राजमाता जिजाऊ माँसाहेब आणि शिवाजी महाराज..🙏🏽🚩 आई ही मुलांची पहिली गुरू असते. असे आपण प्रत्येकजण म्हणत व ऐकत असतो आणि ते बहुतांश खरंही आहे. येथे शिवरायांबाबत ते तंतोतंत लागू पडतं. शिवरायांच्या व्यक्तिमत्त्वाला पैलू पाडण्याचे कार्य मातोश्री राजमाता जिजाऊंनी केले... बालपणापासून त्यांच्यावर उत्तम संस्कार केले. उच्च ध्येयाची जाणीव करून देत राहिल्या. आवश्यक ते सर्व प्रकारचे शिक्षण मिळेल अशी व्यवस्था केली. राज्यातील प्रजेवर चाललेले अत्याचार, स्त्रियांची असुरक्षितता, रयतेची चाललेली पिळवणूक सांगत राहिल्या. यासाठी आपले राज्य म्हणजे स्वराज्य स्थापन करण्याची गरज या मातेने मुलाला पटवून दिली. यातून बालशिवाजीराजे शिकत व घडत गेले. पुढे अनेक प्रसंगी आलेल्या संकटावेळी त्यांनी धीर दिला. सल्ला दिला. प्रसंगी तडजोड तर प्रसंगी आक्रमण आवश्यक असते हे शिकविले. यातून प्रेरणा घेऊन शिवरायांनी स्वराज्य निर्मितीचे ध्येय ठरविले. हळूहळू एक एक विजय मिळवित त्यांनी स्वराज्याचा विकास व विस्तार साध्य केला... शिवाजी महाराजांना सर्व दृष्टीने सक्षम बनविण्याचे श्रेय त्यांच्या मातोश्रींना म्हणजे राजमाता जिजाऊंना द्यावे लागेल. म्हणून मान्यवर इतिहासकार म्हणतात, 'If ever great men owed their greatness to the inspiration of their mothers, the influence of JijauSaheb was a factor of prime importance in the making of ShivajiRajah's career, and the chief source of his strength..." तेव्हा शिवरायांना शिकविण्यात किंवा घडविण्यात अन्य व्यक्ती किंवा घटक हे अल्पांशाने कारणीभूत ठरावेत. मुख्य व्यक्ती म्हणजे त्यांच्या मातोश्री राजमाता जिजाऊच होते. असा शककर्ता पुत्र घडविणारी माता आणि मातेची आज्ञा प्रमाण मानून स्वराज्य स्थापन करणारा पुत्र म्हणजे जगाच्या इतिहासातील आदर्श माता-पुत्र ठरावेत... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त