ഇവനൊന്നു റൂമിലേക്ക് കയറിപോയെങ്കിൽ സായിയുടെ അടുത്തേക്ക് പോകാമായിരുന്നു എന്ന ചിന്തയെ തച്ചുടക്കുന്ന രീതിയിൽ നീലിന്റെ ശബ്ദം അവിടെ ഉയർന്നു.... ഇഷാനി..... അവന്റെ ഉയർന്ന ശബ്ദത്തിൽ ഇഷു മാത്രമല്ല അവിടെ ഉള്ള എല്ലാവരും ഞെട്ടിപോയിരുന്നു.... സിറ്റൗട്ടിൽ ഉള്ള സായി വരെ ഫോൺ കാൾ നിർത്തി അകത്തേക്ക് വന്നുപോയിരുന്നു. നിനക്കൊന്ന് മെല്ലെ അലറിക്കൂടെ അലവലാതി.... അത് വരെ അവനെ താങ്ങി പിടിച്ചു നിന്ന ക്രിസ്റ്റി അവനെ തള്ളിമാറ്റി ചെവിയിൽ വിരലിട്ട് കുടഞ്ഞു... നീലിന്ന് ക്രിസ്റ്റി പെട്ടന്ന് വിട്ടതോടെ വീഴാൻ പോയതും സ്റ്റെയർ പിടിച്ചു നിന്നു... കാൽ സ്റ്റെയറിൽ തട്ടി വേദന എടുത്തു എരിവ് വലിച്ചു അവൻ..... രൂക്ഷമായി ക്രിസ്റ്റിയെ നോക്കി. ആരായാലും പേടിച്ചു പോകും.... സോറി.... അബദ്ധം പറ്റിയ പോലെ ക്രിസ്റ്റി വീണ്ടും അവനെ പിടിക്കാൻ പോയതും അവൻ കയ്യുയർത്തി തടഞ്ഞു. എന്റെ കാര്യം അവൾ നോക്കിയ മതി.. ഇഷാനിക്ക് നേരെ വിരൽ നീണ്ടു. അവൾ പല്ലിരുമ്മി പോയിരുന്നു ആ നിമിഷം. സായിയോട് സംസാരിക്കാൻ കഴിയാതെ വട്ട് പിടിച്ചു നിൽക്കുകയാണ് അപ്പോഴാ അടുത്ത കുരിശ്.... ആരായിരിക്കും ഇതിന്റെ പിന്നിൽ എന്ന് ആലോചിച്ചു ഞെരിപിരി കൊള്ളുകയാരുന്നു.... ഇഷാനി.. വീണ്ടും അവൻ വിളിച്ചതും അവൾ എന്ത് ശല്യമാ ഇത്....എന്ന് പിറുപിറുത്തു പോയിരുന്നു. ആ പിറു പിറുക്കൽ അവിടെയുള്ള എല്ലാവരും കേട്ടിരുന്നു എന്നത് അവൾ മാത്രം അറിഞ്ഞില്ല.... നീലിന്റെ കൈ മുഷ്ടി ചുരുണ്ടു.... സായി പിന്നെ തന്റെ പ്രശ്നം തന്നെ തീർക്കാൻ വയ്യ എന്ന് ചിന്തിച്ചു അവിടെ നിന്ന് പോയി.... ക്രിസ്റ്റി ഇവൾക്കിതെന്തിന്റെ കേടാ.... കിട്ടിയതൊന്നും പോരെ....എന്ന ചിന്തിച്ചത്... തനു നീലിന്റെ മുഖത്തെ ദേഷ്യം കണ്ടു സന്തോഷത്തിൽ ആയിരുന്നു.... സായി പോകുന്നത് കണ്ടതും ഇഷു നീലിന്റെ അടുത്തേക്ക് വന്നത് പോലും മറന്നു അവന്റെ പിറകെ സായി വിളിച്ചു ഓടാൻ പോയതും അവളുടെ കയ്യിൽ നീലിന്റെ പിടി വീണിരുന്നു... അവൾ കറങ്ങിതിരിഞ്ഞു അവന്റെ ദേഹത്ത് തട്ടി നിന്നു.... മൂക്ക് ശക്തിയിൽ അവന്റെ നെഞ്ചിൽ ഇടിച്ചു... ഇതെന്താ കരിങ്കല്ലോ.... അവൾ ചിന്തിക്കാതെ ഇരുന്നില്ല. നീലിന്റെ രൂക്ഷമായ നോട്ടം ഇപ്പോൾ പൂർണ്ണമായും തനിക്കു നേരെ ആണെന്നത് കണ്ടു അവൾ ഒന്നു ചിരിക്കാൻ ശ്രമിച്ചെങ്കിലും ഒരു ഇളിയായിമാറിയത് ... അവൾ അവന്റെ നെഞ്ചിൽ പിടിച്ചു അവനെ പിന്നിലേക്ക് തള്ളാൻ ശ്രമിച്ചെങ്കിലും ഒന്ന് അനങ്ങിയത് പോലുമില്ല.... അവൾ അവന്റെ നെഞ്ചിൽ വിരൽ കൊണ്ട് ഒന്ന് കുത്തി നോക്കുക കൂടി ചെയ്തു... അതേ ഇത് ശരിക്കും ഇഷ്ടിക വെച്ചത് ആണോ.... ഷർട്ട് ഒന്ന് നീക്കി എത്തി നോക്കി മൂക്ക് തിരുമ്മി.... ക്രിസ്റ്റി ചിരി അടക്കാൻ വാ പൊത്തി പിടിച്ചു.... ഈ അവസ്ഥയിലും ഇങ്ങനെ ഒക്കെ ചിന്തിക്കാനും പ്രവർത്തിക്കാനും അവൾക്കേ കഴിയുള്ളു.... നീൽ ഇഷുവിന്റെ കൈത്തണ്ടയിൽ നിന്നും പിടി അയച്ചു കൊണ്ടു അവളുടെ ഇടുപ്പിൽ ആയി കൈ ചേർത്തു അവനിലേക്ക് അടക്കി പിടിച്ചു...അതോട് കൂടി ഇഷു അവന്റെ നെഞ്ചിൽ പേസ്റ്റ് ആയത് ഞെരിഞ്ഞമർന്നു നിന്നു.... ഇടുപ്പിൽ ബലമായി അമർത്തി പിടിച്ചത് കൊണ്ട് വേദന കൊണ്ട് അവളൊന്ന് ഉയർന്നു പോയിരുന്നു. അവൾ അപ്പോഴാ ചുറ്റും ഉള്ള കാര്യങ്ങൾ റീവൈന്റ് ചെയ്തത്.... അയ്യോ എന്റെ സായി.... അവളെ വായിൽ നിന്നും വീണുപോയതും അതായിരുന്നു.... ആദ്യത്തേതിലും ശക്തിയിൽ ഇടുപ്പിൽ വിരൽ പതിഞ്ഞതും അവൾ പരിസരം മറന്നു അലറി പോയിരുന്നു. നിനക്ക് ഇതെന്തിന്റെ കേടാ കാലമാടാ.... വേദന എടുക്കുന്നു പറഞ്ഞു നിർക്കരെ തുള്ളുകയും അവന്റെ പിടി വിടുവിക്കാനും നോക്കി.... അവൾക്ക് വേദന കൊണ്ട് കണ്ണും നിറഞ്ഞു... അവനായിട്ട് പിടിച്ച പിടി വിടുവിക്കാൻ തനിക്ക് കഴിയില്ലെന്ന് അറിയുന്നത് കൊണ്ട് തന്നെ കാൽ ഉയർത്തി നിന്നു അവന്റെ കഴുത്തിൽ ഒറ്റ കടിയായിരുന്നു.... തോളിൽ പല്ലുകൾ ആഴ്ന്നു വേദന എടുത്തിട്ടും അവൻ വിട്ടില്ല.... പല്ലുകളോടൊപ്പോം അവളെ കണ്ണുനീര് കൂടി വീഴാൻ തുടങ്ങിയതും ഇടുപ്പിൽ നിന്നും കൈ അയഞ്ഞു.... അവൾ അതറിഞ്ഞിട്ടും നീലിന്റെ തോളിൽ നിന്ന് പല്ലുകൾ മാറ്റിയെങ്കിലും അവിടെ തലമുട്ടിച്ചു അങ്ങനെ നിന്നു. വിട്ടേക്കെടാ.... ക്രിസ്റ്റി വന്നു അവളെ അവനിൽ പിടിച്ചു മാറ്റി. കണ്ണൊക്കെ ചുവന്നു കലങ്ങി മുഖം ചോര പൊടിയും വിധം ചുകന്നു മൂക്ക് വലിക്കുന്നവളെ കണ്ടു ക്രിസ്റ്റിക്ക് പാവം തോന്നി.... ദയനീയമായി അവളെ നോക്കി. തനുവിന്റെ മുഖം തിളങ്ങി അത് കണ്ടിട്ട്... അവൾ ക്രിസ്റ്റിയുടെ അടുത്ത് നിന്നു വേഗം നീലിന്റെ അടുത്തേക്ക് മാറി അവന്റെ ഇടുപ്പിലൂടെ കയ്യിട്ട് അവന്റെ കയ്യെടുത്തു തോളിലേക്ക് ഇട്ടു.... റൂമിലേക്ക് പോകാം.... നീൽ അവൾ ഈ ചെറിയ ഡോസ് കൊണ്ട് ഇത്ര വേഗത്തിൽ നന്നായോ എന്ന് അവളെ ചെരിഞ്ഞു നോക്കി.... ക്രിസ്റ്റി നെഞ്ചിൽ കൈ വെച്ചു കൊണ്ട് പെട്ടന്ന് വേണ്ടാ എന്ന് ആധിയോടെ ഉറക്കെ പറഞ്ഞു... അതെന്താ.... നീൽ ഇഷ്ടക്കേടോടെ ക്രിസ്റ്റിയെ നോക്കി. എനിക്ക് കുറച്ചു കാര്യം സീരിയസ് ആയി പറയാനുണ്ട് ഞാൻ റൂമിൽ കൊണ്ട് വിടാം.... ക്രിസ്റ്റി ഇഷുവിനെ മാറ്റി നീലിനെ താങ്ങി പിടിച്ചു. ക്രിസ്റ്റിയുടെ കാലിൽ ഒരു ചവിട്ട് കൊടുത്തു ഇഷു. അവൻ എരിവ് വലിച്ചു കാൽ കുടഞ്ഞു. എന്താടാ.... കാലും പൊക്കി തുള്ളുന്ന അവനെ നോക്കി നീൽ മുഖം ചുളിച്ചു... കാലൊന്ന് തട്ടി....അത് സാരമില്ല... വാ നമുക്കിവിടുന്നു സംസാരിക്കാം... നീയൊന്ന് പോയെ.... എനിക്ക് ഒന്ന് കിടക്കണം.... ക്രിസ്റ്റിയുടെ കൈ തട്ടി മാറ്റി ഇഷുവിനെ നോക്കിപറഞ്ഞു. ഒന്ന് മാറി നിൽക്ക് ക്രിസ്റ്റിച്ചാ.... ക്ഷീണം കാണും ഹോസ്പിറ്റലിൽ നിന്ന് വന്നതല്ലേ പറഞ്ഞു ക്രിസ്റ്റിയെ തള്ളിമാറ്റി നീലിനെ വീണ്ടും ചേർത്ത് പിടിച്ചു. ടാ വേണ്ടെടാ.... ക്രിസ്റ്റി ഒന്നുടെ പറഞ്ഞതും നീൽ രൂക്ഷമായി നോക്കി. അതിൽ ക്രിസ്റ്റി വാ അടച്ചു. നിന്റെ വിധി.... പല്ല് കടിച്ചു പറഞ്ഞു ക്രിസ്റ്റി കാലും തടവി അവിടെ സോഫയിൽ പോയിരുന്നു. എന്തെടാ സംഭവം.... കാൾ കഴിഞ്ഞു വന്നു ഇവരുടെ കളി കണ്ടു സായി ക്രിസ്റ്റിയോട് ചോദിച്ചു. സംഭവം