रायगड जिल्ह्यात महाड तालुक्यातील पिंपळवाडी गावातला “किल्ला कांगोरी गड/मंगळगड”...🚩 रायगड जिल्ह्यामधील काही किल्ले हे सर्वसामान्य आणि डोंगर भटक्यांना चिरपरिचित आहेत तर काहींची ओळखही अनेकांना नाही अशाच किल्ल्यापैकी असलेला किल्ला म्हणजे कांगोरीगड... कांगोरी गड चंद्रराव मोर्‍यांनी जावळीच्या खोर्‍यात बांधला त्याचा उपयोग घाटमार्गाच्या संरक्षणासाठी व टेहाळणीसाठी केला गेला.. जानेवारी १६५६ रोजी शिवाजी महाराजांनी जय्यत तयारीनीशी जावळीवर हल्ला केला व जावळी ताब्यात घेतली त्याबरोबर कांगोरी गड, ढवळगड, रायरी किल्लेही महाराजांच्या ताब्यात आले मुरारबाजी सारखा कसलेला योध्दा मिळाला कांगोरीगडाची डागडूजी करुन त्याचे नाव बदलून ‘‘मंगळगड’’ ठेवले... स्वराज्यांची राजधानी रायगडच्या जवळ असल्यामुळे याचा उपयोग राजकीय गुन्हेगारांना तुरुंगवासात ठेवण्यासाठी केला गेला.. संभाजी महाराजांचा वध केल्यावर औरंगजेबाने इतकादरखान उर्फ जुल्फीकारखानास रायगड घेण्यास सांगितले रायगडची नाकेबंदी करण्यासाठी मार्च १६८९ मध्ये खानाने आजूबाजूचे किल्ले व प्रदेश ताब्यात घेतला त्यावेळी मंगळगड मोघलांच्या ताब्यात गेला इ.स १६९० मध्ये छत्रपती राजाराम महाराजांचे अमात्य रामचंद्रपंत यांनी ‘मंगळगड’ जिंकून घेतला इ.स १८१७ मध्ये सरदार बापू गोखल्यांनी मद्रास रेजीमेंट मधील कर्नल हंटर व मॉरीसन या इंग्रज अधिकार्‍यांना अटक करुन मंगळगडावर तुरुंगवासात ठेवले होते इ.स १८१८ मध्ये कनेल पॉथर या इंग्रजाने हा किल्ला जिंकला... सह्याद्रीतल्या घाटमार्गावर लक्ष ठेवण्यासाठी अनेक किल्ले बांधले गेले त्यापैकी मंगळगड/ कांगोरीगड जावळीच्या खोर्‍यातील एका उंच पहाडावर बांधण्यात आला महाबळेश्वर, मकरंदगड, मंगळगड, चंद्रगड, प्रतापगड, कावळा किल्ला व पारघाटाचे प्रचंड पहाड यांच्या दाटीत जावळीच खोर वसलेल आहे हा भाग उंच पहाड घनदाट जंगल व खोल दर्‍यांनी नटलेला आहे... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त