किल्ले खेळण्याचा संग्राम....🚩 विशाळगडाची उभारणी इ.स.१०५८ मध्ये शिलाहार राजा मारसिंह याने केली हा गड “किल्ले खेळणा” या नावाने देखील ओळखला जातो...! छत्रपती शिवाजी महाराजांनी इ.स.१६५९ मध्ये हा किल्ला जिंकला व याला “विशाळगड” हे नाव ठेवले, हा किल्ला मराठ्यांच्या देदीप्यमान इतिहासातील एका अचाट पराक्रमाचा साक्षीदार आहे... अत्यंत आणीबाणीच्या वेळी राणा कर्णसिंह पुढे आले आणि किल्ल्यावर चढून जाण्याची विलक्षण युक्ती आपल्याला माहीत असल्याचे त्याने वजीराला सांगितले. अर्थात ती युक्ती मात्र कोणती आहे याची त्याने वाच्यता केली नाही. आपण खात्रीने किल्ला जिंकू असे त्याने ठामपणे सांगितल्यामुळे महंमद गावानही आश्चर्यचकित झाला. राणा कर्णसिंहाच्या कर्तबगारीवर त्याचा विश्वास होता. त्याने कर्णसिंहाला युक्ती योजण्याची परवानगी दिली. कर्णसिंहाने सांगितले, ‘तुमचे सैन्य मध्यरात्रीच्या सुमारास किल्ल्याच्या दरवाजापाशी सुसज्ज ठेवा आणि दरवाजा उघडण्याची वाट पहा, दरवाजा उघडल्याबरोबर तुमच्या सैन्याने एकदम आत घुसावे आणि बेसावध शत्रूच्या हातून किल्ला हस्तगत करावा..’ राणा कर्णसिंहाने मध्यरात्रीच्या सुमाराला आपला मुलगा भीमसिंह आणि निवडक स्वार बरोबर घेऊन काळोखात किल्ला चढून जाण्याची युक्ती अंमलात आणली. त्याने आपल्याबरोबर अनेक घोरपडी नेल्या होत्या. त्याने त्यांच्या कमरेस मजबूत दोर बांधले आणि लांब भालकाठ्यांच्या टोकावर अडकवून त्यांना किल्ल्यांच्या भिंतीस लावले, घोरपडी भिंतीच्या कपारीत घट्ट चिकटून बसल्या आणि सैनिक त्यांच्या कमरेचे दोर धरून वर चढून गेले. सहा टप्प्यांत घोरपडीच्या सहाय्याने कर्णसिंह, भीमसिंह व त्यांचे सैनिक तटाच्या माथ्यावर चढून गेले. तेथून त्यांनी आणखी दोर खाली सोडले व सैनिकांना वर नेले. रात्रीच्या काळोखात त्यांनी किल्ल्याच्या दरवाजातील पहारेकरी ठार केले आणि दरवाजे उघडले. बाहेर उभे असलेले सैन्य किल्ल्यात शिरले. आतील सैन्य आणि पहारेकरी गोंधळून गेले. अनपेक्षित हल्ल्याला ते बळी पडले. आणि अशा प्रकारे खेळणा किल्ला बहामनी लष्कराच्या हाती पडला.. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त