ഇടത്തുനിന്നവർ വലത്തോട്ടു മാറിയോ? അതോ, എഴുതുന്ന പേനതൻ മഷി മാറിയോ? അധികാരക്കസേരതൻ ചായം മറിയുമ്പോൾ, മാധ്യമഭാഷതൻ ശൈലിയും മാറിയോ? അന്ന്, ജനകോടതൻ നികുതിപ്പണം ചോർന്നപ്പോൾ അതിനെ നിങ്ങൾ വിളിച്ചതോ "മോടി പിടിപ്പിക്കൽ"; ഇന്ന്, അതേ സിംഹാസനം പുതുക്കിപ്പണിയുമ്പോൾ അതിനെ വാഴ്ത്തുന്നതോ വെറും "അറ്റകുറ്റപ്പണി"! വാക്കുകളിലൊളിപ്പിച്ച ഈ വർണപ്പകിട്ടുകൾ ആരെ പ്രീതിപ്പെടുത്തുവാനുള്ളതാണ്? അന്ന്, പടിവാതിൽക്കൽ മാധ്യമം തടയപ്പെട്ടപ്പോൾ അലറിവിളിച്ചു നിങ്ങൾ — അതൊരു "കടക്ക് പുറത്ത്"; ഇന്ന്, അതേ പടിവാതിൽക്കൽ വിലക്കുകൾ വീഴുമ്പോൾ ശാന്തമായി കുറിക്കുന്നു — "അകത്ത് കടക്കരുത്"! അനാചാരവും ആചാരവും നിർവചിക്കുന്നത് ഭരണാധികാരിതൻ രാഷ്ട്രീയം മാത്രമാണോ? അന്ന്, ആകാശയാത്രകൾ ധൂർത്തായി മാറിയപ്പോൾ അതിനെ നിങ്ങൾ വിളിച്ചു "പിണറായിൻ ഹെലികോപ്റ്റർ"; ഇന്ന്, അതേ വിണ്ണിൽ ആഡംബരം ചിറകുവിരിക്കുമ്പോൾ അതൊരു "പോലീസിൻ ഹെലികോപ്റ്റർ" മാത്രമാകുന്നു! വ്യക്തികേന്ദ്രീകൃതമാം കനത്ത വിമർശനങ്ങൾ വ്യവസ്ഥിതിതൻ സംരക്ഷണമായത് എപ്പൊഴുമുതൽ? അന്ന്, ജനാധിപത്യത്തിൻ കരിദിനമെന്നു ചൊല്ലി വരികളിൽ നിങ്ങൾ കുറിച്ചതോ "മാധ്യമ വിലക്ക്"; ഇന്ന്, അതേ കടിഞ്ഞാൺ കൂടുതൽ മുറുകുമ്പോൾ ലളിതമായി മൊഴിയുന്നു "മാധ്യമ നിയന്ത്രണം"! നിഷ്പക്ഷതയുടെ മുഖംമൂടി അഴിഞ്ഞുവീഴുമ്പോൾ അധികാരത്തോടുള്ള നിൻ അടുപ്പം വെളിവാകുന്നു; വലതുപക്ഷം വാഴുമ്പോൾ വാക്കുകൾ മൃദുവാകുന്നു, ഇടതുപക്ഷം ഭരിക്കുമ്പോൾ തലക്കെട്ടുകൾ മൂർച്ചയാകുന്നു. വാർത്തകൾ മാറിയിട്ടില്ലെങ്ങും, പക്ഷേ, അവ പറയുന്ന ഭാഷ മാറിയിരിക്കുന്നു! അധികാരത്തിൻ നിറം മാറുമ്പോൾ നിൻ നിഘണ്ടുവും മാറുന്നുവെങ്കിൽ, മാധ്യമധർമ്മമേ, നീയൊരു വിചാരണ നേരിടുക തന്നെ വേണം! . . . . . . . #🗳️ രാഷ്ട്രീയം #🔵 യുഡിഎഫ് #🙏 രാഹുൽ ഗാന്ധി #🔴 എൽഡിഎഫ് #🔶 BJP