തിരക്കേറിയ ബോംബെ നഗരം... രാവിലെ ഗ്ലാസിനു ഇടയിൽ കൂടെ സൂര്യ കിരണങ്ങൾ കണ്ണിലേക്കു അടിച്ചതും അവൾ കണ്ണുകൾ ചിമ്മിതുറന്നു... പുതപ്പ് ഒന്നുകൂടെ മുഖത്തേക്ക് വലിച്ചിട്ടുകൊണ്ട് അവൾ തിരിഞ്ഞുകിടന്നു.... ഇവൾ അമര്യ ഫാത്തിമ....പേരുപോലെ തന്നെ രണ്ടു സമുദായത്തിന്റെ പ്രണയത്തിന്റെ പ്രതീകം....ജോസെഫിന്റെയും അവന്റെ പ്രണയിനി ഫാത്തിമയുടെയും പ്രണയത്തിന്റെ തുടിപ്പ്... അമര്യ ഫാത്തിമ.... "മരിയ... ഡി... എഴുനേല്ക്ക്... ദേ നമ്മുടെ പിള്ളേർ എല്ലാം ഒരുങ്ങി വന്നേക്കുന്നു... മരിയ..."- അവൾ തട്ടിവിളിച്ചുകൊണ്ട് ഇരുന്നു... " പ്ലീസ് അന്ന... ഇന്നലെ എത്ര നേരം കഴിഞ്ഞിട്ട് ആണെന്ന് അറിയുവോ ഞാൻ ഒന്ന് ഉറങ്ങിയത്..." " എടി ഇന്ന് ഇവിടെ ഹോളി ആണ്... ഇങ്ങോട്ട് എഴുനേറ്റെ... കോവിഡ് കഴിഞ്ഞിട്ട് ആദ്യമായിട്ടാ ഇവിടെ ഹോളി ആഘോഷിക്കുന്നത്... നീ ഇതുവരെ കണ്ടിട്ടില്ലല്ലോ... "- അന്ന അവളുടെ കൈയിൽ പിടിച്ചു വലിച്ചുകൊണ്ട് പറഞ്ഞു... അവൾ മനസില്ല മനസോടെ എഴുനേറ്റിരുന്നു.... " നാളെ മുതൽ ഇനി ഓഫീസിൽ പോകണം... ഇനി ഇതുപോലെ കിടന്ന് ഉറങ്ങാൻ പറ്റുവോ... " " നീ മാത്രമേ ഇത്‌ പറയുള്ളു... രണ്ടുവർഷം പോയതുപോലും ബാക്കി ഉള്ളവർ അറിഞ്ഞില്ല... ഓൺലൈൻ ക്ലാസ്സ്‌ ആയതുകൊണ്ട് കയറിയാലും കയറിയിലെകിലും നോ സീൻ...നിനക്ക് ഉറങ്ങാൻ സമയം കിട്ടിയില്ലെന്നു വേറെ ആരെയും കേൾക്കെ നീ പറയരുത്... തല്ലികൊല്ലും നിന്നെ... " " വിഷമങ്ങൾ ഇല്ലാത്തവർക്ക് അങ്ങനെ പലതും പറയാം... ഞാൻ ഒന്ന് കണ്ണടയ്ക്കാൻ കഷ്ടപ്പെടുന്ന പാട് എനിക്ക് മാത്രമേ അറിയുള്ളു... അത് അവർക്കൊന്നും പറഞ്ഞാൽ മാനസിലാകില്ല... " " വിഷമങ്ങൾ നീ തന്നെ ഉണ്ടാക്കി വെച്ചത് അല്ലെ... അല്ലാതെ... ആരും തന്നത് അല്ലലോ... "- അവൾ ദേഷ്യത്തോടെ പറഞ്ഞതും അവൾ പുഞ്ചിരിച്ചു... " എന്ത് പറഞ്ഞാലും ഇങ്ങനെ ചിരിച്ചോണം... സത്യം പറ... നീ എന്തിനാ അവിടുന്നു ഇറങ്ങിപോന്നത്... വേറെ എന്തേലും കാരണം ഉണ്ടോ... " " എ... എന്ത് കാരണം... ഒരു കാരണവും ഇല്ല... ഞാൻ... ഞാൻ കുളിക്കട്ടെ... "- അവൾ പറഞ്ഞുകൊണ്ട് കട്ടിലിൽ നിന്നും എഴുനേറ്റ് ബാത്രൂമിലേക്ക് കയറാൻ പോയി... " അന്ന... " " എന്താടി... " ഫ്ലൈറ്റ്... ഫ്ലൈറ്റ് ഒക്കെ വിട്ടു തുടങ്ങിയോ.." " മ്മ് ഇന്നലെ മുതൽ.. തുടങ്ങിയെന്ന കേട്ടത്... " മ്മ്... " എന്താടി... തിരക്കി വരുമോ എന്നുള്ള പേടിയാണോ... " തിരക്കി വരും.. എനിക്ക് ഉറപ്പാ..."- അവൾ പറഞ്ഞുകൊണ്ട് ബാത്രൂമിലേക്ക് കയറി... "രണ്ടു വർഷം... രണ്ടു വർഷം കഴിഞ്ഞിരിക്കുന്നു... എല്ലാം ഇട്ടെറിഞ്ഞു പോന്നിട്ട്..... ഇനി ഒരു തിരിച്ചുപോക്ക് എനിക്ക് ഉണ്ടാകുമോ... തിരിച്ചു ചെന്നാൽ.... വേണ്ട... ചെല്ലരുത്... എല്ലാം അവസാനിപ്പിച്ചു ഇറങ്ങിയതാണ് താൻ...."- അവൾ സ്വയം പറഞ്ഞുകൊണ്ട് നിറഞ്ഞുവന്ന കണ്ണീരിനെ തുടച്ചുമാറ്റികൊണ്ട് ഇറങ്ങി.... " അല്ല നീ എന്താ ഈ റെഡ് കളർ ഡ്രെസ്സൊക്കെ ഇട്ടിരിക്കുന്നെ.. "- അവൾ ബാത്രൂമിൽ നിന്നും ഇറങ്ങിയതും അന്ന സംശയത്തോടെ ചോദിച്ചു... " അതിനിപ്പോ എന്താ... " " പെണ്ണെ ഇന്ന് ഹോളി ആണ്.. പോയി ഒരു വൈറ്റ് കളർ ഡ്രസ്സ്‌ ഇട്ടേച്ചു വന്നേ... " ഞാൻ വരുന്നില്ലെടി....നിങ്ങൾ പോയിട്ട് വാ....തന്നേമല്ല എനിക്ക് വൈറ്റ് കളർ ഡ്രസ്സ് ഇല്ല... " അതൊന്നും പറഞ്ഞാൽ പറ്റില്ല... വന്നേ... " അവൾ അവളുടെ കൈയിൽ പിടിച്ചു അലമാരിയുടെ അടുത്തേക്ക് കൊണ്ടുവന്നു... അതിൽ നിന്നും വൈറ്റ് കളർ ഒരു കോട്ടൺ സാരീ എടുത്തു അവളുടെ കൈയിൽ എടുത്തുകൊടുത്തു... " ഇത് സാരീ അല്ലെ... "- " അതെ... നിനക്ക് സാരീ ഉടുക്കാൻ അല്ലെ ഇഷ്ടം....ഒരു ടോപ് ഉണ്ടായിരുന്നത് ഞാൻ ഇട്ടു... ഇനി ഇതേയുള്ളു... ദാ ഉടുത്തിട്ട് വാ... " വേണോടി... "- അവൾ ദയനീയമായി ചോദിച്ചു... " വേണം... നീ ചെല്ല്.... പോയി ഉടുത്തിട്ട് വാ..."- അന്ന അവളെ തള്ളിവിട്ടതും അവൾ മനസില്ലമനസോടെ സാരീ ഉടുത്തു...തലമുടി വെറുതെ അഴിച്ചിട്ടേക്കുവാണ്...കണ്ണുകൾ വൃത്തിക്ക്‌ എഴുതിയിട്ടുണ്ട്.....കല്ലിന്റെ ഒരു പൊട്ട് ഇട്ടിട്ടുണ്ട്...വൈറ്റ് കളർ സാരിയിൽ അവൾ സുന്ദരി ആയിരുന്നു.... " സൂപ്പർ 😘.... ഇപ്പൊ എന്റെ മരിയ കൊച്ചിനെ കാണാൻ സൂപ്പർ ആയിട്ടുണ്ട്.,.