🍃🍃🌼🍃🍃 બાળ ચરીત્ર...            વળી એક દિવસે પોતે એકલાજ હનુમાનગઢીમાં બપોર નમતાં જતા હતા. ત્યારે તે સમયે હનુમાનગઢી ઉપર ચઢતાં પગથિયે રૂપ ચોકીમાં બે ચાર વૈરાગીના નાના નાના ચેલા એક લંગોટીવાળીને માથામાં અત્તર ધુપેલ આદિક તેલ ચોળીને તથા અંગોઅંગને વિષે ભારે સુવર્ણના દાગીના પહેરેલા એવા સતા ત્યાં જુગટુ રમતા હતા. તેમને જોઈને શ્રીહરિ બોલ્યા જે, હે સંતો ! આ તમારો ધર્મ નથી. તમો તો સતપુરૂષ કહેવાઓ અને સંસારનો ત્યાગ કરીને બેઠા છો. માટે શાસ્ત્રમાં ત્યાગીને આ જુગટાનો ખેલ રમવો તે ઘણો નિંદિત છે. અને જુગટે કરીને પાંચ પાંડવ હારી ગયા હતા. અને મહા દુઃખ પામ્યા હતા. માટે તમારે તો પરમેશ્વરનું ભજન કરીને દિવસ પસાર કરવા જોઇએ, નહિં તો સંસારીના ટુકડા જમવા તે પચાવવા ઘણા મુશ્કેલ પડશે.એમ કહે છે તે સાંભળીને રમતા હતા જે બાળક તેમાંથી કેટલાક બોલી ઊઠયા જે, આગળ જોઈને કોણ આવ્યું છે? અને હવે શું થશે તેની કોને ખબર છે? આ દેહે જે ભોગવ્યું તે ખરૂં છે. એમ કહે છે એટલામાં તો તે નાના છોકરાઓના ગુરૂને ખબર પડી, તેથી તત્કાળ ત્યાં આવીને બોલ્યા જે, હે ઘનશ્યામ ! તમો આ બાળકોની આગળ શું કહેવા બેઠા છો ? આ સભામંડપમાં બેસીને વાર્તા કરો અને અમોને ધર્મનો માર્ગ બતાવો. એમ કહે છે. ત્યાં તો હનુમાનજીને જગાડવાનો સમય થયો એટલે શહેરના કેટલાક માણસો તથા કેટલાક વૈરાગી તપસ્વી એ સર્વે દર્શન કરવા આવતા હતા. ત્યારે શ્રીહરિને શોધતા રામપ્રતાપભાઈ પિતાએ સહિત ત્યાં આવ્યા. ત્યારે તો હજારો માણસોની મોટી સભા ભરાઇ અને વચ્ચે મોહનદાસજીની પાસે સામા પોતાના ભાઈને બેઠેલા જોઇને પોતે પણ ત્યાં જઈને બેઠા. ત્યારે કેટલાક પંડિત વેદીયા વિગેરે બ્રાહ્મણ તથા રામાયણ સંહિતાના ભણેલા વૈરાગી તે પણ ત્યાં આવતા હતા. અને ત્યાં ભારે ચર્ચા ચાલી. તે સમયે તે વૈરાગી બોલ્યા જે, હે ઘનશ્યામ! તમો સાધુ પુરૂષને શિખામણ કેમ આપો છો ? તમો તો ગૃહસ્થ છો. માટે તમો ત્યાગીને શિખામણ આપવા યોગ્ય નથી. તેવું સાંભળીને બોલ્યા જે, હે બાવા ! હે પંડિતો ! તમો સર્વે આગળની વાત વિચારી જુઓ. નવ યોગેશ્વરના ગુરૂ તે રાજા જનક છે. તે વાર્તા શાસ્ત્રમાં પ્રસિદ્ધ છે. તે તમો પણ જાણતા હશો. તથા શુકદેવે પણ જનક રાજાને ગુરૂ કર્યા હતા. માટે ધર્મ તો જે બતાવે તેનો માનવો જોઈએ. એમ કહીને સાધુના ધર્મ વિસ્તારીને કહેવા લાગ્યા જે, શાસ્ત્રમાં ઘુત એટલે જુગટુ રમવું તથા મદ્યમાંસાદિકનું ભક્ષણ કરવું તે સર્વે શાસ્ત્રમાં નિષેધ કરેલાં છે. ત્યાં કહ્યું છે જે;-              વળી એ ઘોર નરકને પમાડે છે. તો ત્યાગીને તો તેથી વધારે દૂર રહેવું તથા ક્રોધ, માન, ઇર્ષ્યા, કંચન જે પૈસા, સ્ત્રી, તામ્બુલ મદિરા એ આદિક જે વ્યસનો તેનો ત્યાગ કરવો, અને જે સાધુ થઈને એટલાં વાનાં રાખે છે તેને યમના દૂત મહા જોરાવરથી યમપુરીમાં લઇને મહા કષ્ટને આપે છે અને પોતાનાં કરેલાં કૃત્ય ભોગવાવે છે. એ વાત અમો ખોટી કહેતા હોઇએ તો આ સભામાં સમગ્ર બેઠેલા પંડિતને પૂછી જુઓ. ત્યારે સર્વે બોલ્યા જે, હા, એ વાત સાચી છે શાસ્ત્ર પ્રમાણે છે. એવાં શ્રીહરિનાં વચન સાંભળીને તે સર્વે વૈરાગી બોલ્યા જે, હે ઘનશ્યામ ! તમો તો સાચું કહો છો. એમાં જરાય ભુલ નથી. ત્યારે વળી બોલ્યા જે, સાધુને તો ક્ષમા, દયા, શાંતિ, નિર્માનીપણું, સંતોષ એ આદિક સમગ્ર જે રૂડા ગુણ તેનો સંગ્રહ રાખવો એમ છે. ત્યારે તો સર્વે સભાના જનોએ હા પાડી અને ઘનશ્યામ મહારાજનું વચન સત્ય છે. તેનું પ્રતિપાદન કરતા સતા બોલ્યા જે, હે સંતો ! તમારા ધર્મ પ્રમાણે આ ઘનશ્યામ પ્રસાદે વાર્તા કરી છે. એમ કહેવાથી ત્યાગી સંસાર તરીને માયાનું બંધન તોડીને આગળ મહા સુખીયા થાય છે. એવી રીતની ઘણીક વાર્તા કરીને તે સભામાં સર્વે તરફથી સન્માન પામીને ત્યાં થકી ઉઠયા. ત્યાંતો તે સર્વે વૈરાગી, વેદીયા, પંડિત વગેરે બ્રાહ્મણ તે સર્વે પરસ્પર કહેવા લાગ્યા જે, આ હરિપ્રસાદ પાંડેના પુત્ર ઘનશ્યામ બાબુ તો કોઇક મોટા ઇશ્વર છે. એમ કહીને પગે લાગતા હતા.                           🍃🍃🌼🍃🍃 #🙏 સ્વામિનારાયણ મંદિર #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #અનાદિમુક્તરાજ શ્રી અબજીબાપા ##જય સ્વામિનારાયણ #✋ જય સ્વામીનારાયણ