*✳️ ఆత్మీయతను పెంపొందించే అనుదిన ఆత్మీయ ఆహారము 📖* ╭┄┅┅─══════════════─┅┅┄╮ 🌊 *బండసందులలో జీవజలములు* 🌊 ╰┄┅┅─══════════════─┅┅┄╯ క్రీస్తు మిమ్మును ప్రేమించి, పరిమళ వాసనగా ఉండుటకు మనకొరకు తన్నుతాను దేవునికి అర్పణముగాను బలిగాను అప్పగించుకొనెను; ఆలాగుననే మీరును ప్రేమగలిగి నడుచుకొనుడి. ఎఫెసీయులకు 5:2. And walk in love, as christ also hath loved us, and hath given himself for us an offering and a sacrifice to God for a sweetsmelling savour... Ephesians 5:2. *💥 ప్రేమలో నడుచుకొనుడి 💥* WALK IN LOVE అపొస్తలుడైన పౌలు ఎఫెసీ పత్రికలో క్రైస్తవ నడత గురించి చాలా విపులంగా వ్రాసాడు. ప్రభువును ఎరుగక ముందు మనం ఎలా నడిచే వారమో రెండవ అధ్యాయంలో వ్రాయబడింది, ప్రభువును ఎరిగిన తర్వాత ఎలా నడవకూడదో నాలుగవ అధ్యాయంలో వ్రాయబడింది. మరియు ఎలా నడుచుకోవాలో ఐదవ అధ్యాయంలో వ్రాయబడింది. ఐదవ అధ్యాయం మొదటి వచనంలో ప్రత్యేకంగా గమనించవలసిన విషయం ఏమిటంటే మనం దేవుని పిల్లలమని తెలియజేస్తూ మన తండ్రి ఎలా ఉన్నాడో అలాగే మనం కూడా నడుచుకోవాలని హెచ్చరిస్తున్నాడు paul admonishes us that, knowing we are children of God, we should conduct ourselves just as He did.మన తండ్రి ప్రేమయైయున్నాడు గనుక మనం కూడా ప్రేమలో నడుచుకోవాలి. (1యోహాను 4:8; ఎఫెసీ. 5:1-2) మన తండ్రి వెలుగైయున్నాడు కావున మనం వెలుగులో నడుచుకోవాలి. (1యోహాను 1:5; ఎఫెసీ. 5:3-14) మన తండ్రి సత్యమైయున్నాడు కాబట్టి మనం జ్ఞానంలో నడుచుకోవాలి. (1యోహాను 5:6; ఎఫెసీ. 5:15-17) ఇవి మన పరలోకపు తండ్రి దివ్య లక్షణాలు. ఆత్మీయ గుణగణాలు. వీటి చొప్పున నడిస్తే ప్రవర్తనలో పరివర్తన కలిగి, మన పరలోకపు తండ్రి పోలికలో జీవించగలం. “క్రీస్తు మిమ్మును ప్రేమించి, పరిమళ వాసనగా ఉండుటకు మనకొరకు తన్నుతాను దేవునికి అర్పణముగాను బలిగాను అప్పగించుకొనెను; ఆలాగుననే మీరును ప్రేమగలిగి నడుచుకొనుడి”. (ఎఫెసీ. 5:2) ఈ వచనం 4:32వ వచనం కొనసాగింపు అని గమనించాలి. ఈ భాగంలో ఒక క్రైస్తవుడు కరుణ, దయ కలిగి దేవుడు మనలను క్షమించిన ప్రకారం ఇతరులను మనం క్షమించాలని చెప్పబడింది. క్షమాగుణం అనేది క్రైస్తవునిలో ఉండాల్సిన ఒక ప్రాథమిక సద్గుణం. ఈ సద్గుణం మన తండ్రియైన దేవుని ప్రేమ నుండి మాత్రమే నేర్చుకోగలం. ఎందుకంటే ప్రేమంటే ఆయనే గనుక! ఆయన మనలను ఎంతగా ప్రేమించాడంటే, తన ఏకైక కుమారుడైన ప్రభువైన యేసుక్రీస్తును పాపులమైన మనకోసం ప్రాణాలు అర్పించడానికి ఇచ్చివేసాడు He loved us so much that he gave his son, jesus christ, to die for our sins.