- അന്ന പറഞ്ഞുകൊണ്ട് അവളുടെ കവിളിൽ അമർത്തി ചുംബിച്ചു... അവൾ ഒന്ന് ചിരിച്ചു... " വാ ഇപ്പോ ആഘോഷമൊക്കെ തുടങ്ങികാണും... "-അന്ന അവളുടെ കൈയിൽ പിടിച്ചു വലിച്ചുകൊണ്ട് പുറത്തേക്കു നടന്നു... അവരുടെ ഫ്ലാറ്റിനു മുമ്പിൽ വലിയൊരു മൈതാനത്തു ആളുകൾ ഹോളി ആഘോഷിക്കുവായിരുന്നു.... പലതരം നിറത്തിൽ മുങ്ങിനില്കുവായിരുന്നു എല്ലാവരും... " മരിയ ചേച്ചി... അന്ന ചേച്ചി വായോ... "- കുറെ കുട്ടിപിള്ളേർ അവരുടെ കൈയിൽ പിടിച്ചു വലിച്ചുകൊണ്ട് പറഞ്ഞു... " വരുവാടാ... "- അവർ രണ്ടുപേരും പറഞ്ഞുകൊണ്ട് പിള്ളേരുടെ ഒപ്പം നടന്നു..... " അന്ന... ഞാൻ ഇവിടെ നിന്നോളം... നിങ്ങൾ പോയിട്ട് വാ... "- അവൾ ഒരു സൈഡിലേക്ക് മാറി നിന്നുകൊണ്ട് അന്നയോടു പറഞ്ഞു... " എടി.. ഇവിടെ വരെ വന്നിട്ട്... വാ... " " പ്ലീസ് അന്ന... നീ പറഞ്ഞതുകൊണ്ടാണ് ഞാൻ ഇവിടെ വരെ വന്നത്... ഞാൻ ഇവിടെ നിന്നു ഇതൊക്കെ കണ്ടോളാം... പ്ലീസ് അന്ന.."- അവൾ പറഞ്ഞതും പിന്നെ അന്നയ്ക് ഒന്നും പറയാൻ തോന്നിയില്ല... അവൾ അവളെ അവിടെ നിർത്തിയിട്ടു ആഘോഷം കാണാൻ പോയി... മരിയ അവിടെ നിന്ന് അവർ ചായങ്ങൾ പരസ്പരം പൂശുന്നതും മറ്റും നോക്കി നിന്നു... പെട്ടെന്നാണ് അവളുടെ സാരിക്ക് ഇടയിലൂടെ നഗ്നമായ വയറ്റിൽ ആരുടെയോ കൈയുടെ ചൂടറിഞ്ഞത്...പരിചിതമായ ഫോഗ്ഗിന്റെ ഗന്ധം അവളുടെ മൂക്കിലേക്ക് ഇരച്ചുകയറി...അവൾ നിന്നിടത്തു തന്നെ നിന്നു... അനങ്ങാൻ പോലും പറ്റാതെ പിടിച്ചു കെട്ടിയതു പോലെ അവൾ അവിടെ നിന്നു... " Happy Holi മിസ്സിസ് അമര്യ അലക്സ്❣️ രണ്ടു വർഷങ്ങൾക്കു ശേഷം അവന്റെ ചൂട് നിശ്വാസവും ഗംഭീര്യത്തോടെയുള്ള ശബ്ദവും അവളുടെ കാതിൽ മുഴുകിയതും അവൾ നിന്ന ഇടത്തുതന്നെ നിന്നു വിയർത്തൊഴുകി... " ഇ.... ഇച്ചായാ... "- അവൾ കണ്ണുകൾ ഇറുക്കി അടച്ചുപിടിച്ചുകൊണ്ട് തന്നെ വിളിച്ചു... " വിളിക്കരുത് എന്നെ അങ്ങനെ....ഈ രണ്ടു വർഷം ഇല്ലാതിരുന്ന സ്നേഹം ഒന്നും ഇനി എനിക്ക് വേണ്ടടി... നീ എന്റെ പ്രണയം മാത്രമല്ലെ അറിഞ്ഞിട്ടുള്ളു.... കാത്തിരുന്നോ നീ....നിനക്ക് പരിചിതമല്ലാത്ത ഒരു മുഖം കൂടെ ഉണ്ടെനിക്ക്... അത് നീ അറിയാൻ പോകുന്നതേയുള്ളു...... " അവൻ അവളുടെ ഇടുപ്പിൽ അമർത്തി പിടിച്ചുകൊണ്ട് പറഞ്ഞു........ " വേ... വേദനിക്കുന്നു ഇച്ചായാ... " " വേദനിക്കണം... അതിനു വേണ്ടി തന്നെയാ പിടിച്ചത്...മനസിന്‌ നൽകിയ വേദനയെക്കാൾ വലുത് അല്ലെടി ശരീരത്തിൽ ഉണ്ടാകുന്ന വേദന..."