“अलंगगड, मदनगड आणि कुलंगगड” हे अहमदनगर जिल्ह्यातील अकोले तालुक्यात सह्याद्री पर्वताच्या उत्तर डोंगररांगांत आहेत प्रवरानदी रतनगड आणि अलंग डोंगररांगातच उगम पावते... त्यातील अलंगगडावरील पाणी व्यवस्थापन ११ टाकी समुह : शिवरायांनी अनेक नवे किल्‍ले बांधले व काही जुन्या किल्ल्यांची दुरुस्ती केली त्यामुळे शिवरायांचे जलव्यवस्थापन प्रामुख्याने गडकिल्ल्यांशी संबंधीत राहिले.. शिवनीती म्हणून प्रसिद्ध ‘आज्ञापत्र’ या ग्रंथात रामचंद्र पंत अमात्य म्हणतात.., गडावर आधी उदक पाहून किल्‍ला बांधावा.. पाणी नाही आणि तो स्थळ आवश्यक बांधणे प्राप्‍त झाले तरी आधी खडक फोडून तळी, टाकी पर्जन्य काळापर्यंत संपूर्ण गडास पाणी पुरेल अशी मजबूत बांधावी गडावर झराही आहे जसे तसे पाणीही पुरते म्हणून तितकियावरीच निश्‍चिती न मानावी निमित्य की, झुंजामध्ये भांडियाचे (तोफेच्या) आवाजाखाली झरे स्वल्प होतात आणि पाणीयाचा खर्च विशेष लागतो तेव्हा संकट पडते याकरिता तसे जागी जखिरियाचे (जादा साठ्याचे राखीव) म्हणून दोन-चार टाकी तळी बांधावी त्यातील खर्च होऊन द्यावे गडाचे पाणी बहूत जतन राखावे.. शिवकाळात गडकिल्ल्यावर पाण्याची काळजी किती काटेकोरपणे घेतली जात असे यावर प्रकाश टाकण्यास वरील उतारा पुरेसा आहे... या टाक्यातील खडकातून पाझरत पाणी येत असल्याने त्यात जमिनीतील क्षार मिसळलेले असतात त्यामुळे ते चविष्ठ व थंडगार असते एखादा किल्‍ला भर उन्हात चढून वर गेल्यावर वरील टाक्यातील थंडगार पाणी पिण्याने आपले मन समाधान पावते व गड नव्या जोमाने बघण्यासाठी आपण सज्ज होत असतो... ♥️🔥 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त