#📙 നോവൽ - മുറ ചെറുക്കൻ...... 🔻 ഭാഗം _63 ✍️ രചന - Aysha akbar ഇഷാനി........ രവി വീണ്ടും വിളിക്കുമ്പോൾ ഇഷാനിയും മീനുവും അകത്തെ കോലായിൽ തന്നെ നിശ്ചലരായി... ഭയം കൊണ്ടവരുടെ കണ്ണുകൾ ചുരുങ്ങി പ്പോയിരുന്നു..... ഇഷാനിയും നിന്റെ കൂടെ വരുന്നില്ല രവി....... രവി വീണ്ടും ഇഷാനിയെ വിളിച്ചലറുമ്പോഴാണ് ഗോപി പെട്ടെന്നത് പറഞ്ഞത്....... ഹു ആർ യൂ മാൻ...... ഇട്സ് നൺ ഓഫ് യുവർ ബിസിനെസ്സ്.......ഷീ ഈസ്‌ മൈ ഡോട്ടർ....... രവി നിറഞ്ഞൊരു പുച്ഛത്തോടെ ഗോപിയെ നോക്കിയത് പറയുമ്പോഴും വാതിലിനു പിറകിൽ ഒളിച്ചു നിൽക്കുകയായിരുന്നു ഇഷാനി...... ഓഹ്..... മകളോടുള്ള സ്നേഹം മൂത്ത് താൻ കാട്ടി ക്കൂട്ടിയതൊക്കെ ഞങ്ങളും കണ്ടതാണ്..... അതിനി ഇങ്ങോട്ട് വിളമ്പണ്ട...... പിടിച്ചു കേസ് കൊടുക്കാൻ അറിയാൻ പാടില്ലാന്നിട്ടല്ല..... ഗോപി ദേഷ്യത്തോടെ അത് പറയുമ്പോൾ രവി യുടെ ചുണ്ടിലെ പരിഹാസ ചിരിക്ക് ആക്കം കൂടി..... കേസ് കൊടുക്കേണ്ടത് ഞാനാണ്........ എന്റെ മകളെ തട്ടി കൊണ്ട് പോയി പിടിച്ചു വെച്ചതിനു..... അവളുടെ വിവാഹം നടക്കാതിരിക്കാൻ നിങ്ങളുടെ മകൻ കളിച്ച കളിയാണ് ഇതെന്ന് ഞാൻ പറഞ്ഞാൽ ആർക്കെങ്കിലും എതിര് പറയാൻ കഴിയുമോ..... രവി മേനോനെ നോക്കിയോന്ന് ചിരിച്ചു കൊണ്ടതും പറഞ്ഞു പോക്കറ്റിൽ നിന്നൊരു സിഗററ്റെടുത്തു കത്തിച്ചു ചുണ്ടിലേക്ക് വെച്ചു ആഞ്ഞു വലിച്ചു......... ഗോപി ക്ക് ദേഷ്യം സഹിക്കാൻ കഴിയുന്നുണ്ടായിരുന്നില്ല.... സീ........ മറ്റന്നാൾ അവളുടെ മാര്യേജ് ആണ്..... അത് കൊണ്ട് തന്നെ നിങ്ങളാരൊക്കെ തല കുത്തി മറിഞ്ഞാലും ഞാനവളെ കൊണ്ട് പോകുക തന്നെ ചെയ്യും....... മറ്റന്നാൾ അവളുടെ വിവാഹമാണെന്നത് ശെരി തന്നെയാ...... രവി ചുവന്ന മൂക്കിൻ തുമ്പ് ഒന്ന് തുടച്ചു കൊണ്ടത് പറഞ്ഞപ്പോഴായായിരുന്നു ഗോപി പെട്ടെന്ന് ഇടക്ക് കയറിയത് പറഞ്ഞത്.... രവി സംശയത്തോടെ ഗോപിയെ ഒന്ന് നോക്കി.... മേനോന്റെ മുഖത്തും അതേ സംശയമുണ്ട്..... പക്ഷെ അത് ഇവിടെയാണ്‌......... എന്റെ മകൻ സച്ചിനുമായിട്ട്...... ഗോപി