#😱AAP નેતાની ભારે ગોળીબારમાં હત્યા, જાલંધરના મોડેલ ટાઉનમાં અજાણ્યા હુમલાખોરોએ આમ આદમી પાર્ટીના નેતા લકી ઓબેરોયની ગોળી મારીને હત્યા કરી દીધી. આ ઘટના મોડેલ ટાઉનમાં ગુરુદ્વારા સાહિબની બહાર બની. પંજાબમાં અગાઉ પણ અનેક હસ્તીઓની આવી જ રીતે હત્યા થઈ ચૂકી છે. ગાયક સિદ્ધુ મૂસેવાલાની પણ આ જ રીતે તેની કારની અંદર જ ગોળી મારીને હત્યા કરી દેવામાં આવી હતી.લકી ઓબેરોય સવારે 8.15 વાગ્યે રોજની જેમ જ માથું ટેકવા માટે ગુરુદ્વારા સાહિબ ગયા હતા. દરમિયાન ગુરુદ્વારાની બહાર તેઓ તેમની થાર ગાડીમાં બેઠા હતા ત્યારે અચાનક કેટલાક હુમલાખોરો ટુ-વ્હીલર પર આવ્યા અને તેમના પર ગોળીબાર કરી દીધો. ગોળીબાર કરીને હુમલાખોર ફરાર થાઈ ગયા. એવું કહેવામાં આવી રહ્યું છે કે હુમલાખોરોએ ખૂબ નજીકથી લગભગ 13 ગોળીઓ ચલાવી, જે લકી ઓબેરોયને વાગી. ગોળીબારમાં કેટલીક ગોળીઓ તેમની છાતી અને માથા પર વાગી હતી. ગોળીઓ વાગવાથી તેઓ ગંભીર રીતે ઘાયલ થાઈ ગયા, તેમણે સારવાર માટે નજીકની ખાનગી હોસ્પિટલમાં લઈ જવામાં આવ્યા, જ્યાં ડૉક્ટરોએ તેમને મૃત જાહેર કરી દીધા.ધોળાદિવસે એક AAP નેતાની હત્યાની માહિતી મળતા જ પોલીસ ઘટનાસ્થળે પહોંચી. શહેરના ઘણા રાજકીય નેતાઓ અને સમર્થકો હોસ્પિટલ અને ઘટનાસ્થળે દોડી ગયા. વરિષ્ઠ પોલીસ અધિકારીઓ પણ ઘટનાસ્થળે પહોંચ્યા અને તપાસ શરૂ કરી દીધી. ઘટનાસ્થળે ભારે પોલીસ દળ તૈનાત કરવામાં આવ્યું છે, પોલીસે તપાસ શરૂ કરી છે અને જવાબદારોને પકડવાનો પ્રયાસ કરી રહી છે. પોલીસ નજીકના સીસીટીવી કેમેરાના ફૂટેજની સમીક્ષા કરી રહી છે અને હુમલાખોરોને ઓળખવાનો પ્રયાસ કરી રહી છે. એક રાજકારણી પર ગોળીબારથી વિસ્તારમાં ભય અને અફરાતફરીનો માહોલ સર્જાયો છે.હુમલાખોરોએ તાબડતોબ ગોળીબાર કરીને લકી ઓબેરોયની હત્યા કરી દીધી. નેતાના શરીરમાં પાંચ ગોળીઓ લાગી. ગોળીબાર પછી તાત્કાલિક તેમને ખાનગી હોસ્પિટલમાં લઈ જવામાં આવ્યા, જ્યાં ડોક્ટરોએ તેમને મૃત જાહેર કર્યા. હુમલાખોરોએ કરેલા ગોળીબારમાં તેમની કાર પણ ઘણી ગોળીઓ લાગી, જેનાથી કારના કાચ તૂટી ગયા. #🔥 બિગ અપડેટ્સ #આજના સમાચાર #તાજા સમાચાર #📽 લેટેસ્ટ અપડેટ વીડિયો