#🌻आध्यात्म 🙏 #💐संत महंत🙏 #✍️भक्ती संदेश . . . ll ज्ञानेश्वरीतील ज्ञानामृत चिंतन ll . ************** . देवपूजन, द्विजपूजन, गुरुपूजन, विद्वतपूजन, सुचिता, निष्कपटपणा, ब्रह्मचर्य, अहिंसा या आठ गुणांनी युक्त असे हे तप शारीरिक तप होय. ************************************************* . पार्था समस्तही हे करणे । देहाचेनि प्रधानपणे l म्हणौनि ययाते मी म्हणे । शरीर तप ll ***************[ ज्ञानेश्वरी-१७/२१४]**************** . ------- llअर्थ ll ------ . अर्जुना, याला शरीर तप म्हणण्याचे कारण असे की या सर्व क्रिया देहाच्या आश्रयाने होत असतात. . ll चिंतन ll . यज्ञाची बैठक तपाची असते. शारीरिक तप म्हणजे काय हे सांगताना भगवंत म्हणतात, 'देवता, ब्राह्मण, गुरू, ब्रह्मज्ञानी यांची पूजा, शुद्धता, सरळपणा, ब्रह्मचर्य आणि अहिंसा यांना शारीरिक तप म्हणतात. बारा आदित्य, अकरा रूद्र, आठ वसु दोन आश्विनीपुत्र असे तेहतीस देव झाले. तेहतीस म्हणजे तेहतीस कोटी देव झाले त्यामुळे कोणत्याही एका देवास नमस्कार केला की तो सर्व देवांना पोहोचतो. जेष्ठ, माता, पिता, अध्यापक, आजी, आजोबा हे सर्व आपले गुरू आहेत त्यांनी काही ना काही संस्कार दिले आहेत. देवपूजन, द्विजपूजन, गुरुपूजन, विद्वतपूजन, सुचिता, निष्कपटपणा, ब्रह्मचर्य, अहिंसा या आठ गुणांनी युक्त असे हे तप शारीरिक तप होय. श्री ज्ञानेश्वर महाराज म्हणतात, जो सारखा यात्रा करीत हिंडतो. देवाचे अंगण झाडून, सारवून, रांगोळी काढून सुशोभित करतो, देवाला साष्टांग नमस्कार घालतो, द्विजपूजा करतो, अडलेल्याला मदत करतो, मातापित्यांची सेवा करतो, गुरूसेवा करतो, स्वधर्माचरण करतो, लीन होतो, परोपकार करतो, स्त्रीविषयी मनोनिग्रह करतो, अखंड ब्रह्मचर्य पाळतो, गवतालाही जीव आहे असे समजून ते उपटत नाही असे वगण्याचे शरीराला जे सहज वळण पडलेले असते ते खरे शारिरीक तप होय. . . ll राम कृष्ण हरी, माऊली ll