വാശിയോടെ തന്നെ അത് പറഞ്ഞതും രവിയുടെ കണ്ണുകൾ ചുവന്നു....... കയ്യിലിരുന്ന സിഗററ്റ് അയാൾ നിലത്തേക്കിട്ട് കാലുകൾ കൊണ്ട് ചവിട്ടി എരിക്കുമ്പോൾ അത് ഗോപിയെ യാണെന്ന വണ്ണം അയാൾ ഗോപിയെ തുറിച്ചു നോക്കുന്നുണ്ടായിരുന്നു.... ഗായത്രിക്ക് ഭയം ഏറിയേറി വന്നു ....... ഇഷാനി...... രവി ദേഷ്യത്തോടെ വിളിച്ചു കൊണ്ട് അകത്തേക്ക് കയറിയത് പെട്ടെന്നായിരുന്നു..... ആരും പെട്ടെന്നത് പ്രതീക്ഷിചിട്ടില്ലെന്നത് കൊണ്ട് തന്നെ അയാളെ ഒരു നിമിഷം തടയാൻ ആർക്കും കഴിഞ്ഞിരുന്നില്ല........ അയാൾ അകത്തേക്ക് കയറിയതും വാതിലിനു പിറകിൽ നിന്നിരുന്ന ഇഷാനിയെ വ്യകമായി കണ്ടിരുന്നു.... ഇഷാനിയുടെ കാൽ മുട്ടുകൾ വിറച്ചു...... വാ....... പോകാം..... ഗൗരവമേറിയ ശബ്ദത്തിൽ രവി വിളിക്കുമ്പോൾ അവൾ ഇല്ലെന്ന അർത്ഥത്തിലൊന്നു തലയാട്ടി...... നിന്നോടാ വരാൻ പറഞ്ഞത്....... ഇല്ലെങ്കിൽ കൊന്ന് കളയും ഞാൻ..... രവി അവൾക്കടുത്തേക് നിന്ന് അടക്കി പിടിച്ച ശബ്ദത്തിലത് പറയുമ്പോൾ അവൾ അയാളെ നോക്കി..... അതിനും മടിക്കില്ലെന്ന് എനിക്കറിയാം പപ്പാ...... എങ്കിലും അന്ന് പറഞ്ഞതേ എനിക്കിന്നും പറയാനുള്ളൂ........ സച്ചുവേട്ടനില്ലാതെ ജീവിക്കുന്നതിലും മരിക്കുന്നത് തന്നെയാ എനിക്കിഷ്ട്ടം.... പപ്പക്കെന്നെ എന്ത് വേണമെങ്കിലും ചെയ്യാം.... ഇവിടെ നിന്ന് കൊണ്ട് പോകുന്നതൊഴിച്...... ഇഷാനി മൃദുലമായ ശബ്ദത്തിൽ ഗൗരവം നിറച്ചു കൊണ്ടത് പറയുമ്പോൾ രവിക്ക് ദേഷ്യം ഇരച്ചു കയറിയിരുന്നു...... കേട്ടല്ലോ രവി..... ഇനി തനിക്ക് പോകാം..... പിറകിൽ നിന്ന് ഗോപിയത് പറയുമ്പോൾ രവി പിറകിലേക്ക് തിരിഞ്ഞില്ല.... പകരം... അൽപ നേരമങ്ങനെ നിന്ന ശേഷം ഇഷാനിയുടെ കയ്യിലൊരൊറ്റ പിടുത്തമായിരുന്നു...... അവൾ ഞെട്ടലോടെ അയാളെ നോക്കി..... നിന്നേ ഉണ്ടാക്കാൻ അറിയുമെങ്കിൽ ഇവിടെ നിന്ന് കൊണ്ട് പോകാനും എനിക്കറിയാടി ....... അതും പറഞ്ഞു കൊണ്ട് അവളുടെ കൈ പിടിച്ചു വലിച്ച് രവി നടക്കുമ്പോൾ ഗോപി അയാളുടെ കയ്യിൽ പിടിച്ചത് പെട്ടെന്നായിരുന്നു.... അവളുടെ സമ്മതമില്ലാതെ അവളെ കൊണ്ട് പോകാൻ ഞാൻ സമ്മതിക്കില്ല രവി..... ഗോപിയത് പറഞ്ഞതും രവി പുച്ഛത്തോടെ യൊന്ന് ചിരിച്ചു..... അതിന് തന്റെ സമ്മതം ആർക്ക് വേണം..... രവി ഗോപിയുടെ കയ്യൊന്ന് ചുഴറ്റിയെറിഞ്ഞു കൊണ്ട് പുച്ഛത്തോടെ അതും പറഞ്ഞു നടക്കുമ്പോൾ ഗോപി പിറകിൽ നിന്നും രവിയെ ചവിട്ടിയത് പെട്ടെന്നായിരുന്നു..... പെട്ടെന്നുള്ള ആ പ്രവർത്തിയിൽ രവിയൊന്ന് മുന്നോട്ട് പോയെങ്കിലും ഇഷാനിയുടെ കൈ അയാൾ വീട്ടിരുന്നില്ല..... വീണ അവസരത്തിൽ ഗായത്രി വന്ന് ഇഷാനിയുടെ കൈ വിടുവിക്കാൻ ശ്രമിച്ചതും അയാൾ ഗായത്രിയെ പിടിച്ചൊരൊറ്റ തള്ളലായിരുന്നു..... ആ വീഴ്ച്ച ചുമരിലേക്ക് ആയത് കൊണ്ട് തന്നെ ഗായത്രിയുടെ നെറ്റി പൊട്ടി ചോര വന്നിരുന്നു.... തനൂജയും മുത്തശ്ശിയും ഓടി വന്നവരെ എഴുന്നേൽപ്പിച്ചു.... എന്റെ മോളെ അയാള് കൊണ്ട് പോകും.....അപ്പോഴും ഗായത്രിയുടെ ഉള്ളിലെ ആ വേദന ക്കായിരുന്നു ആക്കം കൂടുതൽ....... രവി ഗോപിക്ക് നേരെ തിരിഞ്ഞു അയാൾക്ക് നേരെ കയ്യൊങ്ങിയതും ആ കൈ ഗോപി തിരിച്ചു പിടിച്ചിരുന്നു...... അപ്പോഴും ഇഷാനി കൈ വിടുവിക്കാൻ ശ്രമിച്ചു കൊണ്ടേയിരിക്കുന്നു ണ്ട്.... അവളുടെ വിടർന്ന കണ്ണുകൾ നിറഞ്ഞു തൂവുന്നുണ്ട്....... അപ്പോഴും രവി അവളുടെ കയ്യിൽ പിടിച്ച പിടുത്തം അയച്ചില്ല...... ഗോപി തിരിച്ചു പിടിച്ച കൈ വേദനിക്കുന്നുണ്ടെങ്കിൽ കൂടി അയാൾ ഇഷാനിയിലെ പിടുത്തം മുറുക്കുക തന്നെ ചെയ്തു...... രവി ദേഷ്യത്തോടെ ഗോപിയെ നോക്കി.... അവളെ വിട്....... ഇങ്ങനെയൊരു ഏറ്റ് മുട്ടലിന് എനിക്കും താല്പര്യമില്ല...... അവളുടെ സമ്മതമില്ലാതെ അവളെ നീയെവിടെ നിന്ന് കൊണ്ട് പോകില്ല രവി.... ഗോപിയത് പറഞ്ഞതും അയാളുടെ കണ്ണുകളിൽ അഗ്നി പാറി..... കാലു കൊണ്ടയാൾ രവിയുടെ കാലിനെ മടക്കി യൊടിക്കുമ്പോൾ പ്രതീക്ഷിക്കാത്തതായത് കൊണ്ട് തന്നെ ഗോപി വീണു പോയിരുന്നു..... ഒപ്പം ഗോപി പിടിച്ച പിടുത്തവും അയഞ് പോയി....... വീണു കിടക്കുന്ന ഗോപിയെ നോക്കി രവി പുച്ഛത്തോടെ യൊന്നു ചിരിച്ചു..... ഒപ്പം ഗോപി യുടെ പിടുത്തം കൊണ്ട് ചുളിഞ്ഞു പോയ ഷർട്ടിന്റെ കൈ അയാളോന്ന് ശെരിയാക്കി...... കാലുകൾക്ക് ചവിട്ടേറ്റത് കൊണ്ട് തന്നെ ഗോപിക്ക് എഴുന്നേൽക്കാൻ കഴിഞ്ഞിരുന്നില്ല..... അയാൾ വേദന യുള്ള കാലുമായി എഴുന്നേൽക്കാൻ ശ്രമിക്കുന്നുണ്ടെങ്കിൽ കൂടി കഴിഞ്ഞിരുന്നില്ല...... പ്രതീക്ഷിച്ചിരുന്നത് പോൽ ഗായത്രി നിസ്സഹായയായി നോക്കി നിന്നു....... തനൂജ ഓടിച്ചെന്ന് ഗോപിയെ പിടിച്ചു...... അത് വരെ കൈ വിടുവിക്കാൻ ശ്രമിച്ചിരുന്ന ഇഷാനിയും ഒരു നിമിഷം നിശ്ചല യായി....... വേണ്ടാ.... ഞാൻ വന്നോളാം...... രവി വീണു കിടക്കുന്ന ഗോപിയുടെ വയറ്റിൽ ആഞ്ഞു ചവിട്ടാൻ തുടങ്ങുമ്പോൾ പെട്ടെന്നായിരുന്നു ഇഷാനിയത് പറഞ്ഞത്.... എല്ലാവരും ഒരു നിമിഷം അവളെ നോക്കി..... അവരെ ഒന്നും ചെയ്യേണ്ടാ.... ഞാൻ കൂടെ വന്നോളാം.... പോരെ........ എന്തും ചെയ്യാൻ അയാൾ മടിക്കില്ലെന്ന ധൈര്യത്തിൽ തന്നെ ഇഷാനി യത് പറയുമ്പോൾ ആ കണ്ണുകളേറെ നനഞ്ഞിരുന്നു..... എഴുന്നേൽക്കാൻ വയ്യാത്ത വിധം വീണു കിടക്കുന്ന ഗോപി അവളെ ഞെട്ടലോടെ നോക്കി..... ആ കണ്ണുകളിൽ തന്നോടുള്ള കരുതലാണ് കണ്ടത്....... അയാൾ വേണ്ടെന്ന അർത്ഥത്തിലൊന്നു തലയാട്ടി....... അവളുടെ വാക്കുകൾ കേട്ടെന്ന വണ്ണം രവി ഉയർത്തി പ്പിടിച്ച കാല് പുറകോട്ട് വലിച്ചു..... മിടുക്കി....... ഈ ചെറ്റ പ്പുരയിലല്ല കൊട്ടാരത്തിലേക്ക് നിന്നേ കൂട്ടി കൊണ്ട് പോകാൻ വൈശാഖ്‌ കാത്തിരിക്കുന്നുണ്ട്..... അയാൾ നിറഞ്ഞൊരു ചിരിയോടെ അവളെ നോക്കി വിജയ ഭാവത്തിലത് പറയുമ്പോൾ അവളുടെ കണ്ണുകൾ വരിഞ്ഞു മുറുകി..... ഞാൻ കൂടെ വരാമെന്നേ പറഞ്ഞിട്ടുള്ളു....... താൻ പറയുന്നതനുസരിച്ചു കളിപ്പാവയാവാമെന്ന് പറഞ്ഞിട്ടില്ല...... മാത്രവുമല്ല....... താനെന്നെ ലോകത്തിന്റെ ഏത് കോണിലേക്ക് കൊണ്ട് പോയാലും എന്നേ കൂട്ടാൻ അവൻ വരും....... ഒരു പക്ഷെ ഈ രാജ്യം കടക്കും മുമ്പേ.... അതല്ലെങ്കിൽ ഈ നാട് കടക്കും മുന്പേ.... അതുമല്ലെങ്കിൽ ഈ കവല കടക്കും മുന്പേ...... അതുമല്ലെങ്കിൽ........ ഒരോറ്റ ശ്വാസത്തിൽ അതും പറഞ്ഞു കൊണ്ടവൾ നിർത്തുമ്പോൾ അവളുടെ കണ്ണുകളിൽ കണ്ട അഗ്നി എല്ലാവരെയും അത്ഭുതപ്പെടുത്തിയിരുന്നു... അത്രയേറെ ശൗര്യ മുണ്ടായിരുന്നാ വാക്കുകൾക്ക്..... ഇത്രയേറെ അവളുടെ ശബ്ദം ഉയർന്നു കേട്ടിട്ടില്ലിത് വരെ....... രവി ഞെട്ടലോടെ അവളെ നോക്കി നിൽക്കുകയാണ്.... അതുമല്ലെങ്കിൽ ഈ വീടിന്റെ പടി കടക്കും മുമ്പേ...... ഇഷാനി അതും പറഞ്ഞു കൊണ്ട് പുച്ഛത്തോടെ ഒന്ന് ചിരിക്കുമ്പോൾ അതിൽ കലർന്നിരുന്നത് അവനെന്ന ധൈര്യമായിരുന്നു........ രവിക്ക് ദേഷ്യം സഹിക്കാൻ കഴിയുന്നില്ലായിരുന്നു.... അയാളുടെ പിടുത്തം ഇഷാനിയുടെ കൈ തണ്ടയിൽ മുറുകി നിന്നു.... അവളുടെ വെളുത്ത നീളൻ കൈ തണ്ട അയാളുടെ പിടുത്തത്തിൽ ഞെരിഞമ്മരുമ്പോഴും അവൾക്ക് വേദന തോന്നിയിരുന്നില്ല........ മറിച്ചു എന്തെന്നില്ലാത്തൊരു ധൈര്യം അവളിൽ നിറഞ്ഞു നിന്നു.... എല്ലാവരും നിസ്സഹായരായി അവളെ നോക്കി........ അയാൾ അവളുടെ കയ്യിൽ പിടിച്ചു വലിച്ച് കൊണ്ട് നടക്കുമ്പോഴാണ് ചീറി പ്പാഞ്ഞു കൊണ്ടൊരു ബുള്ളറ്റ് വരുന്ന ശബ്ദം അല്പം അകലെ നിന്ന് തന്നെ അവൾ കേട്ടത്....... രവിക്കതൊട്ടും പരിചയമില്ലാത്ത ശബ്ദമായിരുന്നെങ്കിൽ കൂടി അവിടെയുള്ള ഓരോരുത്തരിലും അത് നൽകിയത് ഒരു പുതു ജീവനായിരുന്നു........ ഗേറ്റ് കടന്ന് മുറ്റത്തേക്ക് ആ ബുള്ളറ്റ് വന്നു നിന്നതും ഒരു നിമിഷം രവിയും ഒന്ന് പതറിയിരുന്നു..... അയാൾ അതേ പതർച്ചയോടെ ഇഷാനിയെ നോക്കുമ്പോൾ അവളുടെ കണ്ണുകളിലും ചുണ്ടിലും ഒരേ വിജയ ച്ചിരിയായിരുന്നു...... അതേ.... അവൾ പറഞ്ഞത് പോലെ ഈ പടി കടക്കും മുന്പേ അവനെത്തിയിരിക്കുന്നു... ഈ കടം കൂടി ബാക്കി വെക്കേണ്ടി വന്നില്ലല്ലോ എനിക്ക്........ അവനുള്ളത് കൂടി കൊടുത്തിട്ടങ് പോകാം..... ഇഷാനിയുടെ വിജയ ച്ചിരിയിൽ അഭിമാനക്ഷതമേറ്റ രവി ചിരിയോടെ മേനോനോടത് പറഞ്ഞത് ഇഷാനി കേൾക്കാൻ തന്നെയായിരുന്നു... അവനോടുള്ള ദേഷ്യം അയാളുടെ കണ്ണുകളിൽ ആളി കത്തി.......... ഇഷാനി വിടർന്ന കണ്ണുകളാൽ അവനെ തന്നെ നോക്കി നിന്നു....... (തുടരും ) Aysha Akbar #💞 പ്രണയകഥകൾ #📔 കഥ