#📙 നോവൽ - മുറ ചെറുക്കൻ...... 🔻 ഭാഗം _61 ✍️ രചന - Aysha akbar നനവ് നിറഞ്ഞു നിന്നൊരു രാത്രി......... ആ നനവിനിടയിലും ആശ്വാസം പരന്ന് കണ്ട ചില ഹൃദയങ്ങൾ.... ഗായത്രി ഇഷാനിയെ തന്നെ നോക്കി....... പെൺ കുട്ടികളെന്ന് വെച്ചാൽ ജീവനായിരുന്ന താനവളെ അത്രയേറെ അകറ്റാൻ കാരണം അയാള് തന്നെയാണ്..... എത്ര വിദ്യാഭ്യാസം ഉണ്ടെന്ന് പറഞ്ഞാലും പെൺ കുട്ടികളെന്ന് പറഞ്ഞാൽ വില കുറച്ചു കാണുന്ന ആളുകളിൽ പെട്ട ഒരാള് തന്നെയായിരുന്നു രവിയേട്ടൻ....... എപ്പോഴോ താനും അയാളുടെ കൂടെ ഒഴുകി പ്പോയി ....... ആ കുത്തൊഴുക്കിൽ എന്റെ മോൾക്ക് നഷ്ടപ്പെടുന്നതിനെ കുറിച്ചൊന്നും ഓർക്കാൻ പോലും അനുവദിക്കാതെയെന്ന വണ്ണം തന്റെ തലച്ചോറിനെ അയാൾ പൂട്ടി വെച്ചിരിക്കുക യായിരുന്നുവോ....... ഇഷാനിയെ നോക്കും തോറും അവരുടെ ഹൃദയം നീറി പ്പുകഞ്ഞു....... ഗോപിയേട്ടൻ പറഞ്ഞതാണ് ശെരി...... അവളോട് ക്ഷമാപണമെന്ന പോൽ തനിക്കവളോട് ചെയ്യാൻ പറ്റുന്ന ഒരേയൊരു കാര്യം അതവൻ തന്നെയാണ്.... അവർ സച്ചുവിനെയൊന്ന് നോക്കി..... ഇത്ര കാലം കിട്ടാതെ പോയ സ്നേഹവും പരിഗണനയുമെല്ലം അവൾക്ക് ജീവിത കാലം മുഴുവൻ കിട്ടുമെന്ന് അവർക്ക് വുക്തമായിരുന്നു..... ഇങ്ങ് വാ....... സച്ചുവിനോട് ചേർന്നു നിൽക്കുന്ന ഇഷാനിയെ നോക്കി ഗായത്രി യൊന്നു വിളിച്ചു...... അവൾ പെട്ടെന്ന് തലയൊന്നുയർത്തി സച്ചുവിനെ നോക്കി..... പോയി വാ എന്ന തരത്തിൽ സച്ചു കണ്ണുകളൊന്നു ചലിപ്പിക്കുമ്പോൾ അവൾ പതിയെ ഗായത്രിക്കടുത്തേക്ക് നടന്നു..... തന്നോട് അവൾക്കുള്ള അകൽച്ചയുടെ ആഴം അറിയും തോറും അവരുടെ നെഞ്ച് നീറുന്നുണ്ടായിരുന്നു........ എല്ലാവരും ഒരു നിമിഷം അവരെ തന്നെ നോക്കിയിരിക്കുകയാണ്...... ഗായത്രി യുടെ കണ്ണുകൾ ആദ്യം പതിഞ്ഞത് നെറ്റിയിൽ കിടക്കുന്ന മുറിപ്പാടിലായിരുന്നു...... വെളുത്ത മുഖത്ത് കരി നിലിച്ചു കാണുന്ന ആ പാടവരുടെ ഹൃദയത്തിൽ മുറിവ് തീർത്തു...... താനെന്ന അമ്മയുടെ പരാജയം തന്നെയാണ് അവൾക്കിത്രയേറെ വേദനിക്കാൻ കാരണമെന്ന് അവർക്ക് ബോധ്യമുണ്ടായിരുന്നു........ ഇഷാനി അവരുടെ സമീപ നത്തിലുള്ള അപരിചിതത്വത്തിൽ അങ്ങനെ നിൽക്കുകയാണ്....... മമ്മ......... ഒരിക്കൽ പോലും നിന്നേ അറിയാൻ ശ്രമിച്ചിട്ടില്ല..... എപ്പോഴും കുറ്റപ്പെടുത്തി യിട്ടേയുള്ളു....... അത് പറഞ്ഞപ്പോഴേക്കും അവരൊന്നു വിതുമ്പി.... എല്ലാവരും നിറ കണ്ണുകളോടെ അവരെ നോക്കി നിൽക്കുകയാണ്..... എന്നാൽ ഇഷാനിക്ക് വലിയ വേദനയൊന്നും തോന്നിയില്ല ..... കാരണം...... താൻ ചെറുപ്പം മുതൽ അനുഭവിച്ച വേദനകൾ വെച്ചു നോക്കുമ്പോൾ ഇതൊന്നുമല്ലെന്ന് അവൾക്ക് തോന്നി...... അത് അവരുടെ കുറ്റ ബോധത്തിന്റെ ഈ ചൂടിനെക്കാൾ പതി ൻ മടങ് വലുതായിരുന്നു..... എല്ലാവരും എല്ലാം ഉണ്ടായിട്ടും ആരുമില്ലാത്തവളെ പോലെയുള്ള രാജകീയ തടവ് അതി കഠിനമായിരുന്നു ...... ഇഷാനി ഒന്നും മിണ്ടാതെ അങ്ങനെ നിന്നു....... മമ്മയായിട്ട് നിന്നേ ഇവന്റെ അടുത്ത് നിന്ന് കൊണ്ട് പോകില്ല...... പോരെ........ ഗായത്രി അവളുടെ കവിളിലൊന്ന് തൊട്ട് കൊണ്ട് സച്ചുവിനെ നോക്കി ഇഷാനിയോടത് പറഞ്ഞതും അത് വരെ നിർവികാരമായിരുന്ന മിഴികളിൽ പെട്ടെന്ന് സന്തോഷം അല തല്ലി..... അവളുടെ കണ്ണുകൾ വിടർന്നു....... അവൾ സത്യമാണോ എന്ന തരത്തിൽ ഒന്ന് കൂടി ഗായത്രിയെ നോക്കി.... അവൾക്ക് മറുപടിയെന്ന വണ്ണം ഗായത്രി അവളെ ചേർത്ത് പിടിച്ചൊന്ന് പുഞ്ചിരിച്ചു..... അവളുടെ കണ്ണുകൾ സന്തോഷം കൊണ്ടോയെന്തോ നിറഞ്ഞു വന്നു...... കണ്ട് നിന്ന എല്ലാവരുടെയും കണ്ണുകളിലേക്ക് അവളുടെ സന്തോഷം പരന്നു..... അവൾ പെട്ടെന്ന് സച്ചുവിനെയൊന്ന് നോക്കി..... മുഖത്ത് കാണുന്ന ആ ഗൗരവത്തിനിടയിൽ ഒളിച്ചു വെക്കാൻ പാട് പെടുന്നൊരു സന്തോഷം ഇഷാനിയിലൊരു പുഞ്ചിരി നിറച്ചിരുന്നു....... ഗായത്രി പതിയെ എഴുന്നേറ്റ് സച്ചുവിനരികിലേക്കൊന്നു നടന്നു.... ഇത്ര വയസ്സ് വരെ എന്റെ മോളോന്നും ആവശ്യപ്പെട്ടിട്ടില്ല.... അവളുടെ ഇഷ്ടങ്ങളൊന്നും ആരും ചെവി കൊണ്ടിരുന്നില്ലെന്നതാവും ശെരി..... ആദ്യമായി അവള് വാശി പിടിച്ചത് നിനക്ക് വേണ്ടിയാ...... ഗായത്രി അത് പറഞ്ഞതും സച്ചു കേട്ടെന്ന പോലങ്ങനെ നിന്നു..... ഉള്ളിൽ നുരഞ്ഞു പൊന്തുന്നൊരു ആനന്ദം പുറത്തേക്ക് വരാതെ അവൻ കടിഞ്ഞാണിട്ടു പിടിച്ചു........ അതിലെന്തായാലും അവളെ തെറ്റ് പറയാൻ കഴിയില്ല......ഇനിയെങ്കിലും അവള് സ്നേഹം അറിയട്ടെ..... സച്ചുവിന്റെ കയ്യിലൊന്ന് കൊട്ടി കൊണ്ട് ഗായത്രിയത് പറയുമ്പോൾ ആ വാക്കുകൾക്ക് ഏറെ ആത്മാർഥത യുണ്ടായിരുന്നു...... സച്ചു പതിഞ്ഞൊരു പുഞ്ചിരി അവർക്ക് തിരികെ നൽകി...... അതാണ്‌ ശെരി.... ഇപ്പോഴാണ് നീയെന്റെ പെങ്ങളായത്....നഷ്ടപ്പെട്ടു പോയിരുന്ന വിവേകം തിരിച്ചു കിട്ടിയത് ...... അവളുടെ ജീവിതം അവൾക്ക് സന്തോഷ മുള്ളിടത് കഴിയട്ടെ..... ഗോപി യത് പറയുമ്പോൾ ഗായത്രിയുടെ കണ്ണുകളിൽ ഒരു ആശങ്ക നിറഞ്ഞു കണ്ടിരുന്നു..... പക്ഷെ ഏട്ടാ.... ഞാനായി കൊണ്ട് ചെന്നില്ലെങ്കിൽ അവളെ കൂട്ടാൻ അയാള് നേരിട്ട് വരുമെന്നാ പറഞ്ഞിട്ടുള്ളത്........ നാളെ കഴിഞ്ഞാൽ അയാൾ എന്തായാലും വരും....... അവിടെ കല്യാണ ഒരുക്കങ്ങൾ നടക്കുന്നുണ്ട്..... ഗായത്രി ആശങ്കയോടെ അത് പറയുമ്പോൾ ഇഷാനിയുടെ കണ്ണുകളിലും ഒരു ഭയം നിഴലിച്ചു.... അവൾ സച്ചുവിനെ യൊന്നു നോക്കി..... അതോർത്തു ആരും പേടിക്കേണ്ട..... ഇങ്ങോട്ട് വന്നിട്ട് ഇവളെ കൊണ്ട് പോകണമെങ്കിൽ അയാളിനിയൊരു ജന്മം കൂടി എടുക്കേണ്ടി വരും..... സച്ചു പുച്ഛത്തോടെ അത് പറയുമ്പോഴും ഗായത്രിയുടെ മുഖം തെളിഞ്ഞിരുന്നില്ല...... നീ വിചാരിക്കുന്നത് പോലെയല്ല സച്ചു..... അയാൾക്ക് പണവും പിടിപാടുമുണ്ട്..... എന്ത് ചെയ്യാനും അയാൾ മടിക്കില്ല..... ഗായത്രി അതും കൂടി പറയുമ്പോൾ സച്ചുവിന്റെ കണ്ണുകൾ കൂർത്തു..... അയാൾ വരട്ടെ .... അപ്പോഴല്ലേ..... അതും പറഞ്ഞ് കൊണ്ട് അവൻ ഉടുത്തിരുന്ന മുണ്ടോന്ന് മടക്കി കുത്തിയിരുന്നു...... നിറഞ്ഞ സന്തോഷത്തിനിടയിലും രവിയെന്ന ഒരു കരി നിഴൽ എല്ലാവരിലും വീണു കിടക്കുന്നുണ്ടായിരുന്നു...... അവിടന്നങ്ങോട്ട് സന്തോഷത്തിന്റെ കൊടു മുടിയിലായിരുന്നു ഇഷാനി....... ഈ മുടി ആകെ കെട്ടാണല്ലോ..... തനൂജ അതും പറഞ്ഞു ഇഷാനിയുടെ കൂട്ടി പിണഞ്ഞു കിടക്കുന്ന മുടിയിൽ എണ്ണ തേക്കാൻ നിൽക്കുമ്പോഴാണ് ഗായത്രി അങ്ങോട്ട് വരുന്നത്....... ഗായത്രി ഇഷാനിയെ യൊന്നു നോക്കി...... അവളുടെ കണ്ണുകളിൽ തെളിഞ്ഞു കാണുന്ന സന്തോഷം അവർക്ക് മനസ്സിലാകുന്നുണ്ടായിരുന്നു....... തനൂജയോട് അവളെത്ര മാത്രം അടുത്താണെന്ന് അവർക്ക് വ്യക്തമായിരുന്നു.... അവരുടെ ഉള്ളിലെ അമ്മക്കൊരു നിമിഷം തനൂജയായിരുന്നെങ്കിലെന്ന് കൊതി തോന്നി പ്പോയി...... ഗായത്രി പതിഞ്ഞൊരു പുഞ്ചിരിയോടെ അവരെ നോക്കി നിൽക്കുമ്പോൾ അവരുടെ ഉള്ളിലൊളിപ്പിച്ച വേദന തനൂജക്കും മനസ്സിലായിരുന്നു... ദേ.... നിന്റെ മോൾടെ തലയിലെ കെട്ട് മാറ്റാൻ എനിക്കെങ്ങും വയ്യ...... നീ തന്നെ എണ്ണ തേച് കൊടുക്ക്...... തനൂജ പെട്ടെന്നതും പറഞ്ഞു