உடலுக்கு உகந்த சித்த மருத்துவம் பொதுவாக அறிகுறிகளை வைத்து சிகிச்சை அளிப்பது ஆங்கில (அலோபதி) மருத்துவ சிகிச்சை முறையாகும். ஆனால், சித்த மருத்துவத்தில் உடலமைப்பினை (Constitution) சமநிலைப் படுத்துவதன் மூலம் நோய்களுக்கு சிகிச்சை அளிக்கப்படுகிறது. பித்தம், வாதம், மற்றும் கபம் ஆகியவை சித்த மற்றும் ஆயுர்வேத மருத்துவத்தில் உடலின் மூன்று முக்கிய தோஷங்கள் ஆகும், மேலும் நான்காவது எதுவும் இல்லை.  இவை உடலின் செயல்பாடுகளை சமநிலையில் வைத்து கட்டுப் படுத்துகின்றன; வாதம் இயக்கத்தையும், பித்தம் வளர்சிதை மாற்றத்தையும், கபம் கட்டமைப்பையும் நிர்வகிக்கிறது.  மூன்று தோஷங்கள்: வாதம்: உடலின் இயக்கங்களுடன் சம்பந்தப் பட்டது. இது நரம்பு மண்டலத்தின் செயல்பாடுகள், மற்றும் சுவாசம் போன்றவற்றுடன் தொடர்புடையது.  பித்தம்: இது ஜீரணம் மற்றும் வளர்சிதை மாற்றத்தில் முக்கிய பங்கு வகிக்கிறது.  கபம்: உடலின் கட்டமைப்பைப் பராமரிப்பதுடன், தசை, கொழுப்பு மற்றும் எலும்புகளை உருவாக்குவதிலும், உடலின் வெப்ப நிலையை சமன் படுத்துவதிலும் தொடர்புடையது.  மேற்கண்ட மூன்று தோஷங்களும் உடலில் சமநிலையில் இருக்கும்போது, உடல் ஆரோக்கியமாக இருக்கிறது. இவை சமநிலையை இழக்கும்போது உடலில் பல்வேறு நோய்கள் ஏற்படுவதாக சித்த மருத்துவம் கூறுகிறது.  ஆயுர்வேதம் மற்றும் சித்த மருத்துவ சிகிச்சை முறையில், மருந்துகளை உட்கொள்வதால் ஏற்படும் பக்கவிளைவுகள் பெரும்பாலும் இருப்பதில்லை. சித்த மருந்துவ முறையில் நோய்கள் குணமாவதுடன், பொதுவான உடல் ஆரோக்கியமும் மேம்படுகிறது. சித்தா மற்றும் ஆயுர்வேதா முறைகளில் நோயியல், மூலிகை பயன்பாடு போன்ற பல ஒற்றுமைகள் இருந்தாலும், சித்தர்கள் வடிவமைத்த சித்த மருத்துவம் தமிழ்நாட்டைச் சேர்ந்தது; உடலின் மீது உள்ள பஞ்சபூதங்களின் தாக்கத்தையும் அடிப்படையாகக் கொண்டது. ஆங்கில மருத்துவம் நேரடியான சிகிச்சை முறை என்பதால் சில சமயங்களில் சில நோய்கள் விரைவாக குணமாகலாம். ஆனால், சித்த மருத்துவத்தின் நோக்கம் உடலின் மூன்று விதமான தோஷங்களிலும் சமநிலையை ஏற்படுத்தி நோய்கள் தீர்க்கப்படவேண்டும் என்பதால் சில நோய்கள் குணமடைவதற்கு நாளாகலாம். ஆனால், அது ஓரளவிற்கு நிரந்தரமான தீர்வாக இருக்கும். நோய்கள் தீர்வதற்கான மருத்துவ சிகிச்சை எடுத்துக் கொள்வதற்கு முன்னால், அலோபதி மட்டுமல்லாமல் சித்த மருத்துவர்களிடம் ஆலோசனை பெற்று, தகுந்த சிகிச்சை முறையை பின்பற்றலாம். பல சமயங்களில், பல்வேறு நோய்களுக்கு சித்த மருத்துவம் எளிமையான தீர்வுகளைத் தருகிறது. எளிமையான பாட்டி வைத்தியம்கூட சித்த மருத்துவத்தின் ஒரு கூறுதான்! படித்துவிட்டீர்களா "எமனுடன் ஒரு டீலிங்" @ அமேசான் KDP? https://www.amazon.in/dp/B0CTWWM13L #அரசியல் #✍️ கதைகள் #✍🏻புது கவிதைகள்📝 #நாட்டுநடப்பு