അമ്പലനടയുടെ മുൻപിൽ നിന്ന് തലകുനിച്ച് താലി ഏറ്റുവാങ്ങുമ്പോൾ അവളുടെ മനസ്സ് ശൂന്യമായിരുന്നു . കല്യാണം കഴിഞ്ഞ് വണ്ടിയിലോട്ട് പോകുമ്പോഴാണ് നിറകണ്ണുകളോടെ തന്നെ നോക്കുന്ന തൻറെ അച്ഛനെ കാണുന്നത് അവളുടെ കണ്ണുകളും നിറഞ്ഞിരുന്നു. അവൾ അച്ഛൻറെ അരികിലോട്ട് നടന്നു ആ അച്ഛൻ തൻറെ മകളെ തൻറെ കൈ കൊണ്ട് തഴുകി. അവൾ അച്ഛൻറെ നെഞ്ചിൽ ചാരിയിരുന്നു വിങ്ങിപ്പൊട്ടി കരഞ്ഞു. അച്ഛൻറെ കുഞ്ഞുവിഷമിക്കേണ്ട കേട്ടോ നല്ലതേ വരൂ അവളുടെ കൈകൾ അദ്ദേഹത്തെ മുറുക്കി ചുറ്റിപ്പിടിച്ചു അവളുടെ ഇരു കണ്ണുകളിൽ നിന്ന് കണ്ണുനീർ ഒഴുകി . സമയമായി വണ്ടി കയറു ഗൃഹപ്രവേശത്തിന് മുന്നയായി വീട്ടിൽ എത്തണം ഒരുപാട് ദൂരം ഇല്ലേ അതുകൊണ്ട് വേഗം കേറിക്കോ അടുത്തുനിന്ന് ആരോ പറഞ്ഞപ്പോൾ തന്റെ അച്ഛൻറെ മുഖത്തോട്ട് നോക്കി കുഞ്ഞു പോയിട്ട് വാ അവളുടെ നെറ്റിയിൽ അദ്ദേഹത്തിൻറെ ചുണ്ടുകൾ പതിഞ്ഞു ' തൻറെ ഉറ്റ മിത്രമായ അമ്മുവിലേക്ക് അവളുടെ നോട്ടം പോയി. അവൾ അവള അടുത്തേക്ക് വന്ന് അവളെ കെട്ടിപ്പിടിച്ചു വിഷമിക്കേണ്ട അമ്മു തൻറെ കൈകൾ കൊണ്ട് അവളുടെ കണ്ണുനീർ തുടച്ചു എന്നാൽ അവളുടെ കണ്ണുകളും നിറഞ്ഞു ഒഴുകുന്നത് അവൾ അറിഞ്ഞില്ല. അപ്പോഴേക്കും അവളുടെ അടുത്തേക്ക് ഒരു ചെറുപ്പക്കാരൻ കടന്നുവന്നു അവൻറെ ബലിഷ്ടമായ കൈകൾ അവളുടെ കൈകളിൽ പിടിച്ചു. വാ.... അവൻറെ ശബ്ദം അവിടെ മുഴങ്ങു കേട്ടു അവൾ ഒരു നിമിഷം വിറച്ചു പോയി ആ വിറയൽ അവൻറെ കൈകളിൽ അവന് മനസ്സിലായി. എൻറെ മോ .......മോളെ നോക്കിക്കോണം കേട്ടോ മോനേ..... ആ പിതാവിൻറെ ശബ്ദം വിറച്ചു പോയി അവൻ അയാളെ നോക്കി കണ്ണ്ചിമ്മി കാണിച്ചു. അവൾ അച്ഛനെ കെട്ടിപ്പിടിച്ച് വിങ്ങിപ്പൊട്ടി കരഞ്ഞു അയാൾ കാറു വരെ അവളെ കൂട്ടി നടന്നു . അതിനുമാത്രം എന്തിനാ കരയുന്നെ നല്ലൊരു പുളി പുളിങ്കമ്പല്ലേ കിട്ടിയിരിക്കുന്നത് ' പയ്യൻറെ അമ്മ എന്ന് തോന്നിക്കുന്ന ഒരു സ്ത്രീ പറഞ്ഞു. അഭീ.......