എന്താണെന്ന് ജസ്റ്റ്‌ രണ്ടു മിനിറ്റ് വെയിറ്റ് ചെയ്യ്.... ക്രിസ്റ്റി സ്റ്റെയർ കയറി പോകുന്ന അവരെ നോക്കി നെടുവീർപ്പോടെ പറഞ്ഞു. നീലിനെ റൂമിലേക്ക് കയറ്റിയതും ചുമരോട് ചേർത്ത് വയറ്റിൽ കാൽ മുട്ട് കയറ്റിയവൾ... അവന്റെ നിലവിളി അവൻ പോലും അറിയാതെ ഉയർന്നിരുന്നു.... കിട്ടിയ അടിയുടെ എഫക്ട് മാറും മുന്നേ അവന്റെ പ്ലാസ്റ്റർ ഇടാത്ത കയ്യിൽ അവളുടെ പല്ലുകൾ മുഴുവൻ അതും ആഴ്ന്നിറങ്ങി.... വിടെടി ഭ്രാന്തി.... അമ്മാ എന്റെ കൈ.... റൂമും കടന്നു താഴെ എത്തിയ ശബ്ദം കേട്ട് സായി വെപ്രാളത്തോടെ എഴുന്നേറ്റതും ക്രിസ്റ്റി അവിടെ പിടിച്ചു ഇരുത്തി... വയറു കലക്കിയത് ആദ്യം കേട്ട ശബ്ദം... മുട്ടുകാൽ കയറ്റിയൊരു പ്രയോഗം ഉണ്ട് മോനെ.... ഏഴു ലോകം കാണും... അവൻ തന്നെ പഠിപ്പിച്ചു കൊടുത്തതാ അവൾക്ക്.... ഇപ്പോഴത്തെ കടിച്ചത് ആയിരിക്കും... വേറൊന്നും കേൾക്കുന്നില്ലല്ലോ... ഇത്ര പെട്ടന്ന് കഴിഞ്ഞോ.... അങ്ങനെ വരില്ലല്ലോ.... ക്രിസ്റ്റി മുകളിലേക്ക് ചെവി കൂർപ്പിച്ചു. സായി തലക്ക് കയ്യും വെച്ചു അവനെ നോക്കി ഇരുന്നു. തനു ഭയത്തോടെ നോട്ടം മുകളിലേക്ക് നോക്കിയത്.... ഇവളൊരു ഡെയിഞ്ചർ ആണല്ലോ ഓർത്തു... ▪️▪️▪️▪️▪️▪️ പോട്ടെ പോട്ടെ എന്ന് വെക്കുമ്പോ എന്റെ മെക്കിട്ട് കയറിയാൽ ഉണ്ടല്ലോ... കയറിയ എന്ത് ചെയ്യുമെടി.... അവൻ വേദന കൊണ്ട് പുളയുമ്പോഴും അവളെ നോക്കി പല്ലിരുമ്മി കൊണ്ട് ചോദിച്ചു. ഇതൊക്കെ ചെറിയ ഡോസ്... ഇനി എന്റെ മെക്കിട്ട് കേറിയ ഉണ്ടല്ലോ... നീ കുടിക്കുന്ന ജ്യുസിൽ വിം ഇട്ടു തരും... ബെഡിൽ നായക്കുരണ പൊടിയിടും.... ബാത്രൂം ടെയിൽസിൽ ഓയിൽ ഒഴിക്കും... ഫുഡിൽ ഉപ്പ് വാരി തീറ്റിക്കും.... വേണമെങ്കിൽ ഉറങ്ങുമ്പോ ഒലക്കയെടുത്തു അടിച്ചു ബാക്കിയുള്ള കയ്യും കാലും തല്ലിയൊടിച്ചു കിടത്തും.... എന്നെകൊണ്ട് മൂന്നാം മുറ എടുപ്പിക്കരുത് പറഞ്ഞേക്കാം... ഇടുപ്പിൽ ഉഴിഞ്ഞു കൊണ്ട് അവൾ ചീറി. നീൽ ഇതൊക്കെ ചെയ്യോ എന്നൊരു പേടിയോടെ വായും തുറന്നു കണ്ണും തുറുപ്പിച്ചു