एलिफंटा बेटाजवळ किल्ला बांधायचा प्रयत्न : छत्रपती संभाजी महाराज... ● सुरतकर इंग्रज मुंबईकर इंग्रजांना कळवतात, "सिद्दी आणि इंग्रजांसमोर टिकाव धरता यावा म्हणून संभाजी महाराजांनी अरबांशी दोस्ती करून त्यांचे साहाय्य घेतले. जंजिऱ्याला वेढा घालण्यापूर्वीच महाराजांनी 'एलिफंटा' जवळचे एक बेट घेऊन तेथे कोट बांधण्यास सुरुवात केली होती. जंजिऱ्याचा वेढा चालू असतानाच त्यांनी समुद्रावरून इंग्रज आणि पोर्तुगिज यांना घालवून देण्याचे ठरविले होते... ● मुंबईचा गव्हर्नर रिचर्ड केजविन याने इंग्लंडच्या आपल्या चार्ल्स राजाला संभाजी राजे व पोर्तुगिज यांच्यातील लढाईची माहिती कळवली. २८-०१-१६८४ च्या पत्रात केजविन लिहितो, "आपल्या शेजारी असलेल्या संभाजीराजें सारख्या बलवान राजाने पोर्तुगीजांचा ४० मैल लांबीचा प्रदेश बेचिराख करून लिंगभेद न मानता ख्रिश्चनांची कत्तल केली आहे. आता तर त्याने आपल्या ताब्यातील एलिफंटा आणि करंजाही घेतले आहे. तीस हजार सैन्य घेऊन आपला बलवान शेजारी संभाजीराजे सरहद्दीवर आपल्याला धमकी देत आहे. आमच्या जवळ फक्त १५० इंग्रज आणि २०० काळे टोपीवाले आहेत. संभाजीराजांनी आमच्याकडून ४०० पिंपे बंदुकीची दारू, ६० मोठ्या तोफा, ४००० पौंड कथिल, ४०० वार कापड, १५० लहान बोटी आणि ०१ मोठी बोट इत्यादी गोष्टींची मागणी केली आहे. या गोष्टी पुरविल्या नाहीत तर राजाने आपला नाश करण्याची धमकी दिली आहे..." शिवाजी महाराजांनी जसे मुंबई जवळचे खांदेरी बेट ताब्यात घेऊन इंग्रजांच्या आरमारी हालचालींना लगाम घातला. तसाच प्रयत्न संभाजी महाराजांनी मुंबई जवळचे इंग्रजांच्या ताब्यात असलेले एलिफंटा आणि करंजा बेट घेऊन केला, त्यावर कोट बांधण्यास सुरूवात करून त्यांनी मुंबईकर इंग्रजांना हवालदिल करून सोडले... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त