അദൃശ്യം ഭാഗം 17 ഷാനു.വടക്കാഞ്ചേരി രാഘവേട്ടൻ  അല്പനേരം ഒന്ന് ആലോചിച്ചു നിന്നു.എന്നിട്ട് പറഞ്ഞു ഒരാളുണ്ട് സാർ. പേര് ഷീല ഇവിടെയുള്ള ഫ്ലാറ്റിൽ പണിക്ക് വരുന്ന സ്ത്രിയാണ്.ബാലു സാറിന്റെ ഭാര്യയുമായി വലിയ അടുപ്പമാണ് അവർക്ക്. കാരണം ആ സ്ത്രീയുടെ മകളെ പഠിപ്പിക്കുന്നത് അവരായിരുന്നു. അവരെ കണ്ടാൽ ഒരുപക്ഷെ ബാലു സാറിന്റെ ഭാര്യയെ കുറച്ചു അറിയാൻ കഴിയും... ഇവരുടെ സംസാരം മുകളിൽ നിന്നുകൊണ്ട് ഇവർ ആദ്യം സംസാരിച്ച സ്ത്രീ ശ്രദ്ധിക്കുന്നുണ്ടായിരുന്നു. അത് രുദ്ര കണ്ടിരുന്നു. രുദ്ര ആ സ്ത്രിയെ നോക്കി. അത് കണ്ടപ്പോൾ അവിടെ നിന്നും മാറി. രുദ്രക്ക് ആദ്യമേ ആ സ്ത്രിയുടെ സംസാരം അത്രക്ക് പിടിച്ചിട്ടുണ്ടായിരുന്നില്ല. രുദ്ര  സെക്യൂരിറ്റിയോട്  ആ സ്ത്രിയെ താഴേക്ക് വിളിക്കാൻ പറഞ്ഞു. അതുകേട്ട സെക്യൂരിറ്റി അവരുടെ ഫ്ലാറ്റിലേക്ക് ഫോൺ ചെയ്ത് താഴേക്ക് വരാൻ അവരോട് ആവശ്യപ്പെട്ടു. അവർ ആദ്യം സമ്മതിച്ചില്ലെങ്കിലും സെക്യൂരിറ്റി കാര്യങ്ങൾ അവരെ പറഞ്ഞ് മനസ്സിലാക്കി. അവർ താഴേക്ക് ഇറങ്ങി വന്നു.എന്നിട്ട് ആ സ്ത്രീ ഭയത്തോടെ അവരോട് ചോദിച്ചു... എന്താ സാർ... ഇനി പറ നിങ്ങൾക്ക് സുജാതയെ അറിയുമോ... (രുദ്ര ചോദിച്ചു ) ഇല്ല.. അവർ എവിടെയാണ് എന്നറിയില്ല എന്നൊക്കെ കള്ളം പറയാനുള്ള ഉദ്ദേശ്യമാണെങ്കിൽ  ഞങ്ങൾ ഇത്രയും നേരം സംസാരിച്ചപോലെ ആവില്ല ഇനി മുന്നോട്ട്. (ഫിറോസ് അൽപ്പം ദേഷ്യത്തോടെ പറഞ്ഞു ) ഇത്രയും നേരം ഞങ്ങൾ സംസാരിച്ചത് ഇവിടെ ഒരു സീൻ ക്രീയേറ്റ് ചെയ്യേണ്ട എന്ന് ഉദ്ദേശിച്ചു മാത്രമാണ്. ഇപ്പോൾ ഞങ്ങൾ ആരാണെന്ന് മനസ്സിലായിട്ടുണ്ടാവുമല്ലോ. രുദ്രയും പറഞ്ഞു നിർത്തി.. സോറി മേടം... ഞാൻ.... എന്ത് പറയണം എന്ന് അറിയാതെ അവൾ തല താഴ്ത്തി നിന്നു... രുദ്ര തുടർന്നു... സുജാത ഇപ്പോൾ എവിടെയുണ്ട്... മേടം അവൾ ചെന്നൈയിൽ ആണ് താമസം അവളുടെ മകന്റെ ഒപ്പം. മകന് അവിടെയാണ് ജോലി.... സുജാതയുടെ നമ്പർ ഉണ്ടോ തന്റെ കൈയ്യിൽ... ഇല്ല മേടം... പിന്നെ എങ്ങനെയാണ് അവൾ ഒരു മാസം മുമ്പ് ഇവിടുത്തെ വാർഷികത്തിന് വന്നത്... (ഫിറോസ് ചോദിച്ചു ) അത് സാർ അവൾ ഇടയ്ക്ക് ഇങ്ങോട്ട് വിളിക്കാറുണ്ട്. വാർഷികത്തിന്റെ ഒരാഴ്ച്ച മുമ്പ് വിളിച്ചപ്പോൾ ഞാൻ പറഞ്ഞിരുന്നു വരാൻ അങ്ങനെ വന്നതാണ്.ഞാൻ അവളോട്‌ പലവട്ടം ചോദിച്ചിരുന്നു നമ്പർ തരാൻ പക്ഷേ അവൾ തന്നില്ല. ഞാൻ ഇടയ്ക്ക് ഇങ്ങോട്ട് വിളിക്കാം എന്ന് പറഞ്ഞു. അന്ന് വന്നു പോയതിനു ശേഷം പിന്നെ എപ്പോഴെങ്കിലും വിളിച്ചോ... ഇല്ല മേടം... എന്നാൽ ഇങ്ങോട്ട് വിളിച്ച നമ്പർ കാണില്ലേ അത് തരു... (ശരത് ചോദിച്ചു ) അത് സാർ അവൾ ഫ്ലാറ്റിലെ ലാൻഫോണിലേക്കാ വിളിക്കാറ്. അതുകൊണ്ട് ഏത് നമ്പറിൽ നിന്നാണ് വിളിക്കുന്നത്‌ എന്നറിയില്ല.. അതെന്താ ലാൻഫോണിലേക്ക് വിളിക്കുന്നത്‌ തന്റെ കൈയ്യിൽ മൊബൈൽ ഇല്ലേ .... ഉണ്ട് മേടം... പിന്നെന്താ... താൻ എന്തൊക്കെയോ ഞങ്ങളിൽ നിന്നും ഒളിക്കുന്നുണ്ടല്ലോ... ഇല്ല മേടം... ഞാൻ പറയുന്നത് സത്യമാണ്... താൻ എന്താണെങ്കിലും ഞങ്ങളോട് തുറന്നു പറഞ്ഞോ തനിക്കും തന്റെ കൂട്ടുകാരിക്കും ഒന്നും സംഭവിക്കില്ല... അത് മേടം... നോക്ക് ഞങ്ങൾ ഇപ്പോൾ തന്നോട് സംസാരിക്കുന്നത് പോലീസ് ആയിട്ടല്ല. പക്ഷേ ഞങ്ങളെ ആ രീതിയിൽ ആക്കരുത്. അപ്പോൾ ഞങ്ങൾ ഇങ്ങനെയല്ല തന്നോട് സംസാരിക്കുക... (ഫിറോസ് വീണ്ടും ദേഷ്യത്തോടെ പറഞ്ഞു) സാർ... അവൾ ദയയോടെ വിളിച്ചു... നോക്കൂ... ഞങ്ങൾ സുജാതയെ കാണാൻ വേണ്ടി വന്നതാണ്. ചില കാര്യങ്ങൾ അറിയണം. അല്ലാതെ വേറേ ഒന്നിനും വന്നതല്ല. താൻ സത്യം പറയുകയാണെങ്കിൽ ഇത് ഇവിടെ തീരും ഇല്ലെങ്കിൽ.... മേടം ഞാൻ പറഞ്ഞതെല്ലാം സത്യമാണ്... താൻ ആരെയാണ് ഭയക്കുന്നത്... മേടം... ഞാൻ പറയാം... ഉം.. പറ ബാലു