നീ അവളെയും കൂട്ടി വണ്ടിയിൽ കയറാൻ നോക്ക് (എട്ടൻ ) അപ്പോഴേക്കും ഡ്രൈവിംഗ് സീറ്റിലേക്ക് കല്യാണ ചെറുക്കന്റെ ഏട്ടൻ എന്ന് തോന്നിക്കുന്ന യുവാവ് കയറിയിരുന്നു കോ ഡ്രൈവിംഗ് സീറ്റിൽ ആ യുവാവിൻ്റെ ഭാര്യ എന്ന് തോന്നിക്കുന്ന സ്ത്രീ കയറി ഇരുന്ന പുറകിലെ ഡോർ തുറന്നു അവളെ കയറ്റി പുറകെ അവനും കയറി. അവൾ തൻറെ അച്ഛനെ കൺകുളിർക്കെ കണ്ടു വണ്ടി സ്റ്റാർട്ട് ആയി തുടങ്ങിയപ്പോൾ അവൾ വിൻഡോ ഗ്ലാസിലൂടെ തൻ്റെ അച്ഛനെ തിരിഞ്ഞു നോക്കിക്കൊണ്ട് ഇരുന്നു വണ്ടി അമ്പലമുറ്റത്തു നിന്ന് മെയിൻ റോഡിലേക്ക് കയറിയപ്പോൾ അവൾക്ക് തൻറെ സങ്കടം നിയന്ത്രിക്കാൻ പറ്റാതെ മുഖം പൊത്തി കരഞ്ഞു . ആൽമരച്ചോട്ടിൽ നിന്ന് അവളിൽ തന്നെ മിഴികൾ പതിപ്പിച്ചിരുന്നവന്റെയും കണ്ണുകളിൽ നിന്നു കണ്ണുനീർ തുള്ളികൾ അടർന്നു വീണു"" അവളുടെ ഓർമ്മകൾ പുറകിലേക്ക് സഞ്ചരിച്ചു ................ എൻറെ പേര് ശ്രീലക്ഷ്മി അരവിന്ദൻ ( എല്ലാവരുടെയും ലച്ചു ) അരവിന്ദന്റെയും അരുന്ധതിയുടെയും ഒരേ ഒരു മകൾ. അമ്മ എന്നെ പ്രസവിച്ചു കഴിഞ്ഞപ്പോൾ തന്നെ മരിച്ചു. അച്ഛൻ ഒരു കൃഷിക്കാരനാണ് അമ്മ മരിച്ചതിൽ പിന്നെ അച്ഛൻ എന്നെ പൊന്നുപോലെയാണ് വളർത്തിയത് . അച്ഛൻറെയും അമ്മയുടെയും പ്രണയ വിവാഹം ആയിരുന്നു അതു കൊണ്ടു തന്നെ ബന്ധുക്കൾ ആരും ഉണ്ടായിരുന്നില്ല .അച്ഛനും അമ്മയും കല്യാണം കഴിഞ്ഞ് എട്ടു വർഷങ്ങൾക്ക് ശേഷമാണ് ഞാൻ ഉണ്ടായത്. അമ്മ മരിച്ചതിൽ പിന്നെ അമ്മയുടെ കുറവ് അച്ഛൻ ഒരിക്കലും അറിയിച്ചില്ല. അച്ഛനും മകളും തമ്മിലുള്ള സ്നേഹം കണ്ടാൽ ആരും കൊതിച്ചു പോകും ആ അച്ഛൻറെ മകളാവാൻ ആ മകളുടെ അച്ഛനാവാൻ. ലച്ചു .......