#🌻आध्यात्म 🙏 #💐संत महंत🙏 #✍️भक्ती संदेश . .. [] ज्ञानेश्वरीतील ज्ञानामृत चिंतन [] . ************************ . जो धारण करतो तो धर्म होय. संतोष, क्षमा, मनाचे दमन चोरी न करणे, अंतर्बाह्य शुचित्व इंद्रियांचा निग्रह, तत्त्वजिज्ञासू बुद्धी. आत्मज्ञान, सत्य व अक्रोध असे दशविध धर्मलक्षण आहे म्हणजेच मानवता व सदाचार हाच धर्माचा गाभा आहे. ************************************************* . दैत्यांची कुळे नार्शी । साधूचा मानु गिंवशी l . धर्मासी नितीशी । शेन भरले ll . **************[ अ.४/५३]*************** . .ll अर्थ ll दैत्य कुळांचा नाश करतो. साधूंना मान दर्शवितो आणि धर्म व नीती यांची सांगड घालतो. . ll चिंतन ll . भगवंत म्हणतात, जेवढे म्हणून धर्म आहेत त्यांचे रक्षण करणे हा माझा स्वभाव आहे. जेव्हा अधर्म धर्माचा पराभव करतो त्यावेळी अवतार घेऊन मी धर्माचे रक्षण करतो. . भक्तांच्या कैवारासाठी मी अवतार घेऊन अज्ञान दूर करतो. सज्जनांच्या हातून सुखाची पताका फडकावतो. दैत्य कुळांचा नाश करतो. साधूंचा मान राखतो. धर्म व नीती यांची सांगड घालतो. . विवेकरूपी दिव्याला आलेली अविचारांची काजळी झाडून तो दिवा प्रज्वलित करतो. मी अवतार घेतो तेव्हा पापांचे डोंगर नाहिसे होतात. पुण्याचा प्रातःकाल होतो. याप्रमाणे प्रत्येक युगात मी अवतार घेतो. . जो धारण करतो तो धर्म होय. संतोष, क्षमा, मनाचे दमन चोरी न करणे, अंतर्बाह्य शुचित्व इंद्रियांचा निग्रह, तत्त्वजिज्ञासू बुद्धी. आत्मज्ञान, सत्य व अक्रोध असे दशविध धर्मलक्षण आहे म्हणजेच मानवता व सदाचार हाच धर्माचा गाभा आहे. . नीतीधर्म, वर्णधर्म, आश्रमधर्म, गुणधर्म, निमित्त धर्म, आपद्धर्म असे धर्माचे विविध प्रकार सांगितले आहेत. धर्मांनी ऐहिक सुखापेक्षा पारलौकिक कल्याणाला अधिक महत्त्व दिले आहे. अशा या धर्मात कोणालाही निषेध नाही कोणालाही मज्जाव नाही. . धर्माचे आपण रक्षण करावे म्हणजे धर्मही आपले रक्षण करतो असे महाभारतात म्हटले आहे. चार पुरुषार्थ, चार वर्ण, चार आश्रम, तीन ऋणे, कर्मविपाक ही सर्व धर्माची अंगे आहेत. . मत्स्य, कूर्म, वराह, नृसिंह, वामन, परशुराम, राम, कृष्ण, बुद्ध व कल्की हे दशावतार होत. यापैकी नऊ अवतार झाले असून दहावा अवतार अद्याप व्हावयाचा आहे. काही ठिकाणी शिवाजी महाराज हादेखील अवतार मानतात. ll राम कृष्ण हरी, माऊली ll