ചേട്ടൻ ഇടയ്ക്കിടെ വരാറുണ്ടങ്കിലും ഒന്നോ രണ്ടോ ദിവസം മാത്രമേ ഇവിടെ നിൽക്കാറുള്ളു. അപ്പോഴെല്ലാം ഇവിടെ വലിയ ആഘോഷമാണ്. എന്റെ ഹസ്ബന്റ് ഗൾഫിലായത് കൊണ്ട് ഞങ്ങൾ എപ്പോഴും ഒരുമിച്ചായിരുന്നു. ബാലു ചേട്ടന് ഞാൻ ഒരു അനിയത്തിയെ പോലെയാണ്. കുറേ കാലം വളരെ സന്തോഷത്തിലാണ് കഴിഞ്ഞിരുന്നത്. പിന്നെ പിന്നെ എല്ലാം അവസാനിച്ചു തുടങ്ങി. ബാലു ചേട്ടൻ വരാറുണ്ടങ്കിലും ആ പഴയ സന്തോഷവും ആഘോഷങ്ങളും ഇല്ലാതെയായി. മാസത്തിൽ ഒന്നോ രണ്ടോ തവണ വരാറുണ്ടായിരുന്ന ആള് പിന്നെ വല്ലപ്പോഴുമായി വരവ്. ഞാൻ സുജാത ചേച്ചിയോട് ചോദിച്ചപ്പോൾ ചേച്ചി ഒന്നും പറഞ്ഞില്ല. പിന്നീട് ഒരു ദിവസം വന്നപ്പോൾ ഞാൻ ബാലു ചേട്ടനോട് എന്താ കാര്യം എന്ന് ചോദിച്ചു ആദ്യമൊന്നും ഒന്നും പറഞ്ഞില്ലെങ്കിലും പിന്നീട് ചേട്ടൻ പറഞ്ഞു. ബിസിനസ്സ് എല്ലാം വളരെ നഷ്ടത്തിലാണ് ഇവിടുത്തെ ബിസിനസെല്ലാം അവസാനിപ്പിക്കാൻ പോവുകയാണ് എന്നൊക്കെ പറഞ്ഞു. ചേട്ടൻ പറയുന്നത്  ഒന്നും എനിക്ക് മനസ്സിലായില്ല. എന്താണെങ്കിലും എന്നോട് തുറന്നു പറ എന്ന് ഞാൻ പറഞ്ഞപ്പോൾ അതൊന്നും പറഞ്ഞിട്ട് കാര്യമില്ല അവർ എന്നേ ചതിക്കുകയായിരുന്നു എന്നൊക്കെ പറഞ്ഞു.ഞാൻ ചോദിച്ചു ആര് ചതിച്ചു എന്നാണ് പറയുന്നത് ചേട്ടാ. അതൊന്നും ഇനി പറഞ്ഞിട്ട് കാര്യമില്ല നീ എനിക്ക് ഒരു ഉപകാരം ചെയ്യണം.ഞാൻ ചോദിച്ചു എന്താ ചേട്ടാ. ഞാൻ സുജാതയുടെയും എന്റെ മകൻ മനുവിന്റെയും പേരിൽ ഇവിടെ അടുത്ത് ഒരു വീടും അമ്പത് സെന്റ് സ്ഥലവും വാങ്ങിച്ചിട്ടുണ്ട്.പിന്നെ മനുവിന്റെ പേരിൽ കുറച്ചു ക്യാഷും ബാങ്കിൽ ഇട്ടിട്ടുണ്ട്. അത് ഞാൻ അവരോട് പറഞ്ഞിട്ടില്ല.