మనం ప్రేమ కలిగి నడుచుకోవడానికి ప్రభువైన యేసుక్రీస్తు మనకు మంచి మాదిరిగా ఉన్నాడు. ఆయన మనలను ప్రేమించి మన కోసం తన ప్రాణాన్ని బలిగా అర్పించాడు. ఇది పాత నిబంధనలో దేవునికి బలులను అర్పించు ఆచారాన్ని మనకు జ్ఞాపకం చేస్తుంది. బలిపీఠం మీద ఒక బలిపశువును అర్పించి దహించిన మీదట అది దేవునికి ఇంపైన సువాసనగా ఉంటుంది. ఆ తర్వాత అర్పించిన వ్యక్తి దేవుని చేత అంగీకరించబడతాడు. (లేవీ.1:1-9) కొత్త నిబంధనలో మన ప్రభువు సిలువ మీద తనకు తానే బలిపశువుగా మనందరి కోసం బలిగా అర్పించుకున్నాడు. క్రీస్తు చేసిన ప్రాయశ్చిత్తం ద్వారా మనం దేవునికి అంగీకరించ పడ్డాం. ఇదే క్రీస్తు పరిమళం. దుర్గంధ భరిత మన జీవితాలను మార్చివేసి, ఆయన ప్రేమ చేత మనలను సువాసన భరితంగా చేసాడు. ఇంతగా ప్రేమించిన మన ప్రభువును మాదిరిగా చేసుకొని, ఆయననే గురిగా ఉంచుకొని, ఆయన అడుగు జాడల్లో నడవాలి. ఇదేదో ఒక అనుభూతి కాదు, ఇది ఒక క్రియను చేయడానికి సమ్మతి! మన మాటల్లో చేతల్లో ఇది కనిపించాలి. అప్పుడే మన మాట ప్రేమ బాట అవుతుంది. ఇతరులు ఎలాంటి వారైనా ఎంతటి కీడు చేసిన వారైనా, వారిని ప్రేమించి క్షమించగలగాలి. ఇలా చేసినప్పుడే దేవునికి మహిమ వస్తుంది. “ఆయన మన నిమిత్తము తన ప్రాణముపెట్టెను గనుక దీనివలన ప్రేమ యెట్టిదని తెలిసికొనుచున్నాము. మనము కూడ సహోదరుల నిమిత్తము మన ప్రాణములను పెట్ట బద్ధులమైయున్నాము”. (1యోహాను 3:16) ఆమేన్. మన దేవుడు వెలుగైయున్నాడు. ప్రభువు నందు మనలను కూడా వెలుగుగా చేసాడు. చీకటి ప్రపంచానికి వెలుగును ప్రసరింప చేయడానికి మీరు లోకానికి వెలుగు అని మన ప్రభువు మనకు బోధించాడు. (మత్తయి 5:14) క్రైస్తవుడు ఎక్కడ జీవిస్తున్న ఆ ప్రాంతానికి వెలుగు మయంగా ఉండాలి. క్రైస్తవులలో వెలుగు ఫలాలు ఈ లోకం చూడగలగాలి! మంచితనం నీతి మరియు సత్యం అనే క్రియలను జరిగించాలి. “మనుష్యులు మీ సత్క్రియలను చూచి పరలోకమందున్న మీ తండ్రిని మహిమ పరచునట్లు వారియెదుట మీ వెలుగు ప్రకాశింప నియ్యుడి”. (మత్తయి 5:16) ఇదీ క్రైస్తవుల నడత! ఇది పూలబాట కాదు ఘనుడైన దేవుని మాట! ఆ మాటను అనుసరించి నడుస్తున్నప్పుడు కష్టంగా ఉంటుంది., గమ్యానికి చేరినప్పుడు సంతోషంగా ఉంటుంది. మన ఏకైక లక్ష్యం ఒకటే అది మన పరలోకపు తండ్రి పోలికలోకి పరిపూర్ణంగా మార్పు చెందుట. “నేను పరిశుద్ధుడనై యున్నాను గనుక మీరును పరిశుద్ధులై యుండుడని వ్రాయబడియున్నది Be ye therefore holy, for I am holy.