१४ मार्च १६६५... शिवाजी महाराजांच्या बार्सीलूरहून तेथील राजकारण साधून महाराजांच्या परतीच्या प्रवासाची हकिगत कारवारकरांनी १४ मार्च १६६५ ला सुरतेस कळविली आहे. त्यात ते लिहितात : “फेब्रुवारीच्या आरंभी ८५ लहान व ३ मोठी गलबते घेऊन शिवाजी महाराज मालवणातून बाहेर पडले, ते गोव्यावरून काहीही विरोध झाल्याशिवाय बार्सीलोरपर्यत जाऊन ते बंदर भरपाई वसूल गोकर्णाला परत आले. तेथे तीर्थयात्रा संपादून ४००० पायदळासह तो अकोल्याला आले. तेथून सर्व आरमार पाठवून देऊन जमिनी वरून स्वदेशांत जाताना वाटेत लागणाऱ्या नद्या तरून जाण्यापुरती १२ छोटी तरांडी त्यांने रोखून ठेविली. २२ फेब्रुवारीला ते कारवारला आले. परंतु हेरांकडून आधीच बातमी कळल्यामुळे आम्हाला सावध होऊन एका गलबतावर माल भरून सुरक्षित राहात आले... शिवाजीराजेंचे मोठे आरमार आदल्या दिवशीच निघून गेले होते आणि तशीच जरूर वाटल्यास गलबत हाकारून आम्हाला वाटेल त्या बंदरात नेऊन सोडण्याचे त्या गलबतवाल्या मस्कतच्या इसमाने आम्हाला वचन दिले होते. आम्ही गलबतावर चढलो, त्याच रात्री बहलोलखानाचा दुय्यम शेरखान तेथे आला. त्याला शिवाजी महाराजांबद्दल आधी खबर नव्हती. तो बहलोलखानाच्या आईला मक्केला जाण्यासाठी रुस्तुमजमाचे एखादे गलबत भाड्याने ठरवून देण्याकरिता आला होता. त्याने खाडीचे रक्षण करण्याची कामगिरी आम्हाला सांगून थोड्या वेळात जमली तितकी आत्मरक्षणाची तजवीज केली व शिवाजी महाराजांना आपल्या येण्याची बातमी देऊन शहरांतून जाण्याबद्दल ताकीद पाठविली... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त