എനിക്ക് നാളെ എന്തെങ്കിലും സംഭവിച്ചാൽ ആരുടേയും മുന്നിൽ കൈ നീട്ടാതെ അവർക്ക് ജീവിക്കണ്ടേ. അതിന്റെ ബാങ്ക് ഡിറ്റേൽസും മറ്റും ആണ് ഇത് എനിക്ക് എന്തെങ്കിലും സംഭവിക്കുകയാണെങ്കിൽ നീ ഇത് ആരും അറിയാതെ അവരെ ഏൽപ്പിക്കണം എന്ന് പറഞ്ഞിട്ട് എന്റെ കൈയ്യിൽ ഏൽപ്പിച്ചു. അവിടുന്ന് ഏകദേശം ഒരു മാസം കഴിഞ്ഞപ്പോഴാണ് ബാലു ചേട്ടൻ ഒരു ആക്സിഡന്റിൽ മരിച്ചത്. ചേട്ടന്റെ മരണ ശേഷം ഞാൻ അത് സുജാത ചേച്ചിയെ ഏല്പിച്ചെങ്കിലും ആദ്യം അവർ അത് വാങ്ങാൻ കൂട്ടാക്കിയില്ല. പിന്നെ എന്റെ നിർബന്ധത്തിന് വഴങ്ങി അത് വാങ്ങിച്ചു. പക്ഷേ ബാലു ചേട്ടൻ മരിച്ചു ദിവസങ്ങൾ കഴിയുന്നതിനു മുമ്പ് ഒരു ദിവസം എന്നേ തിരഞ്ഞു ഒരാൾ ഞാൻ ജോലി ചെയ്യുന്ന സ്ഥലത്ത് വന്ന് എന്നേ കുറേ ഭീഷണിപ്പെടുത്തി. ബാലു ചേട്ടൻ തന്ന വീടിന്റെ പ്രമാണങ്ങളും ബാങ്ക് ഡീറ്റേൽസും അവരെ ഏൽപ്പിക്കാൻ പറഞ്ഞു. ഞാൻ അവരിൽ നിന്നും ഒഴിഞ്ഞു മാറാൻ കുറേ ശ്രമിച്ചു. പക്ഷെ അവരെന്നെ വിട്ടില്ല. പിന്നീട് അതെല്ലാം തിരിച്ചു കൊടുത്തില്ലെങ്കിൽ എന്റെ കുഞ്ഞിനേയും എന്നേയും കൊന്നു കളയുമെന്ന് പറഞ്ഞു  ഞാൻ ഭയന്ന് ഉള്ള സത്യങ്ങളെല്ലാം അവരോട് തുറന്നു പറഞ്ഞു ആദ്യം അവർ വിചാരിച്ചിരുന്നത് ഞാനാണ് ബാലു ചേട്ടന്റെ വൈഫ്‌ എന്നാണ്.അങ്ങനെ അവരെ ഭയന്ന് സുജാത ചേച്ചി മകനേയും കൂട്ടി അവൻ ജോലി ചെയ്തിരുന്ന ചെന്നൈ യിലേക്ക് പോയി. അന്ന് അവരാരും അറിയാതെയാണ് ചേച്ചിയും മോനും ഇവിടെ വന്നത്. അവർ ഇപ്പോഴും ജീവിച്ചിരിപ്പുണ്ടെന്ന് അറിഞ്ഞാൽ അവരെയും അവർ കൊന്നു കളഞ്ഞേനേ. ഇത്രയും മാത്രമേ എനിക്ക് അറിയൂ മേടം... തനിക്ക് അവർ ആരൊക്കെ എന്ന് അറിയുമോ... ഇല്ല മേടം... പിന്നെ ഞാൻ അവരെ കണ്ടിട്ടില്ല... നോക്ക് ഈ ഫോട്ടോയിൽ കാണുന്ന ആളാണോ തന്നെ കാണാൻ വന്നത്. (ഫിറോസ് ചോദിച്ചു ) അവൾ ഫിറോസ് കാണിച്ച ഫോട്ടോയിലേക്ക് ഒന്ന് നോക്കി.എന്നിട്ട് പറഞ്ഞു... അതെ സാർ ഇയാളാണ് വന്നത്.... ഇയാളെ കുറിച്ച് കൂടുതൽ എന്തെങ്കിലും തനിക്ക് അറിയുമോ... ഇല്ല... മേടം. ഇയാളുടെ സംസാരം തമിഴിലായിരുന്നു. കൂടുതൽ ഒന്നും അറിയില്ല... Ok...