💔താലിബന്ധനം💔                                          𝄟⃝✍️ ഇഫാർ 𝄟⃝🌷 Part : 2 അവൻ ഇഷാന്റെ ഫോട്ടോ ചുരുട്ടിയെറിഞ്ഞു..... തന്റെ ഫോണിൽ ലവ് എന്ന് സേവ് ചെയ്തു വെച്ച ഫോൾഡർ തുറന്നു.... അവൻ തന്റെ  വിവാഹ ഫോട്ടോ നോക്കി....  താനിയ മെഹ്വിഷ്..... രണ്ടാഴ്ച തന്റെ കൂടെയുണ്ടായ പെൺകുട്ടി അതെങ്ങനെ പിന്നെ ആണാവുക.... അവൻ ചിന്തയോടെ താടിയിൽ ഉഴിഞ്ഞു. തുളസിക്കതിരിന്റെ നൈർമല്യം പോലൊരു പെണ്ണ് .... പതിഞ്ഞസ്വരവും ഭൂമിക്ക് വേദനിപ്പിക്കും പോലെ നടത്തവും.... ഏതൊരു ആണിനെയും വശീകരിക്കും പോലുള്ള അഴകുള്ളവൾ....കടഞ്ഞെടുത്ത പോലുള്ള ശരീരം.... അവളുടെ നീണ്ട വിടർന്ന മിഴികൾ ആയിരുന്നു അവളിലെ അഴക് കൂട്ടുന്നത്.... ആയിരം കഥകൾ പറയും പോലെ മിഴികൾ കൊണ്ട് പരാതി പറയുന്നവൾ.... അവന്റെ മിഴികൾ അവളുടെ ഓർമയിൽ ഒന്ന് തിളങ്ങി..... അത് പെണ്ണെല്ലെന്ന് വിശ്വസിക്കാൻ അവന്ന് കഴിയുമായിരുന്നില്ല എന്നതായിരുന്നു സത്യം. അവൾ പെണ്ണ് തന്നെ ആണല്ലോ....  പിന്നെ ഇതെങ്ങനെ സംഭവിച്ചു.... അവന്ന് ദേഷ്യത്തോടൊപ്പോം സങ്കടം വന്നുപോയിരുന്നു. സ്നേഹിച്ചു തുടങ്ങിയെ ഉള്ളൂവെങ്കിലും തന്റെ ഉടലിനും ഉയിരിനും ഇന്നിപ്പോൾ അവളെ മാത്രമേ ആഗ്രഹിക്കുന്നുള്ളു.... അവളിൽ അടിമപ്പെടുത്തിയ പോലെ.... പെണ്ണ് ഒരു ദിവസം ആണാവോ.... അവൻ മുടിയിൽ വലിച്ചു പിടിച്ചു.... ആദ്യം ആയി സ്വന്തം ഭാര്യയോട് പ്രണയം തോന്നിയെ.... അതൊന്ന് തുറന്നു പറഞ്ഞു കൂടെ കൂട്ടണമെന്ന് കരുതിയപ്പോ  പെണ്ണിന്റെ സ്ഥാനത് ഒരു പയ്യൻ.... ഇനി ട്രാൻസ് വുമൺ ആയിരിക്കുമോ താനിയ... എന്നിട്ടിപ്പോ വീണ്ടും ആണായോ.... എറിക് പറഞ്ഞത് സത്യം ആണെങ്കിൽ ഇവനെന്തിന് എന്നെ ചതിച്ചു. ഇവനും ഞാനുമായി എന്താ പ്രശ്നം... ഇനിയാ മാര്യേജ് ഇവന്റെ ചതിയാരുന്നോ.... അവന്ന് എന്തെന്നില്ലാത്ത ദേഷ്യം വന്നതും മുന്നിലുള്ളതെല്ലാം തട്ടിത്തെറിപ്പിച്ചിരുന്നു. ചുറ്റും തെറിച്ചു വീണ ഫയലുകൾക്കും