दोड्डेरी हे आज महाराष्ट्रात असंख्य लोकांना ठाऊक नाही. हे कुठे आहे, येथे काय घडले व त्याचा काय परिणाम झाला हे कुणालाच माहित नाही...! मराठे व मोगल (औरंगजेब) यांच्या मधील ५० वर्षाच्या संघर्षाचे आणि मराठ्यांच्या स्वराज्याच्या स्वातंत्र्य युद्धाचे एक अत्यंत तेजस्वी, अजोड प्रकरण येथे घडले... सरसेनापती संताजी घोरपडे यांचा अत्युच्य पराक्रम, "दोड्डेरीची लढाई"...🚩 ● मोगलांची दोड्डेरीकडे लांच्छनास्पद माघार : लढाई चालू असतानाच मराठ्यांच्या तिसऱ्या राखीव तुकडीने मोगलांच्या असुरक्षित छावणीवर हल्ला चढवून ती पूर्णपणे लुटून घेतली. लढाईच्या ऐन धुमश्चक्रीत आपली छावणी गारद झाल्याची धक्कादायक बातमी मोगल सरदारांना समजताच त्यांचा लढण्याचा धीरच खचून गेला. मराठ्यांनी आपल्याला मोठ्या पेचात पकडल्याचे व यातून आपली आता सहजासहजी सुटका नसल्याचे त्यांना जाणवले. आता पुढे काय करावे, याविषयी ते आपसात सल्लामसलत करू लागले. शेवटी जवळच्या दोड्डेरीच्या गढीवजा किल्ल्यात आश्रयास जावयाचे असे त्यांनी ठरविले. गढीच्या शेजारीच पाण्याचा तलाव होता. गढीत असणारा धान्यचाऱ्याचा साठा व मुबलक पाणी यामुळे आपल्या फौजेचा बचाव होईल, असे त्यांना वाटले असावे. त्याप्रमाणे त्यांनी दोड्डेरीच्या रोखाने हळूहळू माघार घ्यावयास सुरुवात केली. मराठ्यांशी लढत झगडतच ते दोड्डेरी गढीच्या पायथ्याशी येऊन पोहोचले... " ● दोड्डेरीच्या पायथ्याशी मोगली फौजेचे हाल : मराठ्यांनी मोगली फौजेचा पिच्छा सोडला नव्हता. मोगल दोड्डेरीच्या पायथ्याशी पोहोचले खरे; पण त्यांना पाहाताच मोगल किल्लेदाराने गढीचे दरवाजे बंद करून घेतले..! कारण बाहेरील एवढ्या मोठ्या फौजेला लागणारे अन्नधान्य व गवतचारा यांचा साठा गढीत नव्हता. म्हणून स्वतः मोगलांच्या सेवेत असूनही किल्लेदाराने मोगल सैनिकांस आत घेण्यास नकार दिला आणि ते अगदी योग्यही होते. तेव्हा निरुपाय होऊन मोगली फौज गढीच्या तटाजवळच थांबली. तिथेच त्यांनी मोर्चे बांधले आणि मराठ्यांशी लढणे चालू ठेवले... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त