എന്താ മിസ്സ് ദേവഭദ്ര... എന്താ നിന്റെ തീരുമാനം ഞാൻ പറഞ്ഞ കണ്ടിഷൻസ് എല്ലാം ഓക്കേയാണേൽ ഈ നിമിഷം നിന്റെ ബാങ്ക് അക്കൗണ്ടിലേക്ക് ക്യാഷ് ക്രെഡിറ്റ് ആകും.. നീ ആഗ്രഹിക്കുന്ന പോലെ നിന്റെ അമ്മയുടെ സർജറി കൃത്യസമയത്തു തന്നെ നടക്കുകയും ചെയ്യും. അതല്ല നിന്റെ മറുപടി നോ എന്നാണെങ്കിൽ. അവനൊന്നു നിർത്തി അവളെ നോക്കി. എല്ലാം കേട്ട് തകർന്നവളെ പോലെ നിൽക്കുവാണ് ദേവഭദ്ര. ഈ ശിവരഞ്ജന്റെ ഒരു വർഷത്തെ കോൺട്രാക്ട് ഭാര്യയാകാൻ നിനക്ക് സമ്മതമല്ലെങ്കിൽ അകത്ത് കിടക്കുന്ന നിന്റെ അമ്മയെ. എനിക്ക് സമ്മതമാണ്. ആഗ്രഹിച്ചത് എന്തോ കേട്ടത് പോലെ അവന്റെ ചുണ്ടിലൊരു ഗൂഢമായ പുഞ്ചിരി വിടർന്നു.. എങ്കിൽ ഒരുങ്ങിക്കോ മഠത്തിൽ ശിവരെഞ്ജന്റെ ഭാര്യയായി അഭിനയിക്കാൻ. തന്റെ ലക്ഷ്യം നേടിയതിന്റെ സംതൃപ്തിയിൽ നടന്ന് നീങ്ങുന്നവനെ കണ്ട് എല്ലാം തകർന്നവളെ പോലെ ചുമരിലേക്ക് ചാരി നിന്നവൾ എനിക്ക് സമ്മതമാണ്. ആഗ്രഹിച്ചത് എന്തോ കേട്ടത് പോലെ അവന്റെ ചുണ്ടിലൊരു ഗൂഢമായ പുഞ്ചിരി വിടർന്നു.. എങ്കിൽ ഒരുങ്ങിക്കോ മഠത്തിൽ ശിവരെഞ്ജന്റെ ഭാര്യയായി അഭിനയിക്കാൻ. തന്റെ ലക്ഷ്യം നേടിയതിന്റെ സംതൃപ്തിയിൽ നടന്ന് നീങ്ങുന്നവനെ കണ്ട് എല്ലാം തകർന്നവളെ പോലെ ചുമരിലേക്ക് ചാരി നിന്നവൾ. ഓർമ്മ വെച്ച് നാൾ മുതൽ അമ്മയാരുന്നു തനിക്ക് എല്ലാം. എന്റെ ചെറുപ്പത്തിൽ തന്നെ അച്ഛൻ മരിച്ചത് കൊണ്ട് അമ്മ ഒരുപാട് കഷ്ടപ്പെട്ടാണ് വളർത്തി വലുതാക്കി ഇവിടം വരെ എത്തിച്ചത്. അച്ഛന്റെ വീട്ടുകാരുടെയോ അമ്മയുടെ വീട്ടുകാരുടെയോ ആരുടേയും സഹായത്തിനു പോകാതെ ഓരോ വീട്ടിലും അടുക്കള പണി ചെയ്തു ഡിഗ്രി വരെ പഠിപ്പിച്ചു എടുത്തു. ഡിഗ്രി അവസാനവർഷ പരീക്ഷയും എഴുതി റിസൾട്ടും കാത്തിരിക്കുന്ന സമയത്താണ് അമ്മക്ക് പെട്ടന്നൊരു നെഞ്ച് വേദന വരുന്നതും ഇവിടുത്തെ ഹോസ്പിറ്റലിൽ അഡ്‌മിറ്റ് ആക്കുന്നത്.. ഇത്രയും നാളിനിടെ ഒരു പനി വന്ന് പോലും അമ്മയെ ഹോസ്പിറ്റലിൽ കിടത്തേണ്ടി വന്നിട്ടില്ല.. ഇവിടെ കൊണ്ട് വന്നപ്പോൾ സത്യത്തിൽ സർവ്വ ദൈവങ്ങളെയും വിളിച്ചു പോയി. മനസ്സിൽ ഉരുണ്ടു കൂടിയ ഭയം സത്യമാകും പോലെയാരുന്നു പിന്നീട് നടന്നതൊക്കെ.. ആകെ മൊത്തം തന്റെ ജീവിതം ഒരു നിമിഷം കൊണ്ട് മാറ്റി മറിച്ചിരുന്നു. നോക്ക് ഭദ്രേ തന്റെ അമ്മക്ക് എത്രയും വേഗം ഒരു മേജർ സർജറി വേണം.. അയ്യോ ഡോക്ടർ. ഭദ്ര ഞെട്ടലോടെ വാ പൊത്തി കരഞ്ഞു പോയി . ഭദ്രേ താൻ ഇങ്ങനെ കരഞ്ഞാൽ എങ്ങനെയാ. അമ്മക്ക് ധൈര്യം കൊടുക്കേണ്ടതും കൂടെ നിൽക്കേണ്ടതും മകളായ താനല്ലേ... ഡോക്ടർ ഞാൻ എനിക്ക്.. അവൾക്കു എന്താ പറയേണ്ടത് എന്ന് കൂടി അറിയില്ലാരുന്നു.. ജീവിതത്തിൽ തനിക്ക് സ്വന്തമെന്നു പറയാൻ ആകെയുള്ളത് അമ്മയാണ്..ആ അമ്മയാണ് ഇങ്ങനെ ജീവിതത്തിനും മരണത്തിനും ഇടയിൽ. ഭദ്രേ.. ആലോചിച്ചിരിക്കാൻ നമ്മുടെ മുന്നിൽ സമയമില്ല.. തന്റെ തീരുമാനം പോലെയാണ് അമ്മയുടെ ജീവൻ.. ഡോക്ടർ പറയുന്നത് പോലെ. എന്തിനും എനിക്ക് സമ്മതമാണ്.. എനിക്ക് എന്റെ അമ്മയെ ഒരു കുഴപ്പവുമില്ലാതെ പഴയ പോലെ വേണം. തൊഴു കൈകളോടെ തനിക്ക് മുന്നിൽ ഇരിക്കുന്ന ഇരുപതോ ഇരുപത്തിരണ്ടോ വയസ്സ് മാത്രം പ്രായമുള്ള പെൺകുട്ടിയോട് അയാൾക്കു അലിവ് തോന്നി പക്ഷേ ഒരു പ്രശ്നമുണ്ട്.. എന്താ ഡോക്ടർ എന്താ പ്രശ്ന‌ം.. അവളുടെ കണ്ണുകളിൽ പേടി നിറഞ്ഞു. അമ്മക്ക് എന്തെങ്കിലും സംഭവിക്കുമോന്നുള്ള ഭയത്താൽ അവളുടെ നെഞ്ചിടിപ്പ് ഏറി. പറയും പോലെ അത്ര എളുപ്പമല്ല ഭദ്രേ ഓപ്പറേഷൻ കാര്യം. അതിനു നല്ലൊരു തുക വേണം. എത്രയാ ഡോക്ടർ പിന്നീട് ഡോക്ടർ പറഞ്ഞ തുക കേട്ട് ഭദ്ര ഞെട്ടലോടെ ഇരുന്ന് പോയി.. ഇത്.. ഇത്രയും വലിയ തുക.. നുള്ളി പെറുക്കിയാൽ പോലും രണ്ടോ മൂന്നോ ലക്ഷം കാണും. ആരോടെങ്കിലും ചോദിക്കാമെന്നു വെച്ചാൽ ആരോട് ചോദിക്കാൻ അങ്ങനെ സഹായിക്കാൻ മാത്രം ആരുമില്ല.. കുറ്റം പറയാനും കുഴിയിൽ ചാടിക്കാനുമല്ലാതെ ബന്ധുക്കളെ കൊണ്ട് ഒരു ഉപകാരവുമില്ല. അങ്ങനെയുള്ളപ്പോൾ ആര് ഇത്രയും വലിയ തുക തന്ന സഹായിക്കാൻ ആണ്.. അവളുടെ മുഖത്തേക്ക് രവി ഡോക്‌ടർ പതിയെ നോക്കി.. ഇതാണ് പറ്റിയ അവസരം അയാൾ മനസ്സിൽ കണക്ക് കൂട്ടി കൊണ്ട് ഒന്ന് മുരട് അനക്കി. എനിക്ക് അറിയാം തന്നെ കൊണ്ട് ഇത്രയും വലിയ തുകയൊന്നും പറ്റില്ലെന്ന്. പക്ഷേ അമ്മയുടെ ഓപ്പറേഷൻ നടക്കുകയും വേണം. ഡോക്ടർ എന്താ പറഞ്ഞ് വരുന്നതെന്ന് പോലെ അവൾ അയാളുടെ മുഖത്തേക്ക് നോക്കി.. എങ്ങനെയും അമ്മയുടെ ഓപ്പറേഷൻ നടക്കണം എന്നൊരു ചിന്ത മാത്രമേ അവളുടെ മനസ്സിൽ ഉണ്ടായിരുന്നുള്ളു. എന്താ ഡോക്ടർ. ഇത്രയും വലിയ തുക തന്ന സഹായിക്കാൻ നമുക്കൊരാളുണ്ട് പക്ഷേ ഒരു കുഴപ്പമുണ്ട്. എന്താണെങ്കിലും ഡോക്ടർ പറഞ്ഞോ എന്റെ അമ്മയുടെ ജീവനേക്കാൾ വലുതല്ല എനിക്ക് മറ്റൊന്നും..എനിക്ക് അറിയാം ഇത്രയും വലിയൊരു തുക വെറുതെ തന്ന ആരും സഹായിക്കില്ലെന്നു.. തിരിച്ചു എന്നെകൊണ്ട് പറ്റുന്നത് എന്താണോ അത് ഞാൻ ചെയ്യും.. ഗുഡ്.. രവിയുടെ മുഖത്തൊരു പുഞ്ചിരി വിടർന്നു.. ഭദ്രയുടെ മറുപടിയിൽ രവിയുടെ മുഖം തെളിഞ്ഞു. ഇതിലൂടെ തനിക്ക് വന്ന് ചേരാൻ പോകുന്ന കാശിന്റെ കണക്കോർത്തപ്പോൾ തന്നെ മുന്നിൽ ഇരിക്കുന്നവളുടെ ജീവിതം എന്തായിതീരുമെന്ന് പോലും അയാൾ ഓർത്തില്ല. അല്ലേൽ അതിന്റെ ആവിശ്യം ഉണ്ടെന്ന് അയാൾക്കു തോന്നിയില്ലെന്നുള്ളതാണ് സത്യം. ഭദ്രക്ക് ഒരു sh ഗ്രൂപ്പിനെക്കുറിച്ച് അറിയാമോ..ഈ ഹോസ്പിറ്റലൊക്കെ അവരുടേതാണ്. രവി പറഞ്ഞതും അറിയാമെന്ന പോലെ അവൾ തലയാട്ടി. അതിന്റെ ഇപ്പോഴത്തെ സാരഥി ശിവരെഞ്ജനയോ. ബാക്കി ഞാൻ പറഞ്ഞോളാം ഡോക്‌ടർ രവിവർമ്മ... അകത്തേക്ക് വരുന്ന ആളെ കണ്ടതും രവി ബഹുമാനത്തോടെ ഉള്ളിലെ പേടി മറച്ചു കൊണ്ട് ഇരുന്നിടത്തു നിന്ന് എഴുന്നേറ്റു. ആരാണ് എന്താണെന്നു മുഖമുയർത്തി നോക്കും മുന്നേ അവളുടെ കൈകൾ അവൻ കവർന്നിരുന്നു.. ഏയ്.. വിട് എന്നെ ഉടുമ്പു പോലെ പിടിച്ചിരിക്കുന്ന അവന്റെ കൈകളുടെ മുറുക്കത്തിൽ തന്റെ കൈ പൊട്ടി പോകും പോലെ തോന്നിയവൾക്കു. മുന്നോട്ട് നടക്കും തോറും തികഞ്ഞ നിശബ്ദ‌തയിൽ അവന്റെ ബൂട്ടിന്റെ ശബ്ദം മാത്രം ഉയർന്നു കേട്ടു.. അവൾ പേടിയോടെ അവന്റെ കൈ വിടുവിക്കാൻ ശ്രമിക്കും തോറും അത് മുറുകി