേജ് ക്യാമ്പസ് പ്ലേസ്‌മെന്റിലൂടെ പ്രമുഖമായ ഒരു കമ്പനിയിൽ എനിക്ക് ജോലി ലഭിച്ചു. ഇന്ന് ഞാൻ പഴയ പേടിച്ചരണ്ട ജസയല്ല. എങ്കിലും ഉള്ളിന്റെ ഉള്ളിൽ ഒരു ഭയം ബാക്കിയുണ്ട്. ജാമ്യത്തിൽ ഇറങ്ങിയ ഉപ്പ ഇപ്പോൾ എവിടെയാണെന്ന് ഒരു വിവരവുമില്ല. ആ രാക്ഷസൻ എന്നെങ്കിലും എന്റെ മുന്നിൽ പ്രത്യക്ഷപ്പെടുമോ എന്നോർക്കുമ്പോൾ നെഞ്ചിടിപ്പ് കൂടും. പുതിയ കമ്പനിയിൽ ആദ്യമായി ജോയിൻ ചെയ്യാൻ പോവുകയാണ് ഞാൻ. അവിടെ എന്റെ പുതിയ ജീവിതം തുടങ്ങുകയാണ്. ഓഫീസിലെ പുതിയ അന്തരീക്ഷം... പുതിയ ആളുകൾ... അവിടെ വെച്ചാണ് ഞാൻ അയാളെ കാണുന്നത്... (തുടരും...) ✍🏻 Whispering words #📙 നോവൽ #📔 കഥ #💞 പ്രണയകഥകൾ #📝 ഞാൻ എഴുതിയ വരികൾ