നിന്നു. എനിക്ക് കുറച്ചു പണിയുണ്ട് അത് കഴിഞ്ഞു വരാം.... അതിലിടക്ക് എങ്ങാനും ഇഷാനി... ചക്ക മാങ്ങാ എന്നൊക്കെ പറഞ്ഞു വിളിച്ചാൽ വായിൽ ഫെബികോൾ ഇട്ടു ഒട്ടിക്കും പറഞ്ഞേക്കാം.... അതും പറഞ്ഞു റൂമിൽ നിന്നും ഇറങ്ങി പോകുന്നവളെ ഭീകര ജീവിയെ കണ്ട പോലെ നോക്കി നിന്നു അവൻ... ▪️▪️▪️▪️▪️ എന്റെ ചെക്കൻ ജീവനോടെ ഉണ്ടോടി... ക്രിസ്റ്റി അവൾ വരുന്നത് കണ്ടു ദയനീയമായി ചോദിച്ചു. ഇപ്പൊ കൊന്നിട്ടില്ല.... എന്റെ സ്വഭാവം പറഞ്ഞു കൊടുത്തേക്ക് തന്റെ ഫ്രണ്ടിനോട്... പിന്നെ ഇപ്പൊ ജയിലിൽ ശമ്പളം കൂട്ടിയിട്ടുണ്ടെന്ന് കൂടി പറഞ്ഞേക്ക്... നാട്ടിലേക്കാൾ ഭേദം അവിടെ ആണ് അത് കൊണ്ട് എന്നെ കൊണ്ട് വേണ്ടാത്തതോന്നും ചെയ്യിപ്പിക്കരുത് എന്ന് കൂടി പറഞ്ഞേക്കണം.... ക്രിസ്റ്റിയോട് ചാടികടിക്കുന്ന പോലെ പറഞ്ഞു സായിയുടെ കയ്യും പിടിച്ചു വലിച്ചു മുന്നോട്ട് നടന്നു. അവളുടെ ഭാവം കണ്ടു എന്തിനാ എന്ന് പോലും ചോദിക്കാതെ സായി പിറകെ പോയി.... അവർക്ക് കൊടുത്തതിന്റെ ബാക്കി താൻ ചോദിച്ചു വാങ്ങേണ്ടെന്ന് തോന്നിയവന്ന്.... ഗാഡനിൽ എത്തിയെ അവൾ പിടി വിട്ടുള്ളു... ആരാ സായി ഇതൊക്കെ ചെയ്തത്.... അമ്മക്ക് ഇതിൽ എന്താ റോൾ.... അവൾ വെപ്രാളത്തോടെ ചോദിച്ചു അവനെ നോക്കി.... സഞ്ജയ്‌... ഇഷു ഞെട്ടലോടെ സായിയെ നോക്കി... സ.... സഞ്ജയ്‌ ഏട്ടനോ.... സായിക്ക് മാറിപ്പോയില്ലല്ലോ.... സായി ഒരു നിശ്വാസത്തോടെ അവളെ നോക്കി മെല്ലെ തലയാട്ടി..... അമ്മക്കും ഇതിൽ പങ്കുണ്ടോ.... അമ്മ കൂടി അറിഞ്ഞിട്ടാണോ അയാൾ ഇവരെ ചതിച്ചത്.... അവളുടെ ശബ്ദം വിറച്ചു പോയിരുന്നു അത് ചോദിക്കുമ്പോൾ... Cntn... ഈ കഥ പ്രതിലിപി ആപ്പിൽ വായിക്കൂ *_താലി ബന്ധനം_* 183331 പേർ ഏറെ ഇഷ്ടത്തോടെ വായിച്ച കഥ *_💔താലിബന്ധനം💔_* https://malayalam.pratilipi.com/series/wqrp7y050hl3?language=malayalam&utm_source=android&utm_medium=content_share ☝ ☝ ☝ *ഇപ്പോൾത്തന്നെ വായിക്കാൻ ക്ലിക്ക് ചെയ്യൂ…* #📙 നോവൽ #💞 പ്രണയകഥകൾ #📔 കഥ