താൻ പേടിക്കണ്ട ഞങ്ങൾ ബാലുവിന്റെ സുഹൃത്തുക്കൾ ആണ് അവന്റെ ഭാര്യയെ കാണാൻ വേണ്ടി വന്നതാണ്. പിന്നെ ഞങ്ങൾ വന്ന കാര്യം നമ്മൾ ഇത്രയും പേര് മാത്രം അറിഞ്ഞാൽ മതി. താൻ പൊക്കോളൂ... Ok മേടം... രാഘവേട്ട ചേട്ടൻ കുറച്ചു മുമ്പ് ഇവിടെ പണിക്ക് വരുന്ന ഒരു സ്ത്രിയുടെ കാര്യം പറഞ്ഞില്ലേ... ഉവ്വ് ഷീല... ആളുടെ വീട് എവിടെയാണെന്ന് അറിയുമോ... അറിയാം സാർ എന്റെ വീട്ടിലേക്ക് പോകുന്ന വഴിയാണ്... ആ സ്ത്രിയെ ഒന്ന് കാണാൻ എന്താ വഴി... സാർ എന്റെ ഡ്യൂട്ടി ഇപ്പോൾ കഴിയും നമ്മുക്ക് ഒരുമിച്ചു പോകാം... Ok ഞങ്ങൾ വെയ്റ്റ് ചെയ്യാം... അതും പറഞ്ഞ് അവർ അവരുടെ വണ്ടി പാർക്ക് ചെയ്ത സ്ഥലത്തേക്ക് പോയി... മേടം... ആരായിരിക്കും അയാൾ എവിടെ പോയാലും ഈ തമിഴൻ ഉണ്ടല്ലോ. എന്നിട്ട് നമുക്ക് മാത്രം കാണാൻ സാധിക്കുന്നില്ലല്ലോ... (ഫിറോസ് ചോദിച്ചു ) അയാളെ കണ്ടുപിടിക്കാനല്ലേ നമ്മൾ അന്വേഷിക്കുന്നത് അയാളെ നമ്മുടെ കൈയ്യിൽ കിട്ടും.ആദ്യം നമ്മുക്ക് ആ ഷീല എന്ന് പറയുന്ന സ്ത്രിയെ ഒന്ന് കാണാം ആൾക്ക് ഇനി എന്താ പറയാനുള്ളത് എന്ന് കൂടി കേൾക്കാം... Ok മേടം... ശരത് തനിക്ക് ബോറടിക്കുന്നുണ്ടോ... ഹേയ് ഇല്ല ഫിറോസ്... അവരുടെ സംസാരത്തിനിടെ രാഘവേട്ടൻ അവരുടെ അടുത്തേക്ക് വന്നു... പൂവാ സാറേ... ഇവിടുന്ന് എത്ര ദൂരമുണ്ട് രാഘവേട്ട... ഒരു മൂന്ന് കിലോമീറ്റർ രാഘവേട്ടൻ പറഞ്ഞു... സാറേ അവളൊരു പാവമാണ്. കൂടുതലൊന്നും ചോദിച്ച് പേടിപ്പിക്കരുത്. അവളുടെ ഭർത്താവ് ഈ ഫ്ലാറ്റിലെ ജോലിക്കാരൻ ആയിരുന്നു. ഒരു ദിവസം ഫ്ലാറ്റ് ക്ലീൻ ചെയ്യുന്നതിനെ മുകളിൽ നിന്നും കാൽ വഴുതി വീണതാ ആ വീഴ്ചയിൽ രണ്ട് കാലും തളർന്ന് കിടപ്പിലാ. അന്ന് ബാലു സാറാണ് ആളുടെ ഹോസ്പിറ്റൽ ചെലവ് ചെയ്ത് സഹായിച്ചത്... ഓ ബാലു സാറ് ഒരു പരസഹായി ആയിരുന്നല്ലേ... അതെ സാറേ. എന്റെ മോളുടെ കല്ല്യാണത്തിന് സാറാണ് നല്ലൊരു തുക തന്ന് സഹായിച്ചത്. അതൊന്നും ഒരിക്കലും മറക്കാൻ പറ്റില്ല സാറേ... അവരുടെ സംസാരത്തിന്റെ ഇടയിൽ ഷീലയുടെ വീട്ടിൽ എത്തി... അതാ സാറേ അവളുടെ വീട്. സാറുമാര് ഇവിടെ ഇരിക്ക് ഞാൻ പോയി അവളോട്‌ കാര്യങ്ങൾ പറഞ്ഞിട്ട് വരാം... ശെരി... പിന്നെ ഞങ്ങൾ പോലീസാണെന്ന് അവരോടു പറയണ്ട ബാലുവിന്റെ സുഹൃത്തുക്കളാണെന്ന് പറഞ്ഞാൽ മതി... അവിടുന്ന് അൽപ്പ സമയം കഴിഞ്ഞപ്പോൾ രാഘവേട്ടൻ തിരിച്ചെത്തി എന്നിട്ട് പറഞ്ഞു... സാറേ ഞാൻ കാര്യങ്ങളെല്ലാം അവളോട്‌ പറഞ്ഞിട്ടുണ്ട്. വരൂ നമുക്ക് അങ്ങോട്ട്‌ പോകാം... അവരെ കണ്ടപ്പോൾ ഷീല പുറത്തേക്ക് വന്നു.അവർ മൂന്ന് പേരും അവരെ പരിചയപ്പെടുത്തി... പറയൂ ഷീല. നിങ്ങളുടെ സുജാത ചേച്ചിയെ പറ്റി... (രുദ്ര പറഞ്ഞു ) സുജാത ചേച്ചി... ചേച്ചി എവിടെ ഉണ്ട് എന്ന് ഞങ്ങൾക്ക് അറിയാം. ഞങ്ങൾക്ക് അവരെ ഒന്ന് കാണണം ചില കാര്യങ്ങൾ അറിയണം അതിന് അവരുടെ അഡ്രസ്സോ ഫോൺ നമ്പറോ ഉണ്ടെങ്കിൽ ഒന്ന് തന്നാൽ മതി ഞങ്ങൾ ചേച്ചിയെ നേരിട്ട് കണ്ടോളാം... ചേച്ചി വല്ലപ്പോഴും ഒന്ന് വിളിക്കും മോളുടെയും ചേട്ടന്റെയും വിശേഷങ്ങൾ അറിയാൻ വേണ്ടി. പിന്നെ ഇടക്ക് ചേട്ടനുള്ള മരുന്നിനും മോൾക്ക് പഠിക്കാനുള്ള പൈസയും അയച്ച് തരും... ചേച്ചി വിളിക്കുമ്പോൾ വേറേ എന്തെങ്കിലും പറയുകയോ ചോദിക്കുകയോ ചെയ്യാറുണ്ടോ. (രുദ്ര ചോദിച്ചു ) ഒരു ദിവസം വിളിച്ചപ്പോൾ ചേച്ചിയെ അന്വേഷിച്ചു ആരെങ്കിലും വരാറുണ്ടോ എന്ന് ചോദിച്ചു.ഞാൻ പറഞ്ഞു ഇല്ല ആരും വന്നിട്ടില്ല എന്ന്. പിന്നെ ചേച്ചി ചെന്നൈയിലേക്ക് പോകുന്നതിനു മുമ്പ് ഒരു പെട്ടി എന്നേ ഏൽപ്പിച്ചിരുന്നു.