കടലാസിനും ഇടയിലായി കണ്ട ഫോട്ടോ അവൻ വീണ്ടും എടുത്തു.... ഇഷാൻ... ഇഷാൻ ജീവൻ.... ഒരു പീറച്ചെറുക്കന്റെ മുന്നിൽ തന്റെ തോൽവി സംഭവിച്ചെന്ന് അവന്ന് തോന്നി. ആദ്യായി അറിഞ്ഞ തോൽവി.... അതും തന്റെ ഇമോഷണൽ വെച്ചു കളിച്ചിരിക്കുന്നു. നീ നിന്റെ നാശത്തെയാണ് ഇഷാൻ വിളിച്ചു വരുത്തിയിരിക്കുന്നത്... ഇനി നീ ആഗ്രഹിച്ചാൽ പോലും എന്നിൽ നിന്നും ഒരു രക്ഷയുണ്ടാവില്ല... ഈ നീലേക്ഷ്വർ ആരാണെന്ന് നീയറിയാൻ പോകുന്നതേയുള്ളു... അവൻ പേപ്പർ വെയിറ്റ് എടുത്തു താഴേക്ക് എറിഞ്ഞുകൊണ്ട് പുലമ്പി. അവൻ ഫോൺ എടുത്തു ഒരു നമ്പർ ഡയൽ ചെയ്തു. എന്തായി കാര്യം മെയിൽ അയച്ചിട്ടുണ്ട് സാർ അവൻ ഫോൺ കട്ട്‌ ചെയ്തു.... ലാപ് എടുത്തു മെയിൽ ഓപ്പൺ ചെയ്തു. ഇഷാൻ ജീവൻ.... വയസ്സ് ഇരുപത്തിരണ്ട്... ജീവന്റെയും രാധികയുടെയും രണ്ടു മക്കളിൽ മൂത്തവൻ... ഒരു അനിയത്തി കൂടിയുണ്ട് താനിയ മെഹവിഷ്..... താനിയയുടെ ഫോട്ടോ അവൻ സൂക്ഷ്മമായി നോക്കി... തന്റെ ഭാര്യ താനിയ മെഹവിഷ് ആയി യാതൊരു ബന്ധവും ഇല്ല. എന്നാൽ ഇഷാനുമായി ആ മിഴികൾ മാത്രം സാമ്യം ഉള്ളു.... ഇഷാൻ താനിയയുടെ പേര് പറഞ്ഞു വേഷം കെട്ടി വന്നതാവും... അതിന്ന് മാത്രമാണ് സാധ്യത.... ഇഷാൻ എഞ്ചിനീയറിങ് കഴിഞ്ഞു ഫ്രണ്ട്സ് കൂടെ അടിച്ചു പൊളിച്ചു നടക്കുന്നു... ഇത് വരെ ഒരു ജോലിയും ചെയ്തിട്ടില്ല... ഇനി ചെയ്യാനും ആഗ്രഹമുണ്ടെന്ന് തോന്നുന്നില്ല... കള്ളും പെണ്ണും ഡ്രഗ്സ് തുടങ്ങി എല്ലാവിധത്തിലുള്ള വേണ്ടാതീനവും ഉണ്ട്.... പണത്തിനു വേണ്ടി എന്ത് വൃത്തികേടും ചെയ്യും.....  ആരെക്കൊണ്ടും നല്ലത് പറയിപ്പിക്കണമെന്നും അവനില്ല നന്നാവണമെന്ന് ആഗ്രഹം തീരെയില്ല.... ജീവനും രാധികയും ഇന്റർകാസ്റ്റ് മാര്യേജ് ആണ്.... രാധിക നാട്ടിലെ തന്നെ അറിയപ്പെടുന്ന ഒരു തറവാട്ടിലെ അംഗം ആണ്. ചന്ദ്രകാന്തം തറവാട്.... ഒരു കൂട്ടുകുടുംബം ആണ്... രാധികയും അവിടെ തന്നെയാണ് താമസം... ജീവന്റെ കമ്പനീയുമായി