യുവാക്കളുടെ ജീവിതം നരകമാക്കുന്ന കേന്ദ്ര സർക്കാർ നയങ്ങൾക്കും തൊഴിലില്ലായ്മയ്ക്കുമെതിരെ യുവാക്കളുടെ പുതിയ പാർട്ടി ഏറ്റെടുത്ത് ഇൻസ്റ്റ​ഗ്രാം. തൊഴിലില്ലാത്ത യുവാക്കൾ പാറ്റയെപ്പോലെയാണെന്ന ചീഫ് ജസ്റ്റിസിൻ്റെ പരാമർശത്തിനെതിരെ പ്രതിഷേധിച്ച് സൃഷ്ടിക്കപ്പെട്ട ആക്ഷേപഹാസ്യ പാർട്ടിയാണ് സിജെപി അഥവാ കോക്രോച്ച് ജനത പാർട്ടി. തൊഴിലില്ലാത്ത കുറച്ച് യുവാക്കളുണ്ട്. അവരിൽ ചിലർ മാധ്യമ പ്രവർത്തകരായും സോഷ്യൽ മീഡിയയിൽ ആർടിഐ, മറ്റ് ആക്ടിവിസ്റ്റുകളായും എല്ലാവരെയും ഉപദ്രവിക്കുകയാണെന്നായിരുന്നു ചീഫ് ജസ്റ്റിസ് സൂര്യകാന്തിൻ്റെ പരാമർശം. ഞങ്ങൾ പാറ്റകളാണ്, ഇന്ത്യയെ നിങ്ങൾ അഴുക്കുചാലുകളാക്കി മാറ്റി. അവിടെ പിന്നെ പാറ്റകളല്ലാതെ മറ്റെന്താണ് ഉണ്ടാവുക എന്ന് പേജിന് പിന്നിലുള്ള യുവാക്കൾ ചോദിക്കുന്നു. ഏത് പ്രതിസന്ധിയെയും അതിജീവിക്കാൻ കഴിയുന്ന പ്രാണിയാണ് പാറ്റയെന്നും അതുകൊണ്ട് അതിനെ പ്രതീകമാക്കിയതെന്നും സൃഷ്ടാക്കൾ വ്യക്തമാക്കുന്നു. പാർട്ടിക്കായി വെബ്സൈറ്റും മാനിഫെസ്റ്റോയുമുൾപ്പടെ സൃഷ്ടാക്കൾ പുറത്തിറക്കിയിട്ടുണ്ട്. ചീഫ് ജസ്റ്റിസുമാർക്ക് വിരമിക്കലിന് ശേഷമുള്ള രാജ്യസഭാ പദവികൾക്ക് നിരോധനം, 'ഗോദി മീഡിയ' ആങ്കർമാരുടെ ബാങ്ക് അക്കൗണ്ടുകളെക്കുറിച്ച് അന്വേഷണം, തെരഞ്ഞെടുപ്പിൽ അർഹതപ്പെട്ട വോട്ടുകൾ റദ്ദാക്കപ്പെട്ടാൽ ശക്തമായ നടപടി, ക്യാബിനറ്റ് പദവികളിൽ സ്ത്രീകൾക്ക് 50% സംവരണം, രാഷ്ട്രീയ പാർട്ടി മാറുന്ന എംഎൽഎമാർക്കും എംപിമാർക്കും 20 വർഷത്തെ തെരഞ്ഞെടുപ്പ് വിലക്ക് ഉൾപ്പടെയുള്ള ആവശ്യങ്ങളാണ് മാനിഫെസ്റ്റോയിലുള്ളത്. നീറ്റ് വിവാദത്തിൽ വലയുന്ന വിദ്യാർഥികൾക്ക് പിന്തുണ പ്രഖ്യാപിച്ച പാർട്ടി സിബിഎസ്ഇ റീചെക്കിംഗ് ഫീസ് ഒഴിവാക്കണമെന്നും ആവശ്യപ്പെട്ടിട്ടുണ്ട്. തൊഴിലില്ലായ്മയ്ക്കും അഭിപ്രായ സ്വാതന്ത്ര വിലക്ക് അടക്കമുള്ള കേന്ദ്ര സർക്കാരിൻ്റെ ഫാസിസ്റ്റ് നയങ്ങൾക്കുമെതിരെ കടുത്ത വിമർശനങ്ങളാണ് സിജെപി ഉയർത്തുന്നത്. സോഷ്യൽ മീഡിയയിലും പുറത്തും വലിയ പിന്തുണയാണ് സൃഷ്ടിക്കപ്പെട്ട് ദിവസങ്ങൾക്കകം കോക്രോച്ച് ജനത പാർട്ടിക്ക് ലഭിച്ചുകൊണ്ടിരിക്കുന്നത്. . . . . . . . . . . #🗳️ രാഷ്ട്രീയം #🔴 എൽഡിഎഫ് #🙏 രാഹുൽ ഗാന്ധി #🔵 യുഡിഎഫ് #🔶 BJP