- അവൻ ദേഷ്യത്തോടെ പറഞ്ഞു... അവൻ അവളുടെ ഇടുപ്പിൽ കൂടെ തന്നെ ചുറ്റിവരിഞ്ഞുകൊണ്ട് അവളെ അവന്റെ നേരെ നിർത്തി... അവൾ കണ്ണുകൾ തുറന്ന് നോക്കാൻ തുടങ്ങിയതും അവൻ അവളുടെ പിൻതലയിൽ പിടിച്ചു അവന്റെ അടുത്തേക്ക് അടുപ്പിച്ചുകൊണ്ട് അവളുടെ ചുണ്ടിലേക്ക് ആഴ്‌നിറങ്ങി... അവന്റെ ഷർട്ടിൽ ചുരുട്ടിപിടിച്ചുകൊണ്ട് അവൾ കാൽവിരലുകളിൽ ഉയർന്നുപൊങ്ങി.... അവളുടെ കണ്ണുകൾ നിറഞ്ഞൊഴുകി..രണ്ടു വർഷങ്ങൾക്കു ഇപ്പുറം അവളുടെ ചുണ്ടിന്റെ മൃതുലതയിൽ നിന്നും മോചിതൻ ആകാൻ അവന് മനസ്സ് വരുന്നില്ലായിരുന്നു.... . മുഴുകി കേൾക്കുന്ന സെലിബ്രേഷൻ സോങ്ങിൽ ചുവടുകൾ വയ്ക്കുന്ന തിരക്കിലും ചായങ്ങൾ പരസ്പരം പൂശുന്ന തിരക്കിലുമായിരുന്നു മറ്റുള്ളവർ... ഏറെനേരത്തെ ചുംബനത്തിന് ഒടുവിൽ അവളെ തള്ളിമാറ്റികൊണ്ട് അവൻ പോയിരുന്നു... ബോധം വീണ്ടെടുത്ത അവൾ ചുറ്റിനും നോക്കി... എന്നാൽ അവനെ അവിടെയെങ്ങും കാണാൻ സാധിച്ചിരുന്നില്ല... താൻ കണ്ടത് സ്വപ്നം ആയിരുന്നോ എന്നറിയാൻ അവൾ സാരീ മാറ്റി നോക്കി... പല നിറത്തിലുള്ള നിറങ്ങൾ അവളുടെ നഗ്നമായ വയറ്റിലും ഇടുപ്പിലും ആയിട്ട് ഉണ്ടായിരുന്നു... സത്യമാണ് നടന്നത് എന്നവൾക്ക് മനസിലായി... അവൾ മുറിയിലേക്ക് ഓടി.... വാതിൽ അടച്ചിട്ട് നിലത്തേക്ക് ഊർന്നിരുന്നുകൊണ്ട് അവൾ പൊട്ടികരഞ്ഞു... "ഈ രണ്ടു വർഷം ഇല്ലാതിരുന്ന സ്നേഹം ഒന്നും ഇനി എനിക്ക് വേണ്ടടി... നീ എന്റെ പ്രണയം മാത്രമല്ലെ അറിഞ്ഞിട്ടുള്ളു.... കാത്തിരുന്നോ നീ....നിനക്ക് പരിചിതമല്ലാത്ത ഒരു മുഖം കൂടെ ഉണ്ടെനിക്ക്... അത് നീ അറിയാൻ പോകുന്നതേയുള്ളു...... " അവന്റെ വാക്കുകൾ അവളുടെ കാതിൽ മുഴുകി കേട്ടുകൊണ്ടിരുന്നു.... പ്രണയം... അതെ പ്രണയമായിരുന്നു അവന്.... അവന്റെ പാത്തുവിനോടുള്ള പ്രണയം... ഇച്ചായന് അവന്റെ പെണ്ണിനോടുള്ള അടങ്ങാത്ത പ്രണയം 🔥🔥🔥 രണ്ടു വർഷങ്ങൾക്ക് മുൻപ് രണ്ടു കട്ടിലുകളിലായി വെള്ളപുതപ്പിച്ചു കിടത്തിയിരിക്കുന്ന 50 വയസ്സിനോടും 45 വയസിനോടും അടുത്ത ഒരു സ്ത്രീയും പുരുഷനും... അതിനടുത്തായി അവരുടെ മുഖത്തേക്ക് തന്നെ നോക്കിയിരിക്കുന്ന ഇരുപത്തിരണ്ടുകാരി ആയ പെൺകുട്ടി.... അവളെ ആശ്വസിപ്പിക്കാനോ ചേർത്തുനിർത്താനോ ആരും അവിടെ ഉണ്ടായിരുന്നില്ല.... " മോളെ മരിയ...... "- അയാൾ വിളിച്ചതും അവൾ തല ഉയർത്തി നോക്കി... " ശ്...ഒച്ച വെക്കല്ലേ... പപ്പയും മമ്മിയും ഉറങ്ങുവാ... "- അവൾ ചുണ്ടിൽ വിരൽ വെച്ചുകൊണ്ട് പറഞ്ഞു... അയാൾ സംശയത്തോടെ അവളെ നോക്കി... "പപ്പയെ കാണാൻ വന്നതാണോ..."-അവൾ ചോദിച്ചതും അയാൾ യാത്രികമായി തല കുലുക്കി... " പപ്പ എഴുനെല്കുമ്പോ ഞാൻ പറയാം... ഇപ്പോ ഉണർത്തണ്ട... പപ്പയ്ക്ക് വയ്യാതെ കിടക്കുവാ.... "- അവൾ അയാളോട് പറയുന്നത് കേട്ടതും അവിടെ വന്നവരുടെ കണ്ണുകൾ നിറഞ്ഞു... "നല്ല സ്നേഹമുള്ളവർ ആയിരുന്നു... എന്ത് ചെയ്യാനാ....വിധി അല്ലാതെ എന്താ... രണ്ടുപേരും പോയില്ലേ ഒന്നിച്ച്... ആ കുട്ടി അനാഥയായി..." "ഫാത്തിമയ്ക്ക് ക്യാൻസർ അല്ലായിരുന്നോ..."- അവിടെ നിന്നവരിൽ ഒരാൾ സംശയത്തോടെ ചോദിച്ചു... " അതെ... അവരെ ചികിൽസിക്കാൻ കൊണ്ടുനടക്കുവായിരുന്നു അയാൾ... ഹോസ്പിറ്റലിൽ നിന്നും കീമോ കഴിഞ്ഞു തിരിച്ചുവരുന്ന വഴി രണ്ടുപേരും... ലോറി ആയിരുന്നു എന്നാ കേട്ടത്.... കുട്ടി എങ്ങനെയോ രക്ഷപെട്ടു... പക്ഷെ അതിനു എന്തോ മാനസികമായി പറ്റിയിട്ടുണ്ട്...." " ഇവരെ എവിടെയാ അടക്കുന്നത്... ഇവരെ ഇവിടുത്തെ പള്ളിയിൽ പേര് ചേർത്തിട്ടില്ലല്ലോ... "- അവിടെ നിന്നവരിൽ ഒരാൾ സംശയത്തോടെ ചോദിച്ചു... " ഞങ്ങളുടേ പള്ളിയിൽ കൊണ്ടുപോകാം... അവിടെ അടക്കിക്കോളാം...ഞങ്ങൾ ഇവരെ കൊണ്ടുപോകാൻ വന്നതാണ്... "- മരിയയെ ചേർത്തു പിടിച്ചു അവർ പറഞ്ഞു... " നിങ്ങൾ ഒക്കെ ആരാ... " അവിടെ നിന്നവരിൽ ഒരാൾ സംശയത്തോടെ ചോദിച്ചു... " ഞാൻ ജേക്കബ്... ഇതെന്റെ അനിയൻ.. ജോർജ്... ഇത്... ഇത്.. ഞങ്ങളുടേ ഏറ്റവും ഇളയ അനിയനാ... ജോസഫ്‌... "- അയാൾ വെള്ളപുതപ്പിച്ച ശരീരത്തെ ചൂണ്ടികാണിച്ചുകൊണ്ട് പറഞ്ഞു... ✨️✨️✨️✨️✨️✨️✨️✨️✨️✨️✨️✨️✨️✨️✨️ ഒരു കോമ്പൗണ്ടിൽ ഉയർന്നു നിൽക്കുന്ന രണ്ട് വലിയ വീടുകൾ.... കുരിശിങ്കൽ തറവാട്ടിലെ ബേബികുട്ടിയും പ്ലാത്തോട്ടം തറവാട്ടിലെ മാത്യുവും ഉറ്റ സുഹൃത്തുക്കൾ ആയിരുന്നു... ഒരേ കോമ്പൗണ്ടിൽ തന്നെ വീട് വെച്ചും അവർ താമസിച്ചു...ബിസിനസിലും പരസ്പരം ഷെയർസ് ഉണ്ട്....