കൊണ്ട് എണ്ണ കുപ്പി ഗായത്രിയുടെ കയ്യിലേക്ക് വെച്ചു കൊടുക്കുമ്പോൾ ഇഷാനിയും ഗായത്രിയും ഒരു പോലെ ഞെട്ടിയിരുന്നു..... ഗായത്രി ദയനീയമായി തനൂജയെ നോക്കി... താനും ഒരമ്മയാണല്ലോ എന്ന തരത്തിൽ തനൂജ അവർക്ക് നേറെ കണ്ണുകൾ ചിമ്മി കാണിക്കുമ്പോൾ മിഴികൾ കൊണ്ട് ഗായത്രി ഒരായിരം തവണ നന്ദി പറഞ്ഞിരുന്നു..... ഗായത്രി ഇഷാനിയെ യൊന്നു നോക്കി..... അവൾ സത്യമാണോ എന്ന തരത്തിൽ മിഴിച്ചിരിക്കുകയാണ്.... ഗായത്രി എണ്ണ കയ്യിലേക്കെടുത്ത് അവളുടെ മുടിയിൽ പുരട്ടുമ്പോൾ രണ്ട് പേരുടെയും മിഴികൾ നിറഞ്ഞു തൂവുന്നുണ്ടായിരുന്നു...... ഒന്നിൽ കുറ്റബോധത്തിന്റെ ഭാവമായിരുന്നെങ്കിൽ മറ്റൊന്നിൽ നിറഞ്ഞ ആനന്ദമായിരുന്നു....... ഇഷാനിക്കും ഗായത്രിക്കും ഇടയിലെ വിടവ് നികത്താൻ ഓരോ കാര്യത്തിലും തനൂജ ശ്രമിച്ചു കൊണ്ടേയിരുന്നു..... ഇത് വരെ കൊടുക്കാൻ കഴിയാത്ത സ്നേഹം കൊടുക്കാൻ ഇനിയും മടിച്ചു നിൽക്കരുത് ഗായത്രി..... തനൂജ ഗായത്രിയുടെ തോളിൽ പതിയെ കൈ വെച്ചത് പറയുമ്പോൾ ഗായത്രി അവരെയൊന്നു നോക്കി...... ഞാൻ കൊടുക്കാതെ പോയ സ്നേഹം മുഴുവൻ കൊടുക്കാൻ അവൾക്കീ ജീവിത കാലം മുഴുവൻ ഏട്ടത്തിയുണ്ടല്ലോ എന്നോർക്കുമ്പഴാണ് എനിക്കേറ്റവും സമാധാനം...... അതും പറഞ്ഞു ഗായത്രി തനൂജയെ കെട്ടി പിടിച്ചതും തനൂജ യുടെ കണ്ണുകൾ നിറഞ്ഞൊഴുകിയിരുന്നു.... ഒരു നിമിഷം അപ്പുറത് നിന്ന് ഒരു പുഞ്ചിരി യോടെ ഗോപി അവരെ നോക്കി നിന്നു.... പൊട്ടി പ്പോയ സ്നേഹബന്ധങ്ങൾ വിളക്കി ചേർക്കുന്നത് എത്ര മനോഹരമാണെന്ന് അയാളോർത്തിരുന്ന ന്നേരം...... ആകെ ക്കൂടി ആ വരാന്തയിൽ സന്തോഷം ഒന്ന് ചേർന്നു..... ചിരിയും സംസാരങ്ങളുമായി നിമിഷങ്ങൾക്കേറെ ഭംഗി കൂടി...... ചെറു നോട്ടങ്ങൾ കൊണ്ട് സച്ചു തന്റെ പ്രണയം അവളിലേക്ക് കൈ മാറുന്ന തിരക്കിലായിരുന്നപ്പോൾ.. 🔷🔷🔷🔷🔷🔷🔷🔷🔷🔷🔷🔷🔷🔷🔷🔷 ദിവസം കൂടുതൽ നീങ്ങി പോയില്ല..... രണ്ട് രാത്രി കഴിഞ്ഞ ആ പകലിൽ ഒരു കാറ് ചീറി പ്പാഞ്ഞു കൊണ്ട് ആ മുറ്റത്തേക്ക് വന്നു നിന്നു..... അതിൽ നിന്നും രവിയിറങ്ങുമ്പോൾ ഉമ്മറത്തിരുന്നിരുന്ന മുത്തശ്ശി ഒന്ന് കൂടി നോക്കി... വർഷങ്ങൾക്ക് ശേഷം മരുമകൻ വന്ന സന്തോഷമായിരുന്നില്ല അവരിൽ നിറഞ്ഞത്..... മറിച്.... പറഞ്ഞറിയിക്കാൻ പറ്റാത്ത ഭയമായിരുന്നു........ (തുടരും) Aysha Akbar #📔 കഥ #💞 പ്രണയകഥകൾ