ഒരു ബിസിനസ് ഡീൽ ഉണ്ട്... അല്ലാതെ അവരുമായി പ്രത്യക്ഷത്തിൽ പ്രശ്നം ഒന്നുമില്ല.... യാതൊരു വിധത്തിലും ഒരു കാരണം കൊണ്ടും തന്നിലേക്ക് എത്തിക്കുന്ന ഒരു കണക്ഷനും ഇവനിലില്ല.... എന്നിട്ടും ഇവൻ എന്തിനായിരിക്കും എന്റെ ലൈഫിലേക്ക് ഇടിച്ചു കയറി വന്നത്.... തന്നോടെന്തിന് ആയിരിക്കും ശത്രുത.... ക്യാഷ്.... കാശിനു വേണ്ടി ചീപ് ഡ്രാമ ഇറക്കിയത് ആയിക്കൂടെ... അവൻ ഇഷാന്റെ മുഖത്തിന്‌ ചുറ്റും റെഡ് സർക്കിൾ വരച്ചു കൊണ്ട് മൊഴിഞ്ഞു.... എന്റെ കരിയർ എന്റെ ബിസിനസ് ഇതിലൊക്കെ ചെറിയൊരു റെഡ് ഡോട്ട് വന്നാൽ പോലും ഞാൻ ക്ഷമിക്കാറില്ല... അപ്പോഴാ എന്റെ ലൈഫിലേക്ക് റെഡ് സർക്കിൾ വീഴ്ത്തിയത്.... നീയിതിന്ന് അനുഭവിക്കാൻ കിടക്കുന്നതേയുള്ളു ഇഷാൻ.... അവൻ ഫോട്ടോയിൽ കുത്തിവരഞ്ഞു കൊണ്ടിരുന്നു. അവൻ ഫോൺ എടുത്തു എറികിനെ വിളിച്ചു.... ഇഷാൻ എന്റെ അടുത്ത് എത്തണം... അതും അവനായിട്ട് എത്തണം.... ഒരിക്കലും തിരിച്ചു പോകാൻ കഴിയാത്ത വിധത്തിൽ കഴുത്തിൽ കുരുക്ക് വീണിട്ട് തന്നെ എന്റെ മുന്നിൽ എത്തണം.... അതിന്ന് വേണമെങ്കിൽ അവന്റെ ഫാമിലിയെ തൊട്ട് കളിച്ചാലും സാരമില്ല.... എനിക്ക് അവനെ കിട്ടിയാൽ മതി... ഈ നീലേക്ഷ്വർ എന്ന നീലിന്റെ  കാൽക്കീഴിൽ അവൻ വരണം..... ഇല്ലെങ്കിൽ വരുത്തും ഞാൻ.... അവൻ അതും പറഞ്ഞു കാൾ കട്ട്‌ ചെയ്തു. ഒരു പകയോടെ നീലിന്റെ കണ്ണുകൾ ഇഷാനേ ഓർത്തു രൗദ്രഭാവം പൂണ്ടു.... ഇഷാനേ കൊന്ന് കളയാൻ ഉള്ള ദേഷ്യം അവനിലപ്പോൾ ഉണ്ടായിരുന്നു.                             ...... Cntn മുഴുവൻ പാർട്ടും പ്രതിലിപി ആപ്പിൽ വായിക്കൂ *_താലി ബന്ധനം_* 200000 പേർ ഏറെ ഇഷ്ടത്തോടെ വായിച്ച കഥ *_💔താലിബന്ധനം💔_* https://malayalam.pratilipi.com/series/wqrp7y050hl3?language=malayalam&utm_source=android&utm_medium=content_share ☝ ☝ ☝ *ഇപ്പോൾത്തന്നെ വായിക്കാൻ ക്ലിക്ക് ചെയ്യൂ…* #📙 നോവൽ #💞 പ്രണയകഥകൾ #📔 കഥ