#🙏🪔காஞ்சி மஹா பெரியவா ஆன்மீக சிந்தனைகள்🪔🙏 #🍀🍀 தெய்வ தரிசனம் 🍀🍀பக்தி பாடல்& படங்கள்🔷🔶கடவுள்🔶🔷ஆன்மீக தகவல்கள் 🍃🍃 #திருத்தல பரிகாரம், ஆலய வழிபாடு மற்றும்ஆன்மீக சிந்தனைகள்...🕉️🙏🔥 #🌈🙏அம்மன் ஸ்டேட்டஸ் வீடியோ அம்மன் பக்தி பாடல்கள்❤️amman status video amman pakthi padalgal snvp🌈🙏 #🔱🕉️சமயபுரம் மாரியம்மன் #🔱🕉️அம்மன் ஓம் சக்தி 🔱#📷 பக்தி படம் 🔱🕉️#🔱🕉️அம்மன் பக்தி ஸ்டேட்டஸ் சங்கமம்: காஞ்சி மஹாஸ்வாமிகளின் தீர்க்கதரிசனம்"* *நேற்றைய தொடர்ச்சி* இப்பொழுது காமகோடி ஆலயம் உள்ள இடத்தில்தான் 2500 ஆண்டுகளுக்கு முன் பகவான் ஆதிசங்கரர், குமாரில பட்டர் என்ற பூர்வமீமாம்ச அவதார புருஷரை சந்தித்தது! ஞான மார்க்கத்தை ஒப்பாத கர்ம மார்க்கத்தைச் சேர்ந்தவரான குமாரில பட்டர், அந்திம காலத்தில் தனது தவறுக்கு ப்ராயச்சித்தமாக 'துஷாக்னி ப்ரவேசம்' என்று எரியும் உமிக்கருக்கில் தன் உடலைக் கொடுத்து வருத்திக் கொண்டிருந்தார். கருணைக் கடலான சங்கரர் விரைந்து அங்கு சென்று, தனது தரிசனத்தினாலேயே குமாரில பட்டருக்கு ஞானத்தையும் மோக்ஷத்தையும் அருளிய இடம்தான், இன்று திரிகால ஞானியான காஞ்சி பெரியவரின் அருட்சங்கல்பத்தால் ஆலயமாக உள்ளது. அந்த ஆலயத்திலும் சமய ஒற்றுமையை பறைசாற்றும் விதமாக, மூன்று தளங்களில் முதல் தளத்தில் சாக்தமாக அன்னை காமாக்ஷியும் இரண்டாம் தளத்தில் வைஷ்ணவமாக திருப்பதி பாலாஜியும் மூன்றாம் தளத்தில்தான் சைவமாக மேற்கூறிய ஸஹஸ்ரலிங்கமும் ப்ரதிஷ்டை செய்யப்பட்டு திரிவேணி சங்கமத்தில் மும்மத சங்கம ஆலயமாகத் திகழ்கிறது. வேதத்தின் கர்ம மார்க்கமும், ஞானமார்க்கமும், சங்கரர் - குமாரில பட்டர் சங்கமித்த இடத்தில் அந்த ஆலயம் அற்புதமாக அமைந்துள்ளது. என்னே காஞ்சி மாமுனிவரின் அமானுஷ்ய சங்கல்பம்! மஹானின் அருட் பெருக்கு அத்துடன் முடிந்ததா? இல்லை! அது வற்றாத ஜீவ நதி! மத்திய அரசில் மிக உயர்ந்த பதவிகளை வகித்தவர் திரு.C.S. ராமச்சந்திரன் என்ற அதிகாரி. அவர் காஞ்சி மாமுனிவரின் பரமபக்தர், மஹானின் பல தெய்வீக சங்கல்பங்கள் செயல் வடிவம் பெறக் காரணமானவர். உத்திரப்பிரதேச அரசிடம், ஆலயத் திருப்பணியின் புனிதம் - அவசியம் பற்றி எடுத்தியம்பி அந்த ஆலயத்திற்கு நிலம் வாங்குவதிலிருந்து கூடவே பாடுபட்ட உத்தமர். ஆலயத் திருப்பணி துவங்கி அஸ்திவாரம் முடிவுபெறும் தருணம் திரு.C.S. ராமச்சந்திரன் பணிகாலம் முடிந்து ஓய்வு பெறும் அரசாணை தரப்பட்டது. 'இந்த திருப்பணியில் பலரது ஒத்துழைப்பும் மற்றும் அரசாங்கத்தின் ஒத்துழைப்பும் மிக அவசியமாக இருக்கும் தருவாயில் தாம் ஓய்வு பெற்றுவிட்டால் திருப்பணி எப்படி நடக்குமோ? யார் யார் உதவுவார்களோ? எவ்வளவு காலதாமதம் ஆகுமோ? பதவியில் இல்லாத தமது வார்த்தைக்கு எப்படி மதிப்பிருக்குமோ?' என்று பலவாறாக கவலை கொண்ட திரு. ராமச்சந்திரன், ஸ்தபதியிடம் தம் மனக்கவலையை வெளியிட்டார். ஸ்தபதியோ கலவையில் இருந்த நடமாடும் தெய்வத்திடம் விண்ணப்பிக்க, மஹாபெரியவரோ "எல்லாம் சொல்லி முடித்து விட்டாயா? ஏற்கனவே அனுக்ரஹம் பண்ணியாகிவிட்டது. நிம்மதியாய் போய்வா" என்று அபயம் தந்தார். சென்னை வந்த ஸ்தபதியிடம் ராமச்சந்திரன் ஒரு தந்தியை காண்பித்தார். அதில் கண்ட வாசகம் ஸ்தபதியை அதிசயத்தில் ஆழ்த்தியது. தந்தியிலிருந்த செய்தி 'இவ்வாலய திருப்பணிச் செலவு முழுவதையும் அரசே ஏற்கும்' என்பது தான். போலிமதச்சார்பின்மை கொண்டாடும் சுதந்திர குடியாட்சியில் அரசாங்கமே ஆலய திருப்பணிச் செலவு முழுவதையும் ஏற்ற செயல் பெரியவாளின் அருள் ப்ரவாஹத்தால் அன்றி வேறு எதனால் சாதிக்க இயலும்.