അത് ആരോടും പറയരുത് എന്നും പറഞ്ഞു... ആ പെട്ടി ഇപ്പോൾ തന്റെ കൈയ്യിൽ ഉണ്ടോ.. ഉണ്ട് ഞാൻ അത് സൂക്ഷിച്ചു വെച്ചിട്ടുണ്ട്... അതൊന്ന് കാണിച്ചു തരാമോ ( ഫിറോസ് ചോദിച്ചു ) അത് കേട്ടപ്പോൾ അവൾ അത് എടുത്തു കൊണ്ട് വന്നു അവർക്ക് കൊടുത്തു... ഈ പെട്ടി നമ്പർ ലോക്കണല്ലോ. ഇത് എങ്ങനെ തുറക്കും. ഇതിന്റെ നമ്പർ അറിയുമോ... ഇല്ല... അന്ന് ഈ പെട്ടി മാത്രമേ എന്നേ ഏൽപ്പിച്ചോള്ളൂ... എന്തായാലും ഈ പെട്ടി ഞങ്ങൾ കൊണ്ട് പോകുന്നുണ്ട്.സുജാത ചേച്ചിയോട് ഞങ്ങൾ പറഞ്ഞോളാം. പിന്നെ ചേച്ചി വിളിക്കാറുള്ള നമ്പർ ഒന്ന് തരണം.ചേച്ചിയോട് പെട്ടിയുടെ കാര്യം ഞങ്ങൾ വിളിച്ചു പറഞ്ഞോളാം... മോളെ നീ പേടിക്കണ്ട ഇവർ ബാലു സാറിന്റെ കൂട്ടുകാരല്ലേ (രാഘവേട്ടൻ പറഞ്ഞു ) എന്ന ശെരി ഞങ്ങൾ ഇറങ്ങട്ടെ രാഘവേട്ടാ... അതും പറഞ്ഞ് അവർ മൂന്ന് പേരും അവിടെ നിന്നും ഇറങ്ങി.വണ്ടിയും എടുത്ത് അവർ തിരിച്ചു പോന്നു. പക്ഷേ അവരെ നിരീക്ഷിച്ചു കൊണ്ട് ഒരു കറുത്ത ഇനോവ കാർ കുറച്ചു അപ്പുറത്ത് നിർത്തിയിട്ടിരുന്നത് അവർ കണ്ടില്ല. അവർ വണ്ടിയും എടുത്ത് പോകുന്നതിനു പിന്നാലെ ആ ഇനോവ കാറും അവരുടെ പിന്നിലായി ഫോളോ ചെയ്ത് വരുന്നുണ്ടായിരുന്നു അല്പം ദൂരം പിന്നിട്ടപ്പോൾ ആ ഇനോവ കാർ അവരെ പിന്തുടരുന്നുണ്ടെന്ന് ശരത്തിന് തോന്നി.ശരത് അത് അവരോട് പറഞ്ഞില്ല. കുറച്ചുകൂടി വണ്ടി മുന്നോട്ട് പോയി കൊണ്ടിരുന്നു കൂടെ ആ ഇനോവ കാറും. സമയം ഒരുപാട് വൈകിയത് കൊണ്ട് ശരത് ചോദിച്ചു... മേടം... മേടത്തിന് വിശക്കുന്നില്ലേ. നമുക്ക് ഭക്ഷണം കഴിച്ചാലോ... ആ എനിക്ക് വിശക്കുന്നുണ്ട്. ഞാൻ ആ കാര്യം അങ്ങോട്ട് പറയാൻ വരികയായിരുന്നു... അത് കേട്ടപ്പോൾ ശരത് ഒരു ഹോട്ടലിന്റെ മുമ്പിൽ വണ്ടി നിർത്തി.കുറച്ചു അപ്പുറത്തായി ആ ഇനോവ കാറും. അവർ മൂന്ന് പേരും വണ്ടിയിൽ നിന്നും ഇറങ്ങി ഹോട്ടലിലേക്ക് കയറി. കുറച്ചു കഴിഞ്ഞപ്പോൾ അവരെ നിരീക്ഷിച്ചുകൊണ്ട് വന്ന ഇനോവ കാറിലുള്ള ആളും ഇറങ്ങി അകത്തേക്ക് കയറി.... തുടരും.... #🕵️‍♀️ കുറ്റാന്വേഷണ കഥകൾ #📔 കഥ #📙 നോവൽ