മോളെ എഴുന്നേറ്റ സമയം എത്രയായി എന്നാ വിചാരം . കുറച്ചുനേരം കൂടി അച്ഛാ...... അവൾ പുതപ്പ് തലവഴിയിട്ട് മൂടിപ്പുതച്ചു കിടന്നു. എൻറെ പൊന്നു കുഞ്ഞേ ഒന്ന് എണീറ്റ് കുളിച്ച് കോളേജ് പോകാൻ നോക്ക്. ഞാനിന്ന് പോവണോ ? നല്ല അടി തരും നിനക്ക് അച്ഛാ ഇത്ര ദുഷ്ടൻ ആവരുത് ട്ടോ ആകെ ഒരു പൊന്നുമോളെ ഉള്ളൂ കുറച്ചുനേരം ഉറങ്ങിക്കോട്ടെ എന്ന് വെക്കണം. എവിടെ നേരം വെളുക്കുന്നതിനു മുമ്പ് വിളിച്ച് കൂവും. എന്നിട്ടു പൊന്നുമോൾ എപ്പോഴ എഴുന്നേക്കുന്നത്. അത് പിന്നെ അത് പിന്നെ അച്ഛൻ എന്നെ കുഞ്ഞേ ലച്ചു എന്നൊക്കെ വിളിക്കുമ്പോൾ എനിക്ക് താരാട്ട് പാട്ട് പോലെ തോന്നുന്നു അപ്പോൾ കുറച്ചുകൂടി മയങ്ങിപ്പോകും ....... ( ആ അച്ഛൻ അവളുടെ നിഷ്കളങ്കമായ മുഖത്തോട്ട് നോക്കി നിന്നു. ) അവളുടെ ഒരു താരാട്ട് പാട്ട് മതി എഴുന്നേക്ക് അമ്മു മോൾ മോൾ ഇപ്പോൾ വരും. ( മുഖത്ത് എടുത്തണിഞ്ഞ ഗൗരവത്തോടെ പറഞ്ഞു ) ങ്‌ഹേ സമയം 8 ആയോ അവൾ വേഗം കട്ടിൽ നിന്ന് ചാടി എഴുന്നേറ്റു. അവൾ ഭിത്തിയിലുള്ള ക്ലോക്കിലേക്ക് മിഴികൾ പറഞ്ഞു സമയം 7:30 അവൾ അച്ഛൻറെ മുഖത്തോട്ട് നോക്കി. അവിടെ യുദ്ധത്തിൽ ജയിച്ച രാജാവിൻറെ ചിരിയായിരുന്നു. അ..........ച്ചേ......... അവൾക്ക് വിളിച്ചു കൂകി അപ്പോഴേക്കും അച്ഛൻ റൂമിന്റെ പുറത്ത് എത്തിക്കഴിഞ്ഞു. അവൾ തന്റെ അച്ഛനെ മനസ്സിലോർത്ത് പുഞ്ചിരിച്ചുകൊണ്ട് കൃഷ്ണ ഭഗവാനെ കണ്ണടച്ച് പ്രാർത്ഥിച്ചു. നേരെ കട്ടിൽ നിന്ന് എഴുന്നേറ്റ് ബാത്റൂമിലേക്ക് പോയി എട്ടു മണിയാവുമ്പോഴേക്കും കുളിച്ചെത്തി 'ഒരു മാമ്പഴ കളർ ദാവണിയുടുത്ത് കണ്ണാടിയിൽ മുമ്പിൽ വന്നു മുടി ഒന്ന് കോതി. അവൾ നേരെ റൂമിന്റെ പുറത്തോട്ട് പോയി . പൂജാമുറിയിൽ കയറി തൊഴുത് കുറച്ച് ചന്ദനമെടുത്ത് നെറ്റിയിൽ തൊട്ടു അടുക്കലേക്ക് പോയി .അടുക്കളയിൽ എത്തിയപ്പോൾ കാണുന്നത് ഒരു കാവി മുണ്ടുടുത്ത് ഒരു ബനിയനും ഇട്ട് തലയിൽ ഒരു തോർത്തും മുണ്ടും കെട്ടി അവൾക്കുള്ള ചായയുടെ ചൂടാറ്റുന്ന അച്ഛനെയാണ് . അവൾ അച്ഛനെ പുറകിലൂടെ പോയി കെട്ടിപ്പിടിച്ചു ഗുഡ്മോണിങ് അച്ഛാ..... ഗുഡ് മോർണിംഗ് തന്റെ കയ്യിലുള്ള ചായ സ്ലാവിൻമേൽ വെച്ച് അവളുടെ കൈപിടിച്ച് മുമ്പിൽ നിർത്തി എൻറെ സുന്ദരി കുട്ടി കുളിച്ചോ...... ആ കുളിച്ചു ...... എന്താ മോളെ ഇത് ശ്രദ്ധിക്കണ്ടേ മുടിയിൽ മൊത്തം വെള്ളമാണല്ലോ ? അയാൾ തൻറെ തലയിലുള്ള തോർത്ത് അഴിച്ച് അവളുടെ മുടിയിൽ പിടിച്ചു തോർത്തി കൊടുത്തു. അവൾ തന്റെ അച്ഛന് തന്നെ നോക്കി എനിക്ക് കിട്ടിയ ഭാഗ്യമാണ് എൻറെ അച്ഛൻ വേഗം വാ ചായ കുടിക്കാം അമ്മു മോൾ ഇപ്പോൾ വരും അച്ഛൻ അവളെയും കൂട്ടി ഡൈനിങ് ടേബിളിന്റെ അടുത്തോട്ട് നടന്നു ഡൈനിങ് ടേബിളിൽ ഉള്ള പാത്രം തുറന്നു നോക്കി ചൂട് പറക്കുന്ന വെള്ളയപ്പവും മുട്ടക്കറിയും ലച്ചുവിന്റെ വായിൽ വെള്ളമൂറി അവൾ തൻറെ അച്ഛനെ തിരിഞ്ഞു നോക്കി ആ കവിളിൽ അമർത്തി ഉമ്മവച്ചു എൻറെ അച്ഛൻ സൂപ്പർ ആണ് കേട്ടോ അയാൾ അവളുടെ തലയിൽ ഒന്ന് കെട്ടി വേഗം കഴിച്ചോ 8:45 ആകുമ്പോഴേക്കും ബസ് എടുക്കും. ലച്ചു വേഗം ഭക്ഷണം കഴിച്ച് മുറിയിൽ പോയി മുടി ചീകി കെട്ടി ഒരു കറുത്ത പൊട്ടും അതിനു മേലുള്ള ചന്ദനക്കുറിയും കണ്ണുകൾ വാലിട്ടും എഴുതി അവളുടെ ഒരുക്കം കഴിഞ്ഞ് വേഗം റൂമിന്റെ പുറത്തോട്ട് വന്നു. ലച്ചൂസ് ... വീടിൻറെ മുൻവശത്തു നിന്ന് വിളി വന്നു ലച്ചു വേഗന്ന് റൂമിലേക്ക് കയറി ബാഗ് എടുത്തു . അപ്പോഴേക്കും അവളുടെ അച്ഛൻ പുറത്തേക്ക് വന്നു ആ അമ്മു മോള് വന്നോ? ആ വന്നേ .......... ലച്ചൂസ് ......എന്തിയെ ? ലച്ചു മോൾ ഒരുങ്ങുകയാണ്...... അപ്പോഴേക്കും ലച്ചു അവിടെ എത്തി എൻ്റെ പൊന്നുലച്ചു വേഗം വാ ബാസ് ഇപ്പോൾ പോക്കും ' ഞാൻ വരുന്നേടി പെണ്ണേ അപ്പോഴേക്കും അച്ഛൻ അവളുടെ കയ്യിൽ നിന്ന് ബാഗ് വാങ്ങി ചോറ്റുപാത്രവും വെള്ളവും ബാഗിൽ വെച്ചു കൊടുത്തു. അവൾ വേഗം അച്ഛൻറെ അടുത്ത പോയി അച്ഛനെ കെട്ടിപ്പിടിച്ച് കവിളിൽ ഒരു ഉമ്മ കൊടുത്തു അച്ഛനും അവളെ തിരിച്ചും നെറ്റിയിൽ ഉമ്മ വച്ചു. ഞങ്ങൾ പോയിട്ട് വരാട്ടോ ? സൂക്ഷിച്ചു പോയിട്ട് വരണ മക്കളെ..... ആ ഞങ്ങൾ സൂക്ഷിച്ചു പോയി വരാം....മുറ്റത്തുനിന്ന് വിളിച്ചുപറഞ്ഞുകൊണ്ട് അവർ രണ്ടുപേരും ഗേറ്റിന്റെ അടുത്തേക്ക് ഓടി . ഒന്നും വേഗം വാടി അമ്മു...... അമ്മു ലച്ചുവിനെ സൂക്ഷിച്ചു നോക്കി ഒരുസെക്കൻഡ് അവിടെ തന്നെ നിന്നു. അമ്മുവിൻറെ കൈയും പിടിച്ച് വേഗം നടന്നുകൊണ്ടിരിക്കുകയാണ് ലച്ചു. അമ്മു കൂടെ നടക്കുന്നത് കാണാത്തതു കൊണ്ട് ലച്ചു തിരിഞ്ഞു നോക്കി ' എന്താ എന്തു പറ്റി അമ്മു ലച്ചുവിനെ കണ്ണുകൾ ചുരുക്കി കൂർപ്പിച്ചു നോക്കി എന്താണ് എന്താ അമ്മു അത് ശരി ഇപ്പോൾ ഞാൻ ആയോ കുറ്റക്കാരി അത് പിന്നെ ഒരു കൈയബദ്ധം നിൻറെ കൈയബദ്ധം ഞാൻ മാറ്റുന്നുണ്ട് . നീ ദേഷ്യപ്പെടല അമ്മു നമുക്ക് വയലിലൂടെ ഉള്ള വഴിയിലൂടെ പോകാം അതിലെ പോകുമ്പോൾ നമുക്ക് അഞ്ച് മിനിറ്റ് കൊണ്ട് എത്താം. നീ ഇനി മുതൽ ഇങ്ങനെ വൈകി വരികയാണെങ്കിൽ ഞാൻ നേരത്തെ പോകും കേട്ടോ ? അപ്പോഴേക്കും ലച്ചുവിന്റെ മുഖം ഭാവം എല്ലാം മാറി .അമ്മു ഒളി കണ്ണിട്ട് ലച്ചുവിനെ നോക്കി മുഖം വീർപ്പിച്ച് ഇരിക്കുന്നുണ്ട് ചുണ്ടൊക്കെ മുമ്പോട്ട് ഉന്തി പിണക്കത്തോടെ തിരിഞ്ഞു നിന്നു . ഇനി ഇതിനുവേണ്ടി ഈ കുഞ്ഞു മുഖം വീർപ്പിക്കേണ്ട കേട്ടോ അമ്മു അവളുടെ അടുത്ത് വന്ന് കെട്ടിപ്പിടിച്ചു ലച്ചു അവളെ നോക്കി പുഞ്ചിരിച്ചു നിന്നെ എനിക്ക് അറിഞ്ഞുകൂടെ ലച്ചു നമ്മൾ തമ്മിൽ എന്ന് മുതൽ ഫ്രണ്ട്സ് ആയോ അന്നുമുതൽ എനിക്ക് നിന്നെ അറിയാം. ഇനി നിന്നാൽ നമ്മൾ രണ്ടുപേരും വൈകും വേഗം വാ നമുക്ക് വയലിലൂടെ തന്നെ പോകാം അമ്മു അവളുടെ കൈയും പിടിച്ചു വേഗം നടന്നു. ഇനി നമുക്ക് ഇവർ രണ്ടുപേരും വിശദമായി പരിചയപ്പെടാം നന്ദനത്ത് വീട്ടിൽ അരവിന്ദൻ ഭാര്യ അരുന്ധതിഅരവിന്ദൻ ഒരേ ഒരു മകൾ ശ്രീലക്ഷ്മി അരവിന്ദൻ ( ലച്ചു ) ഇപ്പോൾ ഡിഗ്രി ഫസ്റ്റ് ഇയർ പഠിക്കുന്നു ശ്രീലക്ഷ്മിയുടെ ഉറ്റ മിത്രമാണ് അമ്മു. ഇന്ദ്രിയം വീട്ടിൽ വിനയൻ ഭാര്യ ഇന്ദിര രണ്ട് മകൾ * അതുൽ വിനയൻ (അച്ചു ) (അമ്മുവിൻറെയും ലച്ചുവിന്റെയും കോളേജിൽ പിജി ചെയ്യുന്നു ) * അതുല്യ വിനയൻ (അമ്മു ) ഡിഗ്രി ഫസ്റ്റ് ഇയർ' 🧡🧡🧡🧡🧡🧡🧡🧡🧡🧡🧡🧡🧡🧡🧡🧡🧡 ശ്രീ ലക്ഷ്മി...... ശ്രീ ലക്ഷ്മി...... തന്നെ ആരോ തട്ടി വിളിക്കുന്നത് പോലെ തോന്നിയതും അവൾ മിഴികൾ മെല്ലെ തുറന്നപ്പോൾ കാണുന്നത് തന്നെ നോക്കിയിരിക്കുന്ന ഒരു ചേച്ചിയാണ് . അവൾ മൊത്തത്തിൽ ഒന്ന് നോക്കി തൻറെ വേഷവും താനിപ്പോൾ കാറിൽ ആണെന്നും ബോധ വന്നു ഇന്ന് തന്റെ വിവാഹമായിരുന്നു എന്ന് അവൾക്ക് ഓർമ്മവന്നു എന്നാൽ ഞാൻ ഇത്രയും നേരം വണ്ടിയിൽ കരഞ്ഞ് ഉറങ്ങി പോയെന്ന് ചിന്തിച്ചപ്പോൾ അവൾക്ക് ഭയമേറി . അവൾ ഞെട്ടി തന്റെ വലതുവശത്തോട്ട് നോക്കി എന്നാൽ അവിടെ ശൂന്യമായിരുന്നു. എന്താ നോക്കുന്നത് ? അഭി പുറത്തുണ്ട് ? ഡോർ തുറന്നു വെച്ചുകൊണ്ടാണ് അവർ അവളോട് സംസാരിച്ചത്. """"തൻ്റെ ജീവിതത്തിലെ മധുരം മായ ഓർമ്മകളാണ് കഴിഞ്ഞു പോയതെന്ന് ലച്ചുവിന് മനസ്സിലായി ""”""" ലച്ചു മുഖം രണ്ടു കൈകൾ കൊണ്ട് അമർത്തിത്തുടച്ചു മെല്ലെ സാരി ഒതുക്കി കാറിൽ നിന്ന് ഇറങ്ങി . ഒരുപാട് പേര് തന്നെ നോക്കി നിൽക്കുന്നത് പോലെ അവൾക്ക് തോന്നി അത് സത്യം തന്നെയായിരുന്നു ആ കുടുംബത്തിലുള്ള എല്ലാവരും ഉണ്ടായിരുന്നു അവിടെ ' ' എന്നാൽ ലച്ചുവിന് മുഖമുയർത്തി നോക്കാൻ ഭയമായി എടി പെണ്ണേ.... ഇങ്ങോട്ട് നിന്നെ...... അവരുടെ അമ്മ വന്ന് പറഞ്ഞു അവരുടെ ശബ്ദത്തിൽ അവൾ വിറച്ചുപോയി..അവൾ മെല്ലെ മുന്നോട്ട് നിന്നു . എന്നാൽ തന്റെ തൊട്ടടുത്ത് നിൽക്കുന്ന ആളെ മുഖമുയർത്തി നോക്കാൻ അവൾക്ക് പേടിയായി അവളുടെ ശരീരം വിറകൊള്ളുന്നുണ്ടായിരുന്നു. ' അപ്പോഴാണ് മുമ്പിൽ നിന്ന് ആരതി ഉഴിയുന്നത് കണ്ടത് 'എന്നാൽ അത് തനിക്ക് നേരെയല്ല തന്റെ തൊട്ടടുത്ത് നിൽക്കുന്ന ആളുടെ നേരെ മാത്രമാണെന്ന് അവൾ വേദനയോടെ മനസ്സിലാക്കി. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/51471/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