Her First Love 💕 (ഭാഗം - 1) "ഉമ്മാാ......." “എന്തിനാ ജസാ ഇങ്ങനെ അലറുന്നേ?” “ഉമ്മാ... ഞാനാണ് സ്കൂൾ ഫസ്റ്റ്! 🥺” “മാഷാ അള്ളാ! എന്റെ കുട്ടി ആണോ ഫസ്റ്റ്? സന്തോഷമായി മോളെ. നിക്കൂ, ഞാൻ മൂത്തമ്മയെ ഒന്ന് വിളിച്ചു പറയട്ടെ. എന്റെ മോൾ ജയിക്കില്ല എന്നാണല്ലോ അവർ പറഞ്ഞത്.” “ആഹ് വിളിക്ക് വിളിക്ക്! കുറച്ചു പേരുടെ മുന്നിലെങ്കിലും എനിക്ക് ജയിച്ചു കാണിക്കണമായിരുന്നു. ഇപ്പോഴാണ് സമാധാനമായത്.” “മോളെ, ഉപ്പാനോട് പറയണ്ടേ?” “ആഹ് ഉമ്മാ... പക്ഷേ, ഫസ്റ്റ് കിട്ടി എന്ന് പറഞ്ഞാൽ ഉപ്പ കല്യാണക്കാര്യം വേണ്ടെന്ന് വെക്കുമോ?” “ഉപ്പ വരുന്നുണ്ട്, നീ കാര്യം പറഞ്ഞു നോക്ക്.” “ഉപ്പാ... ഞാൻ... ഞാൻ സ്കൂൾ ഫസ്റ്റ് ആണ്!” (അതിനെന്താ? നാളെ നിന്നെ ഒരു കൂട്ടർ പെണ്ണ് കാണാൻ വരുന്നുണ്ട്.) “ഉപ്പാ, എനിക്ക് ഇപ്പോൾ കല്യാണം വേണ്ട. എനിക്ക് പഠിക്കണം, ഒരു ജോലി വാങ്ങണം. എന്നിട്ട് മതി കല്യാണം.” (നിന്നോട് പറഞ്ഞത് കേട്ടാൽ മതി. പെൺകുട്ടികൾക്ക് ഇത്രയും പഠിത്തം ഒക്കെ മതി!) “ഇക്ക, മോൾക്ക് നല്ല മാർക്കുണ്ട്. അവൾ ഇപ്പോൾ പ്ലസ് ടു കഴിഞ്ഞതല്ലേയുള്ളൂ?” (നാളെ രാവിലെ പത്തു മണിക്ക് അവർ ഇവിടെ എത്തും. ഞാൻ പറയുന്നതേ ഇവിടെ നടക്കൂ. ഇനി അതല്ല എന്നാണെങ്കിൽ തള്ളയെയും മോളെയും ഞാൻ കൊല്ലും! കേട്ടോടി... ₹&@@@@@) “ഉമ്മാ... ഉപ്പ എന്താ ഇങ്ങനെ? 😭 ഇത്താത്തയെ പ്ലസ് ടു കഴിഞ്ഞപ്പോൾ തന്നെ നിക്കാഹ് കഴിച്ചു വിട്ടു. എന്നിട്ട് ഇപ്പോൾ എന്താ അവസ്ഥ? എനിക്ക് ഇത്താത്തയെപ്പോലെ ആകണ്ട ഉമ്മാ!” “എന്റെ മോൾ കരയണ്ട. അയാൾ ഒരു രാക്ഷസനാണ്. ആൺകുട്ടികൾ ഉണ്ടായില്ലെന്ന് പറഞ്ഞ് എന്നെ എന്തോരം കഷ്ടപ്പെടുത്തിയിട്ടുണ്ടെന്നോ? ഈ കല്യാണ ആലോചന അന്ന് അമ്മായി പറഞ്ഞ ചെക്കന്റേതാണെന്ന് തോന്നുന്നു. അതാണെങ്കിൽ എന്റെ മോൾ ഈ നരകത്തിൽ നിന്ന് എങ്ങനെയെങ്കിലും രക്ഷപ്പെട്ടോ. അയാൾക്ക് നിന്റെ ഉപ്പയേക്കാൾ പ്രായമുണ്ട് 🥺” “എനിക്ക് എന്റെ ഉമ്മാന്റെ കൂടെ നിന്നാൽ മതി.” “ഉമ്മാന്റെ കുട്ടിയെ പടച്ചോൻ കൈവിടില്ല. നാളെ അവരോട് സംസാരിച്ചു നോക്കാം.” ഹലോ കൂട്ടുകാരെ! എന്താ നിങ്ങൾ ഇങ്ങനെ നോക്കി നിൽക്കുന്നത്? എന്നെ മനസ്സിലായോ? അയ്യോ, നമ്മൾ പരിചയപ്പെട്ടില്ലല്ലോ അല്ലേ? അപ്പോൾ ഞാൻ എന്നെത്തന്നെ പരിചയപ്പെടുത്താം. എന്റെ പേര് ജസാ മറിയം. സിദ്ധിഖ് - റസിയ ദമ്പതികളുടെ ഇളയ മകൾ. എനിക്ക് ഒരു ഇത്താത്തയുണ്ട്, ഫിദ മറിയം. ഉപ്പയ്ക്ക് ആൺകുട്ടികൾ വേണമെന്നായിരുന്നു ആഗ്രഹം. പക്ഷേ ഞങ്ങൾ രണ്ടുപേരും പെൺകുട്ടികളായതുകൊണ്ട് ഉപ്പയ്ക്ക് ഞങ്ങളെ ഇഷ്ടമല്ല. ഇന്ന് എന്റെ പ്ലസ് ടു റിസൾട്ട് വന്ന ദിവസമാണ്. ഞാനാണ് സ്കൂൾ ഫസ്റ്റ്! എന്റെ ഇത്താത്തയും നന്നായി പഠിക്കുമായിരുന്നു. ഇപ്പോൾ പാവം കല്യാണം കഴിഞ്ഞ് ഒരുപാട് കഷ്ടപ്പെടുന്നുണ്ട്. എനിക്ക് പഠിച്ച് നല്ലൊരു നിലയിൽ എത്തി ഉമ്മാനെ ഇവിടുന്ന് രക്ഷിക്കണം. ഉപ്പയാണെങ്കിൽ എന്നെ ഒരു കിളവന് നിക്കാഹ് ചെയ്തു കൊടുക്കാൻ നിൽക്കുകയാണ്. അതാകുമ്പോൾ ഉപ്പയ്ക്ക് ചെലവില്ലാതെ നടത്താമല്ലോ! നാളെ എങ്ങനെയെങ്കിലും ഈ കല്യാണം മുടക്കാൻ നോക്കണം. അപ്പോൾ ഈ കഥ ഇനി എന്നിലൂടെയായിരിക്കും നിങ്ങൾ കാണാൻ പോകുന്നത്. (അടുത്ത ദിവസം) “മോളെ എണീക്ക്. നിസ്കരിച്ച് പടച്ചവനോട് നല്ലോണം ദുആ ചെയ്യ്.” “ശരി ഉമ്മാ...” ഞാൻ വേഗം എഴുന്നേറ്റ് നിസ്കരിച്ചു ദുആ ചെയ്തു. വീട്ടിലെ ജോലികളൊക്കെ കഴിഞ്ഞ് അവർ വരുന്നതും നോക്കി നിന്നു. എങ്ങനെയെങ്കിലും അയാളെ പറഞ്ഞു മനസ്സിലാക്കണം. (അവർ വരുന്നുണ്ട്! ഈ ബന്ധം മുടക്കാൻ തള്ളയ്ക്കും മോൾക്കും വല്ല പ്ലാനുമുണ്ടെങ്കിൽ അത് നടക്കില്ല. സൂക്ഷിച്ചോ!) അതും പറഞ്ഞ് ഉപ്പ പുറത്തേക്ക് പോയി. “ഉമ്മാ... എനിക്ക് പേടിയാകുന്നു. അയാൾ സമ്മതിക്കുമോ?” “മോൾ സംസാരിച്ചു നോക്ക്. ഇല്ലെങ്കിൽ ഉമ്മ വേറെ വഴി കണ്ടുവെച്ചിട്ടുണ്ട്. എന്റെ മോൾ പേടിക്കണ്ട.” (ജസാ... ചായ എടുത്തു കൊണ്ട് വാ!) ഞാൻ ചായയുമായി ഹാളിലേക്ക് പോയി. അവിടെ ഒരു ഉമ്മയും ഉപ്പയും ഇരിക്കുന്നുണ്ട്. "ചെക്കൻ വന്നില്ലല്ലോ" എന്ന് ആലോചിച്ചു നിൽക്കുമ്പോഴാണ് ഉപ്പ പെട്ടെന്ന് അത് പറഞ്ഞത്... തുടരും....... ✍🏻 Whispering words #📝 ഞാൻ എഴുതിയ വരികൾ #💞 പ്രണയകഥകൾ #📔 കഥ #📙 നോവൽ