കൊണ്ടിരുന്നു... ഒടുവിൽ ഒരു വലിയ ഡോർ തുറന്ന് അവളെയും കൊണ്ടാവൻ അകത്തേക്ക് കേറിയതും അവളുടെ കൈ വിട്ടു. കൈ പറിഞ്ഞു പോകുന്ന വേദനയിൽ അവളുടെ കണ്ണുകൾ ആദ്യം പോയത്കൈയിലേക്കാണ്.. സഹിക്കാൻ കഴിയാത്ത വേദന.. .. കാതിലേക്കു തുളിഞ്ഞ കേറുന്ന ശബ്ദം കേട്ടാണ് ഞെട്ടലോടെ അവൾ മുന്നിൽ നിൽക്കുന്നവനെ നോക്കിയതും.. കൈയുടെ വേദന കൊണ്ട് ചുറ്റിനും ഉള്ളതൊക്കെ മറന്ന് പോയിരുന്നവൾ. ഭംഗിയിൽ വെട്ടിയൊതുക്കിയ താടിയും മുടിയും.. നന്നേ വെളുത്ത നിറം.. കണ്ണുകൾക്കൊരു ഒരു ഇളം ചാര നിറമാണ്.. അത് പക്ഷെ ദേഷ്യത്തോടെ കൂർത്തു നിൽക്കുവാണ്.. എന്താടി കഴിഞ്ഞോ എന്റെ സൗന്ദര്യം കണ്ട്. അവന്റെ ദേഷ്യത്തോടെയുള്ള ചോദ്യം കേട്ടതും അവൾ ഞെട്ടലോടെ അവനിൽ നിന്ന് മുഖം മാറ്റി. ഞാൻ ആരാണെന്നു മനസ്സിലായോ നിനക്ക്.. മ്മ് അവൾ മെല്ലെ തലയാട്ടി.. അത്ര വലിയ പേടിയോ അതിശയമോ ഒന്നും തന്നെ അവൾക്കു തന്നെ കണ്ടിട്ട് ഇല്ലെന്നു കണ്ടതും അവന്റെ മുഖം മാറി.. എങ്ങനെ.. അത്.. ഡോക്ടർ പറഞ്ഞപ്പോൾ കേറി വന്നില്ലേ.. ഞാൻ പറഞ്ഞോളാമെന്നു പറഞ്ഞില്ലേ അപ്പോൾ മനസ്സിലായി. അവന്റെ മുഖത്തൊരു പരിഹാസം നിറഞ്ഞു. ഓ.. എന്നിട്ട് നീ എന്ത് തീരുമാനിച്ചു. കൈ കെട്ടി അവൾക്കു അടുത്തേക്ക് നീങ്ങി നിന്ന് കൊണ്ടവൻ തീക്ഷണമായ കണ്ണുകളോടെയാണ് സംസാരിക്കുന്നതു. അവൾക്കു പക്ഷെ ഒന്നും തന്നെ തോന്നിയില്ല.. തന്റെ അമ്മ.. അമ്മയുടെ ജീവൻ എങ്ങനെയും രക്ഷിക്കണം അത് മാത്രമായിരുന്നു അവളുടെ മനസ്സിൽ. അതിന് ഇടയിൽ മുന്നിൽ നിൽക്കുന്നവൻ പോലും അവൾക്കൊരു പ്രശ്‌നമായിരുന്നില്ല.. എനിക്ക് എന്റെ അമ്മയെ വേണം.. മ്മ്.. നിനക്ക് നിന്റെ അമ്മയുടെ ജീവൻ ആണ് വലുതെങ്കിൽ നീ എനിക്ക് ഒരു ഒരു വർഷത്തേക്ക് നിന്റെ ജീവിതം എഴുതിത്തരണം.. അവൻ എന്താണ് പറഞ്ഞു വരുന്നതെന്ന് അറിയാതെ അവളവനെ നോക്കി. ഒരു വർഷത്തേക്ക് നിയമപരമായി നീ എന്റെ ഭാര്യയാകണം.. നോ ശൂ അവളുടെ ചുണ്ടിലേക്ക് അവൻ തൻ്റെ വിരൽ കുറുകെ വെച്ച്.. അവളുടെ കണ്ണിലെ പിടപ്പും നെഞ്ചിലെ പേടിയും ആകെ മൊത്തം ഞെട്ടിയുള്ള നിൽപ്പുമൊക്കെ ഒരു നിമിഷം നോക്കി നിന്നവൻ. നിനക്ക് നിന്റെ അമ്മയുടെ ഓപ്പറേഷൻ നടക്കണോ അതോ.. വേണമെന്ന് അവൾ തലയാട്ടി. എങ്കിൽ ഞാൻ പറയുന്നത് അനുസരിക്കണം.. ഒരു വർഷത്തേക്ക് നീ എന്റെ ഭാര്യയായി അഭിനയിക്കണം.. അതായതു നീയും തമ്മിലൊരു കോൺട്രാക്ട് മാര്യേജ്. ഇയാളിതു എന്തൊക്കെയാ പറയുന്നതെന്നുള്ള ഭാവത്തിൽ അവളവന്റെ മുഖത്തെക്ക് നോക്കി.. എന്താ മിസ്സ് ദേവേഭദ്ര.. എന്താ നീ എന്നെ ഇങ്ങനെ നോക്കുന്നത്.. ഞാൻ പറഞ്ഞത്നിനക്ക് ഇനിയും മനസ്സിലായില്ലെന്നുണ്ടോ. എനിക്ക് കുറച്ചു ലക്ഷ്യങ്ങൾ ഉണ്ട് അതിനു എനിക്കൊരു ഭാര്യയെ വേണം.. ഒരു പെണ്ണിന്റെ കൂടെ ജീവിതകാലം മുഴുവൻ ജീവിക്കാനോ സ്നേഹിക്കാനോ ഒന്നും എനിക്ക് കഴിയില്ല അപ്പോൾ പിന്നെ ഞാൻ കണ്ടെത്തിയ മാർഗമാണ് ഈ കോൺട്രാക്ട് മാര്യേജ്. കുറെ നാളായി അതിനു പറ്റിയൊരു ആളെ അന്വേഷിച്ചു നടക്കുകയാരുന്നു ഞാൻ. അപ്പോൾ നീ കരുതും കാശ് എനിക്ക് അതിനു ഒരാളെ കിട്ടാൻ ആരുന്നോ പാടെന്നു.. എടുത്ത് ചാടി ഏതെങ്കിലും ഒരുത്തിയെ പിടിച്ചെന്റെ ഭാര്യയായി അഭിനയിപ്പിക്കാൻ കഴിയില്ലല്ലോ.. കാശ് വാങ്ങുന്നതിന്റെ നന്ദി കാണിച്ചില്ലേലും ഞാൻ പറയുന്നതൊക്കെ അത് പോലെ ചെയ്യുന്നവൾ എങ്കിലും ആകണ്ടേ. അങ്ങനെ ചെയ്യണമെങ്കിൽ അവർക്ക് കാശിനു അത്രയും ആവിശ്യം ഉണ്ടായിരിക്കണം.. അങ്ങനെ ആവിശ്യം ഉള്ള ഒരാളെ തേടി നടന്ന ഒടുക്കം ഒട്ടും പ്രേതീക്ഷിക്കാതെയാ രവി ഡോക്ടർ നിന്റെ പേര് എന്റെ മുന്നിലേക്ക് എത്തിച്ചത്.. അത് കേട്ടതും ചെറിയൊരു ഞെട്ടൽ അവളുടെ മുഖത്തു അവൻ കണ്ടു.. ഇരയെ കിട്ടിയ വേട്ടക്കാരനെ പോലെ അവനവളുടെ മുഖത്തേക്ക് തന്നെ നോക്കി. നിന്റെ അത്രയും കാശിനു ആവിശ്യമുള്ള ആരുമിപ്പോൾ ഉണ്ടാകില്ല. മ്മ്.. അവളൊന്നു മൂളി.. അവൻ പറഞ്ഞത് സത്യമല്ലേ.. ഇത്രയും വലിയ തുക അത് ഉണ്ടേൽ മാത്രമേ അമ്മയുടെ ഓപ്പറേഷൻ നടക്കൂ.. ഓരോ നിമിഷവും അമ്മയുടെ ജീവൻ തന്റെ കയ്യിലാണ്. അമ്മയില്ലാതെ. അവളുടെ തൊണ്ടയിൽ നൊമ്പരം തിങ്ങി വന്നു.. ഇനിയും ഒരുപാട് വലിച്ചു നീട്ടാൻ എനിക്ക് താല്പര്യമില്ല ദേവഭദ്ര.. ഞാനുമായുള്ള ഡീലിന് നിനക്ക് സമ്മതം ആണേൽ ആ നിമിഷം നിന്റെ അക്കൗണ്ടിലേക്കു ക്യാഷ് എത്തും. ഒരു തടസ്സവും കൂടാതെ നിന്റെ അമ്മയുടെ ഓപ്പറേഷൻ വളരെ ഭംഗിയായി നടക്കുകയും ചെയ്യും. ബാക്കി എന്തോ പറയാൻ വന്നെങ്കിലും അവനതു നിർത്തി.. ഇന്ന് മുഴുവൻ നീ ഇരുന്ന് ആലോചിക്കു തീരുമാനം എന്താണെങ്കിലും രവി ഡോക്ടറെ അറിയിച്ചാൽ മതി... അമ്മയുടെ ജീവൻ രക്ഷിക്കാൻ അവളുടെ മുന്നിൽ മറ്റൊരു വഴിയില്ലെന്ന് അവന് അറിയാമായിരുന്നു. നല്ലത് പോലെ ആലോചിക്ക് നീ.. ഇപ്പോൾ നിന്റെ അമ്മയുടെ ജീവൻ നിന്റെ കൈയിലാണെന്നു മറക്കരുത് നീ. വരട്ടെ.. അവനൊരു ഗൂഡമായ ചിരിയോടെ നടന്ന നീങ്ങുന്നതും നോക്കി എല്ലാം തകർന്നവളെ പോലെ നിന്നവൾ.. അവന്റെ ബൂട്ടിന്റെ ശബ്ദ‌ം അകലേക്ക് പോയി മറഞ്ഞിട്ടും അവൾക്കു അവിടുന്ന് അനങ്ങാൻ പോലും കഴിഞ്ഞില്ല.. അകത്തു അവളുടെ തിരുമാനത്തിൽ കഴിയുന്നൊരു ജീവൻ ഏതു നിമിച്ചാവും പൊലിഞ്ഞു പോകാൻ കാത്തു കിടപ്പുണ്ടായിരുന്നു... ശിവരെഞ്ജന്റെ കാലടികൾ അകന്ന് നീങ്ങിയതും തളർച്ചയോടെ ചുമരിലേക്ക് ചാരി നിന്നവൾ. അവൻ പറഞ്ഞിട്ട് പോയതും മരണത്തോട് മല്ലിട്ട് അകത്തു കിടക്കുന്ന തന്റെ അമ്മയുടെ മുഖവുമൊക്കെ അവളെ വല്ലാത്തൊരു അവസ്ഥയിൽ കൊണ്ടെത്തിച്ചു. ഈശ്വരാ.. ഞാൻ ഇനി എന്ത് ചെയ്യും. അയാളോട് എന്ത് തീരുമാനം പറയും ഞാൻ.. എന്റെ അമ്മ.. അവൾ നെഞ്ചിൽ കൈ വെച്ച് വേദനയോടെ നിന്നു. അമ്മയുടെ ജീവൻ എങ്ങനെയും രക്ഷിച്ചേ മതിയാവൂ. അമ്മയുടെ ഓപ്പറേഷൻ നടക്കണമെങ്കിൽ അയാളുടെ ആവിശ്യം ഞാൻ അംഗീകരിക്കണം.. അതെ എനിക്ക് അയാളോട് യെസ് പറയുകയല്ലാതെ മറ്റൊരു വഴിയുമില്ല.. അമ്മയുടെ ഓപ്പറേഷൻ നടക്കണം. പഴയ പോലെ ആരോഗ്യത്തോടെ അമ്മ തനിക്ക് ഒപ്പം വേണം.. അവൾക്ക് ഇനിയൊന്നും കൂടുതൽ ആലോചിക്കാൻ ഇല്ലായിരുന്നു.. ഉറച്ച തീരുമാനത്തോടെ ഡോക്‌ടർ രവിയുടെ ക്യാബിൻ ലക്ഷ്യമാക്കി നടക്കുമ്പോൾ മനസ്സിൽ ഒരൊറ്റ ലക്ഷ്യം മാത്രമേ ഉണ്ടായിരുന്നുള്ളു അമ്മയുടെ ഓപ്പറേഷൻ.. ഡോക്ടർ.. അവളുടെ വിളി കേട്ടതും അയാൾ മുഖമുയർത്തി നോക്കി.. പറഞ്ഞോളൂ ഭദ്രേ.. എന്താ താൻ ആലോചിച്ചോ. യെസ് ഡോക്ടർ. എനിക്ക് സമ്മതമാണ്. വളരെ നല്ല തീരുമാനം ഭദ്രേ.. രവിയുടെ മുഖത്തു നല്ല സന്തോഷമുണ്ടായിരുന്നു.. ഭദ്രയുടെ ഒരു വാക്ക് കൊണ്ട് മാറുന്നത് അവളുടെ മാത്രം ജീവിതമല്ല തന്റെ കൂടിയാണ്.. ഈ ഹോസ്പിറ്റലിൽ എത്ര വർഷം ഇരുന്നാലും കിട്ടാത്ത ക്യാഷ് ആണ് അവൻ തനിക്ക് ഓഫർ ചെയ്തിരിക്കുന്നത്. ഭദ്രക്ക് മനസ്സിലായി ഡോക്ടർക്കും ഇതിലൊരു ലാഭം ഉണ്ടെന്നു.. ഒന്നും കാണാതെ തന്നെ സഹായിക്കാൻ വന്ന് ദൈവദൂതൻ ഒന്നുമല്ല ഇയാളെന്നു. പക്ഷെ ഈ നിമിഷം അവൾക്കു ശിവനും രവിയുമൊക്കെ സഹായികൾ തന്നെയാരുന്നു. തന്റെ അമ്മയുടെ ജീവൻ രക്ഷിക്കാൻ വന്നവർ.. അവർക്ക് അവരുടേതായ ലക്ഷ്യങ്ങൾ ഉണ്ടെങ്കിലും അങ്ങനെ വിശ്വസിക്കാൻ ആരുന്നു അവൾക്കു ഇഷ്ടം. താൻ എങ്കിൽ പോയിക്കോ. ഞാൻ സാറിനെ വിളിച്ചു താൻ സമ്മതിച്ച കാര്യം പറയട്ടെ.. പിന്നെ താൻ ഒന്നും കൊണ്ടും പേടിക്കണ്ട ഇനി തന്റെ അമ്മയുടെ ഓപ്പറേഷൻ കാര്യങ്ങൾ എല്ലാം ഞങ്ങൾ നോക്കിക്കോളാം.. എത്രയും വേഗം അതിനുള്ള കാര്യങ്ങൾ ചെയ്യാം. രവി പറയുന്നത് കേട്ട് അവളുടെ കണ്ണുകൾ നിറഞ്ഞു. ഈ കുറഞ്ഞ സമയം കൊണ്ട് എത്രത്തോളം ടെൻഷൻ അടിച്ചാണ് താൻ നിന്നതെന്നു തനിക്ക് മാത്രമേ അറിയൂ.. ഒന്ന് വിഷമം പറയാൻ പോലും ആരുമില്ലാതെ ആകെ ഒറ്റപ്പെട്ടു.. അമ്മയുടെ ജീവൻ രക്ഷിക്കാൻ എന്ത് ചെയ്യുമെന്ന് അറിയാതെ ഉരുകി നിൽക്കുവായിരുന്നു. തന്റെ ഒരു തീരുമാനം കൊണ്ട് തന്റെ പ്രശ്‌നങ്ങൾക്ക് പരിഹാരം കണ്ടിരിക്കുന്നു... ആശ്വാസത്തോടെ ശ്വാസമൊന്നു വലിച്ചു വിട്ടവൾ. നന്ദി ഡോക്ടർ ഒരുപാട് നന്ദി.. ഏയ് ഭദ്രേ എന്തിനാടോ. അങ്ങനെയല്ല ഡോക്ടർ എന്ത് ചെയ്യുമെന്ന് അറിയാതെ നിന്ന് സമയത്ത് എനിക്ക് ഒരു വഴി കാണിച്ചു തന്നതിന് ഒരുപാട് നന്ദി. അല്ലെങ്കിൽ ഞാൻ ഒറ്റക്ക്.. അകത്തു കിടക്കുന്ന എന്റെ അമ്മ.. സങ്കടം കൊണ്ട് നെഞ്ചോക്കെ വിങ്ങിയതും പെട്ടന്ന് പുറത്തേക്ക് പോയവൾ.. ഭദ്ര പോകുന്നതും നോക്കി ഒരു നിമിഷം രവി അങ്ങനെ തന്നെ നിന്നു. എവിടെയോ ഉള്ളിൽ അവളോട് അയാൾക്കു അലിവ് തോന്നി.. പെട്ടന്ന് തലയൊന്നു കുടഞ്ഞിട്ട് തന്റെ ജോലി തുടർന്ന്. രവിയെ കണ്ട് പുറത്തേക്ക് ഇറങ്ങിയതും പുറത്ത് നിൽക്കുന്ന ആളെ കണ്ട് അവൾ അവന് അടുത്തേക്ക് ഓടി.. അച്ചു.. എന്താടി എന്താ ആന്റിക്ക് പറ്റിയത്.. എല്ലാം ഞാൻ പറയാം നീ വാ. അവനെയും കൂട്ടിയവൾ പതിയെ നടന്നു. അച്ചു. അർജുൻ അതാണ് അവന്റെ പേര് ഡിഗ്രിക്ക് പഠിക്കുമ്പോൾ മുതലുള്ള കൂട്ടാണ്.. അടുത്ത് കുറച്ചു കൂട്ടുകാരൊക്കെ ഉണ്ടെങ്കിലും അവനെ കഴിഞ്ഞേ ഇപ്പോ അവരൊക്കെ ഉള്ളു... പാവം എങ്ങനെയോ അറിഞ്ഞു ഓടി വന്നതാണ്. തിരക്കിന് ഇടയിൽ അവനോട് പറയാനൊക്ക വിട്ട് പോയി. അർജുനോട് എല്ലാം പറഞ്ഞു കഴിഞ്ഞതും ഒരൽപ്പം ആശ്വാസം തോന്നിയവൾക്കു.. എന്നാലും ഭദ്രേ.. എനിക്ക് അറിയാം പറയാൻ പോകുന്നത് എന്താണെന്നു. വേണ്ടെടാ ഈ കാര്യത്തിൽ എനിക്ക് ഒരു തീരുമാനമെ ഉള്ളൂ നിന്നെ കൊണ്ടോ എന്നെ കൊണ്ടോ പറ്റില്ല ഇത്രയും തൂകയുണ്ടാക്കാൻ. അവൾ പറഞ്ഞത് ശെരിയാണെന്ന് അവനും അറിയാവുന്ന കാര്യം ആണല്ലോ.. തന്നെ കൊണ്ട് പറ്റില്ല ഇത്രയും വലിയ തുക സംഘടിപ്പിച്ചു കൊടുക്കാൻ.. അതുമല്ല സമയവും വളരെ കുറവാണു. അർജുനും നിസ്സഹായനായി അവളെ നോക്കി.. സാരമില്ലടാ എൻ്റെ അമ്മയുടെ ജീവനേക്കാൾ വലുതല്ലല്ലോ. ഒരു വർഷത്തെ കാര്യമല്ലേ ഉള്ളൂ.. അല്ലേലും ഇത്രയും വലിയ തുക ആരെങ്കിലും വെറുതെ തരുമോ അവർക്കും വേണ്ടേ എന്തേലും നേട്ടം.. എന്തോ എനിക്ക് ഇതൊന്നും സമ്മതിച്ചു തരാൻ പറ്റുന്നില്ല പക്ഷെ സാഹചര്യം.. എന്തായാലും ഞാൻ നിന്റെ കൂടെയുണ്ട്.. അവൻ ഉറപ്പ് പോലെ പറഞ്ഞതും അവളൊന്നു പുഞ്ചിരിച്ചു. എന്നാൽ അവരെ രണ്ട് പേരെയും ശ്രദ്ധിച്ചു കുറച്ചു മാറി നിന്നവനെ അവര് രണ്ട് പേരും കണ്ടതുമില്ല.. എന്തൊക്കെയോ തീരുമാനിച്ചു ഉറപ്പിച്ച പോലെ അവര് പോകുന്നതും നോക്കി അവനും അവിടെ നിന്ന് മറഞ്ഞു. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/50589/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