कुठल्याही गनिमास न जुमानता मराठे घोडदौड करू लागले अन बस जिथेतीथे एकच वाक्य, “हुजूर, मरहट्टे आ गये”.........🚩 ● सेनापती धनाजी जाधवराव-प्रत्यक्ष कार्यास प्रारंभ : बहलोलखानाविरूद्ध नेमणूक सन १६७२ : सन १६७२ मध्ये शिवरायांचा विजापूरकरांशी संघर्ष सुरू झाला. आदिलशाही सरदार अब्दुल करीम बहलोलखान १२ हजार स्वारानिशी स्वराज्यावर चाल करून आल्याची बातमी राजास कळताच प्रतापरावास हुकूम केला की.., “विजापूरचा बेलोलखान येवढा वळवळ बहुत करीत आहे. त्यास मारून फत्ते करावे.” (हेरवाडकर-कित्ता, पृ.६९) त्या प्रमाणे सेनापती प्रतापरावाने मराठा सैन्य व सोबत आनंदराव, संताजी घोरपडे व धनाजी जाधव यांना घेतले. अब्दुल करीम बहलोलखान हा मोगलांच्या मदतीने शिवरायांना नेस्तनाबूत करण्याच्या खटपटीस लागला होता. तेव्हा त्याचे मनोरथ हाणून पाडण्यासाठी मराठ्यांचे सैन्य सज्ज झाले. प्रतापरावाने आपल्या सहकार्यासह वाई ते तुंगभद्रा नदीपर्यंतचा प्रदेश आणि पश्चिम समुद्रकिनाऱ्याने विजापूर हद्दीपर्यंत सर्वत्र मराठ्यांचा अंमल प्रस्थापित करण्यास प्रारंभ केला. ते खानास समजताच तो मोठ्या वेगाने प्रतापरावावर चालून गेला.. ● उमराणी संघर्षात धनाजी जाधवांचा पराक्रम १५ एप्रिल १६७३ : अली आदिलशहाच्या मृत्यूनंतर (२४ नोव्हेंबर १६७२) सिकंदरशहा हा त्याचा चार वर्षाचा मुलगा सत्तारूढ झाला. दरबारातील गटबाजीत खवासखानाने सर्व सत्ता आपल्या हाती घेतली. सर्वत्र अराजक पसरले होते. याचा फायदा घेऊन शिवरायांनी विजापूरकरांचा पन्हाळा किल्ला जिंकून घेतला. (६ मार्च १६७३) पन्हाळगड परत हस्तगत करण्यासाठी खवासखानाने बहलोलखानाची नियुक्ती केली. त्याप्रमाणे तो मराठ्यांवर चालून आला.. प्रतापराव व खानाची गाठ उमराणी येथे पडली. (Deopujari M.B.1973 : Shivajiraje and the Maratha Art of war, P. 155-157) दोन्ही पक्षात घनघोर युद्ध होऊन त्यात बहलोलखानाचा पराभव झाला. तीन प्रहरपर्यंत युद्ध झाले. शत्रुचे बरेच सैन्य मारले गेले. एका हत्तीचा पाडाव केला. अनेक कैदी मिळाले. यावेळी प्रतापरावांसोबत विसोजी शिंदे, विठ्ठल पिलदेव, कृष्णाजी भास्कर, आनंदराव व सिद्दी हिलाल वगैरे सरदार होते. ही लढाई १५ एप्रिल १६७३ ला झाली. त्यात बहलोलखान प्रतापरावास शरण आला.. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त