ഇപ്പോ അവരുടെ കാലശേഷം അവരുടെ മക്കൾ ആ പാരമ്പര്യം നിലനിർത്തി പോകുന്നു....  കുരിശിങ്കൽ തറവാട് ജോൺ ഭാര്യ അന്നമ്മ മക്കൾ 1. അലക്സ്‌ ജോൺ കുരിശിങ്കൽ🔥🔥 ( അലൈക്സി ) 2. ഏയിഞ്ചൽ ജോൺ കുരിശിങ്കൽ (ഐഷു ) ഡാനിയേൽ ഭാര്യ ലീലാമ്മ.. മക്കൾ 1. ഡേവിഡ് ഡാനിയേൽ കുരിശിങ്കൽ( ഡേവി ) 2. എമിൻ ഡാനിയേൽ കുരിശിങ്കൽ ( എമി ) പ്ലാത്തോട്ടം തറവാട്... രണ്ട് സഹോദരങ്ങൾ ജേക്കബ് ഭാര്യ ശാലിനി മകൻ 1.സണ്ണി ജേക്കബ് പ്ലാത്തോട്ടം ( സണ്ണി ) 2. സായ ജേക്കബ് പ്ലാത്തോട്ടം ( സായ ) ജോർജ് ഭാര്യ റോസമ്മ മകൻ 1.റോണി ജോർജ് പ്ലാത്തോട്ടം ( റോണി ) ജോസഫ്‌ ഭാര്യ ഫാത്തിമ മകൾ അമര്യ ഫാത്തിമ ജോസഫ്‌ 💞 പ്ലാത്തോട്ടം തറവാട്ടിനെ കിടുകിടെ വിറപ്പിച്ച വലിയപ്പച്ചൻ മാത്യു എന്ന നാട്ടുകാരുടെ മാത്തച്ഛൻ മുതലാളി തന്റെ ഇളയ മകൻ ജോസഫ്‌ അന്യമതക്കാരി ആയ ഫാത്തിമയെ വിവാഹം ചെയ്തതിന്റെ പേരിൽ അവിടെനിന്നും പടി അടച്ചു പിണ്ഡം വെച്ചു... അതിനു ശേഷം ആരും അവരെ കണ്ടിട്ടില്ല... ✨️✨️✨️✨️✨️✨️✨️✨️✨️✨️✨️✨️✨️✨️✨️ വലിയൊരു ബെൻസ് കാർ കുരിശിങ്കൽ വീട്ടുമുറ്റത്തേക്ക് വന്ന് നിന്നു.... അതിൽ നിന്നും ആറടി ഉയരവും കട്ട ബോഡിയും കട്ടിക്ക് വളർത്തിയിരിക്കുന്ന മീശയും ഡ്രിം ചെയ്ത താടിയും ഒക്കെയായി സുന്ദരനായ ഒരു ചെറുപ്പക്കാരൻ ഇറങ്ങി... ഒരു ബ്ലാക്ക് കളർ ഷർട്ടും ഗ്രെ കളർ പാന്റും ആണ് വേഷം... കൂളിംഗ് ക്ലാസ്സ്‌ പാതി തുറന്നിട്ട അവന്റെ ഷർട്ടിൽ തൂങ്ങി കിടപ്പുണ്ട്... കഴുത്തിൽ കുരിശിന്റെ ഒരു സ്വർണമാലയും കൈയിൽ സെയിം സ്വർണ കുരിശിന്റെ ചെയ്നും കിടപ്പുണ്ട്... അലസമായി കിടന്ന അവന്റെ മുടികൾ മാടി ഒതുക്കികൊണ്ട് അവൻ കാറിൽ നിന്നും ഇറങ്ങി.... ഇത് അലക്സ്‌ ജോൺ കുരിശിങ്കൽ 🔥 കുരിശിങ്കൽ തറവാട്ടിലെ ആദ്യത്തെ ആൺതരി... ഡ്രൈവർ സീറ്റിൽ നിന്നും അവന്റെ പോലെ തന്നെ ഇരിക്കുന്ന എന്നാൽ താടി ഫുൾ ഷേവ് ചെയ്തു വെച്ചിരിക്കുന്ന സുന്ദരനായ അടുത്ത ഒരു ചെറുപ്പക്കാരൻ ഇറങ്ങി.... ഡേവിഡ് ഡാനിയേൽ കുരിശിങ്കൽ 🔥 രണ്ടാമത്തെ ആൺതരി... " മമ്മിമാരെ.... പപ്പമാരെ... ദേ മൂത്ത സന്തതി അങ്ങ് UK യിൽ നിന്നും എഴുന്നള്ളിയിരുന്നു.... "- അവൾ അകത്തു നിന്നും ഉറക്കെ വിളിച്ചുപറഞ്ഞുകൊണ്ട് ഇറങ്ങി... " ഐഷു കുട്ടാ... "- അവൻ വിളിച്ചുകൊണ്ടു അവള് പൊക്കി എടുത്തു...