#અમે સુરતી #💥 સુરત અપડેટ્સ #સુરત #સુરત સમાચાર #📰 5 ડિસેમ્બર ના સમાચાર સુરતના સિંગણપોર વિસ્તારમાં રહેતી 22 વર્ષીય કોલેજ વિદ્યાર્થિની સાથે સોશિયલ મીડિયા સ્નેપચેટ મારફતે થયેલી મિત્રતા બાદ ગંભીર શોષણની ઘટના સામે આવી છે. પોલીસ તપાસ મુજબ એક પરિણીત વ્યક્તિએ યુવતી સાથે મિત્રતા કરીને પોતે અપરિણીત હોવાનું કહી વિશ્વાસ જીત્યો હતો. આરોપી આશરે 38 વર્ષનો છે અને એક પુત્રીનો પિતા હોવાનું તપાસમાં બહાર આવ્યું છે. વિશ્વાસ જીત્યા બાદ આરોપીએ યુવતી સાથે શારીરિક સંબંધ બાંધ્યા અને લગ્ન કરવાનો વિશ્વાસ આપતો રહ્યો. બાદમાં યુવતીએ લગ્ન માટે દબાણ કરતા આરોપીએ પોતે પહેલેથી જ પરિણીત હોવાનું સ્વીકાર્યું હતું, જેના કારણે યુવતીએ સંબંધ તોડી નાખવાનો નિર્ણય લીધો હતો. સંબંધ તૂટતા આરોપીએ યુવતીના ખાનગી ફોટા અને વીડિયો વાયરલ કરવાની ધમકી આપી બ્લેકમેલ કરવાનું શરૂ કર્યું હતું. ફરિયાદ મુજબ આરોપીએ યુવતીને બદનામ કરવાની ધમકી આપી પોતાના નાના ભાઈ સાથે લગ્ન કરવા માટે દબાણ કર્યું હતું. પરિવારને હકીકતથી અજાણ રાખી લગ્ન સામાન્ય રીતે ગોઠવાયેલા હોવાનું દર્શાવવામાં આવ્યું હતું. લગ્ન બાદ પણ આરોપી દ્વારા યુવતીને સતત ધમકી આપી બળજબરીથી સંબંધ બાંધવામાં આવતા યુવતી માનસિક રીતે તૂટી ગઈ હતી. સતત શોષણથી કંટાળીને યુવતીએ અંતે હિંમત કરીને સિંગણપોર પોલીસ મથકે ફરિયાદ નોંધાવી હતી. પોલીસે ફરિયાદના આધારે આરોપીની ધરપકડ કરી રિમાન્ડ મેળવી વધુ તપાસ શરૂ કરી છે. પોલીસ દ્વારા આ કેસમાં અન્ય કોઈ સંડોવણી છે કે નહીં તેની પણ તપાસ ચાલી રહી છે. #SuratCrime #WomenSafety #SocialMediaCrime #GujaratCrime #SuratPolice Surat Singanpor Crime News, Social Media Crime Case India, Snapchat Crime Surat, Women Exploitation Case Gujarat, Blackmail Crime India, Latest Surat Police Action Married Man Traps College Girl Via Social Media Exploitation Case Surat Arrested