#સુરત #અમે સુરતી #💥 સુરત અપડેટ્સ #📰 5 ડિસેમ્બર ના સમાચાર #સુરત સમાચાર સુરતના પાલ–ઉમરા બ્રિજ પર મોડી રાત્રે ગંભીર અકસ્માત સર્જાયો હતો. મળતી માહિતી મુજબ હોન્ડા કંપનીની WR-V કાર (GJ 19 AM 8976)ના ચાલક ડૉ. વિરલકાંત નલિનકાંત ચૌધરીએ વાહન પરનો કાબૂ ગુમાવતા બ્રિજ પર જઈ રહેલા એક ટેમ્પો અને બે બાઈકને અડફેટે લીધા હતા. આ અકસ્માતમાં કુલ 5 લોકો ઇજાગ્રસ્ત થયા હતા, હિમ્મતભાઈ બોરીચાને મૈત્રી હોસ્પિટલ વેસુ ખાતે ખસેડાયા, ભાવીકાબેન ચુડાસમા અને પ્રકાશસિંહને સિવિલ હોસ્પિટલમાં સારવાર માટે લઈ જવાયા, પારૂલબેન રાઠોડ અને મનીષાબેન રાઠોડને સાયોના હોસ્પિટલ પાલ ખાતે ખસેડાયા. સદનસીબે કોઈને ગંભીર ઈજા પહોંચી નથી. પ્રાથમિક તપાસ મુજબ ડૉ. વિરલકાંત ચૌધરી લાઇફ લાઇન હોસ્પિટલ અને વિનસ હોસ્પિટલ સાથે જોડાયેલા છે. તેઓ સુદીપ હોસ્પિટલમાં લાંબી સર્જરી પૂર્ણ કરી ઘરે પરત ફરી રહ્યા હતા ત્યારે અતિશય થાકને કારણે બ્રિજ ઉતરતી વખતે તેમને ઝોકું આવી ગયું હતું. ગભરાટમાં બ્રેકની જગ્યાએ એક્સીલિટર દબાઈ જતા કાર બેકાબૂ બની હતી. પાલ પોલીસે ડૉ. વિરલકાંતની અટકાયત કરી આગળની તપાસ શરૂ કરી છે. પોલીસે કાર અને અન્ય વાહનો કબજે કરી સીસીટીવી ફૂટેજ એકત્ર કરવાની કાર્યવાહી હાથ ધરી છે. પોલીસની પ્રાથમિક તપાસ મુજબ, અકસ્માત સમયે ડોક્ટર નશાની હાલતમાં ન હોવાનું જાણવા મળ્યું છે, પરંતુ વધુ ખાતરી માટે તેમનું મેડિકલ પરીક્ષણ કરવામાં આવ્યું હતું. ડોક્ટરના જણાવ્યા અનુસાર, લાંબી સર્જરી અને થાકને કારણે બ્રિજ ઉતરતી વખતે તેમને અચાનક ઝોકું આવી ગયું હતું, જેના કારણે સમયસૂચકતા ગુમાવી બેઠા હતા. પાલ પોલીસે ઘટનાસ્થળના પંચનામાની કામગીરી પૂર્ણ કરી છે અને અકસ્માતગ્રસ્ત હોન્ડા કાર તેમજ અન્ય વાહનોને કબજે કર્યા છે. પોલીસ દ્વારા ડોક્ટર વિરલકાંતની અટકાયત કરવામાં આવી છે અને તેમની હોસ્પિટલ ડ્યુટીના સમયગાળા તેમજ અકસ્માતના ચોક્કસ સમયની ક્રોસ-વેરિફિકેશન પ્રક્રિયા શરૂ કરવામાં આવી છે. પાલ પોલીસે બ્રિજ પર લાગેલા સીસીટીવી ફૂટેજ એકત્ર કરવાની તજવીજ હાથ ધરી છે જેથી અકસ્માતની ચોક્કસ તીવ્રતા અને ક્રમ જાણી શકાય. ઈજાગ્રસ્ત પાંચેય વ્યક્તિઓના નિવેદન લેવાની પ્રક્રિયા પણ શરૂ કરી દેવામાં આવી છે. પોલીસે ડોક્ટર વિરલકાંતના ડ્રાઈવિંગ લાયસન્સ અને વાહનના દસ્તાવેજોની ચકાસણી કરી છે. હાલમાં પોલીસે બેદરકારીપૂર્વક વાહન ચલાવવાના ગુના હેઠળ આગળની કાયદેસરની કાર્યવાહી શરૂ કરી છે. મોડી રાત્રે બનેલી આ ઘટનામાં વધુ પુરાવા મેળવવા માટે FSLની મદદ લેવાય તેવી પણ શક્યતા છે, જેથી ટેકનિકલ કારણોસર અકસ્માત થયો છે કે કેમ તેની સ્પષ્ટતા થઈ શકે. #SuratNews #PalUmraBridge #SuratAccident #BreakingNews #SuratPolice Surat Pal-Umra Bridge Accident: Doctor’s Car Hits 3 Vehicles, 5 Injured