അവൾ പൊട്ടിച്ചിരിച്ചു... അവൻ അവളെ രണ്ടുമൂന്നു വട്ടം എടുത്തു കറക്കിയിട്ട് താഴേക്കു നിർത്തി... " അങ്ങനെ നമ്മുടെ സ്വപ്നമായ UK ബിസിനസ്‌ പൂവണിയിച്ചു കൊണ്ട് The Great Business Man അലക്സ്‌ ജോൺ കുരിശിങ്കൽ 🔥തിരിച്ചെത്തിയിരിക്കുന്നു..."- അവൾ ചിരിച്ചുകൊണ്ട് പറഞ്ഞു...അവൾ പറയുന്നത് കേട്ട് അവൻ ചിരിച്ചുകൊണ്ട് അവളുടെ തലയിൽ ഒന്ന് കൊട്ടി... " എന്റെ അന്നകുട്ടി എവിടെയെടി... "- അവൻ അവളുടെ തലയിൽ ഒന്ന് കൊട്ടികൊണ്ട് ചോദിച്ചു.... " മോൻ വരുന്നത് അറിഞ്ഞു ബീഫ് ഒലത്തിയതും താറാവ് കറിയും ഒക്കെ ഉണ്ടാക്കുവാ...മമ്മിയും ലീലാമ്മിയും.... " " അസൂയ പാടില്ല...ഐഷു..." അവൻ അവളുടെ മൂക്കിൽ പിടിച്ചുവലിച്ചുകൊണ്ട് പറഞ്ഞു... " എനിക്ക് അസൂയ ഒന്നുമില്ല... എല്ലാർക്കും അറിയാവുന്ന കാര്യമാണലോ അത്... " " ഏത്... " " മമ്മിക്ക് അലക്സ്ച്ചാച്ചനോട് ആണ് സ്നേഹം എന്നുള്ളത്... "- അവൾ മുഖം വീർപ്പിച്ചു കൊണ്ട് പറഞ്ഞു... " ഇനി അങ്ങനെ പറ... ആർക്ക് സ്നേഹം ഇല്ലെങ്കിലും എന്റെ ഐഷുവിനോട് നിന്റെ ചാച്ചന് സ്നേഹം ഇല്ലാത്ത ഇരിക്കുവോ.."- അവൻ അവളുടെ കവിളിൽ പിടിച്ചുവലിച്ചുകൊണ്ട് പറഞ്ഞു... ഇവൾ ഏയിഞ്ചൽ ജോൺ കുരിശിങ്കൽ...എല്ലാവരുടെയും ഐഷു... നമ്മുടെ ഇച്ചായന്റെ ഒരേയൊരു അനിയത്തികുട്ടി.... " എമി മോള് എന്തിയെടി... " " അവൾ ട്യൂഷന് പോയി....പ്ലസ്ടു എക്സാം തുടങ്ങുവല്ലേ..." " നീ പോയതിനു ശേഷം അവൾക്ക് ഒരു പേടിയും ചൂടും ഇല്ലെടാ... എന്നെയൊന്നും അവൾക്കു വില ഇല്ല... കുറച്ചെങ്കിലും പേടി ഉള്ളത് നിന്നെയ... "- ഡേവി.. " ഹാ... ഇനിം സമയം ഉണ്ടല്ലോ ഞാൻ പഠിപ്പിച്ചോളാം... "- അവൻ ചിരിച്ചുകൊണ്ട് പറഞ്ഞു... " അവന്മാർ ഒന്നും അപ്പുറത്ത് ഇല്ലെടാ... " " ഇല്ലെടാ... അവരൊക്കെ ജോസഫ്‌ അങ്കിളിന്റെ നാട്ടിൽ പോയേക്കുവാ... എന്തൊക്കെയോ ഫോർമാലിറ്റീസ് മറ്റോ ഉണ്ട്... " " മ്മ്... " ഡേവിഡും അലക്സും ചേട്ടൻ അനിയന്മാരുടെ മക്കൾ ആണ്... ഇപ്പോ ഇവർ പറഞ്ഞത് എമിൻ ഡാനിയേൽ കുരിശിങ്കൽ എന്നാ ഡേവിഡിന്റെ കുസൃതി കുടുക്ക ആയ അനിയത്തിയെ കുറിച്ചാണ്... പുള്ളിക്കാരി പഠിക്കാൻ കുറച്ചു പുറകോട്ട് ആണെങ്കിലും വാചകമടിയിൽ ആരെയും കടത്തിവെട്ടും... പുള്ളിക്കാരി പ്ലസ്ടു പഠിക്കുന്നു... അലക്സ് മൂന്ന് നാല് മാസമായിട്ട് UK യിൽ ആയിരുന്നു... ബിസിനസ്‌ ആവശ്യത്തിന് പോയതാണ്... അവനാണ്.. കുരിശിങ്കൽ തറവാട്ടിലെ എല്ലാ ബിസിനസ്സും പപ്പമാർക്ക് ശേഷം നോക്കി നടത്തുന്നത്... ഡേവിഡിന് പിന്നെ അതിൽ ഒന്നും വലിയ താല്പര്യം ഇല്ല... പുള്ളി പുള്ളിടെ രീതിയിൽ ഫ്രീലാൻസ് ഇന്റീരിയർ ഡിസൈനർ ആണ്... നമ്മുടെ ഐഷു ഇപ്പോ ഡിഗ്രി പഠിക്കുവാണ്... അവരുടെ തന്നെ കോളേജിൽ... അവൻ കാറിൽ നിന്നും luggage ഒക്കെ ആയിട്ട് വീടിനു അകത്തേക്ക് കയറാൻ തുടങ്ങിയതും അവന്റെ കാറിന്റെ ബാക്കിലെ ചില്ലുകൾ തകർന്നു വീണതും ഒന്നിച്ചായിരുന്നു... അവര് മൂന്നുപേരും സൗണ്ട് കേട്ട് ഞെട്ടി പുറകിലേക്ക് നോക്കി... ഒരു കല്ലുമായിട്ട് ഹാഫ് പാവാടയും ക്രോപ് ടോപ്പും ഇട്ടു നിൽക്കുന്ന അവളെയാണ് അവൻ കണ്ടത്.... മുടിയെല്ലാം കൂടെ വാരികെട്ടി ബൺ ചെയ്തു മുകളിലേക്കു വെച്ചിട്ടുണ്ട്... കാതിൽ ഒരു സ്റ്റടിന്റെ കമ്മൽ ഇട്ടിട്ടുണ്ട്... കഴുത്തിൽ ഒരു കുഞ്ഞ് ചെയ്നും.. കാലിൽ സ്വർണ പാദസ്വരവും ഉണ്ട്...വേറെ ചമയങ്ങളോ അലങ്കാരങ്ങളോ ഒന്നും അവളുടെ ശരീരത്തിൽ ഇല്ല...അവരുടെ മുറ്റത്തു നിൽക്കുന്ന മാവിലെ മാങ്ങയാണ് അവളുടെ ഉന്നം... പക്ഷെ ഉന്നം തെറ്റി കല്ലുകൾ പല വഴിക്കും പോകുന്നുണ്ട്... അവൾ കല്ലുകൾ മുകളിലേക്കു എറിയുമ്പോൾ ഇട്ടിരിക്കുന്ന ടോപ് പൊങ്ങുന്നുണ്ട്... അവളുടെ വെളുത്ത വയറിലേക്ക് അവന്റെ കണ്ണുകൾ യന്ത്രികമായി ചെന്നെത്തി... വീണ്ടും കാറിലേക്ക് വന്ന് ശക്തിയോടെ വീണ കല്ലിന്റെ സൗണ്ട് ആണ് അവളിൽ നിന്നും നോട്ടം പിൻവലിക്കാൻ സഹായിച്ചത്... അവൻ കാറിലേക്ക് നോക്കി... ബാക്കിലെ ചില്ലുകൾ മുഴുവൻ പൊട്ടി പോയിരുന്നു... അവന്റെ മുഖത്ത് ദേഷ്യം ഇരച്ചു കയറി... അവൻ അത്രെയും ഇഷ്ടപ്പെട്ടു വാങ്ങിയ കാർ ആയിരുന്നു അത്... അവൻ കൈകൾ ചുരുട്ടിപിടിച്ചു കൊണ്ട് അവളുടെ അടുത്തേക്ക് നടന്നു... 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://app.aksharathalukal.in/series/49541/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