१६ फेब्रुवारी १६६८ पोर्तुगीज व्हाईसरायने पत्राद्वारे लखम सावंत व केशव नायकास राज्यातून जाण्यास आज्ञा दिली. नंतर सर्व देसायांना पोर्तुगीज सत्ता घालवून देण्यासाठीच बारदेशावर स्वारी केली होती. पण त्यांचा उद्देश सफल झाला नाही. पण गोव्याच्या व्हाईसरायला चांगली जरब बसविली... शिवाजी महाराजांच्या शक्तीबद्दल व्हाईसरॉय पोर्तुगालच्या राजास १६७० च्या पत्राने कळवितो की, शिवाजीराजे मोठा प्रबळ राजा असून, सामर्थ्यवान अशा अनेक प्रबळ शत्रूंना न जुमानता जरा जपून वागतो. त्याची प्रजा त्याचे सारखीच मूर्तिपूजक असली तरी तो सर्व धर्मांना नांदू देतो. ह्या भागातील अत्यंत धोरणी व राजकारणी पुरुष म्हणून त्याची ख्याती आहे... इ.स.१६७० च्या अखेरीस पोर्तुगिजांनी शिवाजी महाराजांशी आगळीक करण्यास सुरुवात केली. शिवाजी महाराजांची १३ गलबते व एक १२००० रुपये किमतीचे मोठे जहाज सुरतेला जात असता ती पोर्तुगिजांनी वसईजवळ पकडली. त्या दोघांत चकमक उडाली. मराठ्यांनी आपले आरमार दाभोळकडे नेले. शिवाजी महाराजांचे मुख्य प्रधान मोरोपंत पिंगळे यांच्या सैन्याने पोर्तुगिजांच्या मुलुखात उपद्रव दिला. त्याने पोर्तुगिजांकडे चौथची मागणी केली... इ.स.१६७४-७५ मध्ये मराठ्यांचा पोर्तुगिजांशी लढा चालूच होता. मराठा सैन्य १६७५ मध्ये फोंडा किल्ल्यास वेढा घालून बसले होते. किल्ल्यात पोर्तुगिजांची माणसे होती. त्यांना अन्नसामग्री गोव्याहून पोचत होती. अशी अन्नधान्याने भरलेली १० शिबारे शिवाजी महाराजांच्या सैनिकांनी पकडली, ह्याबद्दल व्हाईसरॉयला विचारल्यावर तो नाकबूल झाला. यानंतर पोर्तुगिजांनी शिवाजी महाराजांची मैत्री संपादन करण्याचा प्रयत्न आपला वकील पितांबर शेणवी यास महाराजांकडे पाठवून केला. तसेच महाराजांनी पोर्तुगिजांस लिहिले की वसई व दमणकडील मुलूख आता आमच्या ताब्यात आल्यामुळे तेथील चोथिया राजाला पोर्तुगीज अंमलदारांकडून जो चौथपूर्वी देण्यात येत होता तो चौथ आता आम्हास द्यावा... मोगल, दक्षिणेतील सुलतान आणि मराठे हे एतद्देशीय सत्ताधीश. त्यांनी आपसांतील भांडणात परकीयांची मदत घ्यायला नको होती. ही शिस्त मोगल जे जुने सत्ताधीश त्यांनी पाळावयास हवी होती. पण मोगल सरदार राजा जयसिंग दक्षिणेत विजापूरकर व शिवाजी महाराज यांचे उच्चाटन करण्यासाठी आला. त्याने पोर्तुगीज, डच, इंग्रज या सर्वांना राजांच्या विरुद्ध उठविले. परकी लोकांना हिंदी राजकारणात ओढून आणून त्यांचा भाव, त्यांच्या आकांक्षा वाढविण्याचे देशहित घातक धोरण प्रथम मोगलांकडून सुरू झाले...! गडवाट शिवजयंती संस्कारदर्शक 🚩 १९ फेब्रुवारी गडवाट प्रवास सह्याद्रीचा #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त