కాగా మీరు విధేయులగు పిల్లలై, మీ పూర్వపు అజ్ఞానదశలో మీ కుండిన ఆశల ననుసరించి ప్రవర్తింపక, మిమ్మును పిలిచిన వాడు పరిశుద్ధుడైయున్న ప్రకారము మీరును సమస్త ప్రవర్తనయందు పరిశుద్ధులైయుండుడి”. (1పేతురు 1:14-16) ఆమేన్. *🛐ప్రార్ధన:- ప్రభువా నిన్ను ఎరుగక ముందు, ఎరిగిన తరువాత ఎలా నడవకూడదు, ఎలా నడవాలి అని పౌలు గారు వ్రాసిన ఎఫెసీ పత్రిక ద్వారా తెలిపిన ప్రభువా స్తోత్రం. ప్రభువా మీరు వెలుగు, ప్రేమ, సత్యమైయున్నట్లు మేము జీవిస్తూ మీ ఆత్మీయ గుణ గణముల చొప్పున నడిస్తు మా ప్రవర్తనలో పరివర్తన కలిగి తండ్రి పోలికగా జీవించేవారముగా ఉండు ధన్యత నిమ్ము. క్రీస్తు మమ్ములను ప్రేమించి మేము పరిమళ వాసనగా ఉండుటకు మాకోసము తనని తాను బలిగా అర్పించుకొన్నందుకు స్తోత్రం. ప్రభువా నీవు చేసిన ప్రాయశ్చిత్తము ద్వారా మా దుర్గంద జీవితాలను సువాసనాభరితంగా మార్చినందుకు స్తోత్రం ఇంతగా ప్రేమించిన ప్రభువును మాదిరిగా చేసుకోటమనే అనుభూతితో కాక సమ్మతితో చేసే మనస్సునిమ్ము. కీడు చేసినవారిని క్షమించి క్రీస్తు ప్రేమని లోకానికి చాటిచెప్పే క్రైస్తవ జీవితమునిమ్ము. మాటలలో కాకుండ క్రియలలో అంధకారములో ఉన్న వారికి నీ వెలుగుని, ప్రేమని చూపించు బుద్ధినిమ్ము క్రైస్తవ్యము పూలబాట కాదు అయినా క్రీస్తు వలె ప్రేమ, క్షమా, పరిశుద్ధత కలిగి జీవించుటకు సహాయము చేయుమని నజరేయుడైన యేసుక్రీస్తు నామములో అడిగి ప్రార్థించి పొందుకొన్నాము మా పరమతండ్రి ఆమేన్.* 💓 *హల్లెలూయ...* *మన దేవుని ప్రేమయు, రక్షకుడైన యేసుక్రీస్తు కృపయు, పరిశుద్ధాత్మ సహవాసమును మీకందరికిని తోడైయుండును గాక.* *ఆమేన్ ! ఆమేన్ !! ఆమేన్ !!!* ➖➖➖➖➖➖➖➖➖➖ 🙏 *మా గురించి మీ అనుదిన ప్రార్ధనలో జ్ఞాపకము చేసుకుంటున్నారని విశ్వ సిస్తున్నాము. అంతకుమించి మీనుండి ఏదియు మేము ఆశించటములేదు.* 👉 *మీకు పంపుతున్నా అను దిన ఆత్మీయ సందేశాలు మీకు ఆశీర్వాదకరంగా ఉంటే మాకు తెలపగలరు.* 👉 *అను దిన ఆత్మీయ సందేశాలు* ప్రతి రోజు కావలసిన వారు *WhatsApp లో నుండి మాత్రమే సంప్రదించండి* - *9573770951* GOD SERVANT *దైవాశ్శీసులు!!!* 👉 మీ మిత్రులకు SHARE చేసి మీ వంతుగా దేవుని పని చేయండి. #teluguchristian #bible #యేసయ్య #💖నా యేసయ్య ప్రేమ @యేసుక్రీస్తు అందరికి ప్రభువు