ചെങ്കൽ ചൂള...(25) പിറ്റേന്ന് രാവിലെ റൗഡി വാസു മണിയൻ്റെ റെസ്റ്റോറൻ്റിൽ പതിവ് പോലെ ചായ കുടിക്കാനെത്തി. റൗഡി വാസുവിന് മണിയൻ്റെ വക ഊഷ്മളമായ സ്വീകരണമായിരുന്നു. "എടാ വാസൂ...നീ വല്ലതും അറിഞ്ഞോ? ഇതൊക്കെ അറിയാത്തവർ ആരുണ്ട് ഈ നാട്ടിൽ?" "എന്തോന്നോ സംഭവം?" "സംഭവം ബഹു വിശേഷം...ബഹു കേമം... നമ്മുടെ മറ്റേ മറിയാമ്മേടത്തിക്ക് ലോട്ടറിയോ മറ്റോ അടിച്ചെന്നാ തോന്നുന്നത്... പെമ്പ്രന്നോത്തി അങ്ങോട്ട് തുറന്നൊന്നും പറയുന്നില്ല... ഞങ്ങളുടെ ഇടവകയിൽ നൂറ് പേർക്കാ ഇഷ്ടത്തി ദിവസവും അന്നദാനം നൽകുന്നത്...ആലയത്തിൽ വരാത്ത നിന്നെപ്പോലുളളവർക്ക് ഇവിടെ മൂന്ന് നേരവും കുശാൽ ശാപ്പാടാ ഓർഡർ തന്നിരിക്കുന്നത്... സംശയമുണ്ടെങ്കിൽ അങ്ങോട്ടിരി... എന്നിട്ട് പറഞ്ഞോ...എന്താ വേണ്ടതെന്ന്..." "ഇത് അവളുടെ ഏതോ നമ്പരാ..." "ആയിക്കോട്ടെ...ഏത് നമ്പരാണേലും ആയിക്കോട്ടെ... വേണമെങ്കിൽ നിൻ്റെ കഴിഞ്ഞ മാസത്തെ പററ് കൂടി ഞാൻ ഇതിൽ ഉൾപ്പെടുത്തിക്കോളാം... എന്താ പോരേ?" "നീ അവളുടെ നമ്പരിലും, കെണിയിലുമൊന്നും ചെന്ന് ചാടരുത്...സൂക്ഷിച്ചാൽ നിനക്ക് കൊളളാം". "ആയിക്കോട്ടെ...നീ അങ്ങോട്ട് ഇരിക്ക്... ഞാൻ വിളമ്പി തരാം...ചിക്കൻ ഫ്രൈ, ബീഫ് ഫ്രൈ, ബീഫ് വയററിയത്, ചിക്കൻ ഉലർത്തിയത്, മീൻ വറുത്തത്, അയല പൊരിച്ചത്, മത്തി എണണ്ണയിൽ മൂപ്പിച്ചത്, ചില്ലി ചിക്കൻ, പെപ്പർ ചിക്കൻ, കാന്താരി ചിക്കൻ... നിനക്ക് ഇഷ്ടമുള്ളത് ഇഷ്ടം പോലെ കഴിച്ചോ..." "ഇത് കിലുക്കത്തിൽ ജഗതി രേവതിയോട് പറയുന്ന പോലത്തെ ഡയലോഗാണല്ലോ താൻ ഇറക്കുന്നത്". "എടാ...പന്ന പരട്ടേ...നിന്നെ ചുമ്മാതല്ല നാട്ടുകാർ റൗഡീന്ന് വിളിക്കുന്നത്... അതിന് ഇതുപോലത്തെ കാരണങ്ങൾ കാണും... സത്യം പറഞ്ഞാൽ വിശ്വസിക്കത്തില്ല...എന്നാ നീ പൊയ്ക്കോ...ഇന്ന് മുതൽ നിനക്കിവിടെ ചായേം ഇല്ല, ഒരു കുന്തോം ഇല്ല..." (തുടരും) #📙 നോവൽ #📔 കഥ #💓 ജീവിത പാഠങ്ങള്‍ #💚 എന്റെ കേരളം #😋 